|
22.10.2014 |
MT |
Il-Ġurnal Uffiċjali tal-Unjoni Ewropea |
L 302/58 |
DEĊIŻJONI TA' IMPLIMENTAZZJONI TAL-KUMMISSJONI
tal-20 ta' Ottubru 2014
li temenda d-Deċiżjoni 2007/453/KE fir-rigward tal-istatus tal-BSE fil-Bulgarija, l-Estonja, il-Kroazja, il-Latvja, il-Lussemburgu, l-Ungerija, Malta, il-Portugall u s-Slovakkja
(notifikata bid-dokument C(2014) 7516)
(Test b'rilevanza għaż-ŻEE)
(2014/732/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 999/2001 tal-Parlament Ewropew u tal-Kunsill tat-22 ta' Mejju 2001 li jistabbilixxi regoli għall-prevenzjoni, kontroll u eradikazzjoni ta' ċertu enċefalopatija sponġiformi li tinxtered (1), u b'mod partikolari t-tielet subparagrafu tal-Artikolu 5(2) tiegħu,
Billi:
|
(1) |
Ir-Regolament (KE) Nru 999/2001 jipprovdi li Stati Membri, pajjiżi terzi jew reġjuni tagħhom (“pajjiżi jew reġjuni”) għandhom ikunu kklassifikati skont l-istatus tagħhom tal-Enċifalopatija Sponġiformi Bovina (BSE) f'waħda minn tliet kategoriji: riskju ta' BSE negliġibbli, riskju ta' BSE kkontrollat, u riskju ta' BSE mhux determinat. |
|
(2) |
L-Anness tad-Deċiżjoni tal-Kummissjoni 2007/453/KE (2) jelenka l-pajjiżi jew ir-reġjuni skont l-istat tagħhom tal-BSE. |
|
(3) |
L-Organizzazzjoni Dinjija għas-Saħħa tal-Annimali (OIE) għandha rwol ewlieni fil-kategorizzazzjoni ta' pajjiżi jew reġjuni skont ir-riskju tagħhom tal-BSE. Il-lista fl-Anness tad-Deċiżjoni 2007/453/KE tikkunsidra r-Riżoluzzjoni Nru 20 — Recognition of the Bovine Spongiform Encephalopathy Risk Status of Member Countries (Rikonoxximent tal-Istatus tal-Enċefalopatija Sponġiformi Bovina tal-Pajjiżi Membri) — adottata mill-OIE f'Mejju 2013. |
|
(4) |
F'Mejju 2014, l-OIE adottat ir-Riżoluzzjoni Nru 18 — Recognition of the Bovine Spongiform Encephalopathy Risk Status of Member Countries (Rikonoxximent tal-Istatus ta' Riskju tal-Enċefalopatija Sponġiformi Bovina tal-Pajjiżi Membri) (3). Minbarra l-Istati Membri diġà elenkati fl-Anness tad-Deċiżjoni 2007/453/KE, dik ir-Riżoluzzjoni rrikonoxxiet li l-Bulgarija, l-Estonja, il-Kroazja, il-Latvja, il-Lussemburgu, l-Ungerija, Malta, il-Portugall, ir-Rumanija u s-Slovakkja għandhom riskju negliġibbli ta' BSE. |
|
(5) |
F'Ġunju 2014, l-OIE ssospendiet (4) l-istatus ta' riskju negliġibbli ta' BSE għar-Rumanija, b'effett mis-27 ta' Ġunju 2014, wara rapport li rċeviet id-Delegazzjoni tal-OIE fir-Rumanija dwar is-sejba ta' każ ta' BSE fir-Rumanija. |
|
(6) |
Għalhekk, il-lista fl-Anness tad-Deċiżjoni 2007/453/KE għandha tiġi emendata biex issir konformi mar-Riżoluzzjoni Nru 18 adottata mill-OIE f'Mejju 2014 u biex titqies id-Deċiżjoni sussegwenti tal-OIE li tissospendi r-riskju negliġibbli ta' BSE għar-Rumanija. |
|
(7) |
Għaldaqstant, id-Deċiżjoni 2007/453/KE għandha tiġi emendata skont dan. |
|
(8) |
Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni 2007/453/KE jinbidel bit-test fl-Anness ta' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, l-20 ta' Ottubru 2014.
Għall-Kummissjoni
Tonio BORG
Membru tal-Kummissjoni
(1) ĠU L 147, 31.5.2001, p. 1.
(2) Id-Deċiżjoni tal-Kummissjoni 2007/453/KE tad-29 ta' Ġunju 2007 li tistabbilixxi l-istatus tal-BSE ta' Stati Membri jew pajjiżi terzi jew reġjuni tagħhom skont ir-riskju tal-BSE (ĠU L 172, 30.6.2007, p. 84).
(3) http://www.oie.int/fileadmin/Home/eng/Animal_Health_in_the_World/docs/pdf/2014_A_RESO-18_BSE.pdf
(4) http://www.oie.int/animal-health-in-the-world/official-disease-status/bse/lossreinstatement-of-status/
ANNESS
“ANNESS
LISTA TA' PAJJIŻI JEW REĠJUNI
A. Pajjiżi jew reġjuni b'riskju negliġibbli ta' BSE
Stati Membri
|
— |
Il-Belġju |
|
— |
Il-Bulgarija |
|
— |
Il-Kroazja |
|
— |
Id-Danimarka |
|
— |
L-Estonja |
|
— |
L-Ungerija |
|
— |
L-Italja |
|
— |
Il-Latvja |
|
— |
Il-Lussemburgu |
|
— |
Malta |
|
— |
Il-Pajjiżi l-Baxxi |
|
— |
Il-Portugall |
|
— |
L-Awstrija |
|
— |
Is-Slovenja |
|
— |
Is-Slovakkja |
|
— |
Il-Finlandja |
|
— |
L-Isvezja |
Pajjiżi tal-Assoċjazzjoni Ewropea tal-Kummerċ Ħieles
|
— |
L-Islanda |
|
— |
In-Norveġja |
Pajjiżi terzi
|
— |
L-Arġentina |
|
— |
L-Awstralja |
|
— |
Il-Brażil |
|
— |
Iċ-Ċilì |
|
— |
Il-Kolombja |
|
— |
L-Indja |
|
— |
L-Iżrael |
|
— |
Il-Ġappun |
|
— |
In-New Zealand |
|
— |
Il-Panama |
|
— |
Il-Paragwaj |
|
— |
Il-Perù |
|
— |
Singapor |
|
— |
L-Istati Uniti |
|
— |
L-Urugwaj |
B. Pajjiżi jew reġjuni b'riskju kkontrollat ta' BSE
Stati Membri
|
— |
Ir-Repubblika Ċeka, il-Ġermanja, l-Irlanda, il-Greċja, Spanja, Franza, Ċipru, il-Litwanja, il-Polonja, ir-Rumanija, ir-Renju Unit |
Pajjiżi tal-Assoċjazzjoni Ewropea tal-Kummerċ Ħieles
|
— |
Il-Liechtenstein |
|
— |
L-Isvizzera |
Pajjiżi terzi
|
— |
Il-Kanada |
|
— |
Il-Kosta Rika |
|
— |
Il-Messiku |
|
— |
In-Nikaragwa |
|
— |
Il-Korea t'Isfel |
|
— |
It-Tajwan |
C. Pajjiżi jew reġjuni b'riskju mhux determinat ta' BSE
|
— |
Pajjiżi jew reġjuni li mhumiex elenkati fil-punti A jew B.” |