1.   Cé is moite de rochtain ar iontrálacha ar liostaí faire a ndéanfar rochtain orthu i gcomhréir leis an gCinneadh Cur Chun Feidhme ón gCoimisiún lena leagtar síos bearta maidir le cur i bhfeidhm Rialachán (AE) 2018/1240 ó Pharlaimint na hEorpa agus ón gComhairle a mhéid a bhaineann le sonraíochtaí teicniúla an liosta faire agus na huirlise meastóireachta tionchair (11), beidh rochtain ag úsáideoirí ó Láraonad ETIAS, Aonaid Náisiúnta ETIAS agus Europol ar shonraí a stóráiltear i Lárchóras ETIAS agus Europol, tríd an mbogearra dá dtagraítear in Airteagal 6(2) de Rialachán (AE) 2018/1240 (“an bogearra”).

2.   Agus an bogearra á fhorbairt aige, déanfaidh eu-LISA an méid seo a leanas:

(a)	scéim fíordheimhniúcháin a bhunú lena logálfar isteach sa bhogearra;

(b)	ceadanna caighdeánacha, róil agus próifílí poist a chur ar fáil do Láraonad ETIAS, Aonaid Náisiúnta ETIAS agus Europol.

3.   Cuirfidh an bogearra na modhanna teicniúla ar fáil do Láraonad ETIAS, Aonaid Náisiúnta ETIAS agus Europol chun an méid seo a leanas a dhéanamh:

(a)	róil nua a chruthú agus róil atá ann cheana a leasú nó a léirscriosadh;

(b)	sonraí logála isteach a chruthú chun gur féidir leis na húsáideoirí oibríochtaí próiseála sonraí a dhéanamh i gcomhréir leis na róil sannta;

(c)	rialáil a dhéanamh, laistigh dá n-eagraíocht, ar shannadh na ról caighdeánach d’úsáideoirí agus ar bhainistiú na ról sin.

4.   Na róil a chruthaigh nó a leasaigh Láraonad ETIAS, Aonaid Náisiúnta ETIAS agus Europol, ní bheidh siad le feiceáil ach ag Láraonad ETIAS, Aonad Náisiúnta ETIAS nó Europol faoi seach.

5.   Cuirfidh an bogearra cosc ar róil neamh-chomhoiriúnacha a shannadh d’úsáideoirí. I gcás na n-úsáideoirí a bhfuil roinnt próifílí poist acu, déanfaidh an bogearra a áirithiú nach mbeidh siad in ann ach próifíl poist amháin a úsáid ag am ar leith, agus go mbeidh siad in ann próifílí poist a mhalartú gan logáil amach.

6.   Is iad Láraonad ETIAS, Aonaid Náisiúnta ETIAS agus Europol a bheidh freagrach as próifílí poist a shannadh d’úsáideoirí laistigh dá n-eagraíocht tríd an mbogearra. Féadfar gach próifíl poist, ról nó cead a shannadh do roinnt úsáideoirí laistigh d’aon eagraíocht amháin.

7.   Féadfaidh úsáideoirí ainmneacha bréige a úsáid. Beifear in ann na hainmneacha bréige sin a rianú chuig céannachtaí oifigiúla na n-úsáideoirí ar an leibhéal náisiúnta nó laistigh de Europol.

8.   An scéim fíordheimhniúcháin agus na ceadanna, róil agus próifílí poist caighdeánacha dá dtagraítear i mír 2 agus an cosc atá ar róil neamh-chomhoiriúnacha shannadh dá dtagraítear i mír 4 den Airteagal seo, is mar chuid de na sonraíochtaí teicniúla dá bhforáiltear in Airteagal 73(3) de Rialachán (AE) 2018/1240 a bheidh siad.

1.   Beidh ar a laghad ceann amháin de na feidhmeanna seo a leanas ag an mbogearra lena dtacófar le húsáideoirí sonraí a rochtain, a leasú agus a léirscriosadh:

(a)	an fhéidearthacht a bheith ann tacar réamhshocraithe scagairí a úsáid chun taispeáint na sonraí a oiriúnú do gach próifíl poist atá logáilte isteach sa bhogearra;

(b)	sábháil uathoibríoch na sonraí a chuirtear leis an gcomhad iarratais nó na ndréachtleasuithe ar shonraí sa chomhad iarratais, i gcás inarb infheidhme, agus logáil amach uathoibríoch an úsáideora tar éis tréimhse neamhghníomhaíochta réamhbhunaithe;

(c)	an fhéidearthacht a bheith ann rochtain ar amas ag úsáideoir eile a bhlocáil ar feadh tréimhse teoranta, lena n-airítear amais den sórt sin a mharcáil mar amais atá infheicthe ag úsáideoirí eile;

(d)	an rogha a bheith ann dul chun cinn a shábháil maidir le próiseáil iarratais ag Láraonad ETIAS nó Aonaid Náisiúnta ETIAS;

(e)	an rogha a bheith ann marcáil agus taifeadadh a dhéanamh, tráth ar bith, ar aon mhíchruinneas sonraí nó aon phróiseáil atá ina sárú ar Rialachán (AE) 2018/1240 ag Láraonad ETIAS nó Aonaid Náisiúnta ETIAS;

(f)	cumarsáid agus malartú faisnéise a chumasú idir na húsáideoirí ó Láraonad ETIAS, Aonaid Náisiúnta ETIAS agus Europol;

(g)	na nótaí sealadacha dá dtagraítear in Airteagal 5(1), pointe (f) den Chinneadh seo a scriosadh go huathoibríoch tráth a chuirfear críoch leis an bpróiseáil láimhe ag Láraonad ETIAS agus ag Aonaid Náisiúnta ETIAS;

(h)	na nótaí sealadacha dá dtagraítear in Airteagal 5(1), pointe (f) den Chinneadh seo a chosc ar bheith infheicthe ag úsáideoirí eile seachas úsáideoirí an Aonaid chéanna nó Europol;

(i)	cead a thabhairt do Lárionad ETIAS iarrataí ó Europol dá dtagraítear in Airteagal 5(1), pointe (m) den Chinneadh seo a phróiseáil;

(j)

an fhéidearthacht a bheith ann aisghabháil sonraí a éascú arna iarraidh sin do dhuine is ábhar do na sonraí, lena n-áirítear teimpléid chun freagra a thabhairt don duine is ábhar do na sonraí mar aon le, i gcas inarb ábhartha, forléargas ar na hathruithe a rinneadh ar na sonraí, roghnú na sonraí pearsana nó na húdair chuí dá dtagraítear in Airteagal 64(3) agus (4) de Rialachán (AE) 2018/1240;

(k)	i gcás ina leasófar údarú taistil ar bhonn iarraidh ó shealbhóir an údaraithe i gcomhréir le hAirteagal 64 de Rialachán (AE) 2018/1240, beidh na húsáideoirí in ann a chur in iúl do shealbhóir an údaraithe taistil gur eisíodh údarú taistil leasaithe.

2.   Tabharfaidh eu-LISA tuairisc ar na sonraí maidir le feidhmeanna ginearálta an bhogearra sna sonraíochtaí teicniúla dá dtagraítear in Airteagal 73(3) de Rialachán (AE) 2018/1240.

1.   Beidh ar a laghad na feidhmiúlachta sonracha seo a leanas ag an mbogearra lena dtacófar le húsáideoirí agus sonraí á rochtain acu i gcomhréir le Caibidlí III, IV agus VI de Rialachán (AE) 2018/1240:

(a)

feidhmiúlacht lena dtaispeánfar na comhaid iarratais mar an taispeáint réamhshocraithe de réir an mhéid ama atá fágtha go dtí an chéad chéim eile den phróiseáil láimhe, mar aon le scagairí eile a bheidh ar fáil chun an taispeáint a shaincheapadh de réir an úsáideora, chun na comhaid iarratais a thaispeáint de réir na n-aicmí seo a leanas: (i) an t-am a cuireadh tús le céim na próiseála láimhe; (ii) aon iarraidh riachtanach ar cheadú agus an t-am atá fágtha go dtí dul in éag an sprioca-ama le haghaidh tuairimí a thabhairt (arna n-aicmiú, mar réamhshocrú, de réir na n-iarrataí ar cheadú sin a bhfuil an t-am is lú fágtha acu go dtí an sprioc-am); (iii) an chéad chéim eile den phróiseáil láimhe atá le déanamh ag Aonad Náisiúnta Aonad ETIAS a ceadaíodh nó atá freagrach as an iarratas; (iv) an cineál amais nó ceiste cúlra a chuireann an phróiseáil láimhe i ngníomh; (v) an cineál iarratais (eadhon iarratas a bhaineann le forais dhaonnúla nó oibleagáidí idirnáisiúnta, nó an gnáthchineál iarratais); (vi) iarratais atá marcáilte le haghaidh aird ar leith nó láimhseáil ad-hoc; (vii) i gcás Aonad Náisiúnta ETIAS an Bhallstáit atá freagrach, an cineál tuairime a fuarthas ó Aonaid Náisiúnta ETIAS a ceadaíodh nó ó Europol, lena n-áirítear cibé acu an bhfuarthas roimh an sprioc-am í nó nach bhfuarthas;

(b)	feidhmiúlacht chun an t-am atá fágtha a ríomh agus a thaispeáint go soiléir mar aon le rabhaidh maidir le sprioc-amanna le haghaidh phróiseáil láimhe na n-iarratas, lena n-áirítear an uair a cheadaítear Aontais Náisiúnta ETIAS nó Europol;

(c)	feidhmiúlacht lena gcuirfear deais bhainistíochta ar fáil do Láraonad ETIAS, Aonaid Náisiúnta ETIAS nó Europol ina mbeidh forléargas ar stádas na n-oibríochtaí próiseála láimhe le fáil;

(d)	feidhmiúlacht lena dtabharfar an rogha chun iarratas a mharcáil le haghaidh aird ar leith nó láimhseáil ad-hoc;

(e)	feidhmiúlacht lena dtabharfar an rogha fógra a iarraidh faoin gcinneadh a rinne Aonad Náisiúnta ETIAS an Bhallstáit atá freagrach i leith iarratas ar ceadaíodh Aonad Náisiúnta ETIAS i ndáil leis;

(f)	feidhmiúlacht lena gcuirfear ar a chumas do Láraonad ETIAS agus Aonaid Náisiúnta ETIAS nótaí sealadacha i ndáil leis an gcomhad iarratais a chur leis nó a scriosadh;

(g)

feidhmiúlachtaí lena dtacófar le hAonaid Náisiúnta ETIAS próiseáil láimhe a dhéanamh ar iarratais de bhun Airteagail 26 agus 28 de Rialachán (AE) 2018/1240 mar a leanas: (i) i gcás na n-amas dá dtagraítear in Airteagal 26(3) de Rialachán (AE) 2018/1240, feidhmiúlacht lena gcuirfear ar fáil go huathoibríoch comhad lena asbhaint ina mbeidh na sonraí seo a leanas ón gcomhad iarratais: “sloinne (ainm teaghlaigh)”, “céadainm nó céadainmneacha (ainm nó ainmneacha baiste)”, “sloinne breithe”, “dáta breithe”, “áit bhreithe”, “náisiúntacht i láthair na huaire”, “tír bhreithe”, “cineál, uimhir agus tír eisiúna an doiciméid taistil”, sonraí trínar féidir an taifead, an comhad nó an foláireamh a aisghabháil, an taifead an comhad nó an foláireamh a ghin an t-amas sna córais faisnéise AE a cuardaíodh, agus i gcás ina ndéanfar an fhaisnéis bhreise a bhaineann leis an amas sin a stóráil i gcóras náisiúnta nó i mbunachar sonraí, ar amas é dá dtagraítear san Airteagal sin, ceadófar an córas náisiúnta nó an bunachar sonraí sin chun tacú le measúnú a dhéanamh ar na rioscaí arna sainaithint sa mhír sin; (ii) i gcás na n-amas dá dtagraítear in Airteagal 26(4) de Rialachán (AE) 2018/1240, feidhmiúlacht lena gcuirfear ar fáil go huathoibríoch comhad lena asbhaint ina mbeidh na sonraí seo a leanas ón gcomhad iarratais: freagraí arna soláthar ag an iarratasóir faoi Airteagal 17(4) agus (6) den Rialachán sin, “sloinne (ainm teaghlaigh)”, “céadainm nó céadainmneacha (ainm nó ainmneacha baiste)”, “sloinne breithe”, “dáta breithe”, “áit bhreithe”, “náisiúntacht i láthair na huaire”, “tír bhreithe”, “cineál, uimhir agus tír eisiúna an doiciméid taistil”, freagraí trínar féidir faisnéis a aisghabháil ó na córais náisiúnta nó ó na bunachair sonraí ábhartha, faisnéis a bhaineann leis an amas agus a thacaíonn le measúnú a dhéanamh ar na rioscaí arna sainaithint sa mhír sin; (iii) i gcás na n-amas dá dtagraítear in Airteagal 26(5) de Rialachán (AE) 2018/1240, feidhmiúlacht lena gcuirfear ar fáil go huathoibríoch comhad lena asbhaint ina mbeidh na sonraí seo a leanas ón gcomhad iarratais: “sloinne (ainm teaghlaigh)”, “céadainm nó céadainmneacha (ainm nó ainmneacha baiste)”, “sloinne breithe”, “dáta breithe”, “áit bhreithe”, “náisiúntacht i láthair na huaire”, “cineál, uimhir agus tír eisiúna an doiciméid taistil” agus “aitheantóir náisiúnta” an iontrála ar an liosta faire, sonraí trínar féidir faisnéis a aisghabháil ó na córais náisiúnta nó ó na bunachair faisnéise ábhartha, faisnéis a bhaineann leis an amas agus a thacaíonn le measúnú a dhéanamh ar an riosca arna sainaithint sa mhír sin; (iv) i gcás na n-amas dá dtagraítear in Airteagal 26(6) de Rialachán (AE) 2018/1240, feidhmiúlacht lena gcuirfear ar fáil go huathoibríoch comhad lena asbhaint ina mbeidh na sonraí seo a leanas ón gcomhad iarratais: “sloinne (ainm teaghlaigh)”, “céadainm nó céadainmneacha (ainm nó ainmneacha baiste)”, “sloinne breithe”, “dáta breithe”, “áit bhreithe”, “náisiúntacht i láthair na huaire”, “cineál, uimhir agus tír eisiúna an doiciméid taistil”, sonraí trínar féidir faisnéis a aisghabháil ó na córais náisiúnta nó ó na bunachair sonraí ábhartha, faisnéis a bhaineann leis an amas agus a thacaíonn le measúnú a dhéanamh ar na rioscaí arna sainaithint sa mhír sin; (v) feidhmiúlacht lena gcuirfear ar a gcumas d’úsáideoirí ó Aonaid Náisiúnta ETIAS toradh na measúnaithe ar na rioscaí dá dtagraítear in Airteagal 26(7), an dara fomhír, de Rialachán (AE) 2018/1240 a uaslódáil;

(h)

feidhmiúlacht trínar féidir an fhaisnéis ábhartha is gá a asbhaint le haghaidh nósanna imeachta achomhairc náisiúnta i gcás inar tionscnaíodh na nósanna imeachta sin, agus trínar féidir a thaifeadadh i Lárchóras ETIAS gur tionscnaíodh nós imeachta achomhairc, in éineacht le huimhreacha tagartha an achomhairc náisiúnta agus toradh an nós imeachta sin;

(i)	feidhmiúlacht trínar féidir an fhaisnéis nó an doiciméadacht bhreise dá dtagraítear in Airteagal 27(2) agus (8) de Rialachán (AE) 2018/1240 a asbhaint agus aistriúcháin na doiciméadachta sin a uaslódáil agus a stóráil sa chomhad iarratais;

(j)

feidhmiúlacht trínar féidir obair leantach a dhéanamh i leith thoradh na n-achomharc náisiúnta de bhun Airteagal 37(3), Airteagal 40(3) agus Airteagal 41(7) de Rialachán (AE) 2018/1240, lena n-áirítear sonraí a leasú nó a léirscriosadh i Lárchóras EITAS nó i gcás inarb ábhartha, údarú taistil nua a eisiúint;

(k)	feidhmiúlacht chun comhaid iarratais a shannadh agus chun a n-infheictheacht a theorannú nó a chumasú le haghaidh úsáideoirí laistigh d’aon Aonad Náisiúnta ETIAS amháin nó laistigh de Láraonad ETIAS, ionas gur féidir leis na húsáideoirí comhordú a dhéanamh;

