European flag

Il-Ġurnal Uffiċjali
ta'l-Unjoni Ewropea

MT

Is-serje L


2025/877

13.5.2025

REGOLAMENT TAL-KUMMISSJONI (UE) 2025/877

tat-12 ta’ Mejju 2025

li jemenda r-Regolament (KE) Nru 1223/2009 tal-Parlament Ewropew u tal-Kunsill rigward l-użu ta’ ċerti sustanzi kklassifikati bħala karċinoġeniċi, mutaġeniċi jew tossiċi għar-riproduzzjoni fil-prodotti kożmetiċi

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1223/2009 tal-Parlament Ewropew u tal-Kunsill tat-30 ta’ Novembru 2009 dwar il-prodotti kożmetiċi (1), u b’mod partikolari l-Artikolu 15(1) u l-Artikolu 15(2), ir-raba’ subparagrafu, tiegħu,

Billi:

(1)

Ir-Regolament (KE) Nru 1272/2008 tal-Parlament Ewropew u tal-Kunsill (2) jipprevedi klassifikazzjoni armonizzata tas-sustanzi bħala karċinoġeniċi, mutaġeniċi jew tossiċi għar-riproduzzjoni (CMR) abbażi ta’ valutazzjoni xjentifika mwettqa mill-Kumitat għall-Istima tar-Riskji tal-Aġenzija Ewropea għas-Sustanzi Kimiċi. Is-sustanzi huma kklassifikati bħala sustanzi CMR tal-kategorija 1 A, tal-kategorija 1B jew tal-kategorija 2 skont il-livell tal-evidenza tal-proprjetajiet CMR tagħhom.

(2)

L-Artikolu 15 tar-Regolament (KE) Nru 1223/2009 jipprevedi li s-sustanzi li ġew ikklassifikati bħala sustanzi CMR tal-kategorija 1 A, 1B jew 2 tal-Parti 3 tal-Anness VI tar-Regolament (KE) Nru 1272/2008 (sustanzi CMR) għandhom jiġu pprojbiti milli jintużaw fil-prodotti kożmetiċi. Madankollu, sustanza CMR tista’ tintuża fil-prodotti kożmetiċi meta jiġu ssodisfati l-kundizzjonijiet stabbiliti fl-Artikolu 15(1), it-tieni sentenza, tar-Regolament (KE) Nru 1223/2009 jew fl-Artikolu 15(2), it-tieni subparagrafu ta’ dak ir-Regolament.

(3)

Sabiex tiġi implimentata b’mod uniformi l-projbizzjoni tas-sustanzi CMR fis-suq intern, ħalli tiġi żgurata ċ-ċertezza legali, b’mod partikolari għall-operaturi ekonomiċi u għall-awtoritajiet nazzjonali kompetenti, u sabiex jiġi żgurat livell għoli tal-protezzjoni tas-saħħa tal-bniedem, jenħtieġ li s-sustanzi CMR kollha jiġu inklużi fil-lista ta’ sustanzi pprojbiti fl-Anness II tar-Regolament (KE) Nru 1223/2009 u, fejn rilevanti, jitħassru mil-listi ta’ sustanzi ristretti jew permessi fl-Annessi III sa VI ta’ dak ir-Regolament. Meta jiġu ssodisfati l-kundizzjonijiet stabbiliti fl-Artikolu 15(1), it-tieni sentenza, tar-Regolament (KE) Nru 1223/2009 jew fl-Artikolu 15(2), it-tieni subparagrafu ta’ dak ir-Regolament, jenħtieġ li l-listi ta’ sustanzi ristretti jew permessi fl-Annessi III sa VI ta’ dak ir-Regolament jiġu emendati kif xieraq.

(4)

Dan ir-Regolament ikopri s-sustanzi kklassifikati bħala sustanzi CMR bir-Regolament Delegat tal-Kummissjoni (UE) 2024/197 (3) (“is-sustanzi rilevanti”). Ir-Regolament Delegat (UE) 2024/197 se japplika mill-1 ta’ Settembru 2025.

(5)

Ma tressqet l-ebda talba għall-użu fil-prodotti kożmetiċi bħala eċċezzjoni għas-sustanzi rilevanti.

