(1)

I gcomhréir le hAirteagal 17 de Threoir (AE) 2016/797 ó Pharlaimint na hEorpa agus ón gComhairle (2), maidir le comhábhair idir-inoibritheachta agus fochórais atá i gcomhréir le caighdeáin chomhchuibhithe nó le codanna díobh, caighdeáin ar foilsíodh na tagairtí dóibh in Iris Oifigiúil an Aontais Eorpaigh, glactar leis gur comhábhair agus fochórais iad atá i gcomhréir leis na buncheanglais a chumhdaítear leis na caighdeáin sin nó leis na codanna sin díobh a leagtar amach sa Treoir sin.

(2)

Le Cinneadh Cur Chun Feidhme C(2023) 1057 ón gCoimisiún (3), rinne an Coimisiún iarraidh ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (Cenelec) caighdeáin chomhchuibhithe a dhréachtú agus a athbhreithniú chun tacú le Treoir (AE) 2016/797.

(3)

Na caighdeáin a rinne CEN agus Cenelec a dhréachtú nó a athbhreithniú, rinne an Coimisiún measúnú i gcomhar le CEN agus Cenelec féachaint an gcomhlíonann na caighdeáin sin an iarraidh a leagtar amach i gCinneadh Cur Chun Feidhme C(2023) 1057.

(4)

Na caighdeáin chomhchuibhithe, a rinne CEN agus Cenelec a dhréachtú, a athbhreithniú agus a leasú ar bhonn Chinneadh Cur Chun Feidhme C(2023) 1057, sásaíonn siad na ceanglais uile is aidhm dóibh a chumhdach, seachas na caighdeáin EN 15313:2024 agus EN 16207:2024. Dá bhrí sin, is iomchuí na tagairtí a bhaineann leis na caighdeáin sin a fhoilsiú in Iris Oifigiúil an Aontais Eorpaigh.

(5)

Le caighdeán EN 50716:2023, laistigh de theorainneacha a raon feidhme, ba cheart a thabhairt le fios go nglactar leis go bhfuil comhréir ann le ceanglais áirithe de Rialachán (AE) 2016/919 (4) ón gCoimisiún, a mhéid a bhfuil feidhm ag Airteagal 14 de Rialachán Cur Chun Feidhme (AE) 2023/1695 (5) ón gCoimisiún. Dá bhrí sin, is iomchuí na tagairtí a bhaineann leis an gcaighdeán sin a fhoilsiú in Iris Oifigiúil an Aontais Eorpaigh.

(6)

I leith chaighdeán EN 16207:2024, agus maidir le Rialachán (AE) Uimh. 1302/2014, tháinig an Coimisiún ar an gconclúid nár cheart a thabhairt le fios go nglactar leis go bhfuil comhréir ann ach le haghaidh phointí 4.2.4.8.2 (2) agus (4) den Iarscríbhinn a ghabhann leis an Rialachán sin de réir Iarscríbhinn ZA den chaighdeán, agus pointe 4.2.4.8.2 (1) trí chlásal 8.1 den chaighdeán a chur i bhfeidhm. Dá bhrí sin, is iomchuí na tagairtí a bhaineann leis an gcaighdeán sin a fhoilsiú, maille le srianta, in Iris Oifigiúil an Aontais Eorpaigh.

(7)

A mhéid a bhaineann le caighdeán EN 15313:2024, i ndáil le pointí 4.2.3.5.2.1 agus 4.2.3.5.2.2 den Iarscríbhinn a ghabhann le Rialachán (AE) Uimh. 1302/2014 agus pointí 4.2.3.6.2 go 4.2.3.6.5 den Iarscríbhinn a ghabhann le Rialachán (AE) Uimh 321/2013, tháinig an Coimisiún ar an gconclúid nár cheart na lamháltais a thugtar leis an gcaighdeán a charnadh leis na luachanna a leagtar síos sna pointí a luadh cheana, ba cheart na luachanna sna pointí sin a mheas mar luachanna teorann. Dá bhrí sin, is iomchuí na tagairtí a bhaineann leis an gcaighdeán sin a fhoilsiú, maille le srianta, in Iris Oifigiúil an Aontais Eorpaigh.

(8)

Dá bhrí sin, ba cheart Cinneadh Cur Chun Feidhme (AE) 2023/2584 ón gCoimisiún (6) a leasú dá réir sin.

(9)

Ón dáta a fhoilsítear an tagairt do chaighdeán comhchuibhithe in Iris Oifigiúil an Aontais Eorpaigh, is rud é comhlíonadh an chaighdeáin sin a fhágann go nglactar leis go bhfuiltear i gcomhréir leis na buncheanglais chomhfhreagracha a leagtar amach i reachtaíocht chomhchuibhithe an Aontais. Dá bhrí sin, ba cheart an Cinneadh seo a theacht i bhfeidhm lá a fhoilsithe. Mar sin féin, chun a ndóthain ama a thabhairt do na páirtithe leasmhara uile a bhfuil tionchar orthu iad féin a ullmhú do chur i bhfeidhm na gcaighdeán athbhreithnithe, ba cheart tarraingt siar na dtagairtí do chaighdeáin chomhchuibhithe EN 14587-2:2009, EN 15313:2016, EN 15355:2019, EN 15624:2021, EN 16116-2:2021, EN 16286-1:2013, EN 45545-3:2013 agus EN 45545-4:2013 a chur siar go ceann 18 mí ó dháta theacht i bhfeidhm an Chinnidh seo,