(1)

Allmhairí táirgí cothromrollta alúmanaim de thionscnamh Dhaon-Phoblacht na Síne agus na Téaváine, is allmhairí iad atá faoi réir dleachtanna frithdhumpála cinntitheacha arna bhforchur le Rialachán Cur Chun Feidhme (AE) 2021/1483 ón gCoimisiún (2).

(2)

Lianzhong Stainless Steel Corporation, cód breise TARIC (3) C026, cuideachta atá faoi réir ráta dleachta frithdhumpála aonair 24,6 %, chuir sí an Coimisiún ar an eolas an 11 Iúil 2024 gur athraigh sí a hainm go Angang Lianzhong Stainless Steel Corporation.

(3)

D’iarr an chuideachta ar an gCoimisiún a dheimhniú nach ndéanfaidh an t-athrú ainm aon difear do cheart na cuideachta tairbhiú den ráta dleachta frithdhumpála aonair ab infheidhme maidir léi faoin ainm a bhí uirthi roimhe sin.

(4)

Scrúdaigh an Coimisiún an fhaisnéis a soláthraíodh, agus ba é a chonclúid go raibh an t-athrú ar an ainm cláraithe i gceart leis na húdaráis ábhartha, agus nach raibh aon ghaol nua ann dá bharr le grúpaí eile cuideachtaí nach ndearna an Coimisiún imscrúdú orthu.

(5)

Dá réir sin, ní dhéanann an t-athrú ar an ainm difear do thorthaí Rialachán Cur Chun Feidhme (AE) 2021/1483 ón gCoimisiún, agus go háirithe don ráta dleachta frithdhumpála is infheidhme maidir leis.

(6)

Ba cheart éifeacht a bheith leis an athrú ainm ón 11 Iúil 2024, an lá a comhdaíodh an iarraidh ar an athrú ainm atá i gceist leis an gCoimisiún (féach aithris 2).

(7)

I bhfianaise a bhfuil sna haithrisí thuas, mheas an Coimisiún gurbh iomchuí Rialachán Cur Chun Feidhme (AE) 2021/1483 a leasú chun ainm nua na cuideachta a léiriú, ainm ar sannadh cód breise TARIC C026 dó roimhe seo.

(8)

Tá na bearta dá bhforáiltear sa Rialachán seo i gcomhréir leis an tuairim ón gCoiste arna bhunú le hAirteagal 15(1) de Rialachán (AE) 2016/1036,