1.   

An 17 Aibreán 2023, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—	Aéroports de Paris S.A. (“ADP”, an Fhrainc),

—	Air Liquide S.A. (“Air Liquide”, an Fhrainc),

—	JV (an Fhrainc).

Gheobhaidh APD agus Air Liquide rialú comhpháirteach, de réir bhrí Airteagal 3(1)(b) agus Airteagal 3(4) den Rialachán um Chumaisc, ar JV.

Baintear an comhchruinniú amach trí bhíthin ceannach scaireanna i gcuideachta nuachruthaithe ar comhfhiontar í.

2.   

Is iad seo a leanas gníomhaíochtaí gnó na ngnóthas lena mbaineann:

—

Tá ADP freagrach as aerfoirt Paris-Charles de Gaulle, Paris-Orly, Paris-Le Bourget, agus roinnt aerfoirt shibhialta atá lonnaithe i réigiún Île-de-France, a fhorbairt, a oibriú agus a leathnú. Tá ADP gníomhach freisin i seirbhísí innealtóireachta agus comhairliúcháin teicniúil a chur ar fáil don earnáil aerfort agus i seirbhísí oibríochtaí tacaíochta aerfoirt agus innealtóireachta a chur ar fáil,

—	Tá Air Liquide gníomhach i ngáis thionsclaíocha, teicneolaíochtaí agus seirbhísí a úsáidtear san earnáil tionsclaíochta agus san earnáil sláinte.

3.   

Is iad na gníomhaíochtaí gnó a bheidh ag an JV seirbhísí innealtóireachta a chur ar fáil d’aerfoirt le haghaidh a dtionscadal hidrigin a chomhtháthú ina mbonneagair. Ar na seirbhísí innealtóireachta sin beidh staidéir réamhinnealtóireachta, réamhfhéidearthachta agus innealtóireachta, agus cúnamh a thabhairt do chliaint lena dtionscadail tógála, úinéireachta agus oibriúcháin i ndáil le bonneagair aerfoirt atá dírithe ar hidrigin.

4.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

5.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.11016 — AIR LIQUIDE / ADP / JV

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË