C-328/0662006J03280003.00021011311012412CJSENTENZA TAT-22.11.2007 — KAWŻA C-328/06NIETO NUÑO<TI><P><HT TYPE="UC">Sentenza tal-Qorti tal-Ġustizzja</HT> (It-Tieni Awla)</P><P><DATE ISO="20071122">22 ta' Novembru 2007</DATE><NOTE NOTE.ID="E0001" NUMBERING="STAR"><P>Lingwa tal-kawża: l-Ispanjol.</P></NOTE></P></TI>

Fil-Kawża C-328/06,

li għandha bħala suġġett talba għal deċiżjoni preliminari skond l-Artikolu 234 KE, imressqa mili-Juzgado de lo Mercantil 3 de Barcelona (Spanja), permezz ta' deċiżjoni tas-17 ta' Lulju 2006, li waslet fil-Qorti tal-Ġustizzja fis-27 ta' Lulju 2006, fil-kawża

Alfredo Nieto Nuño

vs

Leonci Monlleó Franquet,

IL-QORTI TAL-ĠUSTIZZJA (It-Tieni Awla),

komposta minn C. W. A. Timmermans, President ta' l-Awla, L. Bay Larsen (Relatur), J. Makarczyk, P. Kūris u J.-C Bonichot, Imħallfin,

Avukat Ġenerali: P. Mengozzi,

Registratur: R. Grass,

wara li rat il-proċedura bil-miktub,

wara li kkunsidrat l-osservazzjonijiet ippreżentati:

Għal L. Monlleó Franquet, minn C. Arcas Hernández, procurador, u C. Cardelús de Baile, abogado,

għall-Gvern Franċiż, minn G. de Bergues u J.-C. Niollet, bħala aġenti,

għall-Gvern Taljan, minn L M. Braguglia, bħala aġent, assistit minn P. Gentili, avvocato dello Stato,

għall-Kummissjoni tal-Komunitajiet Ewropej, minn R. Vidal Puig u W. Wils, bħala aġenti,

wara li semgħet il-konklużjonijiet ta' l-Avukat Ġenerali, ippreżentati fis-seduta tat-13 ta' Settembru 2007,

tagħti l-preżenti

<TI><P>Sentenza</P></TI>1It-talba għal deċiżjoni preliminari tirrigwarda l-interpretazzjoni ta' l-Artikolu 4 ta' lewwel Direttiva tal-Kunsill 89/104/KEE, tal-21 ta' Diċembru 1988, biex jiġu approssimati l-liġijiet ta' l-Istati Membri dwar it-trade marks (ĠU L 40, p. 1, iktar 'il quddiem id-Direttiva).2Din it-talba tressqet fil-kuntest ta' kawża bejn A. Nieto Nuño, proprjetarju tat-trade mark irregistrata FINCAS TARRAGONA, li tkopri diversi attivitajiet fil-qasam talproprjetà immobbli, u L. Monlleó Franquet, aġent immobbiljari f'Tarragona (Spanja), dwar l-użu, minn dan ta' l-aħħar, għall-attività professjonali tiegħu, tat-trade mark preċedenti mhux irregistrata FINCAS TARRAGONA, bil-Kastiljan, jew FINQUES TARRAGONA, bil-Katalan.<TI><P>Il-kuntest ġuridiku</P></TI><TI><P>Il-leġiżlazzjoni Komunitarja</P></TI>3L-Artikolu 4 tad-Direttiva, intitolat Raġunijiet aktar għar-rifjut jew invalidità li tikkonċerna l-konflitti mad-drittijiet preċedenti, jipprovdi:

1.Trade mark ma tiġix registrata jew, jekk registrata, għandha tkun suġġetta li tiġi dikjarata invalida:

(a)jekk hija identika għat-trade mark preċedenti, u l-merkanzija jew is-servizzi li għalihom t-trade mark hi applikata jew registrata huma identici għall-merkanzija jew is-servizzi li għalihom t-trade mark preċedenti hi protetta;(b)jekk minhabba l-identità tagħha ma', jew xebh mat-trade mark preċedenti u l-identità jew ix-xebh tal-merkanzija jew is-servizzi koperti mit-trade marks, teżisti l-possibbiltà ta' konfużjoni min-naħa tal-pubbliku, li tinkludi l-possibbiltà ta' assoċjazzjoni mat-trade mark ta' qabel

2.Trade marks preċedenti' fis-sens tal-paragrafu 1 ifissru:

[...]

(d)trade marks li, fid-data ta' l-applikazzjoni għar-reġistrazzjoni tat-trade mark, jew, fejn xieraq, tal-prijorità pretiża dwar l-applikazzjoni għar-reġistrazzjoni tat-trade mark, huma magħrufa sew fi Stat Membru, fis-sens li fih il-kliem magħrufa sew huma użati fl-Artikolu 6 [bis] tal-Konvenzjoni ta' Pariġi.

[...]

4.Kwalunkwe Stat Membru jista' wkoll jistabbilixxi li trade mark mhux għandha tiġi registrata jew, jekk registrata, għandha tkun suġġetta li tkun dikjarata invalida fejn, u sakemm li:

[...]

(b)xi drittijiet għat-trade mark mhux registrata jew għal simbolu [sinjal] ieħor użat matul il-kummerċ kienu miksuba qabel id-data ta' l-applikazzjoni għar-reġistrazzjoni tat-trade mark sussegwenti, jew id-data tal-prijorità pretiża għall-applikazzjoni tar-reġistrazzjoni tat-trade mark sussegwenti u li trade mark mhux registrata jew simbolu ieħor jagħtu lil proprjetarju tagħha d-dritt li jipprojbixxi l-użu tat-trade mark sussegwenti;

[...]

4L-Artikolu 6 tad-Direttiva, intitolat Limitazzjoni ta' l-effetti ta' trade mark, jipprovdi, fil-paragrafu 2 tiegħu:

It-trade mark ma tagħtix lill-proprjetarju d-dritt li jipprojbixxi terza persuna milli tuża matul il-kummerċ, dritt preċedenti li japplika biss f'lokalità partikolari jekk dak id-dritt hu rrikonoxxut mil-liġijiet ta' l-Istat Membru in kwistjoni u fil-limiti tatterritorju fejn hu rrikonoxxut

<TI><P>Il-Konvenzjoni ta' Pariġi</P></TI>5L-Artikolu 6 bis tal-Konvenzjoni ta' Pariġi għall-protezzjoni tal-proprjetà industrijah, iffirmata f'Pariġi fl-20 ta' Marzu 1883, riveduta l-aħħar darba fi Stokkolma fl-14 ta Lulju 1967 u emendata fit-28 ta' Settembru 1979 (Ġabra tat-Trattati tan-Nazzjonijiet Uniti, Vol. 828, Nru 11851, p. 305, iktar 'il quddiem il-Konvenzjoni ta Pariġi), li torbot lill-Istati Membri koliha tal-Komunità Ewropea, jipprovdi:

Trade marks: trade marks magħrufa sew

1)Il-pajjiżi ta' l-Unjoni jobbligaw irwieħhom li, ex officio jekk il-leġiżlazzjoni tal-pajjiż dan tippermettih, jew fuq talba tal-persuna kkonċernata, jirrifjutaw jew jinvalidaw ir-reġistrazzjoni u jipprojbixxu l-użu ta' trade mark li tikkostitwixxi riproduzzjoni, imitazzjoni jew traduzzjoni, li jistgħu joħolqu konfużjoni, ta' trade mark li l-awtorità kompetenti tal-pajjiż tar-reġistrazzjoni jew ta' l-użu tqis li diġà hija magħrufa sew f'dak il-pajjiż bħala trade mark ta' persuna intitolata li tibbenefika minn din il-Konvenzjoni u użata għal prodotti identiċi jew simili. L-istess għandu japplika meta l-parti essenzjali tat-trade mark tikkostitwixxi r-riproduzzjoni ta' trade mark magħrufa sew jew imitazzjoni li tista' toħloq konrużjoni magħha.2)Għandu jingħata terminu minimu ta' hames snin mid-data tar-reġistrazzjoni li fih jista' jintalab il-kanċellament ta' tali trade mark. Il-pajjiżi ta' l-Unjoni jistgħu jipprovdu terminu li fih għandha tintalab il-projbizzjoni ta' l-użu.3)M'għandu jiġi stabbilit ebda terminu li fih jista' jintalab il-kanċellament jew il-projbizzjoni ta' l-użu ta' trade marks reġistrati jew użati in mala fide.

<TI><P>Il-leġiżlazzjoni nazzjonali</P></TI>6L-Artikolu 6 tal-Liġi Spanjola fuq it-trade marks Nru 17/2001 (Ley de Marcas Española 17/2001), tas-7 ta' Diċembru 2001, tipprovdi:

1Sinjal ma jistax jiġi rreġistrat bħala trade mark:

a)jekk huwa identiku għal trade mark preċedenti li tkopri prodotti jew servizzi identiċi;b)jekk minħabba l-identiċità jew ix-xebh ta' trade mark preċedenti u minħabba l-identiċità jew ix-xebh tal-prodotti jew servizzi li jkopru ż-żewġ trade marks, teżisti probabbiltà ta' konfużjoni min-naħa tal-pubbliku, li tinkludi l-probabbiltà ta' assoċjazzjoni mat-trade mark preċedenti.

2.Trade marks preċedenti fis-sens tal-paragrafu 1 ifissru:

[...]

d)it-trade marks mhux irregistrati li, fid-data ta' l-applikazzjoni għar-reġistrazzjoni jew tar-rivendikazzjoni tal-prijorità tat-trade mark li tkun qed tiġi eżaminata, ikunu magħrufa sew fi Spanja fis-sens ta' l-Artikolu 6 bis tal-Konvenzjoni ta' Pariġi.

<TI><P>Il-kawża prinċipali u d-domanda preliminari</P></TI>7A. Nieto Nuño huwa l-proprjetarju tat-trade mark FINCAS TARRAGONA, irregistrata fi Spanja fil-klassi 36, kif iddefinita mill-Ftehim ta' Nizza dwar il-Klassifikazzjoni Internazzjonali ta' Prodotti u Servizzi għall-finijiet tar-Reġistrazzjoni ta' Trade marks, tal-15 ta' Ġunju 1957, kif irrivedut u emendat, għal attivitajiet ta' ġestjoni ta' proprjetà u ta' komproprjetà, kiri ta' immobbli, bejgħ ta' immobbli, assistenza legali u promozzjoni ta' l-immobbli.8L. Monlleó Franquet, aġent immobbiljari f'Tarragona, juża pubblikament u b'mod kontinwu l-isem FINCAS TARRAGONA, bil-Kastiljan, jew FINQUES TARRAGONA, bil-Katalan, sabiex jidentifika l-attività professjonali tiegħu.9A. Nieto Nuño ressaq rikors kontra L. Monlleó Franquet, abbażi tal-leġiżlazzjoni Spanjola fuq it-trade marks, quddiem il-Juzgado de lo Mercantil 3 de Barcelona bil-għan li jiġi kkonstatat ksur, min-naħa tal-konvenut fil-kawża prinċipali, tat-trade mark irregistrata FINCAS TARRAGONA.10Fid-difiża tiegħu, L. Monlleó Franquet sostna li l-isem li taħtu jeżerċita l-attività tiegħu huwa trade mark preċedenti mhux irregistrata li hija magħrufa sew, li ilu juża għall-inqas mill-1978. Huwa ressaq kontrotalba intiża sabiex jinkiseb l-annullament tar-reġistrazzjoni tat-trade mark tar-rikorrent fil-kawża prinċipali.11Il-qorti tar-rinviju tirrileva li l-konvenut fil-kawża prinċipali juża t-trade mark mhux irregistrata tiegħu biss fil-belt ta' Tarragona u l-inħawi tagħha, b'mod li s-settur rilevanti tal-pubbliku, tal-klijentela, tal-konsumaturi u tal-kompetituri mhuwiex dak ta' Spanja koliha kemm hi u lanqas ta' parti sinjifikattiva minnha.12F'dawn iċ-ċirkustanzi, il-Juzgado de lo Mercantil 3 de Barcelona ddeċieda li jissospendi l-proċeduri u jressaq lill-Qorti tal-Ġustizzja d-domanda preliminari li ġejja:

Il-kunċett ta' trade mark magħrufa sew fi Stat Membru skond l-Artikolu 4 tad-[Direttiva] għandu jirreferi biss u esklużivament għal-livell ta' għarfien u tixrid fi Stat Membru ta' l-Unjoni Ewropea jew f parti sinjifikattiva mit-territorju ta' l-imsemmi Stat, jew id-determinazzjoni ta' jekk trade mark hijiex magħrufa sew tista tkun marbuta ma' kuntest territorjali li ma jikkoinċidix mat-territorju ta' Stat, imma ma' dak ta' Komunita awtonoma, ta' reġjun, ta' provinċja jew ta' belt, skond il-prodott jew servizz kopert mit-trade mark u d-destinatarji effettivi tat-trade mark, jiġifieri skond is-suq li fih tintuża t-trade mark?

<TI><P>Fuq id-domanda preliminari</P></TI>13Id-domanda mressqa hija limitata għall-estensjoni ġeografika tal-fama ta' trade mark preċedenti u mhux għall-kriterji ta' evalwazzjoni tal-fama nfisha, ikkunsidrata f'termini ta' grad ta' għarfien tat-trade mark fost il-pubbliku.14F'dak li jirrigwarda l-estensjoni ġeografika tal-fama, għandu jiġi rrilevat li, skond l-Artikolu 4(2) (d) tad-Direttiva, l-eżistenza ta' trade marks magħrufa sew fis-sens ta' l-Artikolu 6 bis tal-Konvenzjoni ta' Parigi għandha tiġi evalwata fi Stat Membru.15Permezz tad-domanda tagħha, il-qorti tar-rinviju tfittex li tiġi speċifikata l-portata ta l-espressjoni fi Stat Membru.16Fid-dawl tal-fatti fil-kawża prinċipali, hija ssaqsi essenzjalment jekk l-Artikolu 4(2) (d) tad-Direttiva għandux jiġi interpretat fis-sens li t-trade mark preċedenti għandha tkun magħrufa sew fit-territorju kollu ta' l-Istat Membru ta' reġistrazzjoni jew f'parti sostanzjali minnu, jew inkella jekk il-protezzjoni mogħtija permezz ta' din id-dispożizzjoni tkoprix ukoll sitwazzjoni li fiha t-trade mark preċedenti tgawdi fama limitata għal belt u għall-inħawi tagħha.17F'dan ir-rigward, fin-nuqqas ta' preċiżazzjoni f'dan is-sens tad-dispożizzjoni Komunitarja interpretata, żgur ma jistax jiġi rikjest li l-fama teżisti fit-territorju kollu ta' l-Istat Membru u huwa suffiċjenti li teżisti l-fama f'parti sostanzjali minnu (ara, b'analoġija, is-sentenza ta' l-14 ta' Settembru 1999, General Motors, C-375/97, Ġabra p. I-5421, punt 28, dwar il-kunċett simili ta' reputazzjoni ta' trade mark, li għalih l-Artikolu 5(2) tad-Direttiva jirreferi wkoll għal evalwazzjoni fl-Istat Membru).18Madankollu, it-tifsira ordinarja tat-termini użati fl-espressjoni fi Stat Membru tipprekludi l-applikazzjoni ta' l-imsemmija espressjoni għal fama limitata għal belt u għall-inħawi tagħha li, flimkien, ma jikkostitwixxux parti sostanzjali ta' l-Istat Membru.19Fi kwalunkwe każ, għandu jiġi osservai li trade mark preċedenti mhux irregistrata tista' eventwalment tkun koperta, b'mod partikolari:

bl-Artikolu 4(4)(b) tad-Direttiva, li jippermetti lil Stat Membru jipprovdi li trade mark m'għandhiex tiġi rreġistrata jew, jekk irregistrata, għandha tkun suġġetta li tkun dikjarata invalida fejn u sakemm xi drittijiet għal trade mark mhux registrata nkisbu preċedentement u din it-trade mark mhux irreġistrata tagħti lill-proprjetarju tagħha d-dritt li jipprojbixxi l-użu ta' trade mark sussegwenti;

bl-Artikolu 6(2) tad-Direttiva, li jagħti lil Stat Membru l-fakulta li jawtorizza l-użu ta' dritt preċedenti li japplika biss f lokalita partikolari, fil-limiti tatterritorju fejn huwa rrikonoxxut.

20Bla hsara għall-kampijiet ta' applikazzjoni rispettivi ta' dawn iż-żewġ dispożiz-zjonijiet, ir-risposta għad-domanda mressqa għandha tkun li l-Artikolu 4(2)(d) tad-Direttiva għandu jiġi interpretat fis-sens li t-trade mark preċedenti għandha tkun magħrufa sew fit-territorju kollu ta' l-Istat Membru ta' reġistrazzjoni jew f'parti sostanzjali minnu.<TI><P>Fuq l-ispejjeż</P></TI>21Peress li l-proċedura għandha, fir-rigward tal-partijiet fil-kawża prinċipali, in-natura ta' kwistjoni mqajma quddiem il-qorti tar-rinviju, hija din il-qorti li tiddeċiedi fuq l-ispejjeż. L-ispejjeż sostnuti għas-sottomissjoni ta' l-osservazzjonijiet lill-Qorti tal-Ġustizzja, barra dawk ta' l-imsemmija partijiet, ma jistgħux jitħallsu lura.

Għal dawn il-motivi, Il-Qorti tal-Ġustizzja (It-Tieni Awla) taqta' u tiddeċiedi:

L-Artikolu 4(2)(d) ta' l-ewwel Direttiva tal-Kunsill 89/104/KEE, tal-21 ta' Diċembru 1988, biex jiġu approssimati l-liġijiet ta' l-Istati Membri dwar it-trade marks għandu jiġi interpretat fis-sens li t-trade mark preċedenti għandha tkun magħrufa sew fit-territorju kollu ta' l-Istat Membru ta' reġistrazzjoni jew f'parti sostanzjali minniu

Firem