<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
  <head>
    <title>2017-10-201710C112201602620-00-TRA-DOC-MT-ARRET-C-0262-16-201708264-07_00</title>
    <meta content="" name="Gendoc_DGTGeneratedDate"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="11/12/2017 15:10:39" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="RTo72k4z1KFFGktNXgk2ekx1b2YIS5B3tL2M7R0CRBuNSUqkxi/b5sg3c/e7WjrSI1BogLRB1e0DB70vIMdxBPe+F6EXl/3o8N0S5ICEfgtu5ik9TzCX1rRPHTp8inyxtgDiSUO9lKEnjXglCCU/JoVqkzs9tOnlZ7oqrz10Z9o=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="Michail Vilaras - Projet d'arrêt avant dernière relecture du 14/09/2017" name="ProvisoryMention"/>
    <meta content="OK" name="ReadyToPublish"/>
    <meta content="lgr" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0262" name="NumeroOrdre"/>
    <meta content="2016" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="" name="Gendoc_DGTGeneratedUser"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 22/06/2017 07:49:41" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="C" name="Juridiction"/>
    <meta content="d571fe52a3a34cf6a25e3c53b4a20630" name="DocumentIdentifier"/>
    <meta content="0262" name="Gendoc_CaseNumber"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="4uikkrfhfCzk5OdQ4H0E3kDBqY/TSa0oWvRKUhl4vT5WBkCq7RS5u7CyViLwahU5xia3J08HwHh7UF4sMHIL2L9JchuK6oAP7SrWiYrheMWVnSZrFmsIuAEHKHt4jUxW" name="GeneratedGenDocVersion"/>
  </head>
  <body>
    <div style="header">
      <div id="rId26" style="first"/>
      <div id="rId22" style="even">Sentenza tat-12.10.2017 – Kawża C‑262/16</div>
      <div id="rId23" style="default">Shields &amp; Sons Partnership</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (It-Tielet Awla)
    </p>
    <p class="C19Centre" id="para-2" title="page-1">
      12 ta’ Ottubru 2017  (<span class="note">
<a id="c-1" href="#t-1">1</a>
</span>)*
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Tassazzjoni – Taxxa fuq il-valur miżjud – Direttiva 2006/112/KE – Artikolu 296(2) – Artikolu 299 – Skema komuni b’rata fissa għall-bdiewa – Esklużjoni tal-iskema komuni – Kundizzjonijiet – Kunċett ta’ ‘kategorija ta’ bdiewa’”
    </p>
    <p class="C02AlineaAltA" id="para-4" title="page-1">
      Fil-Kawża C‑262/16,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mill-Upper Tribunal (Tax and Chancery Chamber) [qorti superjuri (awla tat-tassazzjoni u taċ-Chancery), ir-Renju Unit], permezz ta’ deċiżjoni tal-10 ta’ Mejju 2016, li waslet fil-Qorti tal-Ġustizzja fit-12 ta’ Mejju 2016, fil-proċedura
    </p>
    <p class="C02AlineaAltA" id="para-6" title="page-1">
      Shields &amp; Sons Partnership
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Commissioners for Her Majesty’s Revenue and Customs,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (It-Tielet Awla),
    </p>
    <p class="C02AlineaAltA" id="para-10" title="page-1">
      komposta minn L. Bay Larsen, President tal-Awla, J. Malenovský, M. Safjan, D. Šváby u M. Vilaras (Relatur), Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: M. Szpunar,
    </p>
    <p class="C02AlineaAltA" id="para-12" title="page-1">
      Reġistratur: L. Hewlett, Amministratur Prinċipali,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub u wara s-seduta tat-15 ta’ Marzu 2017,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal Shields &amp; Sons Partnership, minn G. Edwards, assistit minn M. C. P. Thomas, barrister,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern tar-Renju Unit, minn G. Brown u J. Kraehling, bħala aġenti, assistiti minn R. Chapman, barrister,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Franċiż, minn D. Colas u S. Ghiandoni, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn M. Owsiany‑Hornung kif ukoll minn R. Lyal u M. Wilderspin, bħala aġenti,</p>
