Il-Ġurnal Uffiċjali
ta'l-Unjoni Ewropea
MT
Is-serje L
|
|
Il-Ġurnal Uffiċjali |
MT Is-serje L |
|
2024/2601 |
8.10.2024 |
PROTOKOLL ADDIZZJONALI TAL-FTEHIM BEJN IL-KOMUNITÀ EKONOMIKA EWROPEA U R-REPUBBLIKA TAL-IŻLANDA
L-UNJONI EWROPEA
u
L-IŻLANDA
WARA LI KKUNSIDRAW il-Ftehim bejn il-Komunità Ekonomika Ewropea u r-Repubblika tal-Iżlanda ffirmat fit-22 ta’ Lulju 1972, u l-arranġamenti eżistenti għall-kummerċ tal-ħut u prodotti tas-sajd bejn l-Iżlanda u l-Komunità,
WARA LI KKUNSIDRAW il-Protokoll Addizzjonali tal-Ftehim bejn il-Komunità Ekonomika Ewropea u l-Iżlanda dwar id-dispożizzjonijiet speċjali applikabbli għall-perjodu 2014-2021 għall-importazzjonijiet fl-Unjoni ta’ ċerti ħut u prodotti tas-sajd, u b’mod partikolari l-Artikolu 1 tiegħu,
IDDEĊIDEW LI JIKKONKLUDU DAN IL-PROTOKOLL:
Artikolu 1
1. Id-dispożizzjonijiet speċjali applikabbli għall-importazzjonijiet fl-Unjoni Ewropea ta’ ċerti ħut u prodotti tas-sajd li joriġinaw mill-Iżlanda huma stabbiliti f’dan il-Protokoll u l-Anness tiegħu. Il-kwoti tariffarji annwali mingħajr dazju huma stabbiliti fl-Anness ta’ dan il-Protokoll. Dawn il-kwoti tariffarji għandhom japplikaw mill-jum li fih issir effettiva l-applikazzjoni proviżorja ta’ dan il-Protokoll, skont il-proċeduri stabbiliti fil-paragrafu 3 tal-Artikolu 4, sat-30 ta’ April 2028.
2. Fi tmiem dan il-perjodu, il-Partijiet Kontraenti jivvalutaw il-ħtieġa li jinżammu d-dispożizzjonijiet speċjali msemmija fil-paragrafu 1 u, jekk meħtieġ, jirrevedu l-livelli tal-kwoti filwaqt li jitqiesu l-interessi rilevanti kollha.
Artikolu 2
1. Il-kwoti tariffarji għandhom jinfetħu fil-jum li fih issir effettiva l-applikazzjoni proviżorja ta’ dan il-Protokoll, skont il-proċeduri stabbiliti fil-paragrafu 3 tal-Artikolu 4.
2. Il-volumi tal-kwoti tariffarji huma stabbiliti fl-Anness ta’ dan il-Protokoll. L-ewwel kwota tariffarja għandha tkun disponibbli mid-data tal-applikazzjoni proviżorja ta’ dan il-Protokoll sat-30 ta’ April 2024. Mill-1 ta’ Mejju 2024, il-kwoti tariffarji sussegwenti għandhom jiġu allokati kull sena mill-1 ta’ Mejju sat-30 ta’ April sa tmiem il-perjodu msemmi fl-Artikolu 1 ta’ dan il-Protokoll.
3. Il-volumi tal-kwoti tariffarji li jkopru l-perjodu mill-1 ta’ Mejju 2021 sal-applikazzjoni proviżorja ta’ dan il-Protokoll għandhom jiġu allokati b’mod proporzjonali u jkunu disponibbli għall-bqija tal-perjodu msemmi fl-Artikolu 1 ta’ dan il-Protokoll.
4. F’każ li l-kwoti tariffarji msemmija fl-Artikolu 1 ma jiġux eżawriti matul il-perjodu msemmi fl-Artikolu 1, u f’każ li protokoll sussegwenti li jistabbilixxi kwoti tariffarji mingħajr dazju għall-istess prodotti ma jiġix applikat b’mod proviżorju, l-importazzjonijiet mill-Iżlanda jistgħu jsiru għall-bqija tal-volum akkumulat tal-kwota ta’ dawk il-kwoti tariffarji sa sentejn wara tmiem il-perjodu msemmi fl-Artikolu 1, iżda għal mhux aktar mill-applikazzjoni proviżorja ta’ protokoll sussegwenti li jistabbilixxi kwoti tariffarji mingħajr dazju għall-istess prodotti.
Artikolu 3
Ir-regoli tal-oriġini applikabbli għall-kwoti tariffarji elenkati fl-Anness ta’ dan il-Protokoll għandhom ikunu dawk stabbiliti fil-Protokoll 3 tal-Ftehim bejn il-Komunità Ekonomika Ewropea u l-Iżlanda ffirmat fit-22 ta’ Lulju 1972.
Artikolu 4
1. Dan il-Protokoll għandu jiġi ratifikat jew approvat mill-Partijiet skont il-proċeduri rispettivi tagħhom. L-istrumenti ta’ ratifika jew ta’ approvazzjoni għandhom jiġu ddepożitati mas-Segretarjat Ġenerali tal-Kunsill tal-Unjoni Ewropea.
2. Il-Protokoll għandu jidħol fis-seħħ fl-ewwel jum tat-tieni xahar wara li jkun depożitat l-aħħar strument ta’ ratifika jew ta’ approvazzjoni.
3. Sakemm jitlestew il-proċeduri msemmija fil-paragrafi 1 u 2, dan il-Protokoll għandu jiġi applikat fuq bażi proviżorja mill-ewwel jum tat-tielet xahar wara d-depożitu tal-aħħar notifika għal dan l-għan.
Artikolu 5
Dan il-Protokoll, imħejji f’oriġinal wieħed, bl-ilsien Bulgaru, Ċek, Daniż, Estonjan, Finlandiż, Franċiż, Ġermaniż, Grieg, Ingliż, Irlandiż, Kroat, Latvjan, Litwan, Malti, Olandiż, Pollakk, Portugiż, Rumen, Slovakk, Sloven, Spanjol, Taljan, Ungeriż, Żvediż u Iżlandiż, bit-test f’kull wieħed minn dawn it-testi jkun ugwalment awtentiku, għandu jiġi ddepożitat mas-Segretarjat Ġenerali tal-Kunsill tal-Unjoni Ewropea, li jibgħat kopja ċertifikata lil kull waħda mill-Partijiet.
ANNESS
DISPOŻIZZJONIJIET SPEĊJALI MSEMMIJA FL-ARTIKOLU 1 TAL-PROTOKOLL
Flimkien mal-kwoti tariffarji mingħajr dazju permanenti eżistenti, l-Unjoni Ewropea għandha tiftaħ il-kwoti tariffarji annwali mingħajr dazju li ġejjin għall-prodotti li joriġinaw mill-Iżlanda:
|
Kodiċi NM |
Deskrizzjoni tal-prodotti |
Volum annwali (1.5-30.4) tal-kwota tariffarja f’piż nett sakemm mhux speċifikat mod ieħor (1) |
|
0303 51 00 |
Aringi “Clupea harengus, Clupea pallasii” ffriżati (2) |
400 tunnellata |
|
0306 15 00 |
Skampi “Nephrops norvegicus” iffriżati, anki affumikati, kemm jekk bil-qoxra kif ukoll jekk le, inklużi awwisti bil-qoxra, imsajrin bil-fwar jew bit-togħlija fl-ilma |
100 tunnellata |
|
0304 49 50 |
Fletti friski jew imkessħin tar-redfish “Sebastes spp.” |
2 500 tunnellata |
|
1604 19 92 1604 20 90 |
Preparazzjonijiet ta’ bakkaljaw u ħut ieħor |
2 000 tunnellata |
|
|
Frisk jew imkessaħ |
5 500 tunnellata |
|
0302 23 00 |
Lingwata komuni (Solea spp.) |
|
|
0302 24 00 |
Barbuni imperjali (Psetta maxima) |
|
|
0302 29 |
Megrim (Lepidorhombus spp.) u pixxiċatt ieħor, minbarra fletti tal-ħut u laħam tal-ħut ieħor |
|
|
Ex03025990 |
Ħut mill-familji Bregmacerotidae, Euchlichthyidae, Gadidae, Macrouridae, Melanonidae, Merlucciidae, Moridae u Muraenolepididae |
|
|
0302 82 00 |
Raj u rebekkini (Rajidae) |
|
|
0302 89 50 |
Petriċa kbira (Lophius spp.) |
|
|
0302 89 90 |
Ħut ieħor frisk jew imkessaħ, n.e.s. |
|
|
0303 32 00 |
Barbun tat-tbajja’ (Pleuronectes platessa) iffriżat |
|
|
0303 39 85 |
Pixxiċatt iffriżat |
|
|
Ex03035990 |
Kavalli tal-Indo-Paċifiku ffriżati, “rastrelliger spp.” |
|
|
Ex03036990 |
Ħut iffriżat mill-familji Bregmacerotidae, Euchlichthyidae, Gadidae, Macrouridae, Melanonidae, Merlucciidae, Moridae u Muraenolepididae |
|
|
0303 82 00 |
Raj u rebekkini (Rajidae) iffriżati |
|
|
0303 89 90 |
Ħut iffriżat, n.e.s. |
|
|
0303 99 00 |
Pinnen, irjus, dnub, vexxiki tal-għawm tal-ħut iffriżat u ġewwieni ieħor li jittiekel tal-ħut |
|
|
0304 43 00 |
Fletti friski jew imkessħin tal-pixxiċatt (Pleuronectidae, Bothidae, Cynoglossidae, Soleidae, Scophthalmidae u Citharidae) |
|
|
Ex03044490 |
Fletti friski jew imkessħin tal-ħut mill-familji Bregmacerotdae, Euchlichthyidae, Gadidae, Macrouridae, Melanonidae, Merlucciidae, Moridae u Muraenolepididae |
|
|
0304 46 |
Fletti friski jew imkessħin tal-pixxisinna |
|
|
0304 49 10 |
Fletti friski jew imkessħin tal-ħut tal-ilma ħelu |
|
|
0304 49 90 |
Fletti friski jew imkessħin ta’ ħut ieħor, n.e.s. |
|
|
0304 95 10 |
Surimi ffriżat |
|
|
0305 39 10 |
Fletti tas-salamun immellaħ jew fis-salmura, iżda mhux affumikat |
50 tunnellata |
|
0305 42 00 |
Aringi affumikati |
|
|
0305 69 50 |
Salamun immellaħ biss jew fis-salmura |
|
|
0305 41 00 |
Salamun affumikat, inklużi fletti |
|
|
0305 72 00 |
Irjus, dnub u vexxiki tal-għawm tal-ħut, affumikati, imnixxfin, immellħin jew fis-salmura |
1 950 tunnellata |
|
0305 79 00 |
Pinen tal-ħut u ġewwieni ieħor li jittiekel tal-ħut, affumikati, imnixxfin, immellħin jew fis-salmura |
|
|
0305 43 00 |
Troti affumikati (Salmo trutta, Oncorhynchus mykiss, Oncorhynchus clarki, Oncorhynchus aguabonita, Oncorhynchus gilae, Oncorhynchus apache u Oncorhynchus chrysogaster) |
|
|
0305 49 80 |
Ħut affumikat ieħor |
|
|
1604 11 00 1604 20 10 |
Salamun ippreparat jew ippreservat, sħiħ jew f’biċċiet (eskluż ikkapuljat) |
|
|
1605 61 00 |
Ħjar tal-baħar ippreparati jew ippreservati |
|
|
1605 62 00 |
Rizzi ippreparati jew ippreservati |
|
|
0302 22 00 |
Barbun tat-tbajja’ (“Pleuronectes platessa”) frisk jew imkessaħ |
2 500 tunnellata |
|
0302 59 20 |
Merlangu (“Merlangius merlangus”) frisk jew imkessaħ |
|
|
0304 49 10 |
Fletti friski jew imkessħin tal-ħut tal-ilma ħelu, n.e.s. |
|
|
0304 52 00 |
Laħam frisk jew imkessaħ, kemm jekk ikkapuljat kif ukoll jekk le, tas-Salmonidi |
|
|
0304 89 10 |
Fletti ffriżati tal-ħut tal-ilma ħelu, n.e.s. |
|
|
0305 69 80 |
Ħut ieħor, immellaħ biss jew fis-salmura |
|
|
0304 82 10 0304 82 90 |
Fletti ffriżati tat-troti “Salmo trutta, Oncorhynchus mykiss, Oncorhynchus aguabonita, Oncorhynchus gilae” |
|
|
0302 59 40 |
Molvi “Molva spp.” friski jew imkessħin |
|
|
0305 53 90 |
Ħut imnixxef mill-familji Bregmacerotidae, Euclichthyidae, Gadidae, Macrouridae, Melanonidae, Merlucciidae, Moridae u Muraenolepididae, minbarra l-bakkaljaw |
|
|
0303 14 20 0303 14 90 |
Trota “Oncorhynchus mykiss” iffriżata, bl-irjus u l-garġi, imnaddfa |
|
|
0304 82 10 |
Troti “Salmo trutta, Oncorhynchus mykiss, Oncorhynchus” iffriżati, fletti ffriżati tat-trota “Oncorhynchus mykiss”, li jiżnu aktar minn 400 gramma kull wieħed |
|
|
0302 14 00 |
Salamun tal-Atlantiku “Salmo salar” frisk jew imkessaħ u salamun tad-Danubju |
|
|
0303 13 00 |
Salamun tal-Atlantiku “Salmo salar” iffriżat u salamun tad-Danubju “Hucho hucho” |
|
|
0304 41 00 |
Fletti friski jew imkessħin tas-salamun tal-Paċifiku “Oncorhynchus nerka, Oncorhynchus gorbuscha, Oncorhynchus keta, Oncorhynchus tschawytscha, Oncorhynchus kisutch, Oncorhynchus masou and Oncorhynchus rhodurus), Atlantic salmon (Salmo salar) and Danube salmon (Hucho hucho)” |
|
|
0304 81 00 |
Fletti ffriżati tas-salamun tal-Paċifiku “Oncorhynchus nerka, Oncorhynchus gorbuscha, Oncorhynchus keta, Oncorhynchus tschawytscha, Oncorhynchus kisutch, Oncorhynchus masou and Oncorhynchus rhodurus), Atlantic salmon (Salmo salar) and Danube salmon (Hucho hucho)” |
|
(1) Il-kwantitajiet għandhom jiżdiedu f’konformità mal-Artikolu 2, il-paragrafu 3 ta’ dan il-Protokoll.
(2) Il-benefiċċju tal-kwota tariffarja ma għandux jingħata lill-merkanzija ddikjarata għar-rilaxx għal ċirkolazzjoni libera fil-perjodu mill-15 ta’ Frar sal-15 ta’ Ġunju.
ELI: http://data.europa.eu/eli/prot/2024/2601/oj
ISSN 1977-074X (electronic edition)