L_2018275MT.01000101.xml

REGOLAMENT TA' IMPLIMENTAZZJONI TAL-KUMMISSJONI (UE) 2018/1648

tad-29 ta' Ottubru 2018

li jawtorizza t-tqegħid fis-suq tal-ksilo-oligosakkaridi bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta' Implimentazzjoni tal-Kummissjoni (UE) 2017/2470

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2015/2283 tal-Parlament Ewropew u tal-Kunsill tal-25 ta' Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (1), b'mod partikolari l-Artikolu 12 tiegħu,

Billi:

(1)	Ir-Regolament (UE) 2015/2283 jipprevedi li fis-suq fl-Unjoni jista' jitqiegħed biss l-ikel ġdid awtorizzat u inkluż fil-lista tal-Unjoni.

(2)	Skont l-Artikolu 8 tar-Regolament (UE) 2015/2283, ġie adottat ir-Regolament ta' Implimentazzjoni tal-Kummissjoni (UE) 2017/2470 (2), li jistabbilixxi lista tal-Unjoni ta' ikel ġdid awtorizzat.

(3)	Skont l-Artikolu 12 tar-Regolament (UE) 2015/2283, il-Kummissjoni jeħtieġ tiddeċiedi dwar l-awtorizzazzjoni u t-tqegħid fis-suq tal-Unjoni ta' ikel ġdid u dwar l-aġġornament tal-lista tal-Unjoni.

(4)

Fl-4 ta' Mejju 2016, il-kumpanija Longlive Europe Food Division Ltd. (“l-Applikant”) talbet lill-awtorità kompetenti tal-Ungerija biex tqiegħed fis-suq tal-Unjoni l-ksilo-oligosakkaridi, bħala ingredjent tal-ikel ġdid skont it-tifsira tal-punt (e) tal-Artikolu 1(2) tar-Regolament (KE) Nru 258/97 tal-Parlament Ewropew u tal-Kunsill (3). L-applikant jitlob li l-ksilo-oligosakkaridi jintużaw f'għadd ta' kategoriji tal-ikel, jiġifieri, prodotti tal-forn u tal-ħalib, taħlitiet li jiddelku tal-frott, prodotti taċ-ċikkulata u xarbiet tas-sojja għall-pubbliku ġenerali.

(5)

Skont l-Artikolu 35(1) tar-Regolament (UE) 2015/2283, kwalunkwe talba għat-tqegħid fis-suq ta' ikel ġdid fl-Unjoni mressqa lil Stat Membru f'konformità mal-Artikolu 4 tar-Regolament (KE) Nru 258/97, u li għaliha ma tkunx ittieħdet deċiżjoni finali qabel l-1 ta' Jannar 2018, għandha tiġi trattata bħala applikazzjoni mressqa skont ir-Regolament (UE) 2015/2283.

(6)	Filwaqt li t-talba għat-tqegħid fis-suq fl-Unjoni tal-ksilo-oligosakkaridi bħala ingredjent tal-ikel ġdid tressqet skont l-Artikolu 4 tar-Regolament (KE) Nru 258/97, l-applikazzjoni tissodisfa wkoll ir-rekwiżiti stabbiliti fir-Regolament (UE) 2015/2283.

(7)	Fit-18 ta' Lulju 2016, l-awtorità kompetenti tal-Ungerija ħarġet ir-rapport ta' valutazzjoni inizjali tagħha. F'dak ir-rapport ikkonkludiet li l-ksilo-oligosakkaridi jissodisfaw il-kriterji għal ingredjent tal-ikel ġdid kif stabbilit fl-Artikolu 3(1) tar-Regolament (KE) Nru 258/97.

(8)

Fit-12 ta' Ġunju 2017, il-Kummissjoni għaddiet ir-rapport ta' valutazzjoni inizjali lill-Istati Membri l-oħra. Kien hemm oġġezzjonijiet motivati minn Stati Membri oħra fi żmien il-perjodu ta' 60 jum stipulat fl-ewwel subparagrafu tal-Artikolu 6(4) tar-Regolament (KE) Nru 258/97 fir-rigward tal-ispeċifikazzjonijiet, l-istabbiltà, id-doża antiċipata ta' kuljum u l-istudji tossikoloġiċi.

(9)

Fid-dawl tal-oġġezzjonijiet li għamlu l-Istati Membri l-oħra, fis-6 ta' Settembru 2017, il-Kummissjoni kkonsultat lill-Awtorità Ewropea dwar is-Sigurtà fl-Ikel (“l-Awtorità”) u talbitha twettaq valutazzjoni oħra għall-ksilo-oligosakkaridi bħala ingredjent tal-ikel ġdid skont ir-Regolament (KE) Nru 258/97.

(10)

Fis-27 ta' Ġunju 2018, l-Awtorità adottat “Scientific Opinion on the safety of xylo-oligosaccharides as a novel food pursuant to Regulation (UE) 2015/2283” (Opinjoni Xjentifika dwar is-sikurezza tal-ksilo-oligosakkaridi bħala ikel ġdid skont ir-Regolament (UE) 2015/2283) (4). Din l-opinjoni hija konformi mar-rekwiżiti tal-Artikolu 11 tar-Regolament (UE) 2015/2283.

(11)

Dik l-opinjoni tagħti biżżejjed raġunijiet biex jiġi stabbilit li l-ksilo-oligosakkaridi fl-użi u fil-livelli tal-użu proposti meta użati bħala ingredjent fil-prodotti tal-forn u tal-ħalib, fit-taħlitiet li jiddelku tal-frott, fiċ-ċikkulati u fix-xarbiet tas-sojja, jikkonformaw mal-Artikolu 12(1) tar-Regolament (UE) 2015/2283.

(12)

Ir-Regolament (UE) Nru 1308/2013 tal-Parlament Ewropew u tal-Kunsill (5) jistabbilixxi r-rekwiżiti għall-ħalib u l-prodotti tal-ħalib li japplikaw għall-ksilo-oligosakkaridi meta jintużaw bħala ingredjent fil-prodotti tal-ħalib. Skont il-punt 2 tal-Parti III tal-Anness VII ta' dak ir-Regolament, il-ksilo-oligosakkaridi ma jistgħux jintużaw fil-prodotti tal-ħalib biex jissostitwixxu kwalunkwe kostitwent tal-ħalib, kompletament jew parzjalment. Għaldaqstant, jenħtieġ li l-użu tal-ksilo-oligosakkaridi bħala ikel ġdid fil-prodotti tal-ħalib jiġi limitat skont dan.

(13)	Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

1. Il-ksilo-oligosakkaridi, kif speċifikat fl-Anness ta' dan ir-Regolament, għandhom jiġu inklużi fil-lista tal-Unjoni ta' ikel ġdid awtorizzat, stabbilita fir-Regolament ta' Implimentazzjoni (UE) 2017/2470.

2. L-entrata fil-lista tal-Unjoni msemmija fl-ewwel paragrafu għandha tinkludi l-kundizzjonijiet għall-użu u r-rekwiżiti tat-tikkettar stipulati fl-Anness ta' dan ir-Regolament.

3. L-awtorizzazzjoni prevista f'dan l-Artikolu għandha tkun mingħajr preġudizzju għad-dispożizzjonijiet tar-Regolament (UE) Nru 1308/2013.

Artikolu 2

L-Anness tar-Regolament ta' Implimentazzjoni (UE) 2017/2470 huwa emendat skont l-Anness ta' dan ir-Regolament.

Artikolu 3

Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta' Ottubru 2018.

Għall-Kummissjoni

Il-President

Jean-Claude JUNCKER

(1) ĠU L 327, 11.12.2015, p. 1.

(2) Ir-Regolament ta' Implimentazzjoni tal-Kummissjoni (UE) 2017/2470 tal-20 ta' Diċembru 2017 li jistabbilixxi l-lista tal-Unjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill dwar ikel ġdid (ĠU L 351, 30.12.2017, p. 72).

(3) Ir-Regolament (KE) Nru 258/97 tal-Parlament Ewropew u tal-Kunsill tas-27 ta' Jannar 1997 dwar l-ikel il-ġdid u l-ingredjenti ġodda tal-ikel (ĠU L 43, 14.2.1997, p. 1).

(4) EFSA Journal 2018;16(7): 5361

(5) Ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).