</td>
</tr>
</table>
    <p class="C02AlineaAltA" id="para-19" title="page-1">
      wara li semgħet il-konklużjonijiet tal-Avukat Ġenerali, ippreżentati fis-seduta tat-28 ta’ Ġunju 2017,
    </p>
    <p class="C02AlineaAltA" id="para-20" title="page-1">
      tagħti l-preżenti
    </p>
    <p class="C75Debutdesmotifs" id="para-21" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 296(2) tad-Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud (ĠU 2006, L 347, p. 1, iktar ’il quddiem id-“Direttiva dwar il-VAT”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn Shields &amp; Sons Partnership u l-Commissioners for Her Majesty’s Revenue and Customs (awtoritajiet tat-taxxa u tad-dwana, ir-Renju Unit) (iktar ’il quddiem, l-“amministrazzjoni fiskali”), rigward l-annullament minn dawn tal-aħħar taċ-ċertifikat ta’ sħubija fl-iskema komuni b’rata fissa għall-bdiewa (iktar ’il quddiem, l-“iskema b’rata fissa”) li kien inħareġ għar-rikorrenti fil-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">It-Titolu XII tad-Direttiva dwar il-VAT jiddefinixxi l-iskemi speċjali ta’ impożizzjoni għat-taxxa fuq il-valur miżjud (VAT). Il-Kapitolu 2 ta’ dan it-titolu, li jinkludi l-Artikoli 295 sa 305 ta’ din id-direttiva, jirrigwarda l-iskema b’rata fissa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 296 tad-Direttiva dwar il-VAT jipprevedi:</p>
</td>
</tr>
</table>
    <p class="C02AlineaAltA" id="para-28" title="page-1">
      “1. Fejn l-applikazzjoni għall-bdiewa ta’ l–arranġamenti normali tal-VAT, jew l-iskema speċjali pprovduta fil-Kapitolu 1, x’aktarx li twassal għal diffikultajiet, l-Istati Membri jistgħu japplikaw għall-bdiewa, skont dan il-Kapitolu, skema b’rata fissa mfassla b’mod li tpatti għall-VAT imposta fuq xiri ta’ merkanzija u servizzi magħmula mill-bdiewa b’rata fissa.
    </p>
    <p class="C02AlineaAltA" id="para-29" title="page-2">
      2. Kull Stat Membru jista’ jeskludi mill-iskema b’rata fissa ċertu kategoriji ta’ bdiewa, kif ukoll bdiewa li għalihom applikazzjoni ta’ l-arranġamenti normali tal-VAT, jew tal-proċeduri simplifikati previsti fl-Artikolu 281, x’aktarx li ma tirriżultax f’diffikulatjiet amministrattivi.
    </p>
    <p class="C02AlineaAltA" id="para-30" title="page-2">
      3. Kull bidwi b’rata fissa jista’ jagħżel, soġġett għar-regoli u l-kondizzjonjiet stabbiliti minn kull Stat Membru, għall-applikazzjoni ta’ l-arranġamenti normali tal-VAT jew, kif ikun il-każ, il-proċeduri simplifikati previsti fl-Artikolu 281.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Skont l-Artikolu 297 ta’ din id-direttiva:</p>
</td>
</tr>
</table>
    <p class="C02AlineaAltA" id="para-32" title="page-2">
      “L-Istati Membri għandhom, fejn hu meħtieġ, jiffissaw il-persentaġġi kompensatorji b’rata fissa. Huma jistgħu jiffissaw persentaġġi li jvarjaw għall-foresterija, għas-sotto-diviżjonijiet differenti ta’ l-agrikoltura u għas-sajd.
    </p>
    <p class="C02AlineaAltA" id="para-33" title="page-2">
      L-Istati Membri għandhom jinnotifikaw lill-Kummissjoni bil-persentaġġi ta’ kumpens b’rata fissa ffissati skont l-ewwel paragrafu qabel japplikawhom.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 298 tal-imsemmija direttiva jipprevedi:</p>
</td>
</tr>
</table>
    <p class="C02AlineaAltA" id="para-35" title="page-2">
      “Il-persentaġġi ta’ kumpens b’rata fissa għandhom ikunu kkalkulati abbażi ta’ l-istatistika makro-ekonomika għall-bdiewa b’rata fissa waħedhom għat-tliet snin preċedenti.
