(1)

Ir-Regolament tal-Kunsill (KE) Nru 2533/98 (4) huwa element ewlieni tal-qafas legali li jappoġġa l-kompiti tal-ġbir tal-istatistika tal-Bank Ċentrali Ewropew (BĊE) megħjun mill-banek ċentrali nazzjonali. Il-BĊE konsistentement serraħ fuq dak ir-Regolament sabiex iwettaq u jissorvelja l-ġbir koordinat ta’ informazzjoni statistika neċessarja għat-twettiq tal-kompiti tas-Sistema Ewropea ta’ Banek Ċentrali (SEBĊ).

(2)

Ir-Regolament (KE) Nru 2533/98 ġie emendat diversi drabi biex jirrieżamina l-kamp ta’ applikazzjoni tar-rekwiżiti ta’ rappurtar meħtieġa għat-twettiq tal-kompiti tas-SEBĊ u biex jippermetti t-trażmissjoni u l-użu ta’ informazzjoni statistika, miġbur mis-SEBĊ, mill-membri tas-SEBĊ u awtoritajiet oħra responsabbli għas-superviżjoni, is-sorveljanza makroprudenzjali u r-riżoluzzjoni.

(3)

It-trasformazzjoni diġitali introduċiet opportunitajiet radikali u ġodda biex it-teknoloġiji diġitali jiġu integrati mhux biss fin-negozji, iżda wkoll fil-forniment ta’ servizzi pubbliċi. Dan ħoloq ambjent mingħajr preċedent li wassal għal ħtieġa għal statistika ġdida sabiex is-SEBĊ ikun jista jwettaq l-kompiti tiegħu u għamilha possibbli li d-data granulari tinġabar b’mod aktar effiċjenti. Barra minn hekk, l-iżviluppi ekonomiċi u finanzjarji reċenti bħall-emerġenza klimatika, il-pandemija tal-COVID-19 u l-kriżi tal-enerġija u tal-għoli tal-ħajja kkawżata mill-gwerra ta’ aggressjoni tar-Russja kontra l-Ukrajna amplifikaw id-domandi u l-aspettattivi għal statistika aktar f’waqtha, aktar frekwenti u aktar dettaljata meħtieġa biex tappoġġa t-twettiq tal-kompiti tas-SEBĊ. Fl-istess ħin, huwa importanti li dawk id-domandi u l-aspettattivi jiġu bbilanċjati mal-ħtieġa li l-piż impost fuq l-aġenti ta’ rappurtar jinżamm f’livell minimu, peress li l-kompetittività u l-produttività huma kundizzjonijiet essenzjali biex in-negozji jiffjorixxu. Għal dik ir-raġuni, huwa importanti li l-qafas legali jiġi adattat biex jappoġġa l-prinċipju ta’ “darba biss” fir-rigward tar-rappurtar statistiku u regolatorju kull fejn ikun possibbli biex jiġi żgurat li l-aġenti li jirrappurtaw ma jkollhomx għalfejn jirrappurtaw l-istess data aktar minn darba. Jenħtieġ li dawk l-adattamenti jqisu l-indipendenza tal-BĊE u l-prinċipji tal-istatistika stabbiliti fir-Regolament (KE) Nru 2533/98. Sabiex tiġi evitata l-ħtieġa li diversi awtoritajiet u korpi tal-Unjoni jew tal-Istati Membri biex jiġbru l-istess, jenħtieġ li l-informazzjoni statistika tiġi kondiviża fost il-membri tas-SEBĊ u mill-membri tas-SEBĊ mal-membri tas-Sistema Ewropea tal-Istatistika (ESS) u ma’ partijiet rilevanti oħra f’ċirkostanzi definiti sew, irrispettivament liema membru tas-SEBĊ ikun ġabar l-informazzjoni statistika.

(4)

Sabiex jiġu riflessi r-realtajiet attwali u l-ambjent diġitali li fih topera s-SEBĊ, jenħtieġ li jiġu introdotti definizzjonijiet ġodda jew aġġornati fir-Regolament (KE) Nru 2533/98 biex jiġu ċċarati l-kunċetti ta’ “kondiviżjoni”, “parti leġittima oħra” u “data ta’ referenza ewlenija”. Xi definizzjonijiet oħra jenħtieġ li jiġu aġġornati biex tiġi żgurata l-konsistenza mad-dritt tal-Unjoni.

(5)

Popolazzjoni ta’ rappurtar omoġenja hija meħtieġa għall-produzzjoni tal-karta tal-bilanċ konsolidata tas-settur tal-istituzzjonijiet finanzjarji monetarji (MFIs) tal-Istati Membri parteċipanti, li tipprovdi stampa statistika komprensiva tal-iżviluppi monetarji fl-Istati Membri li l-munita tagħhom hija l-euro, meqjusa bħala territorju ekonomiku wieħed. Għal din ir-raġuni, il-BĊE stabbilixxa u jżomm lista ta’ MFIs għal finijiet statistiċi bbażati fuq definizzjoni komuni, li tispeċifika li l-MFIs jinkludu istituzzjonijiet ta’ kreditu kif definiti fid-dritt tal-Unjoni. Għalhekk jenħtieġ li jiġi ċċarat li anke fil-każijiet eċċezzjonali fejn istituzzjoni ta’ kreditu kif definita fid-dritt tal-Unjoni hija kklassifikata barra mis-settur tal-“korporazzjonijiet finanzjarji (S.12)” fis-sistema Ewropea tal-kontijiet nazzjonali u reġjonali tal-2010, din taqa’ fil-limiti tal-popolazzjoni ta’ rappurtar ta’ referenza li minnha l-membri tas-SEBĊ għandhom id-dritt li jiġbru informazzjoni statistika. Il-ġbir ta’ dik l-informazzjoni huwa meħtieġ għall-applikazzjoni mill-BĊE ta’ rekwiżiti ta’ riżervi minimi lil istituzzjonijiet ta’ kreditu għal skopijiet ta’ politika monetarja f’konformità mal-Artikolu 19 tal-Istatut tas-Sistema Ewropea ta’ Banek Ċentrali u tal-Bank Ċentrali Ewropew u r-Regolament (UE) 2021/378 tal-Bank Ċentrali Ewropew (5). Meta kwalunkwe istituzzjoni jew impriża finanzjarja oħra li hija soġġetta għal superviżjoni prudenzjali tiġi kklassifikata barra mis-settur tal-“korporazzjonijiet finanzjarji”, jenħtieġ li ma jiddgħajjifx id-dritt tal-membri tas-SEBĊ li jiġbor informazzjoni statistika dwarha.

(6)

Barra minn hekk, biex jallinja mal-prinċipji ta’ statistika tal-kosteffettività u l-minimizzazzjoni tal-piż tar-rappurtar, jenħtieġ li l-BĊE jkollu wkoll id-dritt li jiġbor informazzjoni statistika minn aġenti li jirrapportaw dwar l-entitajiet ikkontrollati tagħhom u dwar fergħat, inkluż fejn il-fergħa tkun residenti f’pajjiż ieħor. Dik il-possibbiltà tkun tippermetti lill-BĊE jimplimenta il-prinċipju ta’ “darba biss” fir-rappurtar statistiku tiegħu b’mod effettiv, u b’hekk jelimina r-rekwiżiti ta’ rappurtar duplikati. Ikun jippermetti wkoll li l-approċċ għar-rappurtar statistiku jkun allinjat aktar mill-qrib mal-“approċċ domestiku” għar-rappurtar regolatorju superviżorju dwar l-attivitajiet tal-fergħat. Il-BĊE jkollu wkoll aktar flessibbiltà biex jadotta approċċi differenti fir-rigward tal-firxa tal-konsolidazzjoni fir-rappurtar statistiku.

