‘1.   Leis seo, ceaptar Annette WEBER mar Ionadaí Speisialta an Aontais Eorpaigh (ISAE) do Chorn na hAfraice ón 1 Iúil 2021 go dtí an 31 Lúnasa 2022.

Cuirtear síneadh le sainordú Annette WEBER mar ISAE do Chorn na hAfraice go dtí an 31 Lúnasa 2024.

Cuirtear síneadh le sainordú Annette WEBER mar ISAE do Chorn na hAfraice go dtí an 31 Lúnasa 2026.

Cuirtear síneadh le sainordú Annette WEBER mar ISAE do Chorn na hAfraice go dtí an 31 Lúnasa 2027.

Féadfaidh an Chomhairle a chinneadh go ndéanfar sainordú ISAE a fhoirceannadh níos luaithe, ar bhonn measúnú ón gCoiste Polaitiúil agus Slándála agus togra ó Ardionadaí an Aontais do Ghnóthaí Eachtracha agus don Bheartas Slándála (“an tArdionadaí”).’

‘3.   Rannchuideoidh ISAE le tiomantas an Aontais chun a chaidreamh straitéiseach agus a chomhpháirtíocht le réigiún Chorn na hAfraice agus a thíortha a dhoimhniú, agus lánurraim á tabhairt do phrionsabail na ceannasachta agus na hiomláine críochaí, arb é an cuspóir tacú leis an tsíocháin agus leis an tslándáil, leis an daonlathas, le cearta daonna, leis an smacht reachta, leis an gcomhionannas inscne, le prionsabail dhaonnúla agus leis an Dlí Daonnúil Idirnáisiúnta (DDI), leis an bhfás inbhuanaithe, le gníomhú ar son na haeráide agus leis an gcomhar réigiúnach.’

‘Airteagal 13

Cearta a aistriú

Chun a áirithiú go n-urramófar gealltanais dhlíthiúla arna ndéanamh ag ISAEnna a bhí ann roimhe seo do Chorn na hAfraice maidir lena mbaill foirne, maidir le soláthar oibreacha, soláthairtí nó seirbhísí agus maidir le talamh, foirgnimh nó maoin dhochorraithe eile a fháil ar cíos, tiocfaidh ISAE i gcomharbas ar na ISAEnna sin a bhí ann roimhe seo agus glacfaidh sé nó sí cearta agus oibleagáidí na ISAEnna sin a bhí ann roimhe seo air nó uirthi féin, cé is moite d’oibleagáidí a eascraíonn as mí-iompar tromchúiseach as a leanfaidh na ISAEnna sin a bhí ann roimhe seo amháin de bheith freagrach.’