(1)

Is príomhghné den chreat dlíthiúil é Rialachán (CE) Uimh. 2533/98 ón gComhairle (4) a thacaíonn le cúraimí bailithe staidrimh an Bhainc Cheannais Eorpaigh (BCE) le cúnamh ó na bainc cheannais náisiúnta. Bhí BCE ag brath go comhsheasmhach ar an Rialachán sin chun bailiú comhordaithe na faisnéise staidrimh is gá chun tabhairt faoi chúraimí an Chórais Eorpaigh Banc Ceannais (CEBC) a dhéanamh agus faireachán a dhéanamh air.

(2)

Leasaíodh Rialachán (CE) Uimh. 2533/98 roinnt uaireanta chun athbhreithniú a dhéanamh ar raon feidhme na gceanglas tuairiscithe is gá chun cúraimí CEBC a chomhlíonadh agus chun tarchur agus úsáid faisnéise staidrimh, arna bailiú ag CEBC, ag comhaltaí CEBC agus ag údaráis eile atá freagrach as maoirseacht, maoirseacht macrastuamachta agus réiteach macrastuamachta a chumasú.

(3)

Leis an gclaochlú digiteach, tugadh isteach deiseanna radacacha nua chun teicneolaíochtaí digiteacha a chomhtháthú, ní hamháin i ngnólachtaí, ach i soláthar seirbhísí poiblí freisin. Chruthaigh sé timpeallacht gan fasach as ar eascair an gá le staidrimh nua chun go gcomhlíonfaidh CEBC a chúraimí agus d’fhág sé gur féidir sonraí gráinneacha a bhailiú ar bhealach níos éifeachtúla. Thairis sin, leis na forbairtí eacnamaíocha agus airgeadais a tharla le déanaí, ar nós na héigeandála aeráide, phaindéim COVID-19 agus na géarchéime fuinnimh agus costais mhaireachtála a spreag cogadh foghach na Rúise ar an Úcráin, méadaíodh na héilimh agus na hionchais maidir le staidreamh níos tráthúla, níos minice agus níos mionsonraithe a theastaíonn chun tacú le feidhmiú chúraimí CEBC. Ag an am céanna, tá sé tábhachtach cothromaíocht a bhaint amach idir na héilimh agus na hionchais sin agus an gá atá ann an t-ualach a chuirtear ar na gníomhairí tuairiscithe a choinneáil chomh híseal agus is féidir, ós rud é gur coinníollacha riachtanacha iad an t-iomaíochas agus an táirgiúlacht chun go mbeidh rath ar ghnólachtaí. Ar an gcúis sin, tá sé tábhachtach an creat dlíthiúil a oiriúnú chun tacú le ‘prionsabal na haonuaire’ i ndáil le tuairisciú staidrimh agus rialála nuair is féidir, chun a áirithiú nach mbeidh ar ghníomhairí tuairiscithe na sonraí céanna a thuairisciú níos mó ná uair amháin. Ba cheart do na hoiriúnuithe sin aird a thabhairt ar neamhspleáchas BCE agus ar na prionsabail staidrimh a leagtar síos i Rialachán (CE) Uimh. 2533/98. Ionas nach mbeidh an gá ar roinnt údarás agus comhlachtaí de chuid an Aontais nó de chuid na mBallstát an fhaisnéis staidrimh chéanna a bhailiú, ba cheart an fhaisnéis staidrimh a chomhroinnt idir comhaltaí CEBC agus comhaltaí CEBC le comhaltaí an Chórais Staidrimh Eorpaigh (CSE) agus le páirtithe ábhartha eile in imthosca dea-shainithe, gan beann ar an gcomhalta CEBC a bhailigh an fhaisnéis staidrimh.

