1.   Meta jippreżenta applikazzjoni għar-reġistrazzjoni ta’ indikazzjoni ġeografika, il-produttur uniku msemmi fl-Artikolu 8(2) tar-Regolament (UE) 2023/2411 għandu jipprovdi spjegazzjonijiet u evidenza xierqa biex juri li l-kundizzjonijiet kumulattivi speċifikati f’dak l-Artikolu huma ssodisfati.

2.   Jekk indikazzjoni ġeografika protetta, tikkonsisti minn, jew tinkludi l-isem tal-azjenda tal-produttur uniku, dan ma għandux iżomm lil produtturi oħra milli jużaw dak l-isem dment li jikkonformaw mal-ispeċifikazzjoni tal-prodott.

1.   L-obbligu ta’ informazzjoni ta’ Stat Membru interessat lejn l-Uffiċċju skont l-Artikolu 70(2) tar-Regolament (UE) 2023/2411 għandu jiġi ssodisfat billi jiġu sottomessi lill-Uffiċċju, permezz tas-sistema diġitali jew fil-kaxxa postali funzjonali speċifika tiegħu, l-ismijiet eżistenti li l-Istat Membru jixtieq jirreġistra u jipproteġi skont ir-Regolament (UE) 2023/2411 u l-applikazzjonijiet korrispondenti f’konformità mal-Artikolu 70(4) ta’ dak ir-Regolament.

2.   L-obbligu ta’ informazzjoni ta’ Stat Membru interessat lejn il-Kummissjoni skont l-Artikolu 70(2) tar-Regolament (UE) 2023/2411 għandu jiġi ssodisfat billi jissottometti lill-Kummissjoni, fil-kaxxa postali funzjonali speċifika tiegħu, l-ismijiet eżistenti li l-Istat Membru jixtieq jirreġistra u jipproteġi skont ir-Regolament (UE) 2023/2411.

3.   Jekk tonqos milli ssir xi waħda mis-sottomissjonijiet imsemmija fil-paragrafi 1 u 2 sat-2 ta’ Diċembru 2026, dan għandu jwassal biex l-informazzjoni speċifikata skont l-Artikolu 70(2) tar-Regolament (UE) 2023/2411 titqies bħala li ma ġietx ippreżentata.

4.   L-applikazzjonijiet li jakkumpanjaw l-ismijiet eżistenti se jiġu pproċessati f’konformità mal-Artikolu 70(4) tar-Regolament (UE) 2023/2411.

1.   F’każ li l-applikazzjoni konġunta tikkonċerna biss l-Istati Membri li ngħataw deroga f’konformità mal-Artikolu 19(1) tar-Regolament (UE) 2023/2411, l-applikazzjoni konġunta għandha tiġi sottomessa lill-Uffiċċju minn wieħed mill-applikanti.

2.   F’każ li l-applikazzjoni konġunta tikkonċerna Stat Membru li jkun ngħata deroga f’konformità mal-Artikolu 19(1) tar-Regolament (UE) 2023/2411 u Stat Membru ieħor skont il-proċedura standard, l-applikazzjoni konġunta għandha tiġi sottomessa lill-Uffiċċju mill-awtorità kompetenti ta’ dak l-Istat Membru skont il-proċedura standard.

3.   F’każ li l-applikazzjoni konġunta tikkonċerna Stat Membru li jkun ngħata deroga f’konformità mal-Artikolu 19(1) tar-Regolament (UE) 2023/2411 u pajjiż terz, l-applikazzjoni konġunta għandha tiġi sottomessa lill-Uffiċċju mill-applikant fl-Istat Membru.

4.   L-Uffiċċju għandu jibgħat kwalunkwe notifika jew deċiżjoni lill-awtorità kompetenti tal-Istat Membru, lill-applikant fl-Istat Membru jew lill-awtorità kompetenti tal-pajjiż terz jew lill-applikant f’pajjiż terz li jkun issottometta lill-Uffiċċju applikazzjoni konġunta għar-reġistrazzjoni f’konformità mal-Artikolu 22(4) tar-Regolament (UE) 2023/2411 u l-paragrafi 1, 2 u 3 ta’ dan l-Artikolu.

1.   L-ispeċifikazzjoni tal-prodott, imsemmija fl-Artikolu 9 tar-Regolament (UE) 2023/2411, meta tiġi sottomessa lill-Uffiċċju skont l-Artikolu 22 ta’ dak ir-Regolament, meta jkun applikabbli, għandha tiġi pprovduta fuq il-formola magħmula disponibbli online mill-Uffiċċju u sottomessa lill-Uffiċċju permezz tas-sistema diġitali.

2.   Għall-proċeduri skont l-Artikolu 21, il-punti (b) u (c), tar-Regolament (UE) 2023/2411, l-Uffiċċju għandu jagħmel l-ispeċifikazzjoni tal-prodott pubblika fir-reġistru tal-Unjoni bil-lingwa tal-preżentazzjoni mill-applikant.

1.   L-ispeċifikazzjoni tal-prodott għal indikazzjoni ġeografika protetta għandu jkun fiha l-proċeduri li l-produtturi jeħtiġilhom ikollhom stabbiliti fir-rigward tal-prova tal-oriġini li tikkonċerna:

2.   Kull restrizzjoni fuq l-oriġini tal-materja prima, jekk ikun applikabbli, li tingħata fl-ispeċifikazzjoni tal-prodott ta’ prodott li ismu huwa rreġistrat bħala indikazzjoni ġeografika protetta għandha tiġi ġġustifikata fir-rigward tar-rabta msemmija fl-Artikolu 9(1), il-punt (d), tar-Regolament (UE) 2023/2411.

3.   Il-produtturi għandhom ikunu kapaċi:

1.   Meta l-applikazzjoni għar-reġistrazzjoni ta’ isem jew approvazzjoni ta’ emenda tkun tirreferi għal żewġ prodotti distinti jew aktar li huma intitolati li jużaw dak l-isem, il-konformità mar-rekwiżiti għar-reġistrazzjoni għandha tintwera separatament għal kull wieħed mill-prodotti.

2.   Għall-finijiet ta’ dan l-Artikolu, it-terminu “prodotti distinti” jfisser prodotti li, għalkemm jużaw l-istess isem irreġistrat, ivarjaw minn xulxin meta jiġu introdotti fis-suq jew jitqiesu bħala prodotti differenti mill-konsumaturi. Jista’ jirreferi wkoll għall-prodotti artiġjanali u industrijali koperti minn klassifikazzjonijiet differenti taħt in-Nomenklatura Magħquda msemmija fir-Regolament tal-Kunsill (KEE) Nru 2658/87 (4).

1.   F’sitwazzjonijiet skont l-Artikolu 21, il-punt (a) tar-Regolament (UE) 2023/2411, l-awtorità kompetenti tal-Istat Membru, f’sitwazzjonijiet skont l-Artikolu 21, il-punt (b) tar-Regolament (UE) 2023/2411, l-applikant, u f’sitwazzjonijiet skont l-Artikolu 21, il-punt (c) tar-Regolament (UE) 2023/2411, l-applikant jew l-awtorità kompetenti tal-pajjiż terz, li ssottomettew id-dokument uniku lill-Uffiċċju, għandhom jiżguraw u d-dokument uniku jkun sommarju preċiż tal-ispeċifikazzjoni tal-prodott u li ma jkun hemm l-ebda diverġenza sostanzjali bejniethom. Meta tinstab inkonsistenza wara r-reġistrazzjoni tal-indikazzjoni ġeografika, f’sitwazzjonijiet skont l-Artikolu 21, il-punt (a) tar-Regolament (UE) 2023/2411, l-awtorità kompetenti tal-Istat Membru, f’sitwazzjonijiet skont l-Artikolu 21, il-punt (b) tar-Regolament (UE) 2023/2411, l-applikant, u f’sitwazzjonijiet skont l-Artikolu 21, il-punt (c) tar-Regolament (UE) 2023/2411, l-applikant jew l-awtorità kompetenti tal-pajjiż terz, kif applikabbli, għandha tieħu l-miżuri neċessarji biex tirrimedja dik l-inkonsistenza.

2.   L-ismijiet tal-persuni fiżiċi jew ġuridiċi inklużi fid-dokument uniku għandhom jiġu ppubblikati.

3.   Id-dokument uniku għandu jkun konċiż u ma jaqbiżx l-2 500 kelma, għajr f’każijiet li jkunu debitament ġustifikati.

4.   Id-dokument uniku għandu jitfassal f’konformità mal-Anness II tar-Regolament (UE) 2023/2411 u jiġi sottomess permezz tas-sistema diġitali.

1.   Jekk, wara l-iskambji msemmija fl-Artikolu 23(4) u 23(6) tar-Regolament (UE) 2023/2411 bejn l-Uffiċċju u l-awtorità kompetenti tal-Istat Membru kkonċernat, isiru bidliet fl-ispeċifikazzjoni tal-prodott, l-awtorità kompetenti ta’ dak l-Istat Membru għandha taġġorna d-dokument uniku u tiżgura li r-referenza elettronika għall-pubblikazzjoni tal-ispeċifikazzjoni tal-prodott twassal għall-verżjoni aġġornata tiegħu.

2.   Jekk l-awtorità kompetenti tal-Istat Membru tqis li l-bidliet fl-ispeċifikazzjoni tal-prodott huma sostanzjali, u b’hekk jaffettwaw l-interessi li ma kinux tqiesu fil-proċedura nazzjonali ta’ oppożizzjoni mwettqa f’konformità mal-Artikolu 15 tar-Regolament (UE) 2023/2411, dawk il-bidliet għandhom ikunu soġġetti għal proċedura nazzjonali ta’ oppożizzjoni addizzjonali. F’dik il-proċedura nazzjonali ta’ oppożizzjoni addizzjonali, l-awtorità kompetenti tal-Istat Membru għandha tiżgura li kwalunkwe persuna fiżika jew ġuridika li jkollha interess leġittimu, li tkun stabbilita jew residenti fit-territorju ta’ dak l-Istat Membru u li tkun affettwata minn dawk il-bidliet titħalla tissottometti oppożizzjoni qabel ma l-verżjoni aġġornata tad-dokument uniku, adattata għall-ispeċifikazzjoni tal-prodott aġġornata, tiġi kkomunikata lill-Uffiċċju.

3.   Fil-każ ta’ reġistrazzjonijiet diretti, jekk, wara l-iskambji msemmija fl-Artikolu 14(8) u (9) ta’ dan ir-Regolament, isiru bidliet fl-ispeċifikazzjoni tal-prodott, l-applikant għandu jaġġorna d-dokument uniku.

4.   Jekk, wara l-iskambji msemmija fil-paragrafu 1, ikunu meħtieġa bidliet fl-Ispeċifikazzjoni tal-Prodott għal applikazzjoni li tikkonċerna indikazzjoni ġeografika li toriġina minn pajjiż terz, l-applikant jew l-awtorità kompetenti tal-pajjiż terz, kif applikabbli, għandha taġġorna d-dokument uniku u l-ispeċifikazzjoni tal-prodott, u tikkomunika dawk il-bidliet lill-Uffiċċju.

