(1)

Ba cheart é a bheith d’aidhm ag gníomhaíocht an Aontais san earnáil muiriompair an tsábháilteacht mhuirí a fheabhsú agus an comhshaol muirí agus sláinte an duine a chosaint.

(2)

Meastar go nglacfaidh Tionól na hEagraíochta Muirí Idirnáisiúnta (IMO), ag an 34ú seisiún a bheidh ar siúl aige ón 24 Samhain go dtí an 3 Nollaig 2025 (A 34), leasuithe ar an gCód maidir le Foláirimh agus Táscairí (‘an Cód’) agus ar na Treoirlínte Suirbhéireachta faoin gCóras Comhchuibhithe Suirbhéireachta agus Deimhnithe (‘Treoirlínte Suirbhéireachta HSSC’).

(3)

Is iomchuí an seasamh atá le glacadh thar ceann an Aontais ag A 34 a bhunú, ós rud é go bhféadfadh cuid de na leasuithe atá beartaithe ar an gCód agus ar Threoirlínte Suirbhéireachta HSSC (dá ngairtear ‘Cód’, 2025’ agus ‘Treoirlínte Suirbhéireachta HSSC, 2025’ anseo feasta) tionchar cinntitheach a imirt ar ábhar dhlí an Aontais, is iad sin Treoir 2009/45/CE ó Pharlaimint na hEorpa agus ón gComhairle (1) agus Rialachán (CE) Uimh. 391/2009 ó Pharlaimint na hEorpa agus ón gComhairle (2).

(4)

Ba cheart don Aontas tacú le glacadh Chóid, 2025, toisc go n-áiritheofar leis go gcomhlíonfar ceanglais ionstraimí IMO arna nglacadh nó arna leasaíodh ó glacadh an Cód agus, ar an gcaoi sin, go gcuirfear deireadh le neamhréireanna, débhríochtaí agus iomarcaíochtaí nach bhfuil gá leo.

(5)

Ba cheart don Aontas tacú le glacadh Threoirlínte Suirbhéireachta HSSC, 2025, toisc go gcuirfear san áireamh leo na leasuithe ar ionstraimí IMO a tháinig i bhfeidhm nó a bhfuil éifeacht leo ó 2023 i leith.

(6)

Ní comhalta de IMO é an tAontas ná ní páirtí conarthach sna coinbhinsiúin agus sna cóid iomchuí é. Dá bhrí sin, ba cheart don Chomhairle na Ballstáit a údarú seasamh an Aontais a chur in iúl ag A 34.

(7)

Ba cheart raon feidhme an Chinnidh seo a theorannú don mhéid atá sna leasuithe beartaithe, a mhéid atá ar cumas na leasuithe sin difear a dhéanamh do rialacha comhchoiteanna an Aontais agus a mhéid a thagann siad faoi inniúlacht eisiach an Aontais. Níor cheart don Chinneadh seo difear a dhéanamh do roinnt na n-inniúlachtaí idir an tAontas agus na Ballstáit,

(a)

an Cód maidir le Foláirimh agus Táscairí, 2025, mar a leagtar amach in Iarscríbhinn 14 a ghabhann le doiciméad MSC 110/21/Add.2 de chuid IMO, agus Rún A.1021(26) ó Thionól IMO a chúlghairm ina dhiaidh sin; agus

(b)

na Treoirlínte Suirbhéireachta faoin gCóras Comhchuibhithe Suirbhéireachta agus Deimhnithe (HSSC), 2025, mar a leagtar amach in Iarscríbhinn 3 a ghabhann le doiciméad III 11/16/Add.1 de chuid IMO, agus Rún A.1186(33) ó Thionól IMO a chúlghairm ina dhiaidh sin.