ANNESS

L-Anness tar-Regolament ta' Implimentazzjoni (UE) 2017/2470 huwa emendat kif ġej:

(1)

L-entrata li ġejja tiddaħħal fit-Tabella 1 (L-ikel il-ġdid awtorizzat) f'ordni alfabetika:

L-ikel il-ġdid awtorizzat

Il-kundizzjonijiet li fihom jista' jintuża l-ikel il-ġdid

Rekwiżiti tat-tikkettar speċifiċi oħrajn

Rekwiżiti oħrajn

“Ksilo-oligosakkaridi

Il-kategorija tal-ikel speċifikat

Livelli massimi (**)

Id-denominazzjoni tal-ikel ġdid fuq it-tikkettar tal-oġġetti tal-ikel li fihom minn dan l-ikel għandha tkun “Ksilo-oligosakkaridi””

Ħobż abjad

14 g/kg

Ħobż integrali

14 g/kg

Ċereali tal-kolazzjon

14 g/kg

Gallettini

14 g/kg

Xarba tas-sojja

3,5 g/kg

Jogurt (*)

3,5 g/kg

Taħlitiet li jiddelku tal-frott

30 g/kg

prodotti taċ-ċikkulata

30 g/kg

(*)	Meta jintużaw fil-prodotti tal-ħalib, il-ksilo-oligosakkaridi ma għandhom jissostitwixxu l-ebda kostitwent tal-ħalib, kompletament jew parzjalment

(**)	Il-livelli massimi kkalkulati abbażi tal-ispeċifikazzjonijiet għall-Forma ta' trab 1.

(2)

L-entrata li ġejja tiddaħħal fit-Tabella 2 (Speċifikazzjonijiet) f'ordni alfabetika:

L-Ikel il-Ġdid Awtorizzat

Speċifikazzjoni

“Ksilo-oligosakkaridi

Deskrizzjoni:

L-ikel ġdid huwa taħlita ta' ksilo-oligosakkaridi (XOS) li jinkisbu miċ-ċifċiegħ tal-qamħirrum (Zea mays sottospeċi mays) permezz tal-idroliżi bi ksilanażi mit-Trichoderma reesei, segwita minn proċess ta' purifikazzjoni.

Karatteristiċi/Kompożizzjoni

Parametru

Forma ta' trab 1

Forma ta' trab 2

Forma ta' ġulepp

Ndewwa (%)

≤ 5,0

70-75

Proteina (g/100 g)

< 0,2

Rmied (%)

≤ 0,3

3,5-5,0

Total tal-kontenut ta' karboidrati (g/100 g)

≥ 97

≥ 95

≥ 70

Kontenut ta' XOS (bażi niexfa) (g/100 g)

≥ 95

≥ 70

Karboidrati oħra (g/100 g) (a)

2,5-7,5

2-16

1,5-31,5

Total ta' monosakkaridi (g/100 g)

0-4,5

0-13

0-29

Glukożju (g/100 g)

0-2

0-5

0-4

Arabinożju (g/100 g)

0-1,5

0-3

0-10

Ksilożju (g/100 g)

0-1,0

0-5

0-15

Total ta' disakkaridi (g/100 g)

27,5-48

25-43

26,5-42,5

Ksilobijożju (XOS DP2) (g/100 g)

25-45

23-40

25-40

Ċellobijożju (g/100 g)

2,5-3

2-3

1,5-2,5

Total ta' oligosakkaridi (g/100 g)

41-77

36-72

32-71

Ksilotri,ożju (XOS DP3) (g/100 g)

27-35

18-30

Ksilotetraożju (XOS DP4) (g/100 g)

10-20

8-20

Ksilopentaożju (XOS DP5) (g/100 g)

3-10

5-10

3-10

Ksiloeżaożju (XOS DP6) (g/100 g)

1-5

Ksiloettaożju (XOS DP7) (g/100 g)

0-7

2-7

2-6

Maltodestrina (g/100 g) (b)

20-25

Ram (mg/kg)

< 5,0

Ċomb (mg/kg)

< 0,5

Arseniku (mg/kg)

< 0,3

Salmonella (CFU (c)/25 g)

Negattiv

E. coli (MPN (d)/100 g)

Negattiv

Ħmira (CFU/g)

< 10

Moffa (CFU/g)

< 10

DP: Degree of polymerization (Grad ta' polimerizzazzjoni)

(a)	Karboidrati oħra jinkludu l-monosakkaridi (glukożju, ksilożju u arabinożju) u ċ-ċellobijożju.

(b)	Il-kontenut ta' maltodestrina huwa kkalkulat skont l-ammont miżjud fil-proċess.

(c)	CFU: Colony Forming Units (Unitajiet li Jiffurmaw il-Kolonji)

(d)	MPN: Most Probable Number (Numru l-Iktar Probabbli)”