(1)

Le Rialachán Cur Chun Feidhme (AE) 2022/1193 ón gCoimisiún (2) bunaítear bearta chun Ralstonia solanacearum (Smith 1896) Yabuuchi et al. 1996 emend. Safni et al. 2014 (‘an lotnaid shonraithe’) a dhíothú agus chun a leathadh a chosc i gcríoch an Aontais.

(2)

Chomh maith le huisce a dheimhnítear a bheith ionfhabhtaithe, is gá go gcumhdófar freisin uisce a d’fhéadfadh a bheith ionfhabhtaithe leis an lotnaid shonraithe leis na bearta a bhaineann leis an lotnaid shonraithe a bhrath agus a dhíothú.

(3)

Déantar é sin chun a áirithiú go mbeidh uisce a d’fhéadfadh a bheith ionfhabhtaithe leis an lotnaid shonraithe faoi réir na bhforálacha sin freisin a mhéid a bhaineann lena dheimhniú gur ann don lotnaid, le heilimintí chun ítimí a ainmniú mar ítimí ar dócha iad a bheith ionfhabhtaithe léi, agus le bearta díothaithe, agus dá bhrí sin chun cosaint níos airde ná an chosaint a thugtar faoi láthair a áirithiú do chríoch an Aontais ar an riosca a bhaineann leis an lotnaid shonraithe.

(4)

Thairis sin, ba cheart uisce a d’fhéadfadh a bheith ionfhabhtaithe a áireamh sna heilimintí atá le cur san áireamh agus leathadh féideartha na lotnaide sonraithe á chinneadh.

(5)

Laistigh den limistéar críochaithe, sa bhreis ar na bearta is infheidhme i gcás uisce a ainmnítear mar uisce ionfhabhtaithe, ba cheart uisce a d’fhéadfadh a bheith ionfhabhtaithe a bheith faoi réir na mbeart sin freisin.

(6)

I gcomhréir le hAirteagal 6 de Rialachán Cur Chun Feidhme (AE) 2022/1193, áiritheoidh oibreoirí gairmiúla go scriosfar na plandaí sonraithe ionfhabhtaithe nó go ndíorthófar iad ar bhealach eile, i gcomhréir le pointe 1 d’Iarscríbhinn V, ar choinníoll go suitear nach ann d’aon riosca inaitheanta go leathfaidh an lotnaid shonraithe.

(7)

Ós rud é nach féidir leis na húdaráis inniúla rochtain éasca a fháil ar na suíomhanna uile faoi seach, is féidir le hoibreoirí gairmiúla na bearta sin a dhéanamh ar bhealach níos éifeachtaí ná na húdaráis inniúla féin. Ar an gcúis sin, ba cheart do na hoibreoirí gairmiúla na bearta sin a dhéanamh faoi mhaoirseacht oifigiúil na n-údarás inniúil.

(8)

Le hIarscríbhinn II a ghabhann le Rialachán Cur Chun Feidhme (AE) 2022/1193 bunaítear teimpléad chun torthaí an tsuirbhé maidir leis an lotnaid shonraithe a chur i láthair le haghaidh fhómhair prátaí agus trátaí na bliana féilire roimhe sin. Ba cheart an teimpléad sin a fheabhsú le haghaidh úsáid phraiticiúil agus éifeachtúlachta, toisc nach soláthraítear faisnéis shuntasach chun críoch an tsuirbhé sna sonraí tuairiscithe maidir leis an tsampláil ar thiúbair dheimhnithe le haghaidh plandú, ar thiúbair le haghaidh plandú seachas tiúbair dheimhnithe, ar thiúbair seachas tiúbair le haghaidh plandú, agus ar earraí agus ar phrátaí a phróiseáil.

(9)

Ba cheart ord na gcolún áirithe den teimpléad a athrú, ar bhonn chroineolaíocht na ngníomhaíochtaí faoi seach. Go háirithe, ba cheart an colún maidir le cigireachtaí amhairc ar bharra atá ag fás agus ar thiúbair i stórais a bheith roimh na colúin ar na torthaí saotharlainne a fhaightear ó shamplaí a bhailítear le linn na gcigireachtaí amhairc sin.

(10)

Ina theannta sin, is gá a shoiléiriú an dtagann torthaí tástála saotharlainne ó shampláil ar thiúbair atá á stóráil nó ó shampláil ar thiúbair le linn cigireachtaí amhairc ar bharra atá ag fás.

(11)

Ina theannta sin, is gá colúin a chur leis a mhéid a bhaineann le tástáil saotharlainne ar uisce chun cruinneas thuairisciú na dtorthaí a fheabhsú.

(12)

Ní féidir an líon cigireachtaí amhairc dearfacha a thaifeadadh go dtí go bhfaightear na torthaí ó thástáil saotharlainne. Dá bhrí sin, agus chun na torthaí a chur i láthair ar bhealach níos soiléire agus níos comhsheasmhaí, ba cheart an colún ábhartha a aistriú faoi na ranna maidir le tástálacha saotharlainne.

(13)

Tógtar samplaí siomptómacha agus samplaí aisiomptómacha le linn cigireachtaí amhairc. Braitear ionfhabhtuithe folaigh ar shamplaí aisiomptómacha. Mar gheall ar an tábhacht a bhaineann le hionfhabhtú folaigh chun leathadh féideartha an ghalair a thuiscint agus chun na bearta atá le déanamh chun leathadh den sórt sin a sheachaint, ba cheart idirdhealú a dhéanamh sa teimpléad idir torthaí ó shamplaí siomptómacha agus ó shamplaí aisiomptómacha.

(14)

Is léir ón taithí a fuarthas nach soláthraítear faisnéis shuntasach chun críoch an tsuirbhé le sonraí a thuairiscítear maidir leis an tréimhse samplála ar thiúbair le haghaidh tástáil saotharlainne.

(15)

Soláthraítear ceanglais maidir le méid an tsampla i bpointe 4 d’Iarscríbhinn I a ghabhann le Rialachán Cur Chun Feidhme (AE) 2022/1193. Dá bhrí sin, na sonraí is gá sa teimpléad maidir le méid na mbaisceanna i dtonaí nó i heicteáir, ní sholáthraíonn siad faisnéis shuntasach chun críoch an tsuirbhé.

(16)

Thairis sin, is gá a shoiléiriú sa chéad abairt d’Iarscríbhinn II go bhfuil an teimpléad le torthaí suirbhé a dhéantar ar fhómhar prátaí na bliana roimh bhliain an tuairiscithe a chur i láthair.

(17)

Ba cheart Rialachán Cur Chun Feidhme (AE) 2022/1193 a leasú dá réir sin.

(18)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

in Airteagal 5(4), an dara fomhír, cuirtear an méid seo a leanas in ionad phointe (b):

(2)

in Airteagal 6(1), cuirtear an méid seo a leanas in ionad na chéad fhomhíre:

‘Ní dhéanfar plandaí sonraithe a ainmnítear mar phlandaí atá ionfhabhtaithe ag an lotnaid shonraithe de bhun Airteagal 5(2), pointe (d)(i) a phlandú. Le linn tháirgeadh nó ghluaiseacht na bplandaí sonraithe agus faoi mhaoirseacht oifigiúil an údaráis inniúla, áiritheoidh oibreoirí gairmiúla go scriosfar na plandaí sonraithe ionfhabhtaithe nó go ndíorthófar iad ar bhealach eile, i gcomhréir le pointe 1 d’Iarscríbhinn V, ar choinníoll go suitear nach ann d’aon riosca inaitheanta go leathfaidh an lotnaid shonraithe’;

(3)

Cuirtear an téacs atá san Iarscríbhinn a ghabhann leis an Rialachán seo in ionad Iarscríbhinn II;

(4)

Leasaítear Iarscríbhinn IV mar a leanas:

(5)

in Iarscríbhinn V, leasaítear pointe 4.2(2) mar a leanas: