|
15.3.2017 |
MT |
Il-Ġurnal Uffiċjali tal-Unjoni Ewropea |
L 69/34 |
DEĊIŻJONI TAL-KUMMISSJONI (UE) 2017/451
tal-14 ta' Marzu 2017
li tapprova, f'isem l-Unjoni Ewropea, ċerti emendi tal-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Sħubija fis-settur tas-Sajd bejn il-Komunità Ewropea u r-Repubblika Iżlamika tal-Mauritania
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kunsill (UE) 2016/870 tal-24 ta' Mejju 2016 dwar il-konklużjoni, f'isem l-Unjoni Ewropea, tal-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Sħubija fis-settur tas-Sajd bejn il-Komunità Ewropea u r-Repubblika Iżlamika tal-Mauritania għal perjodu ta' erba' snin (1), u b'mod partikolari l-Artikolu 3 tagħha,
Billi:
|
(1) |
L-Artikolu 10 tal-Ftehim ta' Sħubija fis-settur tas-sajd bejn il-Komunità Ewropea u r-Repubblika Iżlamika tal-Mauritania, minn hawn 'il quddiem “il-Ftehim” (2), approvat permezz tar-Regolament tal-Kunsill (KE) Nru 1801/2006 (3), li jistabbilixxi Kumitat Konġunt responsabbli għall-monitoraġġ tal-applikazzjoni tal-ftehim imsemmi, u b'mod partikolari għas-superviżjoni tal-implimentazzjoni, l-interpretazzjoni u l-funzjonament korrett, kif ukoll għar-rivalutazzjoni, fejn xieraq, tal-livell tal-opportunitajiet tas-sajd u, sussegwentement, tal-kontribuzzjoni finanzjarja, |
|
(2) |
L-Artikolu 1(1) tal-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Sħubija fis-settur tas-Sajd bejn il-Komunità Ewropea u r-Repubblika Iżlamika tal-Mauritania, minn hawn 'il quddiem imsejjaħ “il-Protokoll”, approvat bid-Deċiżjoni (UE) 2016/870, jistabbilixxi l-opportunitajiet tas-sajd fil-qafas ta' dan il-ftehim għal perjodu ta' erba' snin li jibda mis-16 ta' Novembru 2015, u l-Artikolu 2(1) tal-Protokoll jistabbilixxi l-kontribuzzjoni finanzjarja annwali marbuta mal-aċċess tal-bastimenti tal-Unjoni Ewropea għaż-żona tas-sajd tal-Mauritania, |
|
(3) |
It-tabella msemmija fl-Artikolu 1(1) tal-Protokoll tippreċiża l-opportunitajiet tas-sajd u tipprevedi li, abbażi tal-pariri xjentifiċi disponibbli, iż-żewġ partijiet jistgħu jiftiehmu, fil-Kumitat Konġunt, dwar l-għoti ta' opportunitajiet tas-sajd għall-bastimenti tat-tkarkir mgħammra bi friża li jintużaw għas-sajd għall-ispeċijiet tal-ħut tal-qiegħ li għalihom ikun ġie identifikat ammont żejjed, |
|
(4) |
Ġie previst li l-Kumitat Konġunt jiltaqa' f'Nouakchott fil-15 u s-16 ta' Novembru 2016 f'laqgħa straordinarja biex jadotta l-emenda tal-opportunitajiet tas-sajd u l-kundizzjonijiet applikabbli għall-attività tas-sajd kif ukoll il-kontribuzzjoni finanzjarja, b'kont meħud tat-talba tal-Unjoni li tinħoloq kategorija ġdida tas-sajd għall-bastimenti tat-tkarkir mgħammra bi friża li jintużaw għas-sajd tal-merluzz l-iswed, |
|
(5) |
Qabel il-laqgħa tal-Kumitat Konġunt, il-Kummissjoni bagħtet dokument preparatorju lill-Kunsill fejn spjegat fid-dettall l-elementi speċifiċi tal-pożizzjoni prevista tal-Unjoni, |
|
(6) |
Il-pożizzjoni prevista tal-Unjoni ġiet approvata mill-Kunsill b'konformità mal-punt 3 tal-Anness tad-Deċiżjoni tal-Kunsill (UE) 2016/870/UE, |
|
(7) |
L-emendi adottati, jew l-introduzzjoni ta' kategorija ġdida tas-sajd għall-bastimenti tat-tkarkir mgħammra bi friża li jintużaw għas-sajd għall-merluzz l-iswed, il-kundizzjonijiet għall-attività tas-sajd li huma applikabbli għal din il-kategorija ġdida u ż-żieda tal-kontribuzzjoni finanzjarja marbuta mal-aċċess, iddaħħlu fl-Anness 5 tal-minuti tal-imsemmija laqgħa tal-Kumitat Konġunt tal-15 u s-16 ta' Novembru 2016, |
|
(8) |
Dawn l-emendi għandhom jiġu approvati f'isem l-Unjoni Ewropea, |
ADOTTAT DIN ID-DEĊIŻJONI:
Artikolu 1
L-emendi tal-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Sħubija fis-settur tas-Sajd bejn il-Komunità Ewropea u r-Repubblika Iżlamika tal-Mauritania, adottati mill-Kumitat Konġunt stabbilit permezz tal-Artikolu 10 tal-imsemmi ftehim fil-laqgħa tiegħu tal-15 u s-16 ta' Novembru 2016 u li jirriżultaw mill-Anness 5 tal-minuti, huma approvati f'isem l-Unjoni.
It-test tal-Anness 5 tal-minuti tal-laqgħa tal-Kumitat Konġunt tal-15 u s-16 ta' Novembru 2016 huwa mehmuż ma' din id-Deċiżjoni.
Artikolu 2
Din id-Deċiżjoni tidħol fis-seħħ fit-tielet jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, l-14 ta' Marzu 2017.
Għall-Kummissjoni
Il-President
Jean-Claude JUNCKER
(2) ĠU L 343, 8.12.2006, p. 4.
(3) Ir-Regolament tal-Kunsill (KE) Nru 1801/2006 tat-30 ta' Novembru 2006 dwar il-konklużjoni tal-Ftehim ta' Sħubija fis-settur tas-sajd bejn il-Komunità Ewropea u r-Repubblika Iżlamika tal-Mauritania (ĠU L 343, 8.12.2006, p. 1).
ANNESS
Protokoll, l-Artikolu 2, il-paragrafi:
|
1. |
Il-kontribuzzjoni finanzjarja annwali marbuta mal-aċċess tal-bastimenti tal-Unjoni Ewropea għaż-żona tas-sajd tal-Mauritania msemmija fl-Artikolu 7 tal-Ftehim hija stabbilita għal sebgħa u ħamsin miljun u ħames mitt elf (57 500 000) Euro. Dan il-paragrafu għandu japplika soġġett għad-dispożizzjonijiet tal-Artikoli 5 sa 10 u 16 ta' dan il-Protokoll. |
|
3. |
Il-qabdiet totali permissibbli (il-kategoriji 1, 2, 2a, 3, 6, 7 u 8) u t-tunnellaġġ ta' referenza (il-kategoriji 4 u 5) huma ddefiniti fl-iskedi tekniċi mogħtija fl-Anness 1 ta' dan il-Protokoll. Dawn huma stabbiliti għal sena kalendarja, jiġifieri mill-1 ta' Jannar sal-31 ta' Diċembru tas-sena kkonċernata. Meta l-ewwel perjodu u l-aħħar perjodu ta' applikazzjoni tal-Protokoll ma jkunux jikkorrispondu ma' sena kalendarja, il-qabdiet totali permissibbli għandhom jiġu stabbiliti pro rata temporis filwaqt li jitqiesu, għal kull kategorija tas-sajd, ix-xejriet tat-tqassim tal-qabdiet matul is-sena. |
|
7. |
Għall-kategoriji tas-sajd 4 u 5, jekk il-qabdiet li jagħmlu l-bastimenti tas-sajd għat-tonn tal-Unjoni Ewropea fiż-żona tas-sajd tal-Mauritania jaqbżu t-tunnellaġġ ta' referenza previst għal kull waħda minn dawn il-kategoriji, l-ammont ta' sebgħa u ħamsin miljun u ħames mitt elf (57 500 000) Euro tal-kontribuzzjoni finanzjarja se jiżdied, għal kull tunnellata supplimentari maqbuda, bl-ammont tat-tariffa stabbilit fl-iskedi tekniċi korrispondenti għas-sena kkonċernata. Madankollu, l-ammont li l-Unjoni Ewropea jkollha tħallas meta jinqabżu dawn il-limiti ma jistax ikun iżjed mill-ammont li jikkorrispondi mal-ammont doppju tat-tunnellaġġ ta' referenza. Meta l-kwantitajiet maqbudin mill-bastimenti tal-Unjoni Ewropea jkunu iżjed mid-doppju tat-tunnellaġġ ta' referenza korrispondenti, l-ammont dovut għall-kwantità li taqbeż dan il-limitu għandu jitħallas is-sena ta' wara. |
Tabella tal-kategoriji tas-sajd imsemmija fl-Artikolu 1(1):
|
Kategoriji tas-sajd |
Il-qabdiet totali permissibbli u t-tunnellaġġ ta' referenza |
|
|
1 |
Bastimenti tas-sajd li jistadu għall-krustaċji ħlief għall-awwista u l-granċ |
5 000 tunnellata |
|
2 |
Bastimenti tat-tkarkir (mingħajr friża) u bastimenti tas-sajd bil-konz tal-qiegħ għall-merluzz iswed |
6 000 tunnellata |
|
2(a) |
Bastimenti tat-tkarkir (mgħammra bi friża) li jintużaw għas-sajd tal-merluzz iswed |
merluzz iswed 3 500 tunnellata klamar 1 450 tunnellata siċċ 600 tunnellata |
|
3 |
Bastimenti tas-sajd għall-ispeċijiet demersali ħlief il-merluzz iswed, b'irkaptu li ma jinvolvix xbieki tat-tkarkir |
3 000 tunnellata |
|
4 |
Bastimenti għas-sajd tat-tonn bit-tartaruni |
12 500 tunnellata (tunnellaġġ ta' referenza) |
|
5 |
Bastimenti għas-sajd tat-tonn bil-qasab u x-xlief u bastimenti tas-sajd bil-konz tal-wiċċ |
7 500 tunnellata (tunnellaġġ ta' referenza) |
|
6 |
Bastimenti tat-tkarkir użati għas-sajd tal-ħut pelaġiku li jkunu mgħammra bi friża |
225 000 tunnellata (*1) |
|
7 |
Bastimenti għas-sajd tal-ħut pelaġiku frisk |
15 000 tunnellata (*2) |
|
8 |
Ċefalopodi |
[pm] tunnellati |
Anness, l-Appendiċi 1 “Skedi tekniċi”, skeda ġdida 2a:
|
KATEGORIJA TAS-SAJD 2a: BASTIMENTI TAT-TKARKIR (MGĦAMMRA BI FRIŻA) LI JINTUŻAW GĦAS-SAJD TAL-MERLUZZ ISWED |
|||||||||||||||||||||||||
| 1. Żona tas-sajd |
|||||||||||||||||||||||||
Għaż-żoni kkalkulati mill-marka tal-ilma baxx, il-Kumitat Konġunt jista' jissostitwixxi l-linji ta' demarkazzjoni taż-żoni b'serje ta' koordinati ġeografiċi. |
|||||||||||||||||||||||||
|
Irkaptu awtorizzat |
|||||||||||||||||||||||||
|
|||||||||||||||||||||||||
|
Daqs minimu tal-malji awtorizzat |
|||||||||||||||||||||||||
|
70 mm (xibka tat-tkarkir) |
|||||||||||||||||||||||||
|
Daqsijiet minimi |
|||||||||||||||||||||||||
|
Għall-ħut, id-daqs minimu għandu jitkejjel mill-ponta ta' quddiem sa tarf id-denb (it-tul totali) (ara l-Appendiċi 7). |
|||||||||||||||||||||||||
|
Il-Kumitat Konġunt jista' jistabbilixxi daqs minimu għall-ispeċijiet li mhumiex imsemmija hawn fuq. |
|||||||||||||||||||||||||
|
Qabdiet aċċessorji |
|||||||||||||||||||||||||
|
Awtorizzati |
Mhux awtorizzati |
||||||||||||||||||||||||
|
25 % ta' ħut demersali (ħlief il-merluzz iswed) |
Ċefalopodi (ħlief il-klamari u s-siċċ) u krustaċji |
||||||||||||||||||||||||
|
Il-Kumitat Konġunt jista' jistabbilixxi rata ta' qabdiet aċċessorji għall-ispeċijiet li mhumiex imsemmija hawn fuq. |
|||||||||||||||||||||||||
|
Opportunitajiet tas-sajd/Tariffi |
|||||||||||||||||||||||||
|
Perjodu |
Sena |
||||||||||||||||||||||||
|
Qabdiet totali permissibbli (f'tunnellati) |
3 500 |
merluzz iswed (speċi fil-mira prinċipali) |
|||||||||||||||||||||||
|
1 450 |
klamar (speċifil-mira sekondarja) |
||||||||||||||||||||||||
|
600 |
siċċ (speċifil-mira sekondarja) |
||||||||||||||||||||||||
|
Tariffa |
70 EUR/t għall-merluzz iswed |
||||||||||||||||||||||||
|
575 EUR/t għall-klamar |
|||||||||||||||||||||||||
|
250 EUR/t għas-siċċ |
|||||||||||||||||||||||||
|
90 EUR/t għall-qabdiet aċċessorji |
|||||||||||||||||||||||||
|
|
It-tariffa tiġi kkalkulata fi tmiem kull perjodu ta' tliet xhur li għalih il-bastiment ikun ingħata awtorizzazzjoni tas-sajd, filwaqt li jitqiesu l-qabdiet li jkunu saru matul dan il-perjodu. Il-liċenzja tingħata biss jekk isir ħlas bil-quddiem ta' EUR 1 000 għal kull bastiment, li għandu jitnaqqas mill-ammont totali tat-tariffa u li għandu jitħallas fil-bidu ta' kull perjodu ta' tliet xhur li għalih il-bastiment ikun ingħata awtorizzazzjoni tas-sajd. L-għadd ta' bastimenti awtorizzati fl-istess ħin huwa limitat għal 6. |
||||||||||||||||||||||||
|
Perjodu ta' waqfien mis-sajd għal raġunijiet bijoloġiċi |
|||||||||||||||||||||||||
|
Jekk ikun meħtieġ, il-Kumitat Konġunt għandu jadotta perjodu ta' waqfien mis-sajd għal raġunijiet bijoloġiċi abbażi tal-parir xjentifiku tal-Kumitat Xjentifiku Konġunt. |
|||||||||||||||||||||||||
|
Osservaturi Xjentifiċi |
|||||||||||||||||||||||||
|
B'deroga mir-regola stabbilita fil-punt 2 tal-Kapitolu X tal-Anness, il-bastimenti għandhom itellgħu abbord osservatur xjentifiku mill-Mauritania għal kull vjaġġ. |
|||||||||||||||||||||||||
|
Kummenti |
|||||||||||||||||||||||||
|
It-tariffi huma stabbiliti għall-perjodu kollu tal-applikazzjoni tal-Protokoll. |
|||||||||||||||||||||||||
(*1) Dan l-ammont jista' jinqabeż b'10 % mingħajr konsegwenzi għall-kontribuzzjoni finanzjarja mħallsa mill-Unjoni Ewropea b'rabta mal-aċċess.
(*2) Jekk jintużaw dawn l-opportunitajiet tas-sajd, dawn għandhom jitnaqqsu mill-qabda totali permissibbli prevista għall-kategorija 6.