(1)

Rinneadh an Coinbhinsiún idir Comhphobal Eacnamaíochta na hEorpa, Poblacht na hOstaire, Poblacht na Fionlainne, Poblacht na hÍoslainne, Ríocht na hIorua, Ríocht na Sualainne agus Cónaidhm na hEilvéise, maidir le nós imeachta comhchoiteann idirthurais (1) (“an Coinbhinsiún”) a thabhairt i gcrích an 20 Bealtaine 1987, agus thaining sé i bhfeidhm an 1 Eanáir 1988.

(2)

De bhun Airteagal 15(3), pointe (a), den Choinbhinsiún, tá an Comhchoiste arna bhunú faoin gCoinbhinsiún le leasuithe a ghlacadh ar na Foscríbhinní a ghabhann leis an gCoinbhinsiún trí bhíthin cinnidh.

(3)

I dtús 2021, tá an Comhchoiste chun cinneadh a ghlacadh chun Foscríbhinní I agus III a ghabhann leis an gCoinbhinsiún a leasú.

(4)

Le Rialachán Cur Chun Feidhme (AE) 2019/1394 ón gCoimisiún (2) rinneadh leasú ar Airteagal 311 de Rialachán Cur Chun Feidhme (AE) 2015/2447 ón gCoimisiún (3) (an “Rialachán Cur Chun Feidhme”) maidir le hiarraidh ar aisghabháil na bhfiach custaim a aistriú. Ba cheart, dá bhrí sin, Airteagal 50 d’Fhoscríbhinn I a ghabhann leis an gCoinbhinsiún, ar Airteagal é a fhreagraíonn d’Airteagal 311 den Rialachán Cur Chun Feidhme, a leasú dá réir sin.

(5)

Le Rialachán Cur Chun Feidhme (AE) 2020/893 ón gCoimisiún (4), rinneadh leasú ar Iarscríbhinn 72-04 a ghabhann leis an Rialachán Cur Chun Feidhme, maidir leis an nós imeachta leanúnachais gnó i gcomhair idirthurais san Aontas. Cuireadh síneadh le bailíocht na ndeimhnithe ráthaíochta cuimsitheacha páipéarbhunaithe chomh maith leis na deimhnithe ráthaíochta tarscaoilte páipéarbhunaithe chun níos mó solúbthachta a thabhairt don nós imeachta leanúnachais gnó idirthurais, agus chun na foirmiúlachtaí a bhíonn le cur i gcrích ag na húdaráis chustaim, agus na costais a thabhaíonn údaráis chustaim, a laghdú. Ba cheart, dá bhrí sin, Airteagal 79 d’Fhoscríbhinn I a ghabhann leis an gCoinbhinsiún a leasú dá réir sin, mar aon le pointe 19.3, Caibidil III, Iarscríbhinn II a ghabhann le Foscríbhinn I a ghabhann leis an gCoinbhinsiún, ar pointe é a fhreagraíonn do phointe 19.3, Caibidil III, Cuid I, Iarscríbhinn 72-04 a ghabhann leis an Rialachán Cur Chun Feidhme.

(6)

Nuair a scoirfidh Cód Custaim an Aontais d’fheidhm a bheith aige maidir leis an Ríocht Aontaithe agus sa Ríocht Aontaithe, Tuaisceart Éireann as an áireamh, is ina Pháirtí Conarthach ar leith (5) a dhéanfar an Ríocht Aontaithe a aontú leis an gCoinbhinsiún, agus beidh feidhm ag Prótacal maidir le hÉirinn/Tuaisceart Éireann, prótacal ar cuid dhílis é den Chomhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (6). Tá tagairtí sa Choinbhinsiún do Bhallstáit an Aontais Eorpaigh, do thíortha comhchoiteanna idirthurais, agus do chód gach tíre faoi seach. Dá bhrí sin, is gá Foscríbhinn III a ghabhann leis an gCoinbhinsiún a leasú chun cur in iúl gur tír chomhchoiteann idirthurais í an Ríocht Aontaithe, agus go bhfuil feidhm ag Cód Custaim an Aontais i dTuaisceart Éireann, go mór mór a mhéid a bhaineann leis na forálacha maidir le ráthaíochtaí.

(7)

Is iomchuí an seasamh atá le glacadh thar ceann an Aontais sa Chomhchoiste a bhunú, a mhéid a bhaineann le leasú ar Fhoscríbhinní I agus III a ghabhann leis an gCoinbhinsiún, ós rud é go mbeidh an leasú sin ina cheangal ar an Aontas.

(8)

Ba cheart, dá bhrí sin, an seasamh atá le glacadh thar ceann an Aontais sa Chomhchoiste a bhunú ar an dréachtchinneadh ón gComhchoiste,