27.12.2022   

GA

Iris Oifigiúil an Aontais Eorpaigh

C 492/2


Réamhfhógra faoi chomhchruinniú

(Cás M.10981 – ITOCHU / TOKYO CENTURY / HCM / JV)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2022/C 492/02)

1.   

An 15 Nollaig 2022, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—

Itochu Corporation (“Itochu”, an tSeapáin),

—

Tokyo Century Corporation (“Tokyo Century”, an tSeapáin),

—

Hitachi Construction Machinery CO., Ltd (“HCM”, an tSeapáin).

Gheobhaidh Itochu, Tokyo Century agus HCM comhrialú ar chuideachta nuachruthaithe ar comhfhiontar í (“an JV”) de réir bhrí Airteagal 3(1)(b) agus Airteagal 3(4) den Rialachán um Chumaisc.

Baintear an comhchruinniú amach trí bhíthin ceannach scaireanna sa JV.

2.   

Is iad seo a leanas gníomhaíochtaí gnó na ngnóthas lena mbaineann:

—

Is cuideachta trádála é Itochu le haghaidh táirgí éagsúla ó réimse leathan tionscal,

—

Soláthraíonn Tokyo Century seirbhísí maoinithe éagsúla, lena n-áirítear seirbhísí léasaithe airgeadais, seirbhísí léasaithe oibriúcháin agus díolacháin tráthchoda maidir le réimse trealaimh,

—

Déanann HCM innealra tógála, innealra iompair agus meaisíní agus feistí eile a mhonarú agus a dhíol.

3.   

Is iad gníomhaíochtaí gnó an JV seirbhísí maoinithe a bhaineann le táirgí HCM a thairiscint do dhéileálaithe agus do chustaiméirí miondíola, chomh maith le seirbhísí airgeadais a bhaineann le táirgí nach HCM iad ach a n-iarrann a gcliaint sin.

4.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

5.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.10981 – ITOCHU / TOKYO CENTURY / HCM / JV

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.