    </p>
    <p class="C02AlineaAltA" id="para-36" title="page-2">
      Il-persentaġġi jistgħu jitnaqqsu jew jiżdiedu sa l-eqreb nofs-punt. L-Istati Membri jistgħu wkoll inaqqsu tali persentaġġi għal rata żero.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 299 tal-istess direttiva huwa fformulat kif ġej:</p>
</td>
</tr>
</table>
    <p class="C02AlineaAltA" id="para-38" title="page-2">
      “Il-persentaġġi ta’ kumpens b’rata fissa jistgħu ma jkollhomx l-effett li jiksbu għall-bdiewa b’rata fissa rifużjonijiet akbar mill-VAT fuq ix-xiri imposta.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tar-Renju Unit</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Taħt it-titolu “Bdiewa, eċċ”, l-Artikolu 54 tal-Value Added Tax Act 1994 (liġi tal-1994 dwar it-taxxa fuq il valur miżjud, iktar ’il quddiem il-“liġi tal-1994”) jipprevedi:</p>
</td>
</tr>
</table>
    <p class="C02AlineaAltA" id="para-41" title="page-2">
      “1) L-[amministrazzjoni fiskali] tista’, konformement mad-dispożizzjonijiet li hija tista’ tadotta fir-regolamenti tagħha, toħroġ ċertifikat għall-finijiet ta’ dan l-artikolu lil kull persuna li turi:
    </p>
    <p class="C09Marge0avecretrait" id="para-42" title="page-2">
      a) li hija teżerċita attività jew attivitajiet speċifikati,
    </p>
    <p class="C09Marge0avecretrait" id="para-43" title="page-2">
      b) li d-deskrizzjoni tagħha tikkorrispondi ma’ dik stabbilita u li hija tissodisfa l-kundizzjonijiet stabbiliti, […]
    </p>
    <p class="C02AlineaAltA" id="para-44" title="page-2">
      […]
    </p>
    <p class="C02AlineaAltA" id="para-45" title="page-3">
      3) L-[amministrazzjoni fiskali] tista’ tiffissa permezz ta’ regolamenti ammont inkluż fil-korrispettiv imħallas għal kull kunsinna jew provvista taxxabbli li ssir:
    </p>
    <p class="C09Marge0avecretrait" id="para-46" title="page-3">
      a) fil-kuntest jew għall-finijiet tal-attivitajiet tagħha minn persuna li għall-perijodu rilevanti jkollha ċertifikat maħruġ taħt dan l-artikolu,
    </p>
    <p class="C09Marge0avecretrait" id="para-47" title="page-3">
      b) matul perijodu li fih il-persuna inkwistjoni ma kinitx persuna taxxabbli, u
    </p>
    <p class="C09Marge0avecretrait" id="para-48" title="page-3">
      c) lil persuna taxxabbli,
    </p>
    <p class="C02AlineaAltA" id="para-49" title="page-3">
      li jiġi ttrattat, għall-finijiet tad-determinazzjoni tad-dritt tal-benefiċjarju tal-kunsinna jew tal-provvista għall-kreditu previst fl-Artikoli 25 u 26, bħala l-VAT fuq il-kunsinni jew il-provvisti magħmula lil din il-persuna.
    </p>
    <p class="C02AlineaAltA" id="para-50" title="page-3">
      4) L-ammont li, għall-finijiet ta’ kwalunkwe dispożizzjoni adottata taħt il-paragrafu 3 hawn fuq, jista’ jiġi inkluż fil-korrispettiv imħallas għal kwalunkwe kunsinna jew provvista huwa ugwali għal perċentwali, kif iffissat, jekk ikun il-każ, mit-Treasury permezz ta’ digriet, tas-somma li, biż-żieda ta’ dan l-ammont, tkun ugwali għall-korrispettiv imħallas għall-operazzjoni inkwistjoni.
    </p>
    <p class="C02AlineaAltA" id="para-51" title="page-3">
      5) Is-setgħa mogħtija lill-[amministrazzjoni fiskali] permezz tar-regolamenti adottati taħt l-Artikolu 39 li tipproċedi għar-rimbors lill-persuni li jaqgħu taħt dan l-artikolu tal-VAT li tkun tikkostitwixxi għalihom taxxa tal-input li kieku kienu persuni taxxabbli fir-Renju Unit tinkludi s-setgħa li tipproċedi għall-pagament lill-persuni li jaqgħu taħt dan l-artikolu tas-somom ekwivalenti għall-ammonti li jkunu jikkostitwixxu għalihom taxxa tal-input skont ir-regolamenti adottati taħt dan l-artikolu li kieku kienu persuni taxxabbli fir-Renju Unit, u r-riferimenti magħmula għar-rimbors tal-VAT fl-Artikolu [39] jew fi kwalunkwe dispożizzjoni oħra għandhom jiġu interpretati fid-dawl ta’ dan.
    </p>
    <p class="C02AlineaAltA" id="para-52" title="page-3">
      6) Ir-regolamenti adottati taħt dan l-artikolu jistgħu jistabbilixxu:
    </p>
    <p class="C02AlineaAltA" id="para-53" title="page-3">
      […]
    </p>
    <p class="C09Marge0avecretrait" id="para-54" title="page-3">
      b) il-każijiet li fihom [l-amministrazzjoni fiskali] tista’ tannulla ċ-ċertifikat maħruġ lil persuna u l-mod li bih hija għandha tipproċedi,
    </p>
    <p class="C02AlineaAltA" id="para-55" title="page-3">
      […]
    </p>
    <p class="C02AlineaAltA" id="para-56" title="page-3">
      8) Skont dan l-artikolu, ‘attività speċifikata’ tfisser kull attività speċifikata permezz ta’ digriet tat-Treasury u eżerċitata minn persuna li għandha titqies bħala bidwi fis-sens tal-Artikolu 25 tas-[Sitt Direttiva tal-Kunsill 77/388/KEE, tas-17 ta’ Mejju 1977, fuq l-armonizzazzjoni tal-liġijiet tal-Istati Membri dwar taxxi fuq id-dħul mill-bejgħ – Sistema komuni ta’ taxxa fuq il-valur miżjud: bażi uniformi ta’ stima (ĠU Edizzjoni Speċjali bil-Malti, Kapitolu 9, Vol. 1, p. 23),] (skema komuni ta’ rata fissa għall-bdiewa) minħabba l-eżerċizzju ta’ din l-attività.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Il-punt 1 tal-Parti II tal-anness tal-Value Added Tax (Flat-rate Scheme for Farmers) (Designated Activities) Order 1992 [digriet tal-1992 dwar it-taxxa fuq il-valur miżjud (skema komuni b’rata fissa għall-bdiewa) (attivitajiet speċifikati)] jindika t-trobbija tal-annimali fost l-attivitajiet li jippermettu lil persuna tissieħeb mal-iskema b’rata fissa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Il-Value Added Tax (Flat-rate Scheme for Farmers) (Percentage Addition) Order 1992 [digriet tal-1992 dwar it-taxxa fuq il-valur miżjud (skema komuni b’rata fissa għall-bdiewa) (perċentwali addizzjonali)] jistabbilixxi għal 4 % r-rata ta’ kumpens b’rata fissa, li tapplika għall-bdiewa kollha msieħba fl-imsemmija skema.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Il-Value Added Tax Regulations 1995 (regolamenti tal-1995 dwar it-taxxa fuq il valur miżjud) jinkludu t-Taqsima XXIV, adottata skont l-Artikolu 54 tal-liġi tal-1994 u li fiha jinsabu l-Artikoli 202 sa 211.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Taħt it-titolu “Skema b’rata fissa”, l-Artikolu 203 tar-regolamenti tal-1995 dwar it-taxxa fuq il-valur miżjud jipprevedi:</p>
</td>
</tr>
</table>
    <p class="C02AlineaAltA" id="para-61" title="page-3">
