Ir-Regolament tal-Kummissjoni (KEE) Nru 1726/98

tat-22 ta' Lulju 1998

li jemenda r-Regolament (KEE) Nru 2037/93 li jistabbilixxi regoli dettaljati għall-applikazzjoni tar-Regolament tal-Kunsill (KEE) Nru 2081/92 dwar il-protezzjoni ta' l-indikazzjonijet geografiċi u d-denominazzjonijiet ta' l-oriġini għall-prodotti agrikoli u l-oġġetti ta' l-ikel

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2081/92 ta’ l-14 ta' Lulju 1992 dwar il-protezzjoni ta' l-indikazzjonijiet ġeografiċi u d-denominazzjonijiet ta' l-oriġini għall-prodotti agrikoli u l-oġġetti ta' l-ikel [1], kif l-aħħar emendat permezz tar-Regolament (KE) Nru 1068/97 [2], u b'mod partikolari l-Artikolu 16 tiegħu,

Billi, biex jiżdied il-valur tad-denominazzjonijiet ta' l-oriġini protetti u l-indikazzjonijiet geografiċi protetti u biex jinfurmaw lill-konsumaturi, is-simbolu tal-Komunità li hemm provvediment dwaru fir-Regolament tal-Kummissjoni (KE) Nru 2037/93 [3], kif emendat mir-Regolament (KE) Nru 1428/97 [4], għandu jsir disponibbli għall-professjonisti tal-kummerċ;

Billi, sabiex tiġi evitata konfużjoni min-naħa tal-konsumaturi minħabba l-kwantità ta' l-informazzjoni fis-settur ta' l-ikel agrikolu, huwa importanti li jkun assigurat livell minimu ta' informazzjoni standardizzata meta l-produttur u/jew dak li jagħmel il-proċess ikun jixtieq juża s-sistema ta' l-indikazzjonijiet geografiċi jew tad-denominazzjonijiet ta' l-oriġini stabbiliti permezz tar-Regolament (KEE) Nru 2081/92; billi l-produttur u/jew dak li jagħmel il-proċess għandhom għalhekk ikunu jistgħu jużaw il-mudelli stabbiliti f'dan ir-Regolament;

Billi, sabiex tissaħħaħ il-kredibbiltà tas-simbolu li jikkaratterizza l-prodotti agrikoli jew l-oġġetti ta' l-ikel li jikkwalifikaw għall-indikazzjoni geografika jew tad-denominazzjoni ta' l-oriġini, l-isem tas-servizz jew tal-korp ta' l-ispezzjoni għandu jkun indikat fuq it-tikketta li tintuża biex il-prodott jitpoġġa fuq is-suq;

Billi dawn il-fatturi jeħtieġu emenda tar-Regolament tal-Kummissjoni (KE) Nru 2037/93;

Billi l-miżuri li hemm disposizzjoni dwarhom f'dan ir-Regolament huma bi qbil ma’ l-opinjoni tal-Kumitat Regolatorju dwar l-Indikazzjonijiet Geografiċi u d-Denominazzjonijiet ta' l-Oriġini,

ADOTTAT DAN IR-REGOLALAMENT:

Artikolu 1

Regolament (KEE) Nru 2037/93 huwa emendat kif ġej:

1. L-Artikolu 5b li ġej huwa miżjud:

"Artikolu 5b

Is-simbolu tal-Komunità li hemm referenza dwaru fl-Artikolu 5a għandu jinkludi l-mudelli fl-Anness I, il-parti A ta' dan ir-Regolament. L-indikazzjonijiet li jistgħu jintużaw mas-simbolu huma dawk elenkati fl-Anness I, il-parti B ta' dan ir-Regolament, kif ukoll it-termini nazzjonali tradizzjonali ekwivalenti.

Sabiex jintuża s-simbolu u l-indikazzjonijiet tal-Komunità, ir-regoli dwar ir-riproduzzjoni teknika elenkati fil-manwali tal-grafika fl-Anness II ta' dan ir-Regolament għandu jkun hemm konformità magħhom."

2. L-Artikolu 6a li ġej huwa miżjud:

"L-Artikolu 6a

Stat Membru jista' jistipula li l-isem ta' l-awtorità jew tal-korp ta' l-ispezzjoni msemmija fl-Artikolu 10 tar-Regolament (KEE) Nru 2081/92 li jaqgħu fi ħdan l-istruttura ta' l-ispezzjoni tiegħu għandu jkun jidher fuq it-tikketta tal-prodott agrikolu jew ta' l-oġġett ta' l-ikel."

3. It-test anness ma’ dan ir-Regolament huwa miżjud bħala l-Annessi I u II.

Artikolu 2

Dan ir-Regolament jidħol fis-seħħ fis-seba' jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jkun jorbot fl-intier tiegħu u japplika direttament fl-Istati Membri kollha.

Magħmul Brussel, 22 ta' Lulju 1998.

Għall-Kummissjoni

Franz Fischler

Membru tal-Kummissjoni

[1] OJ L 208, 24.7.1992, p. 1.

[2] OJ L 156, 13.6.1997, p. 10.

[3] OJ L 185, 28.7.1993, p. 5.

[4] OJ L 196, 24.7.1997, p. 39

--------------------------------------------------

ANNESS I

PARTI A.1

+++++ TIFF +++++

IL-PARTI A.2

+++++ TIFF +++++

IL-PARTI B

Lingwi tal-KE | Abbrevjazzjonijiet | Indikazzjonijiet |

ES | DOP/IGP | denominación de origen protegida indicación geográfica protegida |

DA | BOB/BGB | beskyttet oprindelsesbetegnelse beskyttet geografisk betegnelse |

DE | g.U./g.g.A. | geschützte Ursprungsbezeichnung geschützte geographische Angabe |

EL | ΠΟΠ/ΠΓΕ | προστατευόμενη ονομασία προελεύσεως προστατευόμενη γεωγαφιχή ένδειξη |

EN | PDO/PGI | protected designation of origin protected geographical indication |

FR | AOP/IGP | appellation d'origine indication géographique protégée |

IT | DOP/IGP | denominazione d'origine protetta indicazione geografica protetta |

NL | BOB/BGA | beschermde oorsprongsbenaming beschermde geografische aanduiding |

PO | DOP/IGP | denominação de origem protegida indicação geográfica protegida |

FI | SAN/SMM | suojattu alkuperänimitys suojattu maantieteellinen merkintä |

S | SUB/SGB | skyddad ursprungsbeteckning skyddad geografisk beteckning |

--------------------------------------------------

ANNESS II

MANWAL GRAFIKU

WERREJ

| Paġna |

1.Introduzzjoni

Ir-Raġuni biex ikun hemm il-logo | 8 |

2.Użu ġenerali tal-logos DOP/IĠP

2.1.Kuluri ta' riferenza | 10 |

2.2.Logos b'kulur wieħed | 12 |

2.3.Kuntrast mal-kuluri ta' l-isfond | 14 |

2.4.Tipografija | 14 |

2.5.Lingwa | 14 |

2.6.Daqsijiet ta' tnaqqis | 15 |

2.7.Tqegħid tal-logo fuq l-imballaġġ u t-tikketti | 15 |

3.Użu speċifiku

3.1.Fil-media | 15 |

3.2.Użi oħra | 15 |

4.Bromides oriġinali

4.1.Selezzjoni b'żewġ kuluri | 16 |

4.2.Delinjamenti | 38 |

4.3.Selezzjoni ta' kulur wieħed pożittiv | 39 |

4.4.Selezzjoni ta' kulur wieħed negattiv | 40 |

4.5.Skedi ta' kampjuni ta' kulur (isfar u blu) | 41 |

1. INTRODUZZJONI

IR-RAĠUNI BIEX IKUN HEMM IL-LOGO?

Il-logo jkun jippermetti lill-produtturi tal-prodotti ta' l-ikel ikattru l-għarfien tal-prodotti tagħhom fost il-konsumaturi fl-Unjoni Ewropea. Huwa applikat fuq il-prodotti li l-isem tagħhom jkun ġie rreġistrat fil-kuntest tas-sistema Komunitarja li tipproteġi u tqawwi d-denominazzjonijiet geografiċi, stabbiliti permezz tar-Regolament (KEE) Nru 2081/92.

Sabiex tkun irreġistrata taħt dan ir-Regolament, id-denominazzjoni għandha tkun konformi mal-kriterju għal Denominazzjoni ta' l-Oriġini Protetta (POD) jew l-Indikazzjoni Ġeografika Protetta (IĠP). Fuq kollox irid ikun hemm rabta bejn il-prodott u ż-żona ġeografika ta' fejn ikun ipproduċut. Dawn il-kategoriji, huma ddiferenzjati biss skond in-natura tar-rabta, billi l-protezzjoni li tingħata mir-Regolament hija identika għat-tnejn.

Ir-reġistru tal-Komunità jorbot l-isem ġeografiku ma’ numru partikolari ta' speċifikazzjonijiet. Il-kontrolli organizzati mill-Istati Membri jassiguraw il-ħarsien tal-konsumatur billi jiggarantixxu r-rispett għad-denominazzjoni ta' l-oriġini u l-ispeċifikazzjonijiet.

Diġà jeżisti logo Komunitarju li jiggarantixxi l-karattru speċifiku ta' ċerti prodotti indipendentement mill-post tal-produzzjoni tagħhom; il-logo l-ġdid kien maħluq fuq dan il-mudell. Barra minn hekk, id-disinn huwa għaż-żewġ klassifikazzjonijiet (POD u IĠP). Dan jippermetti sinerġija bejn ir-rappreżentazzjonijiet grafiċi differenti tas-sistemi Ewropej u jevita proliferazzjoni ta' simboli fuq is-suq.

Il-preżenza ta' dan il-logo hija garanzija ġenwina għall-konsumaturi Ewropej kollha, li tagħmilha ċara li n-natura speċjali ta' dan il-prodott għandha x'taqsam ma’ l-oriġini ġeografika tiegħu. Minħabba dan, il-prodotti għandhom jispiraw aktar fiduċja.

Bħala produtturi, il-logo jagħtikom għodda għall-kummerċ. Intom tkunu tistgħu tpoġġu l-logo fuq it-tikketti jew l-imballaġġ tal-prodotti tagħkom, kif ukoll tkunu tistgħu tużawh fir-reklamar tagħkom.

Din il-gwida għall-grafika hija maħsuba sabiex tintuża bħala gwida għalik għar-riproduzzjoni tal-logo. Possibilitajiet differenti għall-użu tiegħu inħadmu, biex b'hekk tkunu tistgħu tagħmlu l-għażla tagħkom skond il-ħtiġijiet tagħkom għall-materjal stampat.

Dawn il-grafiċi huma bbażati fuq il-logo għall-Ispeċjalità Tradizzjonali Ggarantita iżda huma differenti fil-kulur ikħal tal-ponot ippuntati u fil-qasam ta' ġewwa tal-logo.

Rappreżentazzjoni grafika ta' radda f'għalqa maħruta ġie inkorporat bħala riferenza għall-oriġini u l-provenjenza ġeografika tal-prodotti identifikati permezz ta' dawn il-logos.

+++++ TIFF +++++

2. UŻU ĠENERALI TAL-LOGOS DOP/IĠP

2.1. KULURI TA' RIFERENZA

Meta jintużaw fuq l-imballaġġ u t-tikketti, dawn il-logos għandhom jidhru bil-kulur, billi jintużaw jew kuluri diretti (Pantone) jew bħala proċess ta' erba kuluri.

+++++ TIFF +++++

Il-logos f’Pantone

IKĦAL: Pantone Reflex Blue

ISFAR: Pantone 109

It-test bl-Ikħal

+++++ TIFF +++++

Il-logos bil-proċess ta' erba' kuluri

Logo bil-proċess ta' erba' kuluri jkun l-għażla ta' l-applikazzjoni l-aktar komuni.

IKĦAL: 100 % cyan + 80 % magenta

ISFAR: 90 % isfar + 10 % magenta

It-Test bl-ikħal

2.2. LOGOS B’KULUR WIEĦED

Jekk il-kuluri ta’ l-istampar fuq l-imballaġġ jew l-ittikkettjar ta' xi wħud mill-prodotti huma totalament differenti mill-kuluri ta' riferenza tal-logos, hemm żewġ possibilitajiet xierqa:

Logo fil-pożittiv

Jekk il-kulur ta' l-isfond ta' l-imballaġġ jew it-tikketta huwa ċar, uża l-logo f'għamla pożittiva, billi tuża l-aktar kulur ta' stampar skur fuq l-imballaġġ jew it-tikketta.

+++++ TIFF +++++

Il-logo fin-negattiv

Jekk il-kulur ta' l-isfond ta' l-imballaġġ jew tat-tikketta huwa skur, uża l-logo fil-forma negattiva, billi tuża l-kulur ta' l-isfond ta' l-imballaġġ jew tat-tikketta.

+++++ TIFF +++++

2.3. KUNTRAST MAL-KULURI TA' L-ISFOND

Jekk il-logo jintuża bil-kulur fuq l-isfond ikkulurit li jagħmluh diffiċli biex jinqara, uża ċirku fuq barra ta' delinjazzjoni madwar il-logo sabiex ittejjeb il-kuntrast tiegħu mal-kuluri ta’ l-isfond.

+++++ TIFF +++++

2.4. TIPOGRAFIJA

Uża ittri kapitali b’tipi Times Roman għall-kliem. Jekk qed tuża biss il-kliem, naqqas id-daqs ta' l-ittri skond in-normi stabbiliti fit-taqsima 2.6.

+++++ TIFF +++++

2.5. LINGWA

Inti liberu li tuża l-verżjoni jew il-verżjonijiet tal-lingwa ta' l-għażla tiegħek skond il-bżonn.

2.6. DAQSIJIET TA' TNAQQIS

Fuq l-imballaġġ

Jekk l-applikazzjoni tal-logos fuq tipi differenti ta' l-imballaġġ u tat-tikketti teħtieġ ir-riduzzjoni, id-daqs minimu stipulat huwa ta' 15-il mm fid-diametru.

Logos ridotti għal 15mm

+++++ TIFF +++++

Fil-media ta' l-istampar

(Stamperija, fuljetti, eċċ.)

Għal dan l-użu partikolari d-daqs minimu stipulat huwa ta' 25 mm fid-diametru.

Logos ridotti għal 25 mm

+++++ TIFF +++++

2.7. TQEGĦID TAL-LOGO FUQ L-IMBALLAĠĠ U T-TIKKETTI

L-użu tal-logos DOP u IĠP iservu sabiex jikkonferixxu valur speċifiku lill-prodotti li fuqhom jintużaw, u biex ikun hemm differenza minn oħrajn. L-iktar applikazzjoni effettiva tal-logos hija għalhekk bil-kulur, għaliex ikollhom preżenza akbar u jkunu jintgħarfu aktar faċilment u malajr mill-konsumatur.

L-użu tal-logos DOP u IĠP b'kulur wieħed fin-negattiv huwa rrakkomandat biss f'każi meta d-diffikultajiet tekniċi jagħmlu l-applikazzjoni tagħhom bil-kulur impossibbli.

3. UŻU SPEĊIFIKU

3.1. FIL-MEDIA

Għall-iskopijiet ta' riklamar (kampanji fil-gazzetti, rivisti, manifesti, TV, media awdjo-viżwali, kummerċ dirett eċċ.) il-logos għandhom jidhru bil-kulur.

3.2. UŻI OĦRA

Meta l-logos jintużaw f'modi oħra, bħal per eżempju fuq vetturi jew f'vettrini tal-ħwienet, eċċ., il-gwidi għall-użu bil-kulur kif elenkati hawn fuq għandhom jiġu segwiti kemm jista’ jkun possibbli.

4. BROMIDES ORIĠINALI

4.1. SELEZZJONI B'ŻEWĠ KULURI DOP DANSK

+++++ TIFF +++++

4.2. DELINJAMENTI DOP IĠP

+++++ TIFF +++++

4.3. SELEZZJONI TA' KULUR WIEĦED POŻITTIV

+++++ TIFF +++++

4.4. SELEZZJONI TA' KULUR WIEĦED NEGATTIV DOP IĠP

+++++ TIFF +++++

4.5. SKEDI TA' KAMPJUNI TA' KULUR

Pantone 109

Pantone Reflex Blue

+++++ TIFF +++++

--------------------------------------------------

31998R1726