(l)	feidhmiúlacht lena gcuirfear ar a chumas do Europol na sonraí a tharchuireann Láraonad ETIAS chuige a asbhaint, mar a thagraítear dó in Airteagal 29(2) de Rialachán (AE) 2018/1240;

(m)

feidhmiúlacht lena dtabharfar rochtain do Láraonad ETIAS ar Lárchóras ETIAS chun iarrataí ó Europol a phróiseáil maidir le sonraí a stóráiltear i Lárchóras ETIAS a cheadú, gan féachaint ar pharaiméadair chuardaigh na hiarrata ó Europol nó ar thorthaí an chuardaigh, agus chun fógra a thabhairt do Europol faoi tharchur na sonraí de bhun Airteagal 53 de Rialachán (AE) 2018/1240;

(n)	feidhmiúlacht lena gcuirfear ar a chumas do Europol comhad a asbhaint ina bhfuil na sonraí is toradh ar an iarraidh ar cheadú dá dtagraítear i bpointe (m);

(o)	feidhmiúlacht lena sannfar iarrataí ar cheadú d’úsáideoirí sonracha laistigh de Europol;

(p)

feidhmiúlacht lena gcuirfear ar a gcumas d’úsáideoirí ó Láraonad ETIAS nó ó Aonaid Náisiúnta ETIAS a bheith ag obair ar amais éagsúla go comhuaineach laistigh d’aon chomhad iarratais amháin agus chun comhordú a dhéanamh ar mhaithe le teacht ar thuairim i gcásanna ina sainaithneofar níos mó ná amas amháin san Aonad sin maidir leis an aon chomhad iarratais amháin;

(q)	feidhmiúlacht lena n-áiritheofar nach bhféadfaidh ach úsáideoir amháin, laistigh de Láraonad ETIAS nó d’Aonad Náisiúnta ETIAS, a bheith ag obair ar an aon amas amháin, ag aon am amháin, i gcomhad iarratais;

(r)	feidhmiúlacht trínar féidir údarú taistil eisithe a aisghabháil de láimh chun é a neamhniú nó a chúlghairm.

2.   Leis an bhfeidhmiúlacht dá dtagraítear i bpointe (q), cuirfear ar a gcumas do na húsáideoirí na hamais nach féidir obair a dhéanamh orthu ag am ar leith a fheiceáil. Na húsáideoirí a bhfuil sonraí logála isteach cuí acu, beidh siad in ann ábhar an amais a fheiceáil i gcónaí.

3.   Sna sonraíochtaí teicniúla dá bhforáiltear in Airteagal 73(3) den Rialachán (AE) 2018/1240, tabharfaidh eu-LISA tuairisc ar shonraí na bhfeidhmiúlachtaí sonracha atá ag an mbogearra dá dtagraítear i mír 1, formáid na sonraí sna comhaid asbhainte dá dtagraítear i mír 1, pointí (g), (l), (m) agus (n) den Airteagal seo agus an cur chuige teicniúil i leith taifead a choimeád ar na hoibríochtaí próiseála sonraí uile dá dtagraítear in Airteagal 26(7) den Rialachán sin.

1.   Chun críocha Airteagal 55 de Rialachán (AE) 2018/1240, ligfidh an bogearra do Láraonad ETIAS nó d’Aonaid Náisiúnta ETIAS na sonraí a stóráiltear i Lárchóras ETIAS a chuardach. Beidh na réimsí cuardaigh seo a leanas ar fáil:

(a)	sloinne (ainm teaghlaigh);

(b)	céadainm nó céadainmneacha (ainm nó ainmneacha baiste);

(c)	cineál agus uimhir an doiciméid taistil agus cód trí litir na tíre a d’eisigh an doiciméad taistil;

(d)	uimhir an iarratais;

(e)	náisiúntacht nó náisiúntachtaí;

(f)	dáta breithe;

(g)

gnéas;

(h)	tréimhse ama.

2.   Chun aisghabháil an chomhaid iarratais a éascú, ligfidh an bogearra d’úsáideoirí cuardach a dhéanamh trí shonraí a sholáthar a chomhfhreagraíonn do na réimsí cuardaigh dá dtagraítear i mír 1, pointe (c) nó (d) den Airteagal seo.

3.   Mura bhfuil na sonraí dá dtagraítear i mír 1, pointí (c) nó (d) ar fáil, ligfidh an bogearra d’úsáideoirí cuardach a dhéanamh trí shonraí a sholáthar a chomhfhreagraíonn do na réimsí cuardaigh dá dtagraítear i mír 1, pointí (a), (b), (e), (f), (g) agus (h). Ligfidh an bogearra d’úsáideoirí cuardach a dhéanamh i gcás ina mbeidh na sonraí a chomhfhreagraíonn do cheann de na réimsí cuardaigh (b), (e), (g) in easnamh. Beidh sé roghnach sonraí a sholáthar a chomhfhreagraíonn don réimse cuardaigh (h).

4.   Beidh feidhm ag na rialacha seo a leanas maidir le cuardaigh a dhéanfar i gcomhréir le mír 2:

(a)	déanfar na réimsí cuardaigh dá dtagraítear i mír 1, pointí (c) agus (d) a chuardach sa mhód beacht;

(b)	déanfar na réimsí cuardaigh eile uile dá dtagraítear i mír 1 a chuardach sa mhód neamhbheacht.

5.   Taispeánfar an comhad iarratais in éineacht le haon chomhad iarratais eile atá ceangailte leis, agus i gcomhréir leis na ceadanna agus na róil arna sainiú d’úsáideoirí.

6.   Chun na comhaid iarratais a léirscriosadh de bhun Airteagal 55(5) de Rialachán (AE) 2018/1240, cuirfidh feidhmiúlacht de chuid an bhogearra ar a gcumas d’úsáideoirí Aonaid Náisiúnta ETIAS cuardaigh a dhéanamh agus roinnt comhaid iarratais a aisghabháil le chéile. Ligfidh an bogearra do na húdaráis dá dtagraítear in Airteagal 55(5) den Rialachán sin an fhaisnéis struchtúrtha ina bhfuil réimsí cuardaigh dá dtagraítear i mír 1 den Airteagal seo a chur ar fáil lena n-úsáid ag Aonaid Náisiúnta ETIAS. Beidh feidhm ag míreanna 2 agus 3 den Airteagal seo mutatis mutandis maidir leis na cuardaigh sin.

7.   Roimh aon athrú de bhun Airteagal 55 de Rialachán (AE) 2018/1240 a thaifeadadh i Lárchóras ETIAS, iarrfaidh an bogearra ar an úsáideoir an leasú nó an léirscriosadh a dheimhniú trína shonraí úsáideora a chur isteach.

1.   Iarrataí ar rochtain ó Europol de bhun Airteagal 53 de Rialachán (AE) 2018/1240, cuirfear isteach tríd an mbogearra iad.

2.   Déanfaidh Europol na sonraí dá dtagraítear in Airteagal 52(2) agus (3) de Rialachán (AE) 2018/1240 a líonadh isteach i bhfoirm i gcomhréir le hAirteagal 53 den Rialachán sin. Déanfaidh Europol a shonrú cé na sonraí, más ann dóibh, a bhféadfar iad a chuardach sa mhód neamhbheacht.

3.   Aonad speisialaithe Europol dá dtagraítear in Airteagal 53(3) de Rialachán (AE) 2018/1240, aonad atá freagrach as iarrataí a fhíordheimhniú roimh ré, cuirfidh sé san áireamh san iarraidh an measúnú i dtaobh an gcomhlíonann an iarraidh na coinníollacha uile dá dtagraítear i mír 2 den Airteagal sin. Beidh sé dodhéanta go teicniúil an iarraidh a chur faoi bhráid Láraonad ETIAS mura bhfuil an measúnú sin san áireamh.

4.   Déanfaidh Lárchóras ETIAS cosc a chur go huathoibríoch ar rochtain ar shonraí dá dtagraítear in Airteagal 17(2), pointe (h) de Rialachán (AE) 2018/1240. Chomh maith leis sin, déanfaidh Lárchóras ETIAS cosc a chur go huathoibríoch ar rochtain ar shonraí dá dtagraítear in Airteagal 17(2), pointe (i), agus Airteagal 17(4), pointí (a), (b) agus (c), de Rialachán (AE) 2018/1240 i gcás nach mbeidh sé léirithe ag aonad speisialaithe Europol go ndearnadh na húdair chuí ábhartha is gá de bhun Airteagal 53(1) den Rialachán sin a sholáthar agus a fhíorú. Léireoidh aonad speisialaithe Europol san iarraidh go ndearnadh na fíoruithe is gá.

1.   Déanfaidh na lárphointí rochtana Lárchóras ETIAS a chuardach leis na sonraí a liostaítear in Airteagal 52(2) agus (3) de Rialachán (AE) 2018/1240 tríd an tairseach chuardaigh Eorpach arna bunú de bhun Airteagal 6 de Rialachán (AE) 2019/817. Féadfar na sonraí a liostaítear in Airteagal 52(2) agus (3) de Rialachán (AE) 2018/1240 a chuardach sa mhód neamhbheacht.

2.   Go dtí go mbeidh an tairseach chuardaigh Eorpach oibríochtúil le haghaidh úsáid ag lárphointí rochtana, is trí Lárchóras ETIAS go díreach a dhéanfar na cuardaigh sin.

3.   I gcás ina bhfaighfear iarraidh ó aonad oibríocha de chuid na n-údarás ainmnithe, fíoróidh agus deimhneoidh an lárphointe rochtana go gcomhlíontar na coinníollacha in Airteagal 52(1) de Rialachán (AE) 2018/1240.

4.   I gcás inarb infheidhme, fíoróidh agus deimhneoidh an lárphointe rochtana gurb ann d’údar cuí le rochtain ar na sonraí a liostaítear in Airteagal 17(2), pointe (i), agus Airteagal 17(4), pointí (a), (b) agus (c), de Rialachán (AE) 2018/1240, i gcomhréir le hAirteagal 51 den Rialachán sin.

5.   I gcás ina ndéanfaidh an lárphointe rochtana Lárchóras ETIAS a rochtain, cuirfidh Lárchóras ETIAS cosc go huathoibríoch ar rochtain ar na sonraí a liostaítear in Airteagal 17(2), pointe (h), de Rialachán (AE) 2018/1240.

Na sonraí a liostaítear in Airteagal 17(2), pointe (i), agus Airteagal 17(4), pointí (a), (b) agus (c), de Rialachán (AE) 2018/1240, ní dhéanfaidh Lárchóras ETIAS na sonraí sin a aisghabháil ach amháin i gcás ina mbeidh sé deimhnithe ag an lárphointe rochtana go bhfuil údar cuí leis na sonraí sin a rochtain de bhun mhír 4 den Airteagal seo.

I gcásanna eisceachtúla, de mhaolú ar mhír 3 den Airteagal seo, beidh na lárphointí rochtana in ann a léiriú go mbaineann an iarraidh le cás práinne agus beidh siad in ann an iarraidh ó aonad oibríochta de chuid na n-údarás ainmnithe a phróiseáil láithreach. Na fíoruithe agus na deimhnithe dá bhforáiltear i míreanna 3 agus 4 den Airteagal seo, is ar bhonn ex post a dhéanfar iad, i gcomhréir le hAirteagal 51(4) de Rialachán (AE) 2018/1240.

1.   Déanfaidh na húdaráis teorann Lárchóras ETIAS a rochtain chun na sonraí is gá a cheadú le haghaidh chomhlíonadh a ndualgas.

Beidh rochtain ag na húdaráis teorann ar Lárchóras ETIAS chun é a chuardach leis na sonraí seo a leanas ón gcuid den doiciméad taistil atá meaisín-inléite:

(a)	sloinne (ainm teaghlaigh); céadainm nó céadainmneacha (ainmneacha baiste);

(b)	dáta breithe; gnéas; náisiúntacht nó náisiúntachtaí;

(c)	cineál agus uimhir an doiciméid taistil agus cód trí litir na tíre a d’eisigh an doiciméad taistil;

(d)	an dáta a imeoidh bailíocht an doiciméid taistil in éag.

Na sonraí uile a liostaítear sa dara fomhír, úsáidfear iad chun an cuardach a thionscnamh. Na sonraí a liostaítear i bpointe (a), féadfar iad a chuardach sa mhód neamhbheacht agus déanfar na sonraí eile uile a chuardach sa mhodh beacht.

2.   Leis na cuardaigh a dhéanfar leis na sonraí a liostaítear i mír 1 den Airteagal seo, gheofar na sonraí dá dtagraítear in Airteagal 47(2), pointí (a) go (d), de Rialachán (AE) 2018/1240.

3.   I gcomhréir le hAirteagal 47(4) de Rialachán (AE) 2018/1240, beidh na húdaráis teorann in ann Lárchóras ETIAS a rochtain chun faisnéis bhreise a cuireadh leis an gcomhad iarratais a cheadú i gcomhréir le hAirteagal 39(1), pointe (e), nó Airteagal 44(6), pointe (f), den Rialachán sin. Chun na críche sin, beidh rochtain ag na húdaráis teorann, tríd an tairseach chuardaigh Eorpach, ar Lárchóras ETIAS chun é a chuardach leis na sonraí a liostaítear i mír 1, an dara fomhír den Airteagal seo.

Go dtí go mbeidh an tairseach chuardaigh Eorpach oibríochtúil le haghaidh úsáid ag na húdaráis teorann, is trí Lárchóras ETIAS go díreach a dhéanfar na cuardaigh sin.

4.   Leis na cuardaigh a dhéanfar i gcomhréir le mír 3 den Airteagal seo, gheofar na sonraí dá dtagraítear in Airteagal 39(1), pointe (e), nó Airteagal 44(6), pointe (f), de Rialachán (AE) 2018/1240.

1.   Tríd an Tairseach Chuardaigh Eorpach beidh rochtain ag na húdaráis inimirce ar Lárchóras ETIAS chun é a chuardach ar mhaithe lena sheiceáil nó a fhíorú an gcomhlíontar na coinníollacha maidir le dul isteach ar chríoch na Ballstát nó fanacht uirthi, agus ar mhaithe le bearta iomchuí i ndáil leis sin a dhéanamh. De bhun Airteagal 49(1) de Rialachán (AE) 2018/1240, beidh rochtain ag na húdaráis inimirce ar Lárchóras ETIAS chun é a chuardach leis na sonraí a liostaítear in Airteagal 17(2), pointí (a) go (e), den Rialachán sin.

Aon teaglaim de na sonraí a liostaítear in Airteagal 17(2), pointí (a), go (e), de Rialachán (AE) 2018/1240, féadfar iad a úsáid chomh fada agus a úsáidfear na sonraí dá dtagraítear in Airteagal 17(2), pointe (a), den Rialachán sin. Féadfar na cuardaigh sin a dhéanamh sa mhód neamhbheacht.

Go dtí go mbeidh an tairseach chuardaigh Eorpach oibríochtúil le haghaidh úsáid ag na húdaráis inimirce, is trí Lárchóras ETIAS go díreach a dhéanfar na cuardaigh sin.

2.   Leis na cuardaigh a dhéanfar i gcomhréir le mír 1 den Airteagal seo, gheofar na sonraí dá dtagraítear in Airteagal 49(3) de Rialachán (AE) 2018/1240.

3.   Chomh maith leis sin, beidh rochtain ag na húdaráis inimirce ar Lárchóras ETIAS chun críche fillidh, faoi na coinníollacha a leagtar síos in Airteagal 65(3) de Rialachán (AE) 2018/1240.

Beidh rochtain ag na húdaráis inimirce ar Lárchóras ETIAS chun é a chuardach leis na sonraí dá dtagraítear i mír 1 den Airteagal seo.

Aon teaglaim de na sonraí a liostaítear i mír 1 den Airteagal seo, féadfar iad a úsáid chomh fada agus a úsáidfear na sonraí dá dtagraítear in Airteagal 17(2), pointe (a), de Rialachán (AE) 2018/1240.

4.   Leis na cuardaigh a dhéanfar i gcomhréir le míreanna 1 agus 3 den Airteagal seo, gheofar na sonraí dá dtagraítear in Airteagal 65(3), an tríú fomhír, de Rialachán (AE) 2018/1240. Na sonraí dá dtagraítear in Airteagal 17(2), pointe (k), den Rialachán sin, ní bhfaighfear iad ach amháin má úsáidtear “dáta breithe” sa chuardach.