|
30.3.2020 |
MT |
Il-Ġurnal Uffiċjali tal-Unjoni Ewropea |
L 97/1 |
REGOLAMENT TAL-KUNSILL (UE) 2020/455
tas-26 ta’ Marzu 2020
li jemenda r-Regolament (UE) 2019/1838 fir-rigward ta’ ċerti opportunitajiet tas-sajd għall-2020 fil-Baħar Baltiku u f’ilmijiet oħra, u r-Regolament (UE) 2020/123 fir-rigward ta’ ċerti opportunitajiet tas-sajd għall-2020 fl-ilmijiet tal-Unjoni u mhux tal-Unjoni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43(3) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Ir-Regolament tal-Kunsill (UE) 2019/1838 (1) jistabbilixxi għall-2020 l-opportunitajiet tas-sajd għal ċerti stokkijiet ta' ħut u gruppi ta' stokkijiet ta' ħut applikabbli fil-Baħar Baltiku. Dan jistabbilixxi perijodi ta’ għeluq fiż-żmien riproduttiv għaż-żewġ stokkijiet ta’ bakkaljaw tal-Baltiku. L-iżgurar ta’ serje kronoloġika mhux interrotta ta’ data komparabbli dwar l-istokkijiet tal-ħut huwa element essenzjali għall-valutazzjoni xjentifika ta’ dawk l-istokkijiet. Għalhekk huwa xieraq li, matul il-perijodi tal-għeluq rispettiv, jitħallew isiru operazzjonijiet tas-sajd imwettqa esklużivament għall-fini ta’ investigazzjonijiet xjentifiċi u f’konformità sħiħa mal-kondizzjonijiet stabbiliti fl-Artikolu 25 tar-Regolament (UE) Nru 2019/1241 tal-Parlament Ewropew u tal-Kunsill (2). Għalhekk, jenħtieġ li r-Regolament (UE) 2019/1838 jiġi emendat skont dan. |
|
(2) |
Ir-Regolament tal-Kunsill (UE) 2020/123 (3) jistabbilixxi l-opportunitajiet tas-sajd għall-2020 għal ċerti stokkijiet tal-ħut u ċerti gruppi ta’ stokkijiet tal-ħut, applikabbli fl-ilmijiet tal-Unjoni u, għal bastimenti tal-Unjoni, f’ċerti ilmijiet mhux tal-Unjoni. Għandu jiġi ċċarat li r-restrizzjonijiet stabbiliti fl-Artikolu 10(6) ta' dak ir-Regolament japplikaw għas-sajd rikreattiv inkluż minn max-xatt. |
|
(3) |
Fil-laqgħa annwali tagħhom f’Lulju 2019, il-Partijiet għall-Ftehim dwar is-Sajd fin-Nofsinhar tal-Oċean Indjan (SIOFA) iddeċidew dwar miżuri tas-sajd tal-qiegħ u dwar limitazzjoni tal-isforz tas-sajd fiż-żona tas-SIOFA. Dawk il-miżuri ġew implimentati fid-dritt tal-Unjoni permezz tar-Regolament (UE) 2020/123. F'dik il-laqgħa f’Lulju 2019, il-Partijiet għas-SIOFA qablu wkoll dwar ħames żoni protetti proviżorji li fihom japplikaw regoli speċifiċi għall-bastimenti tas-sajd sabiex jiġu protetti l-ekosistemi bentiċi. Għaldaqstant, jenħtieġ li jsir aktar tibdil għal dak ir-Regolament biex jiġi żgurat li r-regoli ta’ implimentazzjoni jirriflettu sew id-deċiżjonijiet li ttieħdu mill-Partijiet għas-SIOFA. |
|
(4) |
Jenħtieġ li l-limiti tal-qbid għaċ-ċiċċirell fid-diviżjonijiet 2a u 3a tal-Kunsill Internazzjonali għall-Esplorazzjoni tal-Baħar (ICES) u fis-subżona 4 tal-ICES jiġu emendati f’konformità mal-aħħar pariri xjentifiċi mill-ICES, maħruġa fis-27 ta’ Frar 2019 u fis-27 ta’ Frar 2020. |
|
(5) |
Fil-laqgħa annwali tagħha f’Novembru 2019, il-Kummissjoni Internazzjonali għall-Konservazzjoni tat-Tonn tal-Atlantiku (ICCAT) iddeċidiet dwar obbligi ġodda ta’ rappurtar għat-tonn tropikali. L-Istati Membri huma meħtieġa li jibagħtu data dwar il-qabdiet ta’ kull xahar għall-bastimenti l-kbar tas-sajd bil-konzijiet (tul totali ta’ 20 metru jew aktar) u għal bastimenti tas-sajd bit-tartarun li jistadu għat-tonn obeż (Thunnus obesus) u għat-tonna safra (Thunnus albacares) fl-Oċean Atlantiku. Meta l-qabdiet tat-tonn obeż jilħqu t-80 % tal-kwota, l-Istati Membri huma mitluba jibgħatu data dwar il-qabdiet għal dawk il-bastimenti kull ġimgħa. |
|
(6) |
Jenħtieġ li dawk il-miżuri jiġu implimentati fid-dritt tal-Unjoni billi jiġu emendati kif xieraq it-tabelli tal-qabdiet totali permissibbli (TAC) għat-tonn obeż u għat-tonna safra fl-Oċean Atlantiku stabbiliti fir-Regolament (UE) 2020/123. |
|
(7) |
Il-limiti tal-isforzi tas-sajd għall-bastimenti tas-sajd tal-Unjoni fiż-Żona tal-Konvenzjoni tal-ICCAT huma bbażati fuq informazzjoni pprovduta fil-kapaċità tas-sajd u fil-pjanijiet tat-trobbija għat-tonn (Thunnus thynnus) ikkomunikati mill-Istati Membri lill-Kummissjoni. Dawk il-limiti tal-isforzi tas-sajd huma rrappurtati permezz tal-pjan tal-Unjoni approvat mill-ICCAT matul il-Laqgħa intersessjonali tal-Bord 2 li saret fil-5 u s-6 ta' Marzu 2020. Jenħtieġ li dawn jiġu stabbiliti bħala parti mill-opportunitajiet tas-sajd. |
|
(8) |
Għalhekk, jenħtieġ li r-Regolament (UE) 2020/123 jiġi emendat kif meħtieġ. |
|
(9) |
Il-limiti tal-qbid previsti fir--Regolamenti (UE) 2019/1838 u (UE) 2020/123 japplikaw mill-1 ta’ Jannar 2020. Għalhekk, jenħtieġ li d-dispożizzjonijiet dwar il-limiti tal-qbid introdotti minn dan ir-Regolament emendatorju japplikaw ukoll minn dik id-data. Tali applikazzjoni retroattiva hija mingħajr preġudizzju għall-prinċipji taċ-ċertezza legali u l-protezzjoni ta’ aspettattivi leġittimi billi l-opportunitajiet tas-sajd ikkonċernati għadhom ma ġewx eżawriti. |
|
(10) |
Ir-Renju Unit ġie kkonsultat f’konformità mal-Artikolu 130(1) tal-Ftehim dwar il-ħruġ tar-Renju Unit tal-Gran Brittanja u l-Irlanda ta' Fuq mill-Unjoni Ewropea u mill-Komunità Ewropea tal-Enerġija Atomika, |
ADOTTA DAN IR-REGOLAMENT:
Artikolu 1
Emenda tar-Regolament (UE) 2019/1838
L-Anness tar-Regolament (UE) 2019/1838 huwa emendat f’konformità mal-Anness I ta’ dan ir-Regolament.
Artikolu 2
Emenda tar-Regolament (UE) 2020/123
Ir-Regolament (UE) Nru 2020/123 jiġi emendat kif ġej:
|
(a) |
fl-Artikolu 10 il-paragrafu 6 huwa sostitwit b'dan li ġej: "6. Fis-sajd rikreattiv, inkluż mix-xatt, fid-diviżjonijiet 8a u 8b tal-ICES, kull sajjied jista’ jaqbad u jżomm massimu ta’ żewġ eżemplari ta’ spnotta Ewropea kuljum. Id-daqs minimu tal-ispnott Ewropew miżmum għandu jkun ta’ 42 cm. Dan il-paragrafu ma għandux japplika għal xbieki fissi, li ma jistgħux jintużaw biex jinqabad jew jinżamm l-ispnott Ewropew."; |
|
b) |
jiddaħħal l-Artikolu li ġej: "Artikolu 28a Raj tal-qrun 1. Għandu jkun ipprojbit li l-bastimenti tas-sajd tal-Unjoni jistadu, iżommu abbord, jittrażbordaw, iħottu l-art, jaħżnu, joffru għall-bejgħ jew ibiegħu, kwalunkwe parti jew karkassa sħiħa tar-raj tal-qrun (il-familja Mobulidae li tinkludi l-ġeneri Manta u Mobula), ħlief għal bastimenti tas-sajd li jwettqu sajd għall-għajxien (fejn il-ħut maqbud jiġi kkunsmat direttament mill-familji tas-sajjieda). B’deroga mill-ewwel subparagrafu, ir-raj tal-qrun li jinqabad b’mod mhux intenzjonat permezz tas-s-sajd artiġjanali (sajd għajr dak bil-konzijiet jew sajd tal-wiċċ, jiġifieri tartaruni tal-borża, qasab u xlief, sajd bl-għeżula, bastimenti tax-xlief u tas-sajd bir-rixa, u li huma rreġistrati fir-reġistru ta’ bastimenti awtorizzati tal-IOTC) jista' jinħatt l-art għal skopijiet ta’ konsum lokali biss. 2. Il-bastimenti tas-sajd kollha, minbarra dawk li jwettqu sajd għall-għajxien, għandhom minnufih jirrilaxxaw ħaj u mingħajr ma ssirlu ħsara, sa fejn ikun prattikabbli, ir-raj tal-qrun hekk kif jidher fix-xibka, fuq is-sunnara, jew fuq il-gverta, u għandhom jagħmlu dan b’mod li jirriżulta fl-inqas ħsara possibbli lill-individwi maqbuda." |
|
(c) |
l-Artikolu 30 jitħassar; |
|
(d) |
"L-Annessi IA, ID, IK u VI huma emendati f’konformità mal-Anness II ta' dan ir-Regolament." |
Artikolu 3
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2020.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta’ Marzu 2020.
Għall-Kunsill
Il-President
A.METELKO-ZGOMBIĆ
(1) Ir-Regolament tal-Kunsill (UE) 2019/1838 tat-30 ta’ Ottubru 2019 li jistabbilixxi għall-2020 l-opportunitajiet tas-sajd għal ċerti stokkijiet ta’ ħut u gruppi ta’ stokkijiet ta’ ħut applikabbli fil-Baħar Baltiku u li jemenda r-Regolament (UE) 2019/124 fir-rigward ta’ ċerti opportunitajiet ta’ sajd f’ilmijiet oħra (ĠU L 281, 31.10.2019, p. 1).
(2) Ir-Regolament (UE) 2019/1241 tal-Parlament Ewropew u tal-Kunsill tal-20 ta’ Ġunju 2019 dwar il-konservazzjoni ta’ riżorsi tas-sajd u l-protezzjoni ta’ ekosistemi tal-baħar permezz ta’ miżuri tekniċi, li jemenda r-Regolamenti tal-Kunsill (KE) Nru 1967/2006, (KE) Nru 1224/2009 u r-Regolamenti (UE) Nru 1380/2013, (UE) 2016/1139, (UE) 2018/973, (UE) 2019/472 u (UE) Nru 2019/1022 tal-Parlament Ewropew u tal-Kunsill, u li jħassar ir-Regolamenti tal-Kunsill (KE) Nru 894/97, (KE) Nru 850/98, (KE) Nru 2549/2000, (KE) Nru 254/2002, (KE) Nru 812/2004 u (KE) Nru 2187/2005 (ĠU L 198, 25.7.2019, p. 105).
(3) Ir-Regolament tal-Kunsill (UE) 2020/123 tas-27 ta’ Jannar 2020 li jistabbilixxi għall-2020 l-opportunitajiet tas-sajd għal ċerti stokkijiet tal-ħut u ċerti gruppi ta’ stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni (ĠU L 25, 30.1.2020, p. 1).
ANNESS I
L-Anness tar-Regolament (UE) 2019/1838 huwa emendat kif ġej:
|
1. |
In-nota 2 f’qiegħ il-paġna tat-tabella tal-opportunitajiet tas-sajd għall-bakkaljaw fis-subdiviżjonijiet 25-32 tal-ICES hija sostitwita b’dan li ġej:
|
|
2. |
In-nota 2 f’qiegħ il-paġna tat-tabella tal-opportunitajiet tas-sajd għall-bakkaljaw fis-subdiviżjonijiet 22-24 tal-ICES hija sostitwita b’dan li ġej:
|
ANNESS II
L-Annessi IA, ID, IK u VI tar-Regolament (UE) 2020/123 huma emendati kif ġej:
|
1. |
Fl-Anness IA, it-tabella għaċ-ċiċċirell u l-qabdiet inċidentali assoċjati fl-ilmijiet tal-Unjoni tad-diviżjonijiet 2a u 3a tal-ICES u tas-subżona 4 tal-ICES hija sostitwita b’din li ġejja:
Kondizzjoni speċjali: fil-limiti tal-kwoti msemmijin hawn fuq, fiż-żoni ta’ ġestjoni taċ-ċiċċirell li ġejjin, kif iddefiniti fl-Anness III, ma jistgħux jinqabdu iktar mill-kwantitajiet indikati hawn taħt: Żona: L-ilmijiet tal-Unjoni taż-żoni ta' ġestjoni taċ-ċiċċirell
|
|||||||||||||||||||||||||||||||||||||||||||||||||||||||||||||||||||||||||||||||||||||||||||
|
2. |
L-Anness ID huwa emendat kif ġej:
|
|||||||||||||||||||||||||||||||||||||||
|
3. |
Fl-Anness IK tiżdied il-parti li ġejja: "Żoni Protetti Proviżorji Atlantis Bank
Coral
Fools Flat
Middle of What
Walter’s Shoal
|
|
4. |
L-Anness VI huwa sostitwit b'dan li ġej: "ANNESS VI IŻ-ŻONA TAL-KONVENZJONI TAL-ICCAT(1)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
(1) Għajr l-ilmijiet sa sitt mili nawtiċi mil-linji bażi tar-Renju Unit f'Shetland, Fair Isle u Foula.
(2) Sa 2 % tal-kwota tista' tkun qabdiet inċidentali tal-merlangu u tal-kavalli (OT1/*2A3A4). Il-qabdiet inċidentali tal-merlangu u tal-kavalli magħduda mal-kwota skont din id-dispożizzjoni u l-qabdiet inċidentali tal-ispeċijiet magħduda mal-kwota skont l-Artikolu 15(8) tar-Regolament (UE) Nru 1380/2013, flimkien, ma għandhomx jaqbżu 9 % tal-kwota.
(3) Il-qabdiet tat-tonn obeż minn bastimenti tas-sajd bit-tartarun (BET/*ATLPS) u bastimenti tas-sajd bil-konzijiet b’tul totali ta’ 20 metru u aktar (BET/*ATLLL) għandhom jiġu rrappurtati b’mod separat.
(4) Minn Ġunju 2020 ’il quddiem, meta l-qabdiet jilħqu 80 % tal-kwota, l-Istati Membri huma meħtieġa jibagħtu l-qabdiet għal dawn il-bastimenti kull ġimgħa.";
(5) Il-qabdiet tat-tonna safra minn bastimenti tas-sajd bit-tartarun (YFT/*ATLPS) u bastimenti tas-sajd bil-konzijiet b’tul totali ta’ 20 metru u aktar (YFT/*ATLLL) għandhom jiġu rrappurtati b’mod separat.''.
(6) Dan l-għadd jista’ jiżdied jekk bastiment tas-sajd bit-tartarun jiġi sostitwit minn 10 bastimenti tas-sajd bil-konzijiet f’konformità man-nota 2 jew 4 ta’ qiegħ il-paġna tat-tabella A fis-sezzjoni 4.
(7) Ikkomunikat fil-pjan tal-kapaċità nazzjonali bħala parti mill-kwota settorjali.
(8) In-numri f’din it-Tabella jistgħu jiżdiedu iżjed, sakemm ikunu konformi mal-obbligi internazzjonali tal-Unjoni.
(9) Bastiment tas-sajd wieħed bit-tartarun ta’ daqs medju jista’ jiġi sostitwit b’mhux aktar minn 10 bastimenti tas-sajd bil-konzijiet jew b’bastiment tas-sajd wieħed żgħir bit-tartarun u mhux aktar minn tliet bastimenti tas-sajd bil-konzijiet.
(10) Bastiment tas-sajd wieħed bit-tartarun ta’ daqs medju jista’ jiġi sostitwit minn mhux aktar minn 10 bastimenti tas-sajd bil-konzijiet jew minn bastiment tas-sajd wieħed żgħir bit-tartarun u tliet bastimenti oħra tas-sajd artiġjanali.
(11) Bastiment tas-sajd wieħed bit-tartarun ta’ daqs medju jista’ jiġi sostitwit minn mhux aktar minn 10 bastimenti tas-sajd bil-konzijiet.
(12) Bastimenti polivalenti li jużaw tagħmir b’iktar minn irkaptu wieħed.
(13) Dgħajjes tas-sajd bil-lixka tar-reġjuni ultraperiferiċi tal-Azores u Madeira.
(14) Dgħajjes tas-sajd bil-lixka li joperaw fl-Oċean Atlantiku.
(15) Bastimenti polivalenti li jużaw tagħmir b’iżjed minn irkaptu wieħed (konz, xlief, xlief bir-rixa).
(16) Dan l-għadd jista’ jiżdied aktar, dment li jkun konformi mal-obbligi internazzjonali tal-Unjoni.
(17) Il-kapaċità tat-trobbija ta’ 500 tunnellata għall-Portugall hija koperta mill-kapaċità mhux użata tal-Unjoni mniżżla fit-tabella A.