“1.   Is-Sa Annette WEBER hija b'dan maħtura bħala r-Rappreżentant Speċjali tal-Unjoni Ewropea (RSUE) għall-Qarn tal-Afrika mill-1 ta' Lulju 2021 sal-31 ta' Awwissu 2022.

Il-mandat tas-Sa Annette WEBER bħala r-RSUE għall-Qarn tal-Afrika huwa estiż sal-31 ta' Awwissu 2024.

Il-mandat tas-Sa Annette WEBER bħala r-RSUE għall-Qarn tal-Afrika huwa estiż sal-31 ta' Awwissu 2026.

Il-mandat tas-Sa Annette WEBER bħala r-RSUE għall-Qarn tal-Afrika huwa estiż sal-31 ta' Awwissu 2027.

Il-Kunsill jista' jiddeċiedi li l-mandat tar-RSUE jintemm qabel, abbażi ta' valutazzjoni mill-Kumitat Politiku u ta' Sigurtà (KPS) u proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà (ir-‘RGħ’).”

“3.   Ir-RSUE għandu jikkontribwixxi għall-involviment tal-Unjoni li tapprofondixxi r-relazzjoni strateġika u s-sħubija tagħha mar-reġjun tal-Qarn tal-Afrika u l-pajjiżi tiegħu, b’rispett sħiħ tal-prinċipji ta’ sovranita’ u integrita’ territorjali, bl-objettiv li tappoġġa l-paċi u s-sigurtà, id-demokrazija, id-drittijiet tal-bniedem, l-istat tad-dritt, l-ugwaljanza bejn il-ġeneri, il-prinċipji umanitarji u d-Dritt Umanitarju Internazzjonali (IHL), l-iżvilupp sostenibbli, it-tkabbir ekonomiku, l-azzjoni klimatika u l-kooperazzjoni reġjonali.”

“Artikolu 13

Surroga tad-drittijiet

Għall-finijiet li jiġi żgurat ir-rispett tal-impenji legali assunti minn RSUE preċedenti għall-Qarn tal-Afrika fir-rigward tal-membri tat-tim tagħhom, tal-akkwist ta' xogħlijiet, provvisti jew servizzi u tal-kiri ta' art, bini jew proprjetà immobbli oħra, ir-RSUE għandu jieħu post, u jassumi d-drittijiet u l-obbligi ta' tali RSUE preċedenti, bl-eċċezzjoni tal-obbligi li jirriżultaw minn kondotta ħażina serja li għaliha tali RSUE preċedenti għandhom jibqgħu unikament responsabbli.”