      “1) [L-amministrazzjoni fiskali] għandha, jekk jiġu ssodisfatti l-kundizzjonijiet previsti fl-Artikolu 204, toħroġ iċ-ċertifikat ta’ bidwi b’rata fissa għall-finijiet ta’ din l-iskema b’rata fissa […]
    </p>
    <p class="C02AlineaAltA" id="para-62" title="page-3">
      2) Meta persuna jkollha, għall-perijodu rilevanti, ċertifikat maħruġ taħt dan l-artikolu (indipendentement minn jekk tkunx persuna taxxabbli jew le), kull kunsinna ta’ prodotti jew provvista ta’ servizzi li hija tagħmel fil-kuntest jew għall-finijiet tal-parti kkonċernata tal-attività tagħha għandha tiġi injorata għall-finijiet tad-determinazzjoni dwar jekk hijiex, jew saritx jew ma għadhiex tista’ tiġi rreġistrata konformement mal-imsemmi Anness 1 tal-[liġi tal-1994], jew jekk hija għandhiex, jew kisbitx jew jekk ma baqgħalhiex id-dritt li tiġi rreġistrata.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">L-Artikolu 204 ta’ dawn ir-regolamenti, intitolat “Eliġibbiltà għall-iskema”, jipprevedi:</p>
</td>
</tr>
</table>
    <p class="C02AlineaAltA" id="para-64" title="page-3">
      “Il-kundizzjonijiet imsemmija fl-Artikolu 203 huma dawk li ġejjin:
    </p>
    <p class="C09Marge0avecretrait" id="para-65" title="page-3">
      a) il-persuna turi lil[l-amministrazzjoni fiskali] li hija teżerċita attività speċifikata jew diversi attivitajiet speċifikati;
    </p>
    <p class="C09Marge0avecretrait" id="para-66" title="page-3">
      b) li matul it-tliet snin li jippreċedu l-applikazzjoni tagħha għal sħubija, il-persuna:
    </p>
    <p class="C11Marge1avecretrait" id="para-67" title="page-3">
      i) ma ġietx ikkundannata minħabba ksur li huwa marbut mal-VAT;
    </p>
    <p class="C11Marge1avecretrait" id="para-68" title="page-3">
      ii) ma wettqet l-ebda pagament fir-rigward tal-VAT sabiex tevita prosekuzzjoni taħt l-Artikolu 152 tal-Customs and Excise Management Act 1979 [liġi dwar id-dwana u d-dazji tas-sisa tal-1979], kif applikat mill-Artikolu 72(12) tal-[liġi tal-1994];
    </p>
    <p class="C11Marge1avecretrait" id="para-69" title="page-3">
      iii) ma kinitx is-suġġett ta’ sanzjoni taħt l-Artikolu 60 tal-[liġi tal-1994];
    </p>
    <p class="C09Marge0avecretrait" id="para-70" title="page-3">
      c) il-persuna tippreżenta l-applikazzjoni tagħha għal sħubija permezz tal-formola nru 14 prevista fl-Anness 1 ta’ dawn ir-regolamenti, u
    </p>
    <p class="C09Marge0avecretrait" id="para-71" title="page-3">
      d) il-persuna turi lil[l-amministrazzjoni fiskali] li l-ammonti totali msemmija fl-Artikolu 209 rigward il-kunsinni u l-provvisti li hija ser tagħmel matul is-sena li ssegwi d-data tas-sħubija tagħha ma humiex ser jaqbżu b’3 000 [lira sterlina (GBP) (madwar EUR 3 410)] jew iktar l-ammont tat-taxxa tal-input li għalih hija kienet tkun intitolata tikkredita f’din is-sena.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Skont l-Artikolu 206(1)(i) tar-regolamenti tal-1995 dwar it-taxxa fuq il-valur miżjud, l-amministrazzjoni fiskali tista’ tannulla ċ-ċertifikat ta’ sħubija ta’ persuna fl-iskema b’rata fissa meta hija tqis li dan huwa meħtieġ sabiex jiġi ppreżervat id-dħul.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Il-punt 7.2 tal-VAT Notice 700/46/12 (komunikazzjoni tal-VAT 700/46/12), dokument li, skont ma tippreċiża l-qorti tar-rinviju, ma għandux il-forza tal-liġi, iżda huwa meqjus mill-amministrazzjoni fiskali li jiddefinixxi kategorija ta’ bdiewa li għandhom jiġu esklużi mill-iskema b’rata fissa, jipprevedi:</p>
</td>
</tr>
</table>
    <p class="C02AlineaAltA" id="para-74" title="page-3">
      “Inti għandek titlaq mill-iskema […] jekk jiġi kkonstatat li inti tirkupra inkwantu bidwi b’rata fissa ammont sostanzjalment ogħla mill-ammont li kont tirkupra kieku inti suġġett għall-iskema normali tal-VAT.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Ir-rikorrenti fil-kawża prinċipali hija soċjetà kkostitwita minn membri tal-istess familja u hija teżerċita attività agrikola fl-Irlanda ta’ Fuq (ir-Renju Unit). Hija trabbi bhejjem bovini mixtrija mingħand kumpannija assoċjata, Shield Livestock Limited, li hija ssemmen qabel ma tbigħhom mill-ġdid lil Anglo Beef Processors, kumpannija li topera biċċerija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Fuq il-parir ta’ din tal-aħħar, ir-rikorrenti fil-kawża prinċipali talbet li tissieħeb fl-iskema b’rata fissa, u dan ġiet aċċettat fl-1 ta’ Mejju 2004. B’dan il-mod hija kellha d-dritt li żżid il-prezz tal-bejgħ tal-bhejjem bovini b’rata fissa ta’ 4 %, żieda li tagħti d-dritt, għall-klijenti tagħha, għal tnaqqis. Fl-applikazzjoni tagħha għal sħubija, hija stmat li d-dħul mill-bejgħ tagħha kien ser jammonta għal GBP 700 000 (madwar EUR 795 760) matul l-ewwel sena wara s-sħubija tagħha. Is-sena finanzjarja magħluqa fit-30 ta’ Ġunju 2003 kienet indikat ammont ta’ bejgħ ta’ GBP 633 718 (madwar EUR 720 410).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Fis-27 ta’ Ġunju 2012, uffiċjali tal-amministrazzjoni fiskali ltaqgħu mal-espert kontabbli tar-rikorrenti fil-kawża prinċipali, sabiex jistabbilixxu jekk hija setgħetx tkompli tibbenefika mill-iskema b’rata fissa. Matul din il-laqgħa, ġew eżaminati diversi dikjarazzjonijiet finanzjarji, fosthom il-kontijiet tal-qligħ u t-telf u l-karti tal-bilanċ tar-rikorrenti fil-kawża prinċipali, kif ukoll tabella li tqabbel l-ammonti li din kienet irċeviet b’applikazzjoni tar-rata fissa ta’ 4 % u l-ammonti li hija setgħet tnaqqas inkwantu taxxa tal-input kieku hija kienet suġġetta għall-iskema normali tal-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">B’dan il-mod l-uffiċjali tal-amministrazzjoni fiskali kkonstataw li, għas-snin finanzjarji 2004/2005 sa 2011/2012, ir-rikorrenti fil-kawża prinċipali kienet ħadet, mis-sħubija tagħha fl-iskema b’rata fissa, vantaġġ finanzjarju li jammonta għal GBP 374 884.23 GBP (madwar EUR 426 170).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">B’deċiżjoni tal-15 ta’ Ottubru 2012, l-amministrazzjoni fiskali annullat iċ-ċertifikat ta’ sħubija tar-rikorrenti fil-kawża prinċipali fl-iskema b’rata fissa, minħabba li l-qligħ magħmul mill-applikazzjoni tar-rata ta’ kumpens b’rata fissa kien jeċċedi b’mod sinjifikattiv it-taxxa tal-input li hija setgħet tnaqqas kieku hija kienet suġġetta għall-iskema normali tal-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Wara lment tar-rikorrenti fil-kawża prinċipali, l-amministrazzjoni fiskali kkonfermat din id-deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">B’sentenza tat-8 ta’ Ottubru 2014, il-First-tier Tribunal (Tax chamber) [qorti tal-prim’istanza (qorti tat-tassazzjoni), ir-Renju Unit] ċaħdet ir-rikors tar-rikorrenti fil-kawża prinċipali, u din