(6)

Is-sustanza “ossidu tad-difenil(2,4,6-trimetilbenżojl)fosfina” (Nru CAS 75980-60-8), bl-isem tan-Nomenklatura Internazzjonali tal-Ingredjenti Kożmetiċi (INCI) “Trimethylbenzoyl Diphenylphosphine Oxide”, hija elenkata fl-entrata 311 tal-Anness III tar-Regolament (KE) Nru 1223/2009 u, għalhekk, hija permessa għall-użu professjonali f’sistemi tad-dwiefer artifiċjali b’konċentrazzjoni massima ta’ 5 %.

(7)

Fid-dawl tal-klassifikazzjoni tat-“Trimethylbenzoyl Diphenylphosphine Oxide” bħala sustanza CMR tal-kategorija 1B (Tossika għar-Riproduzzjoni), jenħtieġ li dik is-sustanza ma tibqax permessa fil-prodotti kożmetiċi. Għalhekk, jenħtieġ li l-entrata 311 tal-Anness III tar-Regolament (KE) Nru 1223/2009 titħassar u s-sustanza jenħtieġ li tiġi inkluża fil-lista ta’ sustanzi pprojbiti fl-Anness II ta’ dak ir-Regolament.

(8)

Is-sustanza “2-ċjano-N-[(etilammino) karbonil]-2-(metossiimmino)aċetamid” (CAS 57966-95-7), bl-isem ISO “ċimoksanil”, li ġiet ikklassifikata bħala Tossika għar-Riproduzzjoni tal-Kategorija 2 hija elenkata fl-entrata 1580 tal-Anness II tar-Regolament (KE) Nru 1223/2009 u, għalhekk, hija pprojbita għall-użu fil-prodotti kożmetiċi. Madankollu, l-entrata 1580 ma tinkludix l-isem kimiku addizzjonali “(2E)-2-ċjano-N-[(etilammino)karbonil]-2-(metossiimmino)aċetammid” u n-numru CAS relatat ma’ dak l-isem kimiku kif imsemmi fir-Regolament Delegat (UE) 2024/197. Għal raġunijiet ta’ ċarezza u ċertezza legali, l-entrata 1580 jenħtieġ li tiġi adattata sabiex ikollha l-istess kontenut bħall-entrata korrispondenti fir-Regolament (KE) Nru 1272/2008.

(9)

Bħalissa, l-ebda waħda mis-sustanzi rilevanti l-oħra ma hija elenkata fir-Regolament (KE) Nru 1223/2009. Konsegwentement, jenħtieġ li jiżdiedu mal-lista ta’ sustanzi pprojbiti fil-prodotti kożmetiċi fl-Anness II ta’ dak ir-Regolament.

(10)

Għaldaqstant, ir-Regolament (KE) Nru 1223/2009 jenħtieġ li jiġi emendat skont dan.

(11)

L-emendi għar-Regolament (KE) Nru 1223/2009 huma bbażati fuq il-klassifikazzjonijiet tas-sustanzi rilevanti bħala sustanzi CMR u għalhekk jenħtieġ li japplikaw mill-istess data ta’ dawk il-klassifikazzjonijiet.

(12)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Prodotti Kosmetiċi,

ADOTTAT DAN IR-REGOLAMENT:

Artikolu 1

L-Annessi II u III tar-Regolament (KE) Nru 1223/2009 huma emendati f’konformità mal-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Settembru 2025.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-12 ta’ Mejju 2025.

Għall-Kummissjoni

Il-President

Ursula VON DER LEYEN


(1)   ĠU L 342, 22.12.2009, p. 59, ELI: http://data.europa.eu/eli/reg/2009/1223/oj.

(2)  Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006, (ĠU L 353, 31.12.2008, p. 1, ELI: http://data.europa.eu/eli/reg/2008/1272/oj).

(3)  Ir-Regolament Delegat tal-Kummissjoni (UE) 2024/197 tad-19 ta’ Ottubru 2023 li jemenda r-Regolament (KE) Nru 1272/2008 fir-rigward tal-klassifikazzjoni u l-ittikkettar armonizzati ta’ ċerti sustanzi (ĠU L, 2024/197, 5.1.2024, ELI: http://data.europa.eu/eli/reg_del/2024/197/oj).


ANNESS

L-Annessi II u III tar-Regolament (KE) Nru 1223/2009 huma emendati kif ġej:

(1)

L-Anness II huwa emendat kif ġej:

(a)

jiżdiedu l-entrati li ġejjin:

Numru ta’ referenza

Identifikazzjoni tas-sustanza

Isem kimiku/INN

Numru CAS

Numru EC

a

b

c

d

“1731

ossidu tad-difenil(2,4,6-trimetilbenżojl)fosfina; INCI: Trimethylbenzoyl Diphenylphosphine Oxide

75980-60-8

278-355-8

1732

2,2’,6,6’-tetrabromo-4,4’-isopropilidenedifenol; tetrabromobisfenol-A

79-94-7

201-236-9

1733

transflutrin (ISO); 2,3,5,6-tetrafluworobenżil (1R,3S)-3-(2,2-diklorovinil)-2,2-dimetilċiklopropankarbossilat

118712-89-3

405-060-5

1734

klotijanidin (ISO); (E)-1-(2-kloro-1,3-tijażol-5-ilmetil)-3-metil-2-nitrogwanidina

210880-92-5

433-460-1

1735

benżil(dietilammino)difenilfosfonju 4-[1,1,1,3,3,3-eżafluworo-2-(4-idrossifenil) propan-2-il]fenolat

577705-90-9

479-100-5

1736

benżiltrifenilfosfonju, melħ b’4,4’-[2,2,2-trifluworo-1-(trifluworometil)etiliden]bis[fenol] (1:1)

75768-65-9

278-305-5

1737

massa tar-reazzjoni ta’ 4,4’-[2,2,2-trifluworo-1-(trifluworometil)etiliden]difenol u 4-[1,1,1,3,3,3-eżafluworo-2-(4-idrossifenil)propan-2-il]fenolat tal-benżil(dietilammino)difenilfosfonju (1:1)

-

-

1738

massa tar-reazzjoni ta’ 4,4’-[2,2,2-trifluworo-1-(trifluworometil)etiliden]difenol u benżiltrifenilfosfonju, melħ b’4,4’-[2,2,2-trifluworo-1-(trifluworometil)etiliden]difenol (1:1)

-

-

1739

propilfosfonat tad-dimetil

18755-43-6

242-555-3

1740

maletat tad-dibutiltin

78-04-6

201-077-5

1741

ossidu tad-dibutiltin

818-08-6

212-449-1

1742

massa tar-reazzjoni ta’ 1-(2,3-epossipropossi)-2,2-bis ((2,3-epossipropossi)metil) butan u 1-(2,3-epossipropossi)-2-((2,3-epossipropossi)metil)-2-idrossimetil butan

-

-

1743

4,4’-[2,2,2-trifluworo-1-(trifluworometil)etiliden]difenol; bisfenol AF

1478-61-1

216-036-7

1744

benfluralin (ISO); N-butil-N-etil-α,α,α-trifluworo-2,6-dinitro-p-toluwidina

1861-40-1

217-465-2

1745

N,N-dimetil-p-toluwidina

99-97-8

202-805-4

1746

1,4-Benżendiammina, N,N’-derivattivi tal-fenil u tat-tolil imħallta.

68953-84-4

273-227-8

1747

4-nitrosomorfolina

59-89-2

-

1748

difenokonażol (ISO); 1-({2-[2-kloro-4-(4-klorofenossi)fenil]-4-metil-1,3-diossolan-2-il}metil)-1H-1,2,4-triażol; 3-kloro-4-[(2RS,4RS;2RS,4SR)-4-metil-2-(1H-1,2,4-triażol-1-ilmetil)-1,3-diossolan-2-il]fenil 4-klorofenil etere

119446-68-3

-

1749

4-metilimidażol

822-36-6

212-497-3

1750

diisoċjanat tat-3,3’-dimetilbifenil-4,4’-diil

91-97-4

202-112-7

1751

foramsulfuron (ISO); 2-{[(4,6-dimetossipirimidin-2-il)karbamojl]sulfamojl}-4-formammido-N,N-dimetilbenżammid; 1-(4,6-dimetossipirimidin-2-il)-3-(2-dimetilkarbamojl-5-formammidofenilsulfonil)urea

173159-57-4

-”

(b)

l-entrata 1580 hija sostitwita b’dan li ġej:

Numru ta’ referenza

Identifikazzjoni tas-sustanza

Isem kimiku/INN

Numru CAS

Numru EC

a

b

c

d

“1580

(2E)-2-ċjano-N-[(etilammino)karbonil]-2-(metossiimino)aċetammid; [2]

166900-80-7; [2]

261-043-0; [1]

ċimoksanil (ISO); 2-ċjano-N-[(etilammino)karbonil]-2-(metossiimino)aċetammid; [1]

57966-95-7; [1]

- [2]”

(2)

fl-Anness III, l-entrata 311 titħassar.


ELI: http://data.europa.eu/eli/reg/2025/877/oj

ISSN 1977-074X (electronic edition)