|
19.10.2022 |
MT |
Il-Ġurnal Uffiċjali tal-Unjoni Ewropea |
C 402/11 |
Notifika minn qabel ta’ konċentrazzjoni
(Il-Każ M.10615 — BOOKING HOLDINGS / ETRAVELI GROUP)
(Test b'rilevanza għaż-ŻEE)
(2022/C 402/07)
1.
Fl-10 ta’ Ottubru 2022, il-Kummissjoni rċeviet notifika ta’ konċentrazzjoni proposta skont l-Artikolu 4 u wara referenza skont l-Artikolu 4(5) tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Booking Holdings Inc (“Booking”, l-Istati Uniti), |
|
— |
Flugo Group Holdings AB (“Flugo”, l-Iżvezja). |
Booking se tikseb, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ partijiet ta’ Flugo.
Il-konċentrazzjoni hija mwettqa permezz tax-xiri ta’ ishma.
2.
L-attivitajiet kummerċjali tal-impriżi kkonċernati huma li ġejjin:|
— |
Booking: kumpanija tal-ivvjaġġar pubblika u globali attiva fil-provvista ta’ servizzi ta’ aġenzija tal-ivvjaġġar online (online travel agency, “OTA”) u ta’ metatiftix primarjament għal akkomodazzjonijiet, filwaqt li tipprovdi wkoll servizzi għal titjiriet, kiri ta’ karozzi u attivitajiet. Il-marki ewlenin ta’ Booking jinkludu Booking.com, Priceline, Agoda, KAYAK, Rentalcars.com u OpenTable. |
|
— |
Flugo: bl-isem kummerċjali “eTraveli”, toffri servizzi OTA li huma ffukati kważi esklużivament fuq il-bejgħ ta’ titjiriet, filwaqt li hija attiva wkoll, sa ċertu punt, fil-bejgħ tal-akkomodazzjoni u tal-kiri tal-karozzi (ETG hija attiva wkoll fil-provvista ta’ servizzi ta’ distribuzzjoni tal-kontenut tal-linji tal-ajru, permezz ta’ TripStack. L-attivitajiet ta’ metatiftix ta’ Flugo li huma operati taħt il-marka Flygresor ma jifformawx parti mill-konċentrazzjoni proposta. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.
4.
Il-Kummissjoni tistieden lill-partijiet terzi interessati sabiex iressqu l-kummenti li jista’ jkollhom dwar l-operazzjoni proposta lill-Kummissjoni.Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.10615 – BOOKING HOLDINGS / ETRAVELI GROUP
Il-kummenti jistgħu jintbagħtu lill-Kummissjoni permezz tal-email, permezz tal-faks jew bil-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz tal-posta:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet).