Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2024/2641 |
4.10.2024 |
CINNEADH (CBES) 2024/2641 ÓN gCOISTE POLAITIÚIL AGUS SLÁNDÁLA
an 1 Deireadh Fómhair 2024
maidir le Ceannasaí Fórsa an Aontais Eorpaigh a cheapadh le haghaidh oibríocht mhíleata an Aontais Eorpaigh sa Mheánmhuir (EUNAVFOR MED IRINI) agus lena n-aisghairtear Cinneadh (CBES) 2024/1014 (EUNAVFOR MED IRINI/5/2024)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38 de,
Ag féachaint do Chinneadh (CBES) 2020/472 ón gComhairle an 31 Márta 2020 maidir le hoibríocht mhíleata an Aontais Eorpaigh sa Mheánmhuir (EUNAVFOR MED IRINI) (1), go háirithe Airteagal 8(2) de,
De bharr an mhéid seo a leanas:
|
(1) |
An 31 Márta 2020, ghlac an Chomhairle Cinneadh (CBES) 2020/472, lenar bunaíodh agus lenar seoladh oibríocht mhíleata de chuid an Aontais Eorpaigh sa Mheánmhuir (EUNAVFOR MED IRINI). |
|
(2) |
De bhun Airteagal 8(2) de Chinneadh (CBES) 2020/472, d’údaraigh an Chomhairle don Choiste Polaitiúil agus Slándála cinntí a dhéanamh maidir le Ceannasaí Fórsa an Aontais Eorpaigh a cheapadh ar EUNAVFOR MED IRINI. |
|
(3) |
An 26 Márta 2024, ghlac an Coiste Polaitiúil agus Slándála Cinneadh (CBES) 2024/1014 (2) lena gceaptar an Seachaimiréal Armando Paolo SIMI mar Cheannasaí Fórsa an Aontais Eorpaigh le haghaidh EUNAVFOR MED IRINI ón 5 Aibreán 2024. |
|
(4) |
An 6 Meán Fómhair 2024, mhol údaráis mhíleata na Gréige go gceapfaí an Ceannasóir Prokopios CHARITOS i gcomharbas ar an Seachaimiréal Armando Paolo SIMI mar Cheannasaí Fórsa an Aontais Eorpaigh le haghaidh EUNAVFOR MED IRINI ón 4 Deireadh Fómhair 2024. An 10 Meán Fómhair 2024, thacaigh Ceannasaí Fórsa an Aontais Eorpaigh leis an gceapachán molta sin. |
|
(5) |
An 13 Meán Fómhair 2024, thacaigh Coiste Míleata an Aontais Eorpaigh leis an moladh a rinne údaráis mhíleata na Gréige agus chomhaontaigh sé go gceapfaí an Ceannasóir Prokopios CHARITOS mar Cheannasaí Fórsa an Aontais Eorpaigh le haghaidh EUNAVFOR MED IRINI ón 4 Deireadh Fómhair 2024. |
|
(6) |
Ba cheart cinneadh a dhéanamh maidir leis an gCeannasóir Prokopios CHARITOS a cheapadh mar Cheannasaí Fórsa an Aontais Eorpaigh le haghaidh EUNAVFOR MED IRINI. |
|
(7) |
Ba cheart Cinneadh (CBES) 2024/1014 a aisghairm, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar an Ceannasóir Prokopios CHARITOS mar Cheannasaí Fórsa an Aontais Eorpaigh le haghaidh oibríocht mhíleata an Aontais Eorpaigh sa Mheánmhuir (EUNAVFOR MED IRINI) ón 4 Deireadh Fómhair 2024.
Airteagal 2
Leis seo, aisghairtear Cinneadh (CBES) 2024/1014.
Airteagal 3
Tiocfaidh an Cinneadh seo i bhfeidhm an 4 Deireadh Fómhair 2024.
Arna dhéanamh sa Bhruiséil, an 1 Deireadh Fómhair 2024.
Thar ceann an Choiste Pholaitiúil agus Slándála
An Cathaoirleach
D. PRONK
(1) IO L 101, 1.4.2020, lch. 4.
(2) Cinneadh (CBES) 2024/1014 ón gCoiste Polaitiúil agus Slándála an 26 Márta 2024 maidir le Ceannasaí Fórsa an Aontais Eorpaigh a cheapadh ar oibríocht mhíleata an Aontais Eorpaigh sa Mheánmhuir (EUNAVFOR MED IRINI) agus lena n-aisghairtear Cinneadh (CBES) 2023/2078 (EUNAVFOR MED IRINI/1/2024) (IO L, 2024/1014, 3.4.2024, ELI: http://data.europa.eu/eli/dec/2024/1014/oj).
ELI: http://data.europa.eu/eli/dec/2024/2641/oj
ISSN 1977-0839 (electronic edition)