(1)

Jenħtieġ li l-għan tal-azzjoni tal-Unjoni fis-settur tat-trasport marittimu jkun li tittejjeb is-sikurezza marittima u li jiġu protetti l-ambjent tal-baħar u saħħet il-bniedem.

(2)

L-Assemblea tal-Organizzazzjoni Marittima Internazzjonali (OMI), fl-34 sessjoni tagħha li ser issir mill-24 ta' Novembru sat-3 ta' Diċembru 2025 (“A 34”), mistennija tadotta emendi għall-Kodiċi dwar l-Allerti u l-Indikaturi (il-“Kodiċi”) u għal-Linji Gwida għall-Istħarriġ skont is-Sistema Armonizzata tal-Istħarriġ u ċ-Ċertifikazzjoni (il-“Linji Gwida għall-Istħarriġ tal-HSSC”).

(3)

Huwa xieraq li tiġi stabbilita l-pożizzjoni li għandha tittieħed f'isem l-Unjoni matul l-A34, peress li wħud mill-emendi proposti għall-Kodiċi u għal-Linji Gwida għall-Istħarriġ tal-HSSC (minn hawn ’il quddiem il-“Kodiċi, 2025”) jistgħu jinfluwenzaw b'mod deċiżiv il-kontenut tad-dritt tal-Unjoni, jiġifieri d-Direttiva 2009/45/KE tal-Parlament Ewropew u tal-Kunsill (1) u r-Regolament (KE) Nru 391/2009 tal-Parlament Ewropew u tal-Kunsill u r-Regolament (KE) Nru 391/2009 tal-Parlament Ewropew u tal-Kunsill (2).

(4)

Jenħtieġ li l-Unjoni tappoġġa l-adozzjoni tal-Kodiċi, 2025 għaliex ser jiżgura l-konformità mar-rekwiżiti tal-istrumenti tal-OMI li ġew adottati jew emendati minn meta ġie adottat il-Kodiċi u, b'hekk, jiġu eliminati l-kontradizzjonijiet, l-ambigwitajiet u r-ridondanzi mhux meħtieġa.

(5)

Jenħtieġ li l-Unjoni tappoġġa l-adozzjoni tal-Linji Gwida għall-Istħarriġ tal-HSSC, 2025, peress li ser iqisu l-emendi għall-istrumenti tal-OMI li daħlu fis-seħħ jew li saru effettivi mill-2023.

(6)

L-Unjoni la hija membru tal-OMI, u lanqas ma hija parti kontraenti għall-konvenzjonijiet u l-kodiċijiet rilevanti. Għalhekk jenħtieġ li l-Kunsill jawtorizza lill-Istati Membri jesprimu l-pożizzjoni tal-Unjoni waqt l-A 34.

(7)

Jenħtieġ li l-kamp ta' applikazzjoni ta' din id-Deċiżjoni jkun limitat għall-kontenut tal-emendi proposti, sa fejn ikunu jistgħu jaffettwaw regoli komuni tal-Unjoni u jaqgħu fil-kompetenza esklużiva tal-Unjoni. Jenħtieġ li din id-Deċiżjoni ma taffettwax id-diviżjoni tal-kompetenzi bejn l-Unjoni u l-Istati Membri,

(a)

il-Kodiċi dwar l-Allerti u l-Indikaturi, 2025, kif jinsab fl-Anness 14 tad-dokument MSC 110/21/Add.2 tal-OMI, u r-revoka konsegwenti tar-Riżoluzzjoni A.1021 (26) tal-Assemblea tal-OMI; u

(b)

il-Linji Gwida għall-Istħarriġ skont is-Sistema Armonizzata tal-Istħarriġ u ċ-Ċertifikazzjoni (HSSC) 2025, kif jinsabu fl-Anness 3 tad-dokument III 11/16/Add.1 tal-OMI, u r-revoka konsegwenti tar-Riżoluzzjoni A.1186 (33) tal-Assemblea tal-OMI.