(4)

Chun na réaltachtaí reatha agus an timpeallacht dhigiteach ina bhfeidhmíonn CEBC a léiriú, ba cheart sainmhínithe nua nó nuashonraithe a thabhairt isteach i Rialachán (CE) Uimh. 2533/98 chun na coincheapa ‘comhroinnt’, ‘páirtí dlisteanach eile’ agus ‘croíshonraí tagartha’ a shoiléiriú. Ba cheart roinnt sainmhínithe eile a thabhairt cothrom le dáta chun comhsheasmhacht le dlí an Aontais a áirithiú.

(5)

Tá daonra tuairiscithe aonchineálach riachtanach chun clár comhardaithe comhdhlúite earnáil institiúidí airgeadais airgeadaíochta (IAAnna) na mBallstát rannpháirteach a tháirgeadh, a thugann léargas staidrimh cuimsitheach ar fhorbairtí airgeadaíochta sna Ballstáit a bhfuil an euro mar airgeadra acu, a mheastar mar chríoch eacnamaíoch amháin. Ar an gcúis sin, tá liosta IAAnna bunaithe agus á choinneáil ar bun ag BCE chun críoch staidrimh bunaithe ar shainmhíniú coiteann, lena sonraítear go n-áiríonn IAAnna institiúidí creidmheasa mar a shainmhínítear i ndlí an Aontais. Ba cheart a shoiléiriú, dá bhrí sin, fiú sna cásanna eisceachtúla ina bhfuil institiúid creidmheasa, mar a shainmhínítear i ndlí an Aontais í, aicmithe lasmuigh den earnáil ‘corparáidí airgeadais (S.12)’ sa chóras Eorpach cuntas náisiúnta agus réigiúnach 2010, go dtagann sí faoi theorainneacha an daonra tuairiscithe tagartha óna bhfuil sé de cheart ag comhaltaí CEBC faisnéis staidrimh a bhailiú. Tá bailiú na faisnéise sin riachtanach chun go gcuirfidh BCE íoscheanglais chúlchiste i bhfeidhm maidir le hinstitiúidí creidmheasa chun críocha beartais airgeadaíochta i gcomhréir le hAirteagal 19 de Reacht CEBC agus BCE agus Rialachán (AE) 2021/378 ón mBanc Ceannais Eorpach (5). I gcás ina ndéantar aon institiúid nó gnóthais airgeadais eile atá faoi réir maoirseacht stuamachta a aicmiú lasmuigh d’earnáil na ‘gcorparáidí airgeadais’, níor cheart dochar a dhéanamh do cheart chomhaltaí CEBC faisnéis staidrimh a bhailiú ina leith.

(6)

Thairis sin, chun ailíniú le prionsabail staidrimh na costéifeachtúlachta agus íoslaghdú an ualaigh tuairiscithe, ba cheart an ceart a bheith ag BCE freisin faisnéis staidrimh a bhailiú ó ghníomhairí tuairiscithe maidir lena n-eintitis rialaithe agus maidir le brainsí, lena n-áirítear i gcás ina bhfuil cónaí ar an mbrainse i dtír eile. Leis an bhféidearthacht sin, chuirfí ar chumas BCE prionsabal na haonuaire a chur chun feidhme go héifeachtach ina thuairisciú staidrimh, agus ar an gcaoi sin deireadh a chur le ceanglais tuairiscithe dhúblacha. D’fhágfadh sé freisin go bhféadfaí an cur chuige maidir le tuairisciú staidrimh a ailíniú níos dlúithe leis an ‘gcur chuige baile’ maidir le tuairisciú rialála maoirseachta ar ghníomhaíochtaí brainse. Bheadh níos mó solúbthachta ag BCE freisin cineálacha éagsúla cur chuige a ghlacadh maidir le méid an chomhdhlúthaithe i dtuairisciú staidrimh.

(7)

Chun críocha a chúraimí bailithe staidrimh, ceanglaítear ar BCE comhoibriú le hinstitiúidí, comhlachtaí, oifigí nó gníomhaireachtaí an Aontais agus le húdaráis inniúla na mBallstát. Chun an dlúthchomhar sin a léiriú, nuair a bheidh ceanglais tuairiscithe á leagan síos agus á bhforchur chun an fhaisnéis staidrimh is gá a bhailiú chun tabhairt faoi chúraimí CEBC, ba cheart do BCE úsáid fhéideartha na faisnéise sin a chur san áireamh chun cúraimí a chomhlíonadh maidir le beartais a bhaineann le maoirseacht stuamachta ar institiúidí creidmheasa, chomh maith leis an bhfaisnéis ó institiúidí, comhlachtaí, oifigí, nó gníomhaireachtaí eile de chuid an Aontais nó údaráis inniúla de chuid na mBallstát a bhfuil ceart rochtana ag comhaltaí CEBC orthu. Tá gá leis an gceanglas sin chun an úsáid is mó is féidir a bhaint as an bhfaisnéis atá ann cheana agus chun an t-ualach ar ghníomhairí tuairiscithe a íoslaghdú.

(8)

Na teorainneacha laistigh de BCE agus na coinníollacha faoina bhfuil BCE i dteideal smachtbhannaí a fhorchur ar ghníomhairí tuairiscithe mar gheall ar mhainneachtain na hoibleagáidí a eascraíonn as Rialachán (CE) Uimh. 2533/98 nó as na hoibleagáidí a leagtar síos i rialacháin agus i gcinntí BCE lena bhforchuirtear ceanglais tuairiscithe staidrimh a chomhlíonadh, ba cheart iad a thabhairt cothrom le dáta chun a áirithiú go mbeidh éifeacht dhíspreagthach leordhóthanach ag smachtbhannaí. Thairis sin, ba cheart uasmhéid na smachtbhannaí a fhéadfaidh BCE a fhorchur ar ghníomhaire tuairiscithe as mainneachtain oibleagáidí lena bhforchuirtear ceanglais tuairiscithe staidrimh a chomhlíonadh a ailíniú go suntasach leis na huasmhéideanna a fhéadfar a fhorchur as mainneachtain oibleagáidí neamhstaidrimh eile arna bhforchur ag BCE a chomhlíonadh.

(9)

Ní foláir faisnéis staidrimh rúnda a fhaigheann BCE agus na bainc cheannais náisiúnta chun cúraimí CEBC a chomhlíonadh a chosaint ionas nach n-úsáidfear ná nach nochtfar go neamhdhleathach í. Mar sin féin, ba cheart an córas rúndachta a bhfuil feidhme aige maidir le faisnéis staidrimh rúnda arna bailiú ag CEBC a athbhreithniú agus a shoiléiriú chun a áirithiú go n-úsáidfidh BCE agus na bainc cheannais náisiúnta faisnéis staidrimh rúnda agus go roinnfidh siad lena chéile í chun cúraimí CEBC dá dtagraítear sa Chonradh a chomhlíonadh, mar shampla chun staidreamh a fhorbairt, a tháirgeadh nó a scaipeadh go héifeachtúil nó chun a gcáilíocht a mhéadú. Tá an t-athbhreithniú sin riachtanach chun a áirithiú go bhféadfaidh BCE an fhaisnéis a bhailiú le cúnamh ó na bainc cheannais náisiúnta i gcomhréir le ‘prionsabal na haonuaire’. Thairis sin, chun an gá atá le ceanglais dhúblacha maidir le tuairisciú staidrimh agus rialála a laghdú agus chun comhar a éascú i measc údaráis agus chomhlachtaí an Aontais agus na mBallstát agus chun ualaí riaracháin neamhriachtanacha a laghdú, ba cheart oibleagáid a bheith ar chomhaltaí CEBC faisnéis staidrimh rúnda a chomhroinnt le húdaráis agus comhlachtaí áirithe le haghaidh fheidhmiú a gcúraimí a bhaineann le maoirseacht nó le cobhsaíocht agus éifeachtacht an chórais airgeadais, lena n-áirítear sláine an mhargaidh agus cosaint infheisteoirí, agus le húdaráis CSE. Ba cheart an tsolúbthacht a bheith ag comhaltaí CEBC faisnéis staidrimh rúnda a chomhroinnt le húdaráis agus comhaltaí eile de chuid an Aontais agus na mBallstát nó le taighdeoirí atá cleamhnaithe le comhlachtaí taighde eolaíochta in imthosca sonraithe. Ba cheart é a bheith indéanta freisin tacar sonrach laghdaithe d’fhaisnéis staidrimh rúnda a le gníomhairí tuairiscithe, i gcás inar gá chun críocha staidrimh áirithe nó i gcás ina mbeidh na foinsí ar fáil don ghníomhaire tuairiscithe, mar shampla, nuair a thuairiscíonn eintiteas atá faoi rialú an ghníomhaire tuairiscithe nó a bhrainsí an fhaisnéis sin. Beidh na féidearthachtaí maidir le comhroinnt sonraí faoin gcóras rúndachta athbhreithnithe neamhspleách ar an gcomhalta CEBC a bhailíonn an fhaisnéis staidrimh. Chun muinín na ngníomhairí tuairiscithe a choinneáil, ba cheart socruithe comhsheasmhacha a bheith ann chun faisnéis staidrimh rúnda a chosaint agus ba cheart trédhearcacht fheabhsaithe a bheith ann maidir leis na húsáidí a d’fhéadfaí a bhaint as faisnéis staidrimh. Leis an gcomhroinnt sonraí sin, ba cheart aon fhaisnéis staidrimh rúnda a fuarthas ar dtús ó údarás CSE a eisiamh.

(10)

Ba cheart do chomhaltaí CEBC leanúint de bheith freagrach as úsáid agus cosaint na faisnéise staidrimh rúnda arna bailiú ag comhaltaí CEBC. Dá bhrí sin, tá gá le rialachas iomchuí chun í a tharchur tuilleadh chuig tríú páirtithe. Dá bhrí sin, chun faisnéis staidrimh rúnda a tharchur ó aon pháirtí is faighteoir chuig tríú páirtithe, ba cheart gá a bheith le húdarú a fháil ón gcomhalta CEBC a chomhroinn an fhaisnéis. Is féidir údarú sainráite an chomhalta CEBC a dheonú uair amháin agus ar an mbealach is ginearálta is féidir do chatagóirí ábhartha faisnéise, agus ar an gcaoi sin seachnófar nósanna imeachta riaracháin nach bhfuil gá leo agus cuntasacht chomhaltaí CEBC á coinneáil ag an am céanna.

(11)

De bhun Threoir (AE) 2019/1024 ó Pharlaimint na hEorpa agus ón gComhairle (6) agus Rialachán Cur Chun Feidhme (AE) 2023/138 ón gCoimisiún (7), áirítear faisnéis faoi chuideachtaí agus úinéireacht cuideachtaí sa liosta de thacair sonraí ardluacha. Áirithítear leis sin go gcuirfear sonraí poiblí ag a bhfuil an acmhainneacht shocheacnamaíoch is airde ar fáil lena n-athúsáid gan ach srian dlíthiúil agus teicniúil íosta agus saor in aisce. Ba cheart, dá bhrí sin, Rialachán (CE) Uimh. 2533/98 a oiriúnú chun infhaighteacht sonraí den sórt sin maidir le cuideachtaí agus a n-ardluach chun críocha staidrimh agus feidhmeanna eile CEBC a léiriú. De bhreis ar na sonraí poiblí sin agus i gcomhréir le prionsabail na costéifeachtúlachta, íoslaghdú an ualaigh tuairiscithe agus ardcháilíocht aschuir, ba cheart do chomhaltaí CEBC a bheith in ann croíshonraí tagartha ina bhfuil saintréithe sonracha maidir le daoine dlítheanacha, brainsí agus aonaid institiúideacha a chomhroinnt. Ba cheart, dá bhrí sin, na coinníollacha faoinar cheart é a bheith indéanta úsáid a bhaint as croíshonraí tagartha arna mbailiú ag comhaltaí CEBC chun críocha staidrimh agus chun críocha eile a shonrú.

(12)

Déanann CEBC agus CSE araon staidreamh Eorpach a fhorbairt, a tháirgeadh agus a scaipeadh faoi chreataí dlíthiúla ar leithligh a léiríonn a struchtúir rialachais faoi seach. Tá sé tábhachtach, dá bhrí sin, go gcuirtear san áireamh i Rialachán (CE) Uimh. 2533/98 leasuithe ar Rialachán (CE) Uimh. 223/2009 ó Pharlaimint na hEorpa agus ón gComhairle (8) agus go bhfuil feidhm aige gan dochar don Rialachán sin.

(13)

I gcás ina bhfuil próiseáil sonraí pearsanta chun críocha oifigiúla staidrimh i gceist leis na gníomhaíochtaí atá le déanamh faoi Rialachán (CE) Uimh. 2533/98, ba cheart go gcomhlíonfadh an phróiseáil sin dlí ábhartha an Aontais maidir le cosaint sonraí pearsanta, is é sin Rialacháin (AE) 2016/679 (9) agus (AE) 2018/1725 ó Pharlaimint na hEorpa agus ón gComhairle (10). I gcomhréir leis na prionsabail a leagtar amach sna Rialacháin sin, ba cheart an phróiseáil sin a bheith faoi réir coimircí iomchuí maidir le cearta agus saoirsí an ábhair sonraí. Leis na coimircí sin, áiritheofar go mbeidh bearta teicniúla agus eagraíochtúla i bhfeidhm go háirithe chun a áirithiú go ndéanfar prionsabal an íoslaghdaithe sonraí a urramú. Is féidir a áireamh ar na bearta sin ainm bréige a chur i bhfeidhm.

(14)

Chun Rialachán (CE) Uimh. 2533/98 a choimeád mar ionstraim éifeachtach do BCE chun cúraimí CEBC maidir le bailiú faisnéise staidrimh a dhéanamh, is gá an úsáid is mó is féidir a bhaint as an bhfaisnéis atá ann cheana, as sonraí riaracháin, as cláir staidrimh agus as foinsí eile atá ar fáil. Ós rud é gur cheart úsáid staidrimh ilfhoinsí a spreagadh tuilleadh, agus staidreamh á fhorbairt nó á tháirgeadh ar bhonn foinsí éagsúla sonraí, ba cheart feidhm a bheith ag creat comhchuibhithe maidir le húsáid agus comhroinnt na faisnéise sin.

(15)

Ba cheart, dá bhrí sin, Rialachán (CE) Uimh. 2533/98 a leasú dá réir sin,

(1)

leasaítear Airteagal 1 mar a leanas:

(2)

leasaítear Airteagal 2 mar a leanas:

(3)

cuirtear an méid seo a leanas in ionad Airteagal 3:

(4)

leasaítear Airteagal 7 mar a leanas:

(5)

cuirtear an t-airteagal seo a leanas isteach:

(6)

cuirtear an méid seo a leanas in ionad Airteagal 8:

(*10)  Rialachán Cur Chun Feidhme (AE) 2023/138 ón gCoimisiún an 21 Nollaig 2022 lena leagtar síos liosta de thacair sonraí shonracha ardluacha agus na socruithe maidir lena bhfoilsiú agus lena n-athúsáid (IO L 19, 20.1.2023, lch. 43, ELI: http://data.europa.eu/eli/reg_impl/2023/138/oj).’;"

(7)

leasaítear Airteagal 8a mar a leanas:

(8)

cuirtear an méid seo a leanas in ionad Airteagal 8c:

(*11)  Rialachán (AE) Uimh. 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1, ELI: http://data.europa.eu/eli/reg/2016/679/oj).’;"

(*12)  Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39, ELI: http://data.europa.eu/eli/reg/2018/1725/oj).’;"

(9)

cuirtear an méid seo a leanas in ionad Airteagal 8d: