(1)

Is éard a bhunaítear le Rialachán Cur Chun Feidhme (AE) 2021/403 ón gCoimisiún (3) deimhnithe caighdeánacha, i bhfoirm deimhnithe sláinte ainmhithe nó deimhnithe sláinte ainmhithe/oifigiúla maidir le gluaiseachtaí idir na Ballstáit agus teacht isteach san Aontas coinsíneachtaí de chatagóirí áirithe ainmhithe talún agus táirgí geirmeacha díobh. Leis na coinsíneachtaí sin áirítear iad siúd a thagann faoi raon feidhme Rialacháin Tharmligthe (AE) 2020/688 (4) agus (AE) 2020/692 (5) ón gCoimisiún.

(2)

Is éard a leagtar amach le Caibidil 18 d’Iarscríbhinn I a ghabhann le Rialachán Cur Chun Feidhme (AE) 2021/403 an deimhniú sláinte ainmhithe/oifigiúil caighdeánach maidir le gluaiseacht is lú ná 20 cloigeann d’éanlaith chlóis seachas raitítigh nó is lú ná 20 ubh ghoir ó éanlaith chlóis seachas raitítigh idir na Ballstáit (deimhniú caighdeánach “POU-INTRA-LT20”). Leasaíodh Airteagal 37 de Rialachán Tarmligthe (AE) 2020/688 le déanaí le Rialachán Tarmligthe (AE) 2021/1706 ón gCoimisiún (6) chun foráil a dhéanamh maidir le maolú le haghaidh gluaiseachtaí coinsíneachtaí is lú ná 20 cloigeann de shicíní lae éanlaithe clóis seachas raitítigh, arna ngoradh ó uibheacha goir a tháinig isteach san Aontas ó thríú tír nó ó chríoch nó ó chrios de thríú tír nó de chríoch. Ba cheart an leasú sin a léiriú sa deimhniú sláinte ainmhithe/oifigiúil caighdeánach sin. Dá bhrí sin, ba cheart Caibidil 18 d’Iarscríbhinn I a ghabhann le Rialachán Cur Chun Feidhme (AE) 2021/403 a leasú dá réir.

(3)

Is éard a leagtar amach le Caibidil 19 d’Iarscríbhinn I a ghabhann le Rialachán Cur Chun Feidhme (AE) 2021/403 an deimhniú sláinte ainmhithe/oifigiúil caighdeánach maidir le gluaiseacht idir na Ballstáit éanlaithe clóis a bhfuil sé beartaithe iad a mharú (deimhniú caighdeánach “POU-INTRA-Y”). Is éard a leagtar síos le hAirteagal 29 agus Airteagal 44 de Rialachán Tarmligthe (AE) 2020/687 ón gCoimisiún (7) coinníollacha sonracha maidir le húdarú gluaiseachtaí ainmhithe ar coimeád de speicis liostaithe a bhfuil sé beartaithe iad a mharú agus atá i gcrios cosanta nó faireachais tar éis ráig de ghalar de chatagóir A a dheimhniú. Ba cheart na coinníollacha sonracha sin a léiriú sa deimhniú sláinte ainmhithe/oifigiúil caighdeánach sin. Dá bhrí sin, ba cheart Caibidil 19 d’Iarscríbhinn I a ghabhann le Rialachán Cur Chun Feidhme (AE) 2021/403 a leasú dá réir.

(4)

In Iarscríbhinn II a ghabhann le Rialachán Cur Chun Feidhme (AE) 2021/403, is éard a leagtar amach le Caibidil 27 an deimhniú sláinte ainmhithe/oifigiúil caighdeánach maidir le teacht isteach san Aontas uibheacha goir ó éanlaith chlóis seachas raitítigh (deimhniú caighdeánach “HEP”) agus le Caibidil 28 an deimhniú sláinte ainmhithe caighdeánach maidir le teacht isteach san Aontas uibheacha goir raitíteach (deimhniú caighdeánach “HER”). Leasaíodh Airteagal 107 de Rialachán Tarmligthe (AE) 2020/692 le déanaí le Rialachán Tarmligthe (AE) 2021/1705 ón gCoimisiún (8) chun ceanglais nua a leagan síos maidir le coinsíneachtaí d’uibheacha goir ó éanlaith chlóis a mhéid a bhaineann le hiniúchadh a n-ealta bunaidh. Ba cheart na ceanglais nua sin a léiriú sna deimhnithe caighdeánacha sin. Dá bhrí sin, ba cheart Caibidil 27 agus Caibidil 28 d’Iarscríbhinn II a ghabhann le Rialachán Cur Chun Feidhme (AE) 2021/403 a leasú dá réir.

(5)

Is éard a leagtar amach le Caibidil 34 d’Iarscríbhinn II a ghabhann le Rialachán Cur Chun Feidhme (AE) 2021/403 an deimhniú sláinte ainmhithe caighdeánach maidir le teacht isteach éan i mbraighdeanas san Aontas (deimhniú caighdeánach “CAPTIVE BIRDS”). Leasaíodh Airteagal 62 de Rialachán Tarmligthe (AE) 2020/692 le déanaí le Rialachán Tarmligthe (AE) 2021/1705 chun maolú a thabhairt isteach ar na ceanglais shonracha maidir le sláinte ainmhithe i dtaca le héin i mbraighdeanas a bhaineann le teacht isteach san Aontas colúr rásaíochta ó thríú tír nó ó chríoch nó de chrios de thríú tír nó de chríoch, áit a gcoinnítear iad de ghnáth, agus é mar aidhm iad a scaoileadh láithreach agus go mbeifear ag súil leis go n-eitleoidh siad ar ais chuig an tríú tír sin nó chuig an gcríoch sin nó chuig an gcrios sin de thríú tír nó de chríoch. Dá bhrí sin, ba cheart na leasuithe sin a léiriú i Rialachán Cur Chun Feidhme (AE) 2021/403 tríd an gcatagóir sin éan i mbraighdeanas a eisiamh ón deimhniú sláinte ainmhithe caighdeánach sin agus trí dheimhniú sláinte ainmhithe caighdeánach nua a bhunú ina ionad maidir le teacht isteach san Aontas colúr rásaíochta lena scaoileadh láithreach tar éis a dteacht isteach (deimhniú caighdeánach “RACING PIGEONS-IMMEDIATE RELEASE”). Dá bhrí sin is gá Caibidil 34 d’Iarscríbhinn II a ghabhann le Rialachán Cur Chun Feidhme (AE) 2021/403 a leasú agus Caibidil nua 34a a chur leis an Iarscríbhinn sin.

(6)

Dá bhrí sin, ba cheart Iarscríbhinn I agus Iarscríbhinn II a ghabhann le Rialachán Cur Chun Feidhme (AE) 2021/403 a leasú dá réir.

(7)

Is éard a liostaítear in Airteagal 17 de Rialachán Cur Chun Feidhme (AE) 2021/403 na leaganacha caighdeánacha de na deimhnithe sláinte ainmhithe agus na deimhnithe sláinte ainmhithe/oifigiúla is gá a úsáid maidir le teacht isteach san Aontas catagóirí áirithe éan agus táirgí geirmeacha. Dá bhrí sin, is gá é a leasú ionas go ndéanfar tagairt sa liosta sin don deimhniú caighdeánach nua “RACING PIGEONS-IMMEDIATE RELEASE” atá le cur isteach i gCaibidil nua 34a d’Iarscríbhinn II a ghabhann leis.

(8)

Chun aon chur isteach ar thrádáil a sheachaint a mhéid a bhaineann le teacht isteach san Aontas coinsíneachtaí lena mbaineann na leasuithe atá le déanamh ar Iarscríbhinn II a ghabhann le Rialachán Cur Chun Feidhme (AE) 2021/403 leis an Rialachán seo, úsáid deimhnithe a eisítear i gcomhréir le Rialachán Cur Chun Feidhme (AE) 2021/403, mar ab infheidhme roimh na leasuithe a dhéantar leis an Rialachán seo, ba cheart leanúint den úsáid sin a údarú ar feadh idirthréimhse faoi réir coinníollacha áirithe.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

1.

leasaítear Airteagal 17 mar a leanas:

2.

leasaítear Iarscríbhinn I agus Iarscríbhinn II i gcomhréir leis an Iarscríbhinn a ghabhann leis an Rialachán seo.