(7)

Għall-finijiet tal-kompiti tiegħu ta’ ġbir tal-istatistika, il-BĊE huwa meħtieġ jikkoopera mal-istituzzjonijiet, il-korpi, l-uffiċċji jew l-aġenziji tal-Unjoni u mal-awtoritajiet kompetenti tal-Istati Membri. Biex jirrifletti dik il-kooperazzjoni mill-qrib, meta jistabbilixxi u jimponi rekwiżiti ta’ rappurtar sabiex jiġbor l-informazzjoni statistika li hija meħtieġa biex jitwettqu l-kompiti tas-SEBĊ, jenħtieġ li l-BĊE jqis l-użu potenzjali ta’ tali informazzjoni għat-twettiq ta’ kompiti li jikkonċernaw politiki relatati mas-superviżjoni prudenzjali ta’ istituzzjonijiet ta’ kreditu, kif ukoll l-informazzjoni minn istituzzjonijiet, korpi, uffiċċji, aġenziji oħra tal-Unjoni jew awtoritajiet kompetenti tal-Istati Membri li għalihom il-membri tas-SEBĊ għandhom dritt ta’ aċċess. Dak ir-rekwiżit huwa meħtieġ biex jippermetti l-użu massimu ta’ informazzjoni eżistenti u biex jitnaqqas kemm jista’ jkun il-piż fuq l-aġenti li jirrappurtaw.

(8)

Il-limiti u l-kundizzjonijiet li taħthom il-BĊE huwa intitolat li jimponi sanzjonijiet fuq aġenti ta’ rappurtar għan-nuqqas ta’ konformità mal-obbligi li jirriżultaw mir-Regolament (KE) Nru 2533/98 jew mal-obbligi stabbiliti fir-regolamenti u d-deċiżjonijiet tal-BĊE li jimponu rekwiżiti ta’ rappurtar statistiku jenħtieġ li jiġu aġġornati biex jiġi żgurat li s-sanzjonijiet ikollhom effett deterrenti suffiċjenti. Barra minn hekk, l-ammont massimu tas-sanzjonijiet li jistgħu jiġu imposti mill-BĊE fuq aġent li jirrapporta għal nuqqas ta’ konformità mal-obbligi li jimponu rekwiżiti ta’ rappurtar statistiku jenħtieġ li, fil-biċċa l-kbira, jiġi allinjat mal-ammonti massimi li jistgħu jiġu imposti għal nuqqas ta’ konformità ma’ obbligi oħra mhux statistiċi imposti mill-BĊE.

(9)

Informazzjoni statistika kunfidenzjali li l-BĊE u l-banek ċentrali nazzjonali jiksbu għat-twettiq tal-kompiti tas-SEBĊ għandha tiġi protetta sabiex jiġi evitat l-użu u l-iżvelar illegali tagħha. Madankollu, jenħtieġ li r-reġim ta’ kunfidenzjalità li japplika għall-informazzjoni statistika kunfidenzjali miġbura mis-SEBĊ jiġi rivedut u ċċarat biex ikun żgurat li l-BĊE u l-banek ċentrali nazzjonali jużaw u jikkondividu ma’ xulxin informazzjoni statistika kunfidenzjali għat-twettiq tal-kompiti tas-SEBĊ imsemmija fit-Trattat, pereżempju għall-iżvilupp, il-produzzjoni jew id-disseminazzjoni effiċjenti tal-istatistika jew biex tiżdied il-kwalità tagħha. Dik ir-reviżjoni hija meħtieġa biex jiġi żgurat li l-informazzjoni tkun tista’ tinġabar mill-BĊE bl-assistenza tal-banek ċentrali nazzjonali skont il-prinċipju ta’ “darba biss”. Barra minn hekk, biex titnaqqas il-ħtieġa għal rekwiżiti ta’ rappurtar statistiku u regolatorju duplikati, biex tiġi ffaċilitata l-kooperazzjoni fost l-awtoritajiet u l-korpi tal-Unjoni u tal-Istati Membri u biex jitnaqqsu l-piżijiet amministrattivi mhux meħtieġa, jenħtieġ li l-membri tas-SEBĊ ikunu obbligati jikkondividu informazzjoni statistika kunfidenzjali ma’ ċerti awtoritajiet u korpi għat-twettiq tal-kompiti tagħhom relatati mas-superviżjoni jew mal-istabbiltà u l-effettività tas-sistema finanzjarja, inkluż l-integrità tas-suq u l-protezzjoni tal-investitur, u mal-awtoritajiet tal-ESS. Jenħtieġ li l-membri tas-SEBĊ ikollhom il-flessibbiltà li jikkondividu informazzjoni statistika kunfidenzjali ma’ awtoritajiet u korpi oħra tal-Unjoni u tal-Istati Membri jew ma’ riċerkaturi affiljati ma’ korpi ta’ riċerka xjentifika f’ċirkostanzi speċifikati. Jenħtieġ li jkun possibbli ukoll li jiġi kondiviż sett speċifiku u ridott ta’ informazzjoni statistika kunfidenzjali mal-aġenti ta’ rappurtar, fejn neċessarju għal ċerti finijiet statistiċi jew fejn is-sorsi huma diġà disponibbli għall-aġent ta’ rappurtar, pereżempju, fejn tali informazzjoni tiġi rrapportata minn entità kkontrollata mill-aġent ta’ rappurtar jew il-fergħat tiegħu. Il-possibbiltajiet ta’ kondiviżjoni tad-data skont ir-reġim ta’ kunfidenzjalità rivedut għandhom ikunu indipendenti mill-membru tas-SEBĊ li jiġbor l-informazzjoni statistika. Sabiex tinżamm il-fiduċja tal-aġenti li jirrappurtaw, jenħtieġ li jkun hemm arranġamenti konsistenti biex tiġi protetta l-informazzjoni statistika kunfidenzjali u t-trasparenza mtejba dwar l-użi li għalihom tista’ titqiegħed l-informazzjoni statistika. Jenħtieġ li l-kondiviżjoni ta’ dik id-data teskludi kwalunkwe informazzjoni statistika kunfidenzjali li inizjalment tkun waslet minn awtorità tal-ESS.

(10)

Jenħtieġ li l-membri tas-SEBĊ ikomplu jkunu responsabbli għall-użu u l-protezzjoni tal-informazzjoni statistika kunfidenzjali miġbura mill-membri tas-SEBĊ. Għalhekk, hija meħtieġa governanza xierqa għat-trażmissjoni ulterjuri lil partijiet terzi. Għalhekk it-trażmissjoni ta’ informazzjoni statistika kunfidenzjali minn kwalunkwe parti riċeventi lil partijiet terzi jenħtieġ li teħtieġ l-awtorizzazzjoni tal-membru tas-SEBĊ li jkun ikkondivida l-informazzjoni. L-awtorizzazzjoni espliċita tal-membru tas-SEBĊ tista’ tingħata darba u bl-aktar mod ġeneriku possibbli għall-kategoriji rilevanti ta’ informazzjoni, u b’hekk jiġu evitati proċeduri amministrattivi bla bżonn filwaqt li tinżamm ir-responsabbiltà tal-membri tas-SEBĊ.

(11)

Skont id-Direttiva (UE) 2019/1024 tal-Parlament Ewropew u tal-Kunsill (6) u r-Regolament ta’ Implimentazzjoni tal-Kummissjoni (UE) 2023/138 (7), l-informazzjoni dwar il-kumpaniji u s-sjieda tal-kumpaniji hija inkluża fil-lista ta’ settijiet tad-data ta’ valur għoli. Dan jiżgura li d-data pubblika tal-ogħla potenzjal soċjo-ekonomiku tkun disponibbli għall-użu mill-ġdid b’restrizzjoni legali u teknika minima u mingħajr ħlas. Għalhekk, jenħtieġ li r-Regolament (KE) Nru 2533/98 jiġi adattat biex jirrifletti d-disponibbiltà ta’ tali data dwar il-kumpaniji u l-valur għoli tagħha għal finijiet ta’ statistika u funzjonijiet tas-SEBĊ oħra. Barra minn hekk dik id-data pubblika u f’konformità mal-prinċipji tal-kost-effettività, il-minimizzazzjoni tal-piż tar-rappurtar u l-kwalità għolja tal-output, jenħtieġ li l-membri tas-SEBĊ ikunu jistgħu jikkondividu ma’ aġenti ta’ rappurtar data ta’ referenza ewlenija li tinkludi attributi speċifiċi dwar persuni ġuridiċi, fergħat u unitajiet istituzzjonali. Il-kundizzjonijiet li taħthom jenħtieġ li jkun possibbli li tintuża d-data ta’ referenza ewlenija miġbura mill-membri tas-SEBĊ għal skopijiet ta’ statistika u skopijiet oħra għalhekk jenħtieġ li jiġu speċifikati.

(12)

L-istatistika Ewropea hija żviluppata, prodotta u disseminata kemm mis-SEBĊ kif ukoll mis-SSE taħt oqfsa legali separati, li jirriflettu l-istrutturi ta’ governanza rispettivi tagħhom. Għalhekk, huwa importanti li r-Regolament (KE) Nru 2533/98 iqis l-emendi għar-Regolament (KE) Nru 223/2009 tal-Parlament Ewropew u tal-Kunsill (8) u li japplika mingħajr preġudizzju għal dak ir-Regolament.

(13)

Meta l-attivitajiet li jridu jitwettqu skont ir-Regolament (KE) Nru 2533/98 jinvolvu l-ipproċessar ta’ data personali għal finijiet ta’ statistika uffiċjali, jenħtieġ li tali pproċessar jikkonforma mal-liġi rilevanti tal-Unjoni dwar il-protezzjoni tad-data personali, jiġifieri r-Regolamenti (UE) 2016/679 (9) u (UE) 2018/1725 (10) tal-Parlament Ewropew u tal-Kunsill. F’konformità mal-prinċipji stabbiliti f’dawk ir-Regolamenti, tali pproċessar jenħtieġ li jkun soġġett għal salvagwardji xierqa għad-drittijiet u għal-libertajiet tas-suġġett tad-data. Jenħtieġ li dawk is-salvagwardji jiżguraw li jkun hemm fis-seħħ miżuri tekniċi u organizzattivi b’mod partikolari biex jiġi żgurat ir-rispett għall-prinċipju tal-minimizzazzjoni tad-data. Dawk il-miżuri jistgħu jinkludu l-psewdonimizzazzjoni.

(14)

Sabiex ir-Regolament (KE) Nru 2533/98 jinżamm bħala strument effettiv għall-BĊE biex iwettaq il-kompiti ta’ ġbir ta’ informazzjoni statistika tas-SEBĊ, huwa meħtieġ li jiġi permess l-użu massimu ta’ informazzjoni, data amministrattiva, reġistri statistiċi eżistenti u sorsi disponibbli oħra. Peress li l-użu ta’ statistika b’diversi sorsi jenħtieġ li jiġi mħeġġeġ aktar, bi statistika żviluppata jew prodotta abbażi ta’ varjetà ta’ sorsi ta’ data, jenħtieġ li japplika qafas armonizzat għall-użu u l-kondiviżjoni ta’ tali informazzjoni.

(15)

Għalhekk jenħtieġ li r-Regolament (KE) Nru 2533/98 jiġi emendat skont dan,

(1)

L-Artikolu 1 huwa emendat kif ġej:

(2)

L-Artikolu 2 huwa emendat kif ġej:

(3)

L-Artikolu 3 huwa sostitwit b’dan li ġej:

(4)

L-Artikolu 7 huwa emendat kif ġej:

(5)

Jiddaħħal l-Artikolu li ġej:

(6)

L-Artikolu 8 huwa sostitwit b’dan li ġej

(*10)  Ir-Regolament ta’ Implimentazzjoni tal-Kummissjoni (UE) 2023/138 tal-21 ta’ Diċembru 2022 li jistabbilixxi lista ta’ settijiet tad-data speċifiċi ta’ valur għoli u l-arranġamenti għall-pubblikazzjoni u l-użu mill-ġdid tagħhom (ĠU L 19, 20.1.2023, p. 43, ELI: http://data.europa.eu/eli/reg_impl/2023/138/oj).”;"

(7)

L-Artikolu 8a huwa emendat kif ġej:

(8)

L-Artikolu 8c huwa sostitwit b’dan li ġej:

(*11)  Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1: ELI: http://data.europa.eu/eli/reg/2016/679/oj)."

(*12)  Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39, ELI: http://data.europa.eu/eli/reg/2018/1725/oj).”."

(9)

L-Artikolu 8d huwa sostitwit b’dan li ġej: