|
28.2.2023 |
GA |
Iris Oifigiúil an Aontais Eorpaigh |
C 72/52 |
Réamhfhógra faoi chomhchruinniú
(Cás M.11053 — GROUP CREDIT AGRICOLE / MICHELIN / WATEA)
Cás a d'fhéadfaí a chur faoin nós imeachta simplithe
(Téacs atá ábhartha maidir le LEE)
(2023/C 72/11)
1.
An 21 Feabhra 2023, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
Crédit Agricole Leasing & Factoring (“CAL&F”, an Fhrainc), atá faoi rialú Group Crédit Agricole (“GCA”, an Fhrainc), |
|
— |
Compagnie Financière Michelin (“CFM”, an Fhrainc), atá faoi rialú Compagnie Générale des Etablissements Michelin (“Michelin”, an Fhrainc), |
|
— |
Watèa (an Fhrainc), atá faoi rialú Michelin. |
Gheobhaidh GCA, trí CAL&F, agus Michelin, trí CFM, rialú comhpháirteach ar Watèa de réir bhrí Airteagal 3(1)(b) agus Airteagal 3(4) den Rialachán um Chumaisc.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:|
— |
Is grúpa frithpháirteach é GCA a thairgeann réimse leathan seirbhísí baincéireachta agus árachais ar fud an domhain agus cuireann sé réitigh um maoiniú cíosa ar fáil trína fhochuideachta CAL&F atá gníomhach sa Fhrainc, sa Bheilg, san Ísiltír, sa Ghearmáin, sa Pholainn, san Iodáil, i Maracó, sa Spáinn agus sa Phortaingéil, |
|
— |
Monaraíonn agus dáileann Michelin boinn le haghaidh tionscal gluaisteán agus tionscal eile ar fud an domhain, |
|
— |
Chruthaigh Michelin an chuideachta Watèa in 2021 agus thairgeann sé seirbhísí léasaithe flít agus seirbhísí bainistithe flít sa Fhrainc agus é mar aidhm aige tacú le grúpaí móra agus FBManna maidir le haistriú fuinnimh a bhflíteanna feithiclí tráchtála i dtreo soghluaisteacht níos glaise. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.11053 — GROUP CREDIT AGRICOLE / MICHELIN / WATEA
Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:
R-phost: COMP-MERGER-REGISTRY@ec.europa.eu
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).