1.   Fi proċeduri standard, l-Uffiċċju għandu jiffoka l-eżami tiegħu primarjament fuq id-dokument uniku, madankollu, fil-każ ta’ applikazzjonijiet ta’ pajjiżi terzi u reġistrazzjonijiet diretti, l-Uffiċċju għandu jagħmel kontroverifika tad-dokument uniku mal-ispeċifikazzjoni tal-prodott biex jiġu evitati differenzi possibbli.

2.   F’reġistrazzjonijiet diretti, l-Uffiċċju għandu jeżamina l-applikazzjonijiet bl-għajnuna tal-punt uniku ta’ kuntatt maħtur mill-Istati Membri.

3.   Jekk applikazzjoni ma tissodisfax il-kriterji msemmija fl-Artikolu 23(1) tar-Regolament (UE) 2023/2411, fl-indirizzar tal-osservazzjonijiet skont l-Artikolu 23(6) tar-Regolament (UE) 2023/2411, l-Uffiċċju għandu jinnotifika lill-applikant u lill-awtorità kompetenti tal-Istat Membru minn fejn joriġina l-prodott, jew fil-każ ta’ reġistrazzjonijiet diretti, lill-applikant, jew, fil-każ ta’ applikazzjonijiet minn pajjiżi terzi, lill-applikant jew lill-awtorità kompetenti tal-pajjiż terz, kif applikabbli, bil-lingwa li biha ġiet sottomessa l-applikazzjoni, dan li ġej:

4.   F’każ li l-applikant jiddeċiedi li jirtira l-applikazzjoni, fil-proċedura standard, l-awtorità kompetenti tal-Istat Membru, fil-każ ta’ reġistrazzjonijiet diretti, l-applikant, u fil-każ ta’ applikazzjonijiet minn pajjiżi terzi, l-applikant jew l-awtorità kompetenti tal-pajjiż terz, kif applikabbli, għandhom jinfurmaw lill-Uffiċċju, permezz tas-sistema diġitali, dwar l-irtirar tal-applikazzjoni. L-applikazzjonijiet irtirati għandhom jitqiesu li ma ġewx ippreżentati.

5.   Id-deċiżjoni, f’konformità mal-Artikolu 29(1) tar-Regolament (UE) 2023/2411, li tiddikjara r-raġunijiet għar-rifjut għandha tiġi nnotifikata lill-applikant u lill-awtorità kompetenti tal-Istat Membru minn fejn joriġina l-prodott, jew fil-każ ta’ reġistrazzjonijiet diretti, lill-applikant, u fil-każ ta’ applikazzjonijiet minn pajjiżi terzi, lill-applikant jew lill-awtorità kompetenti tal-pajjiż terz, kif applikabbli.

6.   Jekk id-Diviżjoni tal-Indikazzjonijiet Ġeografiċi, kif stabbilita mill-Artikolu 34 tar-Regolament (UE) 2023/2411 (“id-Diviżjoni tal-Indikazzjonijiet Ġeografiċi”) tiddeċiedi li tikkonsulta lill-Bord Konsultattiv matul il-proċedura ta’ eżami kif imsemmi fl-Artikolu 23(5) ta’ dak ir-Regolament, l-applikant u l-awtorità kompetenti tal-Istat Membru u l-applikant jew l-awtorità kompetenti tal-pajjiż terz, kif applikabbli, minn fejn joriġina l-prodott, għandhom jiġu nnotifikati permezz tas-sistema diġitali dwar tali konsultazzjoni u dwar is-sospensjoni tal-perjodu ta’ eżami kif imsemmi fl-Artikolu 23(5) tar-Regolament (UE) 2023/2411.

7.   Id-Diviżjoni tal-Indikazzjonijiet Ġeografiċi għandha tinnotifika l-opinjoni tal-Bord Konsultattiv lill-applikant u lill-awtorità kompetenti jew lill-punt uniku ta’ kuntatt tal-Istat Membru, bil-lingwi uffiċjali tal-Unjoni tal-Istati Membri rispettivi u lill-applikant jew lill-awtorità kompetenti tal-pajjiż terz, kif applikabbli, minn fejn joriġina l-prodott bil-lingwa uffiċjali tal-Unjoni tas-sottomissjoni tal-applikazzjoni għar-reġistrazzjoni.

8.   Minbarra l-paragrafu 3, fil-każ ta’ reġistrazzjonijiet diretti, l-Uffiċċju għandu jeżamina jekk l-applikazzjoni tikkonformax mar-rekwiżiti msemmija fl-Artikoli 6 u 8 tar-Regolament (UE) 2023/2411.

9.   Fil-każ ta’ reġistrazzjonijiet diretti, skont l-Artikolu 20(2) tar-Regolament (UE) 2023/2411, fl-indirizzar tal-osservazzjonijiet skont l-Artikolu 23(6) tar-Regolament (UE) 2023/2411, meta jkun meħtieġ, l-Uffiċċju għandu jibgħat it-talba lill-applikant biex jipprovdi informazzjoni supplimentari. L-Uffiċċju għandu jinnotifika wkoll lill-punt uniku ta’ kuntatt dwar it-talba.

10.   Fil-każ ta’ reġistrazzjonijiet diretti, skont l-Artikolu 20(5) tar-Regolament (UE) 2023/2411, l-Uffiċċju għandu jibgħat permezz tas-sistema diġitali lill-punt uniku ta’ kuntatt it-talbiet speċifiċi tiegħu għal kjarifika, għandu jindika l-aspetti speċifiċi li l-punt uniku ta’ kuntatt għandu jeżamina u/jew jivverifika u għandu jindika meta għandha tinħareġ dikjarazzjoni biex tiġi vverifikata dik l-informazzjoni. Fl-eżami tiegħu, l-Uffiċċju għandu jibbaża fuq id-dikjarazzjonijiet magħmula mill-punt uniku ta’ kuntatt.

11.   Fil-każ ta’ reġistrazzjonijiet diretti, skont l-Artikolu 20 tar-Regolament (UE) 2023/2411, l-Uffiċċju għandu jarkivja l-komunikazzjonijiet kollha bil-miktub mal-punt uniku ta’ kuntatt, li għandhom x’jaqsmu mal-eżami mwettaq mill-Uffiċċju.

1.   L-oppożizzjoni kif imsemmija fl-Artikolu 25 tar-Regolament (UE) 2023/2411 għandu jkun fiha:

2.   L-oppożizzjoni kif imsemmija fl-Artikolu 25 tar-Regolament (UE) 2023/2411 tista’ tinkludi wkoll dokumenti ta’ sostenn, meta jkun rilevanti.

3.   L-oppożizzjoni għandha tiġi sottomessa lill-Uffiċċju permezz tas-sistema diġitali tiegħu. L-Uffiċċju għandu jinforma lill-Kummissjoni dwar l-oppożizzjoni fi żmien xahar wara l-iskadenza tal-perjodu ta’ oppożizzjoni.

4.   Jekk l-oppożizzjoni ma jkunx fiha l-awtorizzazzjoni msemmija fil-paragrafu 1, il-punt (c) jew l-oppożizzjoni tiġi riċevuta mill-Uffiċċju barra mill-perjodu msemmi fl-Artikolu 25(1) tar-Regolament (UE) 2023/2411, l-Uffiċċju għandu jinnotifika lill-opponent dwar dan in-nuqqas u l-opponent għandu jkollu 7 ijiem kalendarji biex jikkompleta l-oppożizzjoni, inkella l-oppożizzjoni titqies li ma ġietx ippreżentata.

5.   Meta l-Uffiċċju jirċievi oppożizzjoni skont l-Artikolu 25(1) tar-Regolament (UE) 2023/2411, għandu jinnotifika l-oppożizzjoni mill-aktar fis possibbli lill-applikant u lill-awtorità kompetenti tal-Istat Membru minn fejn joriġina l-prodott, fil-każ ta’ reġistrazzjonijiet diretti, lill-applikant u lill-punt uniku ta’ kuntatt, bil-lingwa kif ippreżentata, flimkien ma’ traduzzjoni awtomatika vverifikata tagħha għal-lingwi uffiċjali rilevanti tal-Unjoni. Fil-każ ta’ applikazzjonijiet minn pajjiżi terzi, l-Uffiċċju għandu jinnotifika l-oppożizzjoni lill-applikant jew lill-awtorità kompetenti tal-pajjiż terz, kif applikabbli, bil-lingwa li biha ġiet ippreżentata, flimkien ma’ traduzzjoni awtomatika vverifikata tiegħu għal-lingwa uffiċjali tal-Unjoni li biha tkun ġiet ippreżentata l-applikazzjoni.

6.   Il-perjodu ta’ 3 xhur imsemmi fl-Artikolu 25(4) tar-Regolament (UE) 2023/2411 għandu jibda mid-data li fiha l-istedina għall-parteċipazzjoni fil-konsultazzjonijiet tiġi nnotifikata lill-partijiet permezz tas-sistema diġitali. L-Uffiċċju għandu jinnotifika wkoll lill-awtorità kompetenti jew lill-punt uniku ta’ kuntatt tal-Istat Membru jew, kif applikabbli, lill-awtorità kompetenti tal-pajjiż terz, minn fejn joriġina l-prodott u, jekk ikun applikabbli, fejn ikun stabbilit jew jirrisjedi l-opponent, dwar il-konsultazzjoni. L-opponent u l-applikant għandhom jibdew tali konsultazzjonijiet mingħajr dewmien żejjed.

7.   Meta jkun applikabbli, l-awtorità kompetenti tal-Istat Membru jew tal-pajjiż terz minn fejn joriġina l-prodott u l-awtorità kompetenti tal-Istat Membru jew tal-pajjiż terz fejn ikun stabbilit jew jirrisjedi l-opponent jistgħu jingħaqdu mal-konsultazzjonijiet, u jassistu lill-applikant jew lill-opponent.

8.   L-Uffiċċju għandu jipprovdi informazzjoni dettaljata permezz tas-sistema diġitali lill-applikant, lill-opponent u lill-awtorità kompetenti u lill-punt uniku ta’ kuntatt tal-Istat Membru jew, kif applikabbli, lill-awtorità kompetenti tal-pajjiż terz, minn fejn joriġina l-prodott u fejn ikun stabbilit jew jirrisjedi l-opponent, dwar id-disponibbiltà ta’ soluzzjoni alternattiva għat-tilwim, bħal medjazzjoni, għall-konsultazzjonijiet bejn l-applikant u l-opponent, kif imsemmi fl-Artikolu 170 tar-Regolament (UE) 2017/1001 tal-Parlament Ewropew u tal-Kunsill (5). Barra minn hekk, l-Uffiċċju għandu jipprovdi informazzjoni dwar il-possibbiltà li jsir użu minn servizzi ta’ medjazzjoni għajr dawk offruti mill-Uffiċċju. L-informazzjoni għandha tiġi pprovduta bil-lingwa uffiċjali rilevanti tal-Istati Membri minn fejn joriġina l-prodott u fejn ikun stabbilit jew jirrisjedi l-opponent jew fil-każ ta’ applikant jew opponent minn pajjiż terz, bil-lingwa uffiċjali tal-Unjoni li biha l-applikant jew l-opponent minn pajjiż terz ippreżenta l-applikazzjoni jew l-oppożizzjoni tiegħu.

9.   Jekk id-Diviżjoni tal-Indikazzjonijiet Ġeografiċi tiddeċiedi li tikkonsulta lill-Bord Konsultattiv matul il-proċedura ta’ oppożizzjoni kif imsemmi fl-Artikolu 25(6) tar-Regolament (UE) 2023/2411, l-applikant, l-opponent u l-awtorità kompetenti tal-Istat Membru, u l-punt uniku ta’ kuntatt jew l-awtorità kompetenti tal-pajjiż terz, kif applikabbli, minn fejn joriġina l-prodott u fejn huwa stabbilit jew jirrisjedi l-opponent, għandhom jiġu nnotifikati permezz tas-sistema diġitali, dwar tali konsultazzjoni u dwar is-sospensjoni tal-perjodu tal-konsultazzjoni kif imsemmi fl-Artikolu 25(6) tar-Regolament (UE) 2023/2411.

10.   Id-Diviżjoni tal-Indikazzjonijiet Ġeografiċi għandha tinnotifika l-opinjoni tal-Bord Konsultattiv lill-applikant, lill-opponent u lill-awtorità kompetenti jew lill-punt uniku ta’ kuntatt tal-Istat Membru, bil-lingwi uffiċjali tal-Unjoni tal-Istati Membri rispettivi, u lill-applikant u lill-opponent jew lill-awtorità kompetenti tal-pajjiż terz, kif applikabbli, minn fejn joriġina l-prodott u fejn huwa stabbilit jew jirrisjedi l-opponent, bil-lingwa uffiċjali tal-Unjoni tas-sottomissjoni tal-applikazzjoni għar-reġistrazzjoni.

11.   L-applikant għandu jikkomunika l-eżitu tal-konsultazzjonijiet imsemmija fl-Artikolu 25(7) tar-Regolament (UE) 2023/2411 lill-Uffiċċju permezz tas-sistema diġitali tiegħu bl-użu tal-formola disponibbli fis-sistema diġitali. L-Uffiċċju għandu jinnotifika lill-awtorità kompetenti u lill-punt uniku ta’ kuntatt tal-Istat Membru jew, kif applikabbli, lill-awtorità kompetenti tal-pajjiż terz, minn fejn joriġina l-prodott u fejn ikun stabbilit jew jirrisjedi l-opponent, dwar l-eżitu tal-konsultazzjonijiet. Bin-notifika, l-Uffiċċju għandu jistieden lill-Istat Membru, minn fejn joriġina l-prodott, biex jindika jekk iqisx li huwa neċessarju li titwettaq proċedura nazzjonali ta’ oppożizzjoni addizzjonali f’konformità mal-Artikolu 16(15) ta’ dan ir-Regolament.

12.   In-notifika tal-eżitu tal-konsultazzjonijiet imsemmija fl-Artikolu 25(7) tar-Regolament (UE) 2023/2411 għandu jkun fiha:

13.   Jekk l-ispeċifikazzjoni tal-prodott tkun ġiet emendata, ir-referenza elettronika għall-pubblikazzjoni tal-ispeċifikazzjoni tal-prodott ippubblikata f’konformità mal-Artikolu 23(7) tar-Regolament (UE) 2023/2411 għandha twassal għall-ispeċifikazzjoni tal-prodott aġġornata. Fil-każ ta’ reġistrazzjonijiet diretti u applikazzjonijiet minn pajjiżi terzi, l-ispeċifikazzjoni tal-prodott aġġornata għandha tiġi nnotifikata lill-Uffiċċju.

14.   Jekk id-dokument uniku jkun ġie emendat, id-dokument uniku emendat għandu jiġi sottomess mill-ġdid permezz tas-sistema diġitali.

15.   F’każ li l-awtorità kompetenti tal-Istati Membri tqis li l-bidliet konsegwenti fl-ispeċifikazzjoni tal-prodott magħmula waqt il-konsultazzjonijiet imsemmija fl-Artikolu 25(4) tar-Regolament (UE) 2023/2411 huma sostanzjali, u b’hekk jaffettwaw l-interessi li ma kinux tqiesu fil-proċedura nazzjonali ta’ oppożizzjoni mwettqa f’konformità mal-Artikolu 15 ta’ dak ir-Regolament, dawk il-bidliet għandhom ikunu soġġetti għal proċedura ta’ oppożizzjoni addizzjonali. L-awtoritajiet kompetenti tal-Istati Membri minn fejn joriġina l-prodott, għandhom jitħallew iwettqu l-proċedura ta’ oppożizzjoni addizzjonali wara li jiġu nnotifikati dwar l-eżitu tal-konsultazzjoni msemmija fl-Artikolu 25(7) tar-Regolament (UE) 2023/2411. F’dik il-proċedura ta’ oppożizzjoni addizzjonali, l-awtorità kompetenti tal-Istat Membru għandha tiżgura li kwalunkwe persuna fiżika jew ġuridika li jkollha interess leġittimu, li tkun affettwata minn dawk il-bidliet, u li tkun stabbilita jew residenti fit-territorju tal-Istat Membru inkwistjoni titħalla tissottometti oppożizzjoni qabel ma l-verżjoni emendata tad-Dokument Uniku u tal-Ispeċifikazzjoni tal-Prodott tiġi kkomunikata lill-Uffiċċju, bil-ħsieb li jiġi ripetut l-eżami kif imsemmi fl-Artikolu 25(8) tar-Regolament (UE) 2023/2411. Għall-perjodu tal-proċedura nazzjonali ta’ oppożizzjoni addizzjonali, il-proċedura fil-fażi tal-Unjoni tkun sospiża. Jekk wara l-oppożizzjoni addizzjonali, l-awtorità kompetenti tal-Istat Membru tirrifjuta l-applikazzjoni, l-awtorità kompetenti għandha tinforma lill-Uffiċċju, permezz tas-sistema diġitali, dwar l-irtirar tal-applikazzjoni.

1.   L-avviż ta’ kummenti msemmi fl-Artikolu 27 tar-Regolament (UE) 2023/2411 għandu jitfassal f’konformità mal-formola magħmula disponibbli online mill-Uffiċċju u jiġi sottomess lill-Uffiċċju permezz tas-sistema diġitali.

2.   L-avviż ta’ kummenti għandu jkun fih mill-inqas l-informazzjoni li ġejja:

3.   Meta l-avviż ta’ kummenti ma jkunx fih l-informazzjoni elenkata fil-paragrafu 2, dan għandu jitqies li ma ġiex ippreżentat.

4.   Meta l-Uffiċċju jirċievi avviż ta’ kummenti skont l-Artikolu 27(1) tar-Regolament (UE) 2023/2411, għandu jinnotifika l-avviż ta’ kummenti lill-applikant, lill-awtorità kompetenti tal-Istat Membru minn fejn joriġina l-prodott u fil-każ ta’ reġistrazzjonijiet diretti, lill-applikant u lill-punt uniku ta’ kuntatt, bil-lingwa kif ippreżentat, flimkien ma’ traduzzjoni awtomatika vverifikata tiegħu għal-lingwa uffiċjali rilevanti tal-Unjoni ta’ dak l-Istat Membru. Fil-każ ta’ applikazzjonijiet minn pajjiżi terzi, l-Uffiċċju għandu jinnotifika l-avviż ta’ kummenti lill-applikant jew lill-awtorità kompetenti tal-pajjiż terz, kif applikabbli, bil-lingwa li biha ġie ppreżentat, flimkien ma’ traduzzjoni awtomatika vverifikata tiegħu għal-lingwa uffiċjali tal-Unjoni li biha tkun ġiet ippreżentata l-applikazzjoni.

5.   L-osservazzjoni msemmija fil-punt (d) tal-paragrafu 2 għandha tikkonforma mar-rekwiżiti tal-Artikolu 27(2) tar-Regolament (UE) 2023/2411.

6.   L-Uffiċċju jista’, abbażi tal-informazzjoni li tinsab fl-avviż ta’ kummenti, jissospendi l-proċedura ta’ oppożizzjoni, jekk ikun applikabbli, u, meta jkun xieraq, jipproċedi f’konformità mal-Artikolu 23(6) tar-Regolament (UE) 2023/2411.

7.   F’każ li, wara l-avviż ta’ kummenti, ikun hemm bidla fl-ispeċifikazzjoni tal-prodott jew fid-dokument uniku, l-Uffiċċju għandu jinforma lill-opponent, jekk ikun hemm, u, jekk ikun applikabbli, lill-awtorità kompetenti tal-Istat Membru jew lill-awtorità kompetenti tal-pajjiż terz fejn ikun stabbilit jew jirrisjedi l-opponent, b’tali bidla u jitlob lill-opponent jirtira l-oppożizzjoni jew ikompli bil-proċedimenti.

8.   F’każ ta’ bidliet sostanzjali fl-ispeċifikazzjoni tal-prodott jew fid-dokument uniku, għandha tapplika l-proċedura prevista fl-Artikolu 25(8) tar-Regolament (UE) 2023/2411.

1.   Talba għal emendi tal-Unjoni tal-ispeċifikazzjoni tal-prodott, kif imsemmija fl-Artikolu 31 tar-Regolament (UE) 2023/2411, għandu jkun fiha:

2.   L-Uffiċċju għandu jirċievi separatament u ma għandux jippubblika bħala parti mill-applikazzjoni:

3.   Talba għal emenda tal-Unjoni għall-ispeċifikazzjoni tal-prodott u d-dokument uniku emendat għandha titfassal f’konformità mal-formola magħmula disponibbli online mill-Uffiċċju u tiġi sottomessa lill-Uffiċċju permezz tas-sistema diġitali.

4.   L-awtorità kompetenti tal-Istati Membri, f’każ ta’ reġistrazzjonijiet diretti, l-applikant, u f’każ ta’ talbiet minn pajjiżi terzi, l-applikant jew l-awtorità kompetenti tal-pajjiż terz, kif applikabbli, għandhom jiżguraw il-konsistenza bejn it-talba għall-approvazzjoni ta’ emenda tal-Unjoni u l-ispeċifikazzjoni tal-prodott konsolidata u li ma jkun hemm l-ebda diverġenza sostanzjali bejniethom. L-emendi elenkati fit-talba għall-approvazzjoni ta’ emenda tal-Unjoni għandhom jikkorrispondu għall-emendi li jkunu saru fl-ispeċifikazzjoni tal-prodott. Meta tinstab inkonsistenza wara l-approvazzjoni ta’ emenda tal-Unjoni, fil-proċedura standard, l-awtorità kompetenti tal-Istat Membru, fil-każ ta’ reġistrazzjonijiet diretti, l-applikant, u fil-każ ta’ applikazzjonijiet minn pajjiżi terzi, l-applikant jew l-awtorità kompetenti tal-pajjiż terz, kif applikabbli, għandhom jieħdu l-miżuri neċessarji biex jirrimedjaw dik l-inkonsistenza.

5.   Talba għal emenda tal-Unjoni għandha tkun konċiża u ma taqbiżx il-5 000 kelma, inkluż dokument uniku, ħlief f’każijiet debitament ġustifikati.

6.   Għall-finijiet tal-Artikolu 31(2) ta’ dan ir-Regolament, minbarra d-dokumenti u l-informazzjoni msemmija fihom, kif emendati, l-Uffiċċju għandu jippubblika fir-reġistru tal-Unjoni t-talba għal emenda tal-Unjoni tal-ispeċifikazzjoni tal-prodott.

7.   L-Artikolu 4, l-Artikoli 6-17 u l-Artikoli 27-28 ta’ dan ir-Regolament għandhom japplikaw mutatis mutandis għat-talba għal emenda tal-Unjoni tal-ispeċifikazzjoni tal-prodott.

8.   Dan l-Artikolu għandu japplika, mutatis mutandis, għal talbiet għal emendi standard tal-ispeċifikazzjoni tal-prodott irreġistrati skont l-Artikolu 21, il-punt (b) tar-Regolament (UE) 2023/2411.

1.   It-talbiet għall-approvazzjoni ta’ emenda standard tal-ispeċifikazzjoni tal-prodott għandhom jiġu sottomessi lill-awtorità kompetenti tal-Istat Membru li fit-territorju tiegħu tinsab iż-żona ġeografika tal-prodott ikkonċernat.

2.   L-awtorità kompetenti tal-Istati Membri tista’ tipprovdi li t-talba għal emenda standard tiġi ppubblikata għal oppożizzjoni fil-livell nazzjonali. Jekk ma tkunx prevista oppożizzjoni nazzjonali, u jekk it-talba għall-approvazzjoni ta’ emenda standard tal-ispeċifikazzjoni tal-prodott ma tiġix mill-applikant li jkun issottometta l-applikazzjoni għall-protezzjoni tal-isem jew ismijiet li għalih(om) tirreferi l-ispeċifikazzjoni tal-prodott, l-awtorità kompetenti tal-Istat Membru għandha tagħti lil dak l-applikant l-opportunità li jikkummenta dwar it-talba.

3.   It-talba għall-approvazzjoni ta’ emenda standard għandha tipprovdi deskrizzjoni tal-emendi standard, sommarju tar-raġunijiet li għalihom huma meħtieġa l-emendi u r-raġunijiet għaliex l-emendi proposti jikkwalifikaw bħala standard f’konformità mal-Artikolu 31(5) tar-Regolament (UE) 2023/2411.

4.   Meta l-awtorità kompetenti tal-Istat Membru tqis li r-rekwiżiti tar-Regolament (UE) 2023/2411 u d-dispożizzjonijiet adottati skont dak ir-Regolament huma ssodisfati, hija tista’ tapprova l-emenda standard. Id-deċiżjoni ta’ approvazzjoni għandha tinkludi, meta jkun rilevanti, l-ispeċifikazzjoni tal-prodott konsolidata emendata u, meta jkun rilevanti, id-dokument uniku konsolidat emendat.

5.   Id-deċiżjoni ta’ approvazzjoni għandha tiġi ppubblikata mill-awtorità kompetenti tal-Istat Membru kkonċernat. L-emenda standard approvata għandha tkun applikabbli fl-Istat Membru skont ir-regoli nazzjonali applikabbli għad-dħul fis-seħħ.

6.   F’każ li l-emenda standard tkun tirrikjedi emenda tad-dokument uniku, l-Uffiċċju għandu jippubblika fir-reġistru tal-Unjoni fi żmien 3 xhur wara d-data li fiha jkun irċieva l-komunikazzjoni ta’ emenda standard:

7.   F’każ li l-emenda standard ma tirrikjedix emenda tad-dokument uniku, l-Uffiċċju għandu jippubblika fir-reġistru tal-Unjoni, bil-lingwa li biha jkun irċeviha, id-deskrizzjoni tal-emenda standard, fi żmien 3 xhur wara d-data li fiha jkun irċieva l-komunikazzjoni ta’ dik l-emenda standard.

8.   L-emendi standard għandhom ikunu applikabbli fit-territorju tal-Unjoni mid-data li fiha jkunu saru pubbliċi skont il-paragrafi 6 u 7, kif applikabbli.

9.   Meta ż-żona ġeografika tkun tkopri aktar minn Stat Membru wieħed, l-awtorità kompetenti ta’ kull Stat Membru kkonċernat għandha tapplika l-proċedura għall-emenda standard separatament. L-awtoritajiet kompetenti tal-Istati Membri rilevanti għandhom jinnotifikaw lil xulxin dwar id-deċiżjoni ta’ approvazzjoni nazzjonali u, fuq talba, jaġġornaw lil xulxin dwar il-progress tal-proċedura nazzjonali. L-emenda standard għandha tkun applikabbli fit-territorju tal-Istati Membri kkonċernati biss wara li ssir applikabbli l-aħħar deċiżjoni ta’ approvazzjoni nazzjonali. L-awtorità kompetenti tal-Istat Membru li tapprova l-emenda standard l-aħħar għandha tibgħat lill-Uffiċċju l-komunikazzjoni rilevanti sa mhux aktar tard minn xahar wara d-data li fiha tkun ġiet ippubblikata d-deċiżjoni ta’ approvazzjoni tagħha.

10.   Meta ż-żona ġeografika tkun tkopri aktar minn Stat Membru wieħed, jekk waħda jew aktar mill-awtoritajiet kompetenti tal-Istati Membri kkonċernati jirrifjutaw it-talba għal emenda standard jew ma jieħdu l-ebda azzjoni biex jadottaw id-deċiżjoni ta’ approvazzjoni nazzjonali għall-adozzjoni ta’ emendi standard mill-Istat Membru jew l-Istati Membri rispettivi, l-awtoritajiet kompetenti ta’ kwalunkwe wieħed mill-Istati Membri kkonċernati miż-żona ġeografika transfruntiera jistgħu jissottomettu dik it-talba skont il-proċedura ta’ emenda tal-Unjoni biex l-Uffiċċju jieħu deċiżjoni. F’dan il-każ, l-awtorità kompetenti tal-Istat Membru li tkun issottomettiet it-talba għall-approvazzjoni tal-emenda tal-Unjoni għandha turi li l-proċedura ta’ emenda standard ma ġietx konkluża f’wieħed jew aktar mill-Istati Membri minn fejn toriġina l-indikazzjoni ġeografika. Il-proċedura ta’ oppożizzjoni tal-Unjoni relatata għandha tkun miftuħa għall-Istati Membri u għall-persuni fiżiċi u ġuridiċi residenti jew stabbiliti f’dawk l-Istati Membri, ħlief għall-Istat Membru li jkun issottometta t-talba għall-approvazzjoni tal-emenda tal-Unjoni u għall-persuni fiżiċi u ġuridiċi residenti jew stabbiliti f’dak l-Istat Membru.

11.   Il-paragrafi 9 u 10 għandhom japplikaw mutatis mutandis fejn parti miż-żona ġeografika kkonċernata tkun tinsab fit-territorju ta’ pajjiż terz. Madankollu, meta l-emenda standard tikkonċerna t-territorju ta’ Stat Membru u pajjiż terz, l-obbligu li tintbagħat il-komunikazzjoni lill-Uffiċċju jibqa’ fl-Istat Membru.

1.   Meta tiġi approvata emenda standard li tirrikjedi emenda tad-dokument uniku filwaqt li jkun hemm talba għall-approvazzjoni ta’ emenda tal-Unjoni pendenti, l-awtorità kompetenti tal-Istat Membru kkonċernat għandha taġġorna d-dokument uniku inkluż fit-talba għall-approvazzjoni ta’ emenda tal-Unjoni kif xieraq.

2.   Jekk l-emenda tal-Unjoni pendenti tkun ġiet ippubblikata fir-reġistru tal-Unjoni, għal oppożizzjoni, il-verżjoni aġġornata tad-dokument uniku għandha tiġi ppubblikata wkoll fir-reġistru tal-Unjoni bħala anness tad-deċiżjoni li tapprova l-emenda tal-Unjoni.

3.   Meta l-verżjoni emendata tad-dokument uniku inkluż f’applikazzjoni għal emenda standard approvata fil-livell nazzjonali ma tqisx l-aħħar emendi tal-Unjoni li jkunu ġew approvati, dik il-verżjoni emendata ma għandhiex tiġi ppubblikata mill-Uffiċċju. L-awtorità kompetenti tal-Istat Membru li tkun approvat dik l-emenda standard għandha tibgħat lill-Uffiċċju l-verżjoni konsolidata tad-dokument uniku kif emendat kemm mill-emendi tal-Unjoni kif ukoll mill-emendi standard għall-pubblikazzjoni fir-reġistru tal-Unjoni.

4.   Dan l-artikolu japplika wkoll mutatis mutandis għall-applikazzjonijiet sottomessi skont l-Artikolu 21, il-punt (c), tar-Regolament (UE) 2023/2411.

1.   L-emendi temporanji tal-ispeċifikazzjonijiet tal-prodott għandhom jiġu approvati u ppubblikati mill-awtorità kompetenti tal-Istat Membru li fit-territorju tiegħu tinsab iż-żona ġeografika definita tal-isem ikkonċernat. L-emendi temporanji jistgħu jikkonċernaw parti miż-żona ġeografika.

2.   L-emendi temporanji għandhom jiġu kkomunikati lill-Uffiċċju sa mhux aktar tard minn xahar wara d-data li fiha d-deċiżjoni ta’ approvazzjoni nazzjonali tkun ġiet ippubblikata. Dik il-komunikazzjoni għandha tindika r-raġunijiet għall-emendi temporanji.

3.   L-emenda temporanja għandha tkun applikabbli fl-Istat Membru skont ir-regoli nazzjonali applikabbli.

4.   Kull emenda temporanja għandha tapplika għal perjodu limitat ta’ żmien stabbilit mill-awtorità kompetenti li tapprova dik l-emenda. Tista’ tiġġedded biss jekk ikunu għadhom jeżistu ċ-ċirkostanzi eċċezzjonali, imsemmija fl-Artikolu 31(6) tar-Regolament (UE) 2023/2411, u r-raġunijiet li tkun ġiet approvata għalihom. Tiġdid ta’ emendi temporanji għandu jiġi kkomunikat lill-Uffiċċju skont il-proċedura prevista għall-komunikazzjoni ta’ emendi temporanji msemmija fl-Artikolu 24.

5.   Meta ż-żona ġeografika tkun tkopri aktar minn Stat Membru wieħed, il-proċedura għall-emendi temporanji għandha tapplika separatament fl-Istati Membri kkonċernati għall-parti taż-żona li taqa’ fit-territorju rispettiv tagħhom.

6.   L-emendi temporanji li jikkonċernaw indikazzjonijiet ġeografiċi li joriġinaw minn pajjiżi terzi għandhom jiġu kkomunikati lill-Uffiċċju sa mhux aktar tard minn xahar wara l-approvazzjoni tagħhom. Dik il-komunikazzjoni għandha tindika r-raġunijiet għall-emendi temporanji.

7.   L-Uffiċċju għandu jippubblika l-komunikazzjoni ta’ emenda temporanja permezz tas-sistema diġitali tiegħu fi żmien 3 xhur wara d-data li fiha jkun irċieva l-komunikazzjoni ta’ dik l-emenda temporanja, bil-lingwa li jkun irċeviha biha. Emenda temporanja għandha tkun applikabbli fit-territorju tal-Unjoni mid-data li fiha tkun ġiet ippubblikata mill-Uffiċċju.

8.   Dan l-Artikolu ma japplikax għall-proċeduri msemmija fl-Artikolu 21, il-punt (b) tar-Regolament (UE) 2023/2411.

1.   Il-komunikazzjoni ta’ emenda standard approvata tal-ispeċifikazzjoni tal-prodott għandu jkun fiha:

2.   Meta l-komunikazzjoni ssir mill-awtorità kompetenti ta’ Stat Membru, din għandha tinkludi dikjarazzjoni msemmija fl-Artikolu 22(1), il-punt (c) tar-Regolament (UE) 2023/2411.

3.   Fil-każ ta’ talbiet minn pajjiżi terzi, il-komunikazzjoni, minbarra l-informazzjoni elenkata fil-paragrafu 1, għandha tinkludi prova li l-emenda hija applikabbli fil-pajjiż terz. Għandha tinkludi l-ispeċifikazzjoni tal-prodott kif ippubblikata minflok ir-referenza elettronika għall-pubblikazzjoni tagħha.

4.   Komunikazzjoni ta’ emenda standard approvata għandha titfassal f’konformità mal-formola magħmula disponibbli online mill-Uffiċċju u tiġi sottomessa lill-Uffiċċju permezz tas-sistema diġitali.

5.   Id-dettalji ta’ kuntatt tal-awtoritajiet kompetenti tal-Istat Membru jew tal-pajjiż terz li jikkomunikaw l-emenda standard lill-Uffiċċju, għandhom jiġu kkomunikati separatament. Id-dettalji ta’ kuntatt tal-awtoritajiet kompetenti ma għandhomx jiġu ppubblikati bħala parti mill-komunikazzjoni. Madankollu, għandhom jiġu ppubblikati ismijiethom.

6.   L-awtorità kompetenti tal-Istat Membru għandha tikkomunika, mingħajr dewmien żejjed, lill-Uffiċċju:

7.   L-Uffiċċju għandu jippubblika fir-reġistru tal-Unjoni informazzjoni li d-deċiżjoni nazzjonali li tapprova l-emenda standard ġiet annullata. Din l-informazzjoni għandha tkun akkumpanjata minn verżjoni aġġornata tad-dokument uniku, ippubblikata bil-lingwi uffiċjali kollha tal-Unjoni, kif ikkomunikata mill-awtorità kompetenti tal-Istat Membru f’konformità mal-paragrafu 6, il-punt (b) ta’ dan l-Artikolu.

8.   Id-deċiżjonijiet li japprovaw emendi standard li jikkonċernaw prodotti li joriġinaw minn pajjiżi terzi għandhom jiġu kkomunikati lill-Uffiċċju mill-awtorità kompetenti tal-pajjiż terz ikkonċernat, sa mhux aktar tard minn xahar wara d-data li fiha tkun ġiet ippubblikata d-deċiżjoni rilevanti.

9.   Il-komunikazzjoni ta’ emenda standard approvata tal-ispeċifikazzjoni tal-prodott lill-Uffiċċju għandha titqies li tkun saret kif xieraq meta tikkonforma ma’ dan l-Artikolu. L-Uffiċċju ma għandux jippubblika komunikazzjoni ta’ approvazzjoni ta’ emenda standard li ma tkunx saret kif xieraq f’konformità ma’ dan l-Artikolu. L-Uffiċċju għandu jinforma lill-awtorità kompetenti u lill-applikant, meta jkun applikabbli, li l-komunikazzjoni tal-emenda standard ma saritx kif xieraq fi żmien 3 xhur. Meta ma jkun wasal l-ebda rispons fi żmien xahrejn mid-data tal-wasla tal-ittra tal-Uffiċċju, il-komunikazzjoni magħmula b’mod żbaljat għandha titqies li ma ġietx ippreżentata.

10.   L-awtorità kompetenti li tkun ikkomunikat emenda standard tal-ispeċifikazzjoni tal-prodott lill-Uffiċċju għandha tibqa’ responsabbli għall-kontenut tagħha.

11.   Dan l-Artikolu ma japplikax għall-proċeduri msemmija fl-Artikolu 21, il-punt (b) tar-Regolament (UE) 2023/2411.

1.   Il-komunikazzjoni ta’ emenda temporanja approvata tal-ispeċifikazzjoni tal-prodott għandu jkun fiha:

2.   Meta l-komunikazzjoni ssir mill-awtorità kompetenti ta’ Stat Membru, din għandha tinkludi dikjarazzjoni msemmija fl-Artikolu 22(1), il-punt (c) tar-Regolament (UE) 2023/2411.

3.   Fil-każ ta’ indikazzjonijiet ġeografiċi li joriġinaw minn pajjiżi terzi, il-komunikazzjoni għandha tinkludi prova li l-emenda hija applikabbli fil-pajjiż terz. Din għandha tinkludi d-deċiżjoni nazzjonali li tapprova l-emenda temporanja kif ippubblikata minflok ir-referenza elettronika għar-referenza tal-pubblikazzjoni tagħha.

4.   Komunikazzjoni ta’ emenda temporanja approvata għandha titfassal f’konformità mal-formola magħmula disponibbli online mill-Uffiċċju u tiġi sottomessa lill-Uffiċċju permezz tas-sistema diġitali.

5.   Id-dettalji ta’ kuntatt tal-awtoritajiet kompetenti tal-Istat Membru jew tal-pajjiż terz, għandhom jiġu kkomunikati separatament. Id-dettalji ta’ kuntatt tal-awtoritajiet kompetenti ma għandhomx jiġu ppubblikati bħala parti mill-komunikazzjoni. Madankollu, għandhom jiġu ppubblikati ismijiethom.

6.   Il-komunikazzjoni ta’ emenda temporanja approvata lill-Uffiċċju għandha titqies li tkun saret kif xieraq meta tikkonforma ma’ dan l-Artikolu. L-Uffiċċju ma għandux jippubblika komunikazzjoni ta’ approvazzjoni ta’ emenda temporanja li ma tkunx saret kif xieraq f’konformità ma’ dan l-Artikolu. L-Uffiċċju għandu jinforma lill-awtorità kompetenti u lill-applikant, meta jkun applikabbli, li l-komunikazzjoni tal-emenda temporanja ma saritx kif xieraq fi żmien 3 xhur. Meta ma jkun wasal l-ebda rispons fi żmien xahrejn mid-data tal-wasla tal-ittra tal-Uffiċċju, il-komunikazzjoni magħmula b’mod żbaljat għandha titqies li ma ġietx ippreżentata.

7.   L-awtorità kompetenti li tkun ikkomunikat il-kontenut lill-Uffiċċju għandha tibqa’ responsabbli għall-kontenut tagħha.

8.   Dan l-Artikolu ma japplikax għall-proċeduri msemmija fl-Artikolu 21, il-punt (b) tar-Regolament (UE) 2023/2411.

1.   Talba biex tiġi kkanċellata l-protezzjoni ta’ indikazzjoni ġeografika kif imsemmija fl-Artikolu 32 tar-Regolament (UE) 2023/2411 għandu jkun fiha:

2.   Meta t-talba għall-kanċellazzjoni tiġi sottomessa f’konformità mal-Artikolu 32(3) tar-Regolament (UE) 2023/2411, l-informazzjoni fil-paragrafu 1, il-punt (g) ma għandhiex tapplika.

3.   L-indikazzjoni ġeografika għandha titqies li ma pproduċietx l-effetti msemmija fir-Regolament (UE) 2023/2411 mill-bidu nett, sa fejn l-indikazzjoni ġeografika tkun ġiet ikkanċellata abbażi tar-raġunijiet stabbiliti fl-Artikolu 32(1) tar-Regolament (UE) 2023/2411.

4.   L-indikazzjoni ġeografika għandha titqies li ma pproduċietx l-effetti msemmija fir-Regolament (UE) 2023/2411, sa fejn l-indikazzjoni ġeografika tkun ġiet ikkanċellata abbażi tar-raġunijiet stabbiliti fl-Artikolu 32(2) tar-Regolament (UE) 2023/2411. Dan huwa applikabbli wkoll għal kanċellazzjonijiet mibdija skont l-Artikolu 32(3) tar-Regolament (UE) 2023/2411.

5.   Id-dettalji ta’ kuntatt tal-persuna fiżika jew ġuridika jew tal-awtoritajiet jew tal-korpi tal-Istat Membru jew tal-pajjiż terz imsemmija fil-paragrafu 1, il-punti (c), (d) u (e), għandhom jiġu kkomunikati separatament, permezz tas-sistema diġitali. Id-dettalji ta’ kuntatt ta’ dawk il-persuni fiżiċi jew ġuridiċi, l-awtoritajiet jew il-korpi ma għandhomx jiġu ppubblikati bħala parti mit-talba għall-kanċellazzjoni. Madankollu, għandhom jiġu ppubblikati ismijiethom.

6.   Talba biex tiġi kkanċellata l-protezzjoni ta’ indikazzjoni ġeografika kif imsemmija fl-Artikolu 32 tar-Regolament (UE) 2023/2411 għandha titfassal f’konformità mal-formola magħmula disponibbli online mill-Uffiċċju u tiġi sottomessa lill-Uffiċċju permezz tas-sistema diġitali.

7.   L-awtorità kompetenti ta’ Stat Membru, inkluż l-Istat Membru minn fejn joriġina l-prodott, tista’ tibda l-fażi nazzjonali tal-proċedura ta’ kanċellazzjoni fuq inizjattiva proprja. F’dak il-każ, l-informazzjoni msemmija fil-paragrafu 1, il-punti (e) u (f), tista’ titħalla barra. L-Istat Membru għandu jlesti l-passi tal-fażi nazzjonali skont l-Artikolu 32(6) tar-Regolament (UE) 2023/2411 qabel ma jissottometti t-talba għall-kanċellazzjoni lill-Uffiċċju, sakemm l-Istat Membru ma jkunx kiseb deroga skont l-Artikolu 19 tar-Regolament (UE) 2023/2411.

8.   Kwalunkwe persuna fiżika jew ġuridika li jkollha interess leġittimu, li tkun stabbilita jew residenti fi Stat Membru, tista’ tissottometti talba għall-kanċellazzjoni mal-Istat Membru li fih tkun stabbilita jew residenti, li tippermetti lil dak l-Istat Membru jeżamina din it-talba u jiddeċiedi jekk jippreżentahiex lill-Uffiċċju.

9.   Meta t-talba għall-kanċellazzjoni tkun ibbażata fuq raġuni msemmija fl-Artikolu 32(1) tar-Regolament (UE) 2023/2411 u r-raġuni indikata tapplika esklużivament barra mill-kompetenza territorjali tal-Istat Membru fejn ikun stabbilit jew residenti min jagħmel it-talba jew fejn l-indikazzjoni ġeografika li għaliha tintalab il-kanċellazzjoni toriġina minn Stat Membru ieħor għajr l-Istat Membru fejn ikun stabbilit jew residenti min jagħmel it-talba jew minn pajjiż terz, l-awtorità kompetenti tal-Istat Membru fejn ikun stabbilit jew residenti min jagħmel it-talba, għandha tivverifika biss jekk it-talba għall-kanċellazzjoni hijiex kompluta u jekk ġietx sottomessa f’konformità mal-paragrafi 1, 2, 5 u 6 ta’ dan l-Artikolu. F’sitwazzjonijiet bħal dawn, ma għandha ssir l-ebda oppożizzjoni nazzjonali. Wara l-verifika tal-formalità msemmija fl-ewwel sentenza ta’ dan il-paragrafu, jekk it-talba għall-kanċellazzjoni tkun ammissibbli, l-awtorità kompetenti għandha tippreżentaha lill-Uffiċċju għall-eżami.

10.   Kwalunkwe persuna fiżika jew ġuridika li jkollha interess leġittimu, li tkun stabbilita jew residenti fi Stat Membru u li tkun kisbet deroga skont l-Artikolu 19 tar-Regolament (UE) 2023/2411 tista’ tissottometti talba għall-kanċellazzjoni direttament mal-Uffiċċju.

11.   Kwalunkwe persuna fiżika jew ġuridika li jkollha interess leġittimu, u li tkun stabbilita jew residenti f’pajjiż terz, tista’ tissottometti talba għall-kanċellazzjoni mal-Uffiċċju, direttament jew permezz tal-awtorità kompetenti tal-pajjiż terz.

12.   Mingħajr preġudizzju għall-paragrafu 9, l-Artikolu 4, 6, l-Artikoli 14-17 u l-Artikoli 27-28 ta’ dan ir-Regolament għandhom japplikaw mutatis mutandis għall-proċedura ta’ kanċellazzjoni.

1.   F’każ ta’ kanċellazzjonijiet fuq inizjattiva proprja tal-Kummissjoni, il-proċedura għandha tibda direttament fil-fażi tal-Unjoni. Il-Kummissjoni għandha tibgħat it-talba għall-kanċellazzjoni lill-Uffiċċju u l-Uffiċċju għandu jippubblikaha għall-oppożizzjoni f’konformità mal-Artikolu 23(7) tar-Regolament (UE) 2023/2411. It-talba għall-kanċellazzjoni għandu jkun fiha l-elementi msemmija fl-Artikolu 25(1), mutatis mutandis.

2.   F’każ ta’ kanċellazzjonijiet fuq inizjattiva proprja tal-Uffiċċju, il-proċedura għandha tibda direttament fil-fażi tal-Unjoni. F’konformità mal-Artikolu 23(7) tar-Regolament (UE) 2023/2411, l-Uffiċċju għandu jippubblika għall-oppożizzjoni l-proposta tiegħu stess ta’ kanċellazzjoni, li għandu jkun fiha l-elementi msemmija fl-Artikolu 25(1), mutatis mutandis.

3.   Il-proposta jew it-talba għall-kanċellazzjoni ppubblikata għall-oppożizzjoni għandha tindika r-raġunijiet għall-kanċellazzjoni kif imsemmi fl-Artikolu 32(2) tar-Regolament (UE) 2023/2411.

1.   L-Uffiċċju, wara li jinforma lill-Kummissjoni, għandu jagħmel l-arranġamenti biex ir-referenza għal deċiżjoni tiġi ppubblikata f’Il-Ġurnal Uffiċjali tal-Unjoni Ewropea mill-aktar fis possibbli wara li d-deċiżjoni msemmija fl-Artikolu 29 tar-Regolament (UE) 2023/2411 tiġi ppubblikata fir-reġistru tal-Unjoni.

2.   Ir-referenza għandha tinkludi n-numru tad-deċiżjoni, l-isem (jew l-ismijiet) irreġistrat(i), emendat(i) jew imħassar/imħassra tal-prodott, it-tip ta’ prodott, il-pajjiż ta’ oriġini u d-data tar-reġistrazzjoni, tal-emenda jew tal-kanċellazzjoni.

1.   It-talba mill-awtorità kompetenti ta’ Stat Membru jew mill-Uffiċċju lill-Kummissjoni biex tieħu f’idejha s-setgħa li tiddeċiedi fi proċedura, kif imsemmi fl-Artikolu 30 tar-Regolament (UE) 2023/2411, għandha tiġi sottomessa lill-Kummissjoni b’mod elettroniku f’kaxxa postali funzjonali speċifika, indirizzata lill-kap tal-unità responsabbli għall-indikazzjonijiet ġeografiċi tal-prodotti artiġjanali u industrijali fis-suq intern, permezz tal-formola magħmula disponibbli online mill-Uffiċċju, u għandha tindika r-raġunijiet li fuqhom hija bbażata t-talba.

2.   Il-Kummissjoni għandha tinforma lill-Uffiċċju permezz tas-sistema diġitali u permezz tal-posta elettronika lill-awtorità kompetenti tal-Istat Membru li jagħmel it-talba, fi żmien xahrejn wara li tirċievi t-talba msemmija fil-paragrafu 1 dwar id-deċiżjoni tagħha dwar jekk hijiex se tieħu f’idejha s-setgħa li tiddeċiedi fi proċedura msemmija fl-Artikolu 30(1) tar-Regolament (UE) 2023/2411. Il-komunikazzjoni tal-Kummissjoni għandha tindika r-raġunijiet u tipprovdi ġustifikazzjoni.

3.   Meta l-Kummissjoni jkollha l-ħsieb li tieħu f’idejha s-setgħa li tiddeċiedi fi proċedura kif imsemmi fl-Artikolu 30(1) tar-Regolament (UE) 2023/2411 fuq inizjattiva proprja, hija għandha tinforma lill-Uffiċċju permezz tas-sistema diġitali u permezz tal-posta elettronika lill-awtorità kompetenti tal-Istat Membru minn fejn joriġina l-prodott. Il-komunikazzjoni tal-Kummissjoni għandha tindika r-raġunijiet u tipprovdi ġustifikazzjoni.

4.   Informazzjoni li l-Kummissjoni ħadet f’idejha l-proċedura, ir-raġuni invokata u l-ġustifikazzjoni għandhom jiġu ppubblikati fir-reġistru tal-Unjoni mill-Uffiċċju fi żmien ġimagħtejn wara li l-Kummissjoni tkun informat lill-Uffiċċju li se teħodha f’idejha, bil-lingwi uffiċjali kollha tal-Unjoni.

5.   Il-proċedura quddiem l-Uffiċċju għandha tiġi sospiża mid-data tas-sottomissjoni tat-talba lill-Kummissjoni sakemm il-Kummissjoni tinforma lill-Uffiċċju u lill-awtorità kompetenti tal-Istat Membru rikjedenti jekk hijiex se tieħu f’idejha s-setgħa li tiddeċiedi. F’każ li l-Kummissjoni tiddeċiedi li ma tiħux il-proċedura f’idejha, l-Uffiċċju għandu jkompli l-proċedura mingħajr dewmien.

6.   Meta l-Kummissjoni tieħu f’idejha l-proċedura mill-Uffiċċju kif imsemmi fl-Artikolu 30 tar-Regolament (UE) 2023/2411, l-Uffiċċju għandu jipprovdi lill-Kummissjoni abbozz ta’ deċiżjoni kif imsemmi fl-Artikolu 30(2) tar-Regolament (UE) 2023/2411 f’forma elettronika.

7.   Il-Kummissjoni għandha tagħmel ħilitha biex tadotta l-att ta’ implimentazzjoni dwar id-deċiżjoni finali fi proċedura partikolari skont l-Artikolu 30(1) tar-Regolament (UE) 2023/2411 fi żmien 9 xhur wara s-sottomissjoni tat-talba msemmija fil-paragrafu 1 ta’ dan l-Artikolu jew wara li tkun informat lill-Uffiċċju li se taġixxi fuq inizjattiva proprja. L-att ta’ implimentazzjoni għandu jkun fih informazzjoni li l-Kummissjoni ħadet il-każ f’idejha, ir-raġunijiet u l-ġustifikazzjoni.

1.   Meta jintużaw, is-simbolu tal-Unjoni, l-indikazzjoni “INDIKAZZJONI ĠEOGRAFIKA PROTETTA” fis-simbolu kif ukoll l-abbrevjazzjoni “IĠP” imsemmija fl-Artikolu 48 tar-Regolament (UE) 2023/2411 u stabbilita mill-Artikolu 34 tar-Regolament ta’ Implimentazzjoni tal-Kummissjoni (UE) 2025/26 (6) għandhom jiġu riprodotti kif stabbilit fl-Anness I ta’ dan ir-Regolament biex jindikaw indikazzjoni ġeografika protetta għal prodott artiġjanali u industrijali. Is-simbolu, l-indikazzjoni u l-abbrevjazzjoni tal-Unjoni jistgħu jintużaw bi kwalunkwe waħda mil-lingwi uffiċjali tal-Unjoni.

2.   Is-simbolu, l-indikazzjoni u l-abbrevjazzjoni tal-Unjoni li jirreferu għall-indikazzjoni ġeografika protetta jistgħu jintużaw biss b’rabta ma’ prodotti koperti mir-regoli tar-Regolament (UE) 2023/2411.

3.   Is-simbolu, l-indikazzjoni jew l-abbrevjazzjoni tal-Unjoni jistgħu jidhru fuq it-tikkettar ta’ prodott biss wara l-pubblikazzjoni tad-deċiżjoni li tirreġistra dik l-indikazzjoni ġeografika. Jekk jidhru fuq it-tikkettar ta’ prodott, dawn għandhom ikunu akkumpanjati mill-isem irreġistrat.

4.   Is-simbolu, l-indikazzjoni u l-abbrevjazzjoni tal-Unjoni jistgħu jintużaw fil-media jew f’materjali ta’ reklamar għall-finijiet tad-divulgazzjoni tal-protezzjoni tal-indikazzjoni ġeografika jew tar-reklamar tal-ismijiet irreġistrati.

1.   L-Uffiċċju għandu jistabbilixxi l-mezzi ta’ pagament għat-tariffi skont l-Artikolu 157(4), il-punt (a), tar-Regolament (UE) 2017/1001.

2.   Il-pagamenti kollha msemmija fl-Anness II ta’ dan ir-Regolament, għandhom isiru f’euro fi żmien 10 ijiem kalendarji wara li tiġi ppreżentata l-applikazzjoni għar-reġistrazzjoni, it-talba għal emenda tal-Unjoni, it-talba għall-kanċellazzjoni jew l-avviż tal-appell.

3.   Kull pagament għandu jindika l-indikazzjoni ġeografika korrispondenti, u l-isem tal-persuna li tkun qiegħda tagħmel il-pagament u għandu jkun fih l-informazzjoni neċessarja biex l-Uffiċċju jkun jista’ jistabbilixxi minnufih l-għan tal-pagament.

4.   Jekk l-għan tal-pagament imsemmi fil-paragrafu 3 ma jkunx jista’ jiġi stabbilit immedjatament, l-Uffiċċju għandu jeżiġi lill-persuna li tkun qiegħda tagħmel il-pagament tinnotifikah b’mezzi ta’ komunikazzjoni elettroniċi, f’perjodu partikolari raġonevoli indikat fin-notifika. Jekk il-persuna ma tikkonformax ma’ din in-notifika fil-perjodu preskritt, il-pagament għandu jiġi kkunsidrat li ma sarx. Kwalunkwe ammont li jkun tħallas għandu jiġi rimborżat.

5.   It-tariffa tal-appell għandha tiġi rimborżata fuq ordni tal-Bord tal-Appell fi kwalunkwe wieħed minn dawn il-każijiet:

6.   Fuq talba tal-Kummissjoni, l-Uffiċċju għandu jivvaluta l-possibbiltà li jiġi adottat mekkaniżmu ta’ rifużjoni tat-tariffi għall-intrapriżi mikro, żgħar u ta’ daqs medju (“MSMEs”, Micro, Small and Medium-Sized Enterprises) f’kooperazzjoni mal-Kummissjoni.

7.   Għandhom japplikaw it-tariffi msemmija fl-Anness II ta’ dan ir-Regolament.

1.   Ir-reġistru tal-Unjoni msemmi fl-Artikolu 37 tar-Regolament (UE) 2023/2411 għandu jiġi stabbilit bħala soluzzjoni diġitali li tippermetti l-ħżin tekniku tal-entrati kollha li jikkonċernaw l-indikazzjonijiet ġeografiċi u l-aċċess pubbliku għalihom, inkluż l-applikazzjonijiet għar-reġistrazzjoni, għall-emenda tal-Unjoni u għall-kanċellazzjoni, ir-rifjuti, il-pubblikazzjonijiet għall-oppożizzjoni, ir-reġistrazzjonijiet, l-approvazzjonijiet tal-emendi tal-Unjoni, il-pubblikazzjonijiet ta’ emendi standard u temporanji, u l-kanċellazzjonijiet. Ir-reġistru tal-Unjoni għandu jkun disponibbli bil-lingwi uffiċjali kollha tal-Unjoni.

2.   Minbarra d-data msemmija fl-Artikolu 37 tar-Regolament (UE) 2023/2411 u r-referenzi speċifiċi f’dan ir-Regolament u fir-Regolament Delegat C(2025) 9101, id-data li ġejja għandha tiġi rreġistrata fir-reġistru tal-Unjoni:

3.   Meta l-Uffiċċju japprova emenda tal-Unjoni ta’ speċifikazzjoni ta’ prodott jew jirċievi komunikazzjoni ta’ emenda standard approvata, jew annullata, tal-ispeċifikazzjoni tal-prodott li teħtieġ bidla fl-informazzjoni rreġistrata fir-reġistru tal-Unjoni, huwa għandu jaġġorna d-data elenkata fil-paragrafu 2 kif xieraq, b’effett mid-data li fiha l-emenda tkun applikabbli fl-Unjoni. L-Uffiċċju għandu jirreġistra r-referenzi elettroniċi għall-pubblikazzjoni ta’ komunikazzjonijiet ta’ emendi standard u ta’ emendi temporanji. Fil-każ ta’ reġistrazzjonijiet diretti, l-emenda b’effett mid-data tad-deċiżjoni tal-Uffiċċju dwar l-emenda standard u l-emenda temporanja għandha tiġi rreġistrata fir-reġistru tal-Unjoni.

4.   Meta r-reġistrazzjoni ta’ indikazzjoni ġeografika tkun ġiet ikkanċellata, ir-reġistru tal-Unjoni għandu jindika l-ismijiet kif ikkanċellati f’konformità mal-Artikolu 25(3) u (4) ta’ dan ir-Regolament. Ir-reġistru tal-Unjoni għandu jżomm rekord tal-kanċellazzjoni, inkluża r-referenza elettronika għad-deċiżjoni ta’ kanċellazzjoni.

5.   Meta l-Uffiċċju jirċievi applikazzjoni għar-reġistrazzjoni, jew talba għall-approvazzjoni ta’ emenda tal-Unjoni jew talba għall-kanċellazzjoni, skont l-Artikolu 22(7) tar-Regolament (UE) 2023/2411, l-isem, in-numru tal-fajl, it-tip tal-prodott, il-pajjiż ta’ oriġini, it-tip ta’ applikazzjoni, id-data tal-applikazzjoni u l-istatus tal-applikazzjoni jew tat-talba riċevuta, għandhom jiġu rreġistrati fir-reġistru tal-Unjoni. Id-data tal-pubblikazzjoni u r-referenza elettronika għal dik il-pubblikazzjoni għandhom jiġu rreġistrati wkoll ladarba l-applikazzjoni tiġi ppubblikata fir-reġistru tal-Unjoni. Ir-reġistru tal-Unjoni għandu jżomm rekord tad-deċiżjoni ta’ rifjut ta’ applikazzjoni.

6.   Id-data msemmija fil-paragrafi 2 sa 5 għandha tibqa’ fir-reġistru tal-Unjoni.

7.   L-Istati Membri għandhom ikunu responsabbli biex iżommu r-referenza elettronika għall-ispeċifikazzjoni tal-prodott attiva u taħdem kif suppost sakemm l-indikazzjoni ġeografika tibqa’ protetta. Ir-referenza elettronika għandha twassal direttament għall-aħħar verżjoni aġġornata tal-ispeċifikazzjoni tal-prodott individwali.

8.   L-ipproċessar tad-data dwar l-entrati stabbiliti fil-paragrafu 2 ta’ dan l-Artikolu u fl-Artikolu 37(2) tar-Regolament (UE) 2023/2411, inkluż kwalunkwe data personali, għandu jsir għall-finijiet ta’:

9.   Id-data kollha, inkluża d-data personali, dwar l-entrati msemmija fil-paragrafu 2 ta’ dan l-Artikolu u fl-Artikolu 37(2) tar-Regolament (UE) 2023/2411, hija ta’ interess pubbliku u tista’ tiġi aċċessata minn kwalunkwe parti terza. L-entrati fir-reġistru tal-Unjoni għandhom jinżammu għal mhux aktar milli jkun neċessarju għall-finijiet li għalihom tiġi pproċessata d-data personali.

1.   Is-silta mir-reġistru tal-Unjoni għandha tinkludi d-data msemmija fl-Artikolu 31(2), il-punti minn (a) sa (g) ta’ dan ir-Regolament u fl-Artikolu 37(2) tar-Regolament (UE) 2023/2411.

2.   Il-formola u l-preżentazzjoni online tas-silta mir-reġistru tal-Unjoni msemmija fl-Artikolu 38(1) tar-Regolament (UE) 2023/2411 għandhom jitfasslu f’konformità mal-formola magħmula disponibbli online mill-Uffiċċju.

1.   L-awtoritajiet kompetenti msemmija fit-Taqsima 10 ta’ dan ir-Regolament jirreferu għall-awtoritajiet kompetenti tal-Istati Membri deżinjati skont l-Artikolu 50 tar-Regolament (UE) 2023/2411.

2.   L-awtoritajiet kompetenti tal-Istati Membri għandhom jagħtu assistenza reċiproka lil xulxin f’konformità ma’ din it-Taqsima, sabiex jiżguraw l-applikazzjoni korretta tar-regoli tar-Regolament (UE) 2023/2411 f’każijiet li jkollhom rilevanza f’aktar minn Stat Membru wieħed.

3.   L-awtoritajiet kompetenti tal-Istati Membri għandhom, fuq talba, jikkomunikaw lil xulxin informazzjoni rilevanti dwar il-kontrolli mwettqa skont it-Titolu IV tar-Regolament (UE) 2023/2411.

4.   It-talbiet għal assistenza reċiproka kif imsemmija fl-Artikolu 62 tar-Regolament (UE) 2023/2411 għandhom jiġu sottomessi mill-awtoritajiet kompetenti tal-Istati Membri u sottomessi lilhom.

5.   L-informazzjoni li għandha tiġi skambjata bejn l-awtoritajiet kompetenti tal-Istati Membri bl-intenzjoni li jappoġġaw l-attivitajiet ta’ kontroll u infurzar tista’ tinkludi:

6.   Il-komunikazzjoni uffiċjali kollha bejn l-awtoritajiet kompetenti tal-Istati Membri għandha ssir bil-miktub, permezz ta’ mezzi elettroniċi. Il-Kummissjoni tista’ tagħmel disponibbli sistema kompjuterizzata ta’ ġestjoni tal-informazzjoni, għall-operat integrat tal-mekkaniżmi li permezz tagħhom id-data, l-informazzjoni u d-dokumenti dwar il-kontrolli uffiċjali u attivitajiet uffiċjali oħra jiġu skambjati awtomatikament. Is-sistema ta’ ġestjoni tal-informazzjoni tista’ tkun interkonnessa ma’ bażijiet ta’ data rilevanti oħra tal-Kummissjoni użati mill-awtoritajiet tal-infurzar fl-Unjoni għas-sikurezza u għall-konformità tal-prodotti.

7.   L-assistenza għandha tinkludi, meta jkun xieraq, u soġġett għall-ftehim tal-awtoritajiet kompetenti kkonċernati, il-parteċipazzjoni mill-awtoritajiet kompetenti ta’ Stat Membru f’kontrolli uffiċjali fuq il-post li jwettqu l-awtoritajiet kompetenti ta’ Stat Membru ieħor.

8.   Din it-Taqsima għandha tkun mingħajr preġudizzju għad-dritt nazzjonali:

9.   L-Istati Membri għandhom jieħdu miżuri biex jiffaċilitaw it-trażmissjoni, minn awtoritajiet tal-infurzar tal-liġi, prosekuturi pubbliċi u awtoritajiet ġudizzjarji lil dawk kompetenti, ta’ informazzjoni dwar in-nuqqas ta’ konformità possibbli mar-regoli msemmija fit-Titolu IV tar-Regolament (UE) 2023/2411 li tkun rilevanti għall-applikazzjoni ta’ din it-Taqsima u li tista’ tikkostitwixxi riskju għas-saħħa tal-bniedem, jew għall-ambjent.

1.   Meta l-awtoritajiet kompetenti ta’ Stat Membru jqisu li, għat-twettiq ta’ kontrolli uffiċjali jew għas-segwitu effettiv ta’ tali kontrolli fit-territorju tagħhom, jirrikjedu data jew informazzjoni mingħand l-awtoritajiet kompetenti ta’ Stat Membru ieħor, għandhom jibagħtu talba motivata għall-assistenza reċiproka lill-awtoritajiet kompetenti ta’ dak l-Istat Membru. Dawn l-awtoritajiet kompetenti tal-aħħar għandhom:

2.   Bi qbil bejn l-awtoritajiet kompetenti li jagħmlu t-talba u l-awtoritajiet kompetenti li jirċevuha, il-persunal maħtur minn tal-ewwel jista’ jkun preżenti matul il-kontrolli uffiċjali u l-investigazzjonijiet imsemmija fil-paragrafu 1, il-punt (c), imwettqa mill-awtoritajiet kompetenti li jirċievu t-talba.

3.   F’tali każijiet, il-persunal tal-awtoritajiet kompetenti li jagħmlu t-talba għandu:

1.   Meta l-awtoritajiet kompetenti ta’ Stat Membru jsiru jafu b’nuqqas ta’ konformità, u jekk tali nuqqas ta’ konformità jkollu implikazzjonijiet għal Stat Membru ieħor, għandhom jinnotifikaw tali informazzjoni lill-awtoritajiet kompetenti ta’ dak l-Istat Membru l-ieħor mingħajr ma jintalbu dan u mingħajr dewmien żejjed.

2.   L-awtoritajiet kompetenti nnotifikati f’konformità mal-paragrafu 1 għandhom:

3.   L-informazzjoni msemmija fil-paragrafi 1 u 2 għandha tiġi nnotifikata lill-Kummissjoni f’kaxxa postali funzjonali speċifika ġestita mid-Direttorat responsabbli għall-iskema tal-indikazzjonijiet ġeografiċi tal-prodotti artiġjanali u industrijali.

1.   Meta, matul kontrolli uffiċjali mwettqa fuq oġġetti li joriġinaw minn Stat Membru ieħor, l-awtoritajiet kompetenti jistabbilixxu li tali oġġetti ma humiex konformi mar-regoli msemmija fir-Regolament (UE) 2023/2411 b’tali mod li joħolqu riskju għas-saħħa tal-bniedem jew għall-ambjent, jew b’tali mod li jikkostitwixxu ksur potenzjalment serju ta’ dawk ir-regoli, huma għandhom jinnotifikaw mingħajr dewmien lill-awtoritajiet kompetenti tal-Istat Membru rilevanti u ta’ kwalunkwe Stat Membru ieħor ikkonċernat sabiex dawk l-awtoritajiet kompetenti jkunu jistgħu jwettqu l-investigazzjonijiet xierqa.

2.   L-awtoritajiet kompetenti nnotifikati għandhom, mingħajr dewmien:

3.   Jekk l-awtoritajiet kompetenti li jibagħtu n-notifika jkollhom raġuni għal xiex jemmnu li l-investigazzjonijiet imwettqa jew il-miżuri meħuda mill-awtoritajiet kompetenti nnotifikati ma jindirizzawx b’mod adegwat in-nuqqas ta’ konformità stabbilit, meta jkun raġonevoli, għandhom jitolbu lill-awtoritajiet kompetenti nnotifikati biex jikkomplementaw il-kontrolli uffiċjali mwettqa jew il-miżuri meħuda. F’każijiet bħal dawn, kemm l-awtoritajiet kompetenti li jibagħtu n-notifika kif ukoll l-awtoritajiet kompetenti notifikati għandhom ifittxu approċċ miftiehem bil-għan li jindirizzaw b’mod xieraq in-nuqqas ta’ konformità, inkluż permezz ta’ kontrolli u investigazzjonijiet uffiċjali konġunti mwettqa f’konformità mal-Artikolu 34(2) u (3).

4.   Meta l-kontrolli uffiċjali mwettqa fuq oġġetti li joriġinaw minn Stat Membru ieħor juru każijiet ripetuti ta’ nuqqas ta’ konformità kif imsemmi fil-paragrafu 1, l-awtoritajiet kompetenti tal-Istat Membru ta’ destinazzjoni għandhom jinfurmaw lill-awtoritajiet kompetenti tal-Istati Membri l-oħra mingħajr dewmien.

1.   Meta l-awtoritajiet kompetenti jirċievu informazzjoni minn pajjiż terz li tindika nuqqas ta’ konformità fl-Unjoni mar-Regolament (UE) 2023/2411 jew riskju għall-bnedmin jew għall-ambjent, dawn għandhom, mingħajr dewmien:

2.   L-informazzjoni miksuba permezz ta’ kontrolli uffiċjali u investigazzjonijiet imwettqa f’konformità ma’ dan ir-Regolament tista’ tiġi kkomunikata lill-pajjiż terz imsemmi fil-paragrafu 1, dment li:

1.   In-notifiki, il-komunikazzjonijiet, id-dokumenti u l-informazzjoni kollha meħtieġa għall-implimentazzjoni tal-Artikolu 20(4) u tal-Kapitolu 3, it-Taqsima 1 tar-Regolament (UE) 2023/2411, tar-Regolament Delegat C(2025) 9101 u ta’ dan ir-Regolament għandhom jiġu kkomunikati lill-Uffiċċju u minnu permezz tas-sistema diġitali, sakemm ma jkunx previst mod ieħor b’mod espliċitu f’dawn ir-regolamenti. It-twettiq ta’ dawn in-notifiki, il-komunikazzjonijiet, id-dokumenti u l-informazzjoni mill-Uffiċċju permezz tas-sistema diġitali għandu jsir billi jiġi pprovdut aċċess elettroniku għalihom. L-Uffiċċju għandu jibgħat twissija bil-posta elettronika lid-destinatarji dwar in-notifika, il-komunikazzjoni, id-dokument u l-informazzjoni l-ġodda li jkunu saru disponibbli fis-sistema diġitali mill-Uffiċċju, u jikkomunikalhom ukoll id-data biex jaċċessawhom.

2.   Kwalunkwe notifika, komunikazzjoni, dokument jew informazzjoni li ma hijiex koperta mill-paragrafu 1 għandha tiġi kkomunikata lill-Uffiċċju u minnu permezz tal-posta elettronika, bl-użu tal-kaxxa postali funzjonali speċifika.

3.   Għall-komunikazzjonijiet tekniċi uffiċjali dwar indikazzjonijiet ġeografiċi ta’ prodotti artiġjanali u industrijali, kull Stat Membru għandu jikkomunika lill-Uffiċċju u lill-Kummissjoni, sat-2 ta’ Diċembru 2025, fil-kaxxi postali funzjonali speċifiċi rispettivi tagħhom, punt ta’ kuntatt wieħed li jikkonsisti minn dipartiment u indirizz, kaxxa postali funzjonali speċifika, u numru tat-telefown dipartimentali. L-Istati Membri għandhom iżommu l-lista tal-punti ta’ kuntatt aġġornata. Din id-data għandha tidentifika biss il-funzjonijiet, l-uffiċċji u d-dipartimenti uffiċjali. L-ebda data ma għandha tidentifika xi persuna fiżika, numru ta’ kuntatt jew element ta’ data ieħor.

4.   L-Istati Membri li jkunu ngħataw deroga mill-fażi nazzjonali, f’konformità mal-Artikolu 19 tar-Regolament (UE) 2023/2411, għandhom, minbarra l-informazzjoni msemmija fil-paragrafu 3 ta’ dan l-Artikolu, jikkomunikaw lill-Uffiċċju u lill-Kummissjoni, fil-kaxxi postali funzjonali speċifiċi rispettivi tagħhom, informazzjoni dwar il-punt uniku ta’ kuntatt imsemmi fl-Artikolu 19(5) tar-Regolament (UE) 2023/2411 sat-2 ta’ Diċembru 2025. Din għandha tinkludi dipartiment u indirizz, indirizz ta’ kaxxa postali elettronika funzjonali, u numru tat-telefown dipartimentali. L-Istati Membri għandhom iżommu l-informazzjoni dwar dawn il-punti uniċi ta’ kuntatt aġġornata. Din id-data għandha tidentifika biss il-funzjonijiet, l-uffiċċji u d-dipartimenti uffiċjali. L-ebda data ma għandha tidentifika xi persuna fiżika, numru ta’ kuntatt jew element ta’ data ieħor.

5.   L-Uffiċċju u l-Kummissjoni jistgħu jżommu, jaħżnu, jikkondividu, jippubblikaw u jiċċirkolaw perjodikament il-lista sħiħa ta’ dawn il-punti ta’ kuntatt, inkluż billi jikkondividuha mas-servizzi tagħhom stess, lil istituzzjonijiet u korpi oħra tal-Unjoni, u lill-punti ta’ kuntatt kollha fil-lista. L-Uffiċċju jista’ jirrikjedi li din id-data tiġi sottomessa permezz tas-sistema diġitali tiegħu.

1.   Kwalunkwe komunikazzjoni u sottomissjoni msemmija fir-Regolament (UE) 2023/2411, fir-Regolament Delegat C(2025) 9101 u f’dan ir-Regolament għandha titqies li tkun saret fid-data li fiha tiġi riċevuta mill-Uffiċċju permezz tas-sistema diġitali tiegħu jew, meta jkun rilevanti, mill-Kummissjoni fil-kaxxa postali funzjonali speċifika tagħha.

2.   Meta komunikazzjoni li tiġi riċevuta ma tkunx kompluta jew ma tkunx tista’ tinqara jew meta l-Uffiċċju jkollu dubji raġonevoli dwar l-akkuratezza tat-trażmissjoni, l-Uffiċċju għandu jinforma lill-emittent dwar dan u għandu jistieden lill-emittent biex, fi żmien perjodu li jispeċifika l-Uffiċċju, jerġa’ jibgħatha permezz tas-sistema diġitali. Meta dik it-talba tiġi rrispettata fil-perjodu speċifikat, id-data tal-wasla tat-trażmissjoni inizjali għandha titqies li hija d-data tal-preżentazzjoni jew tas-sottomissjoni.

3.   L-Uffiċċju għandu jikkonferma l-wasla tan-notifiki, tal-komunikazzjonijiet, tad-dokumenti u tal-informazzjoni kollha riċevuti permezz tas-sistema diġitali lill-partijiet ikkonċernati permezz ta’ dik is-sistema diġitali.

4.   L-Uffiċċju għandu jassenja numru tal-fajl għal kull applikazzjoni ġdida għar-reġistrazzjoni, għal kull emenda, jew għal kull sottomissjoni ta’ oppożizzjoni, avviż ta’ kummenti, kanċellazzjoni jew appell.

5.   Il-konferma tal-wasla għandha tinkludi tal-inqas dawn li ġejjin:

1.   L-awtorità kompetenti jew il-punt uniku ta’ kuntatt ta’ Stat Membru jista’ jitlob lill-Uffiċċju, permezz ta’ kaxxa postali funzjonali speċifika, biex ma jipprovdix it-traduzzjonijiet imsemmija fl-Artikolu 16(5) u fl-Artikolu 17(4). Din it-talba għandha tiġi sottomessa qabel l-1 ta’ Mejju 2026. Fit-talba, l-Istat Membru għandu jindika b’mod ċar b’referenza għall-artikoli rilevanti t-traduzzjonijiet li ma jkunx jixtieq jirċievi.

2.   It-talba għal eżenzjoni msemmija fil-paragrafu 1 tista’ tiġi rtirata kompletament jew parzjalment, bl-istess mod kif deskritt f’dak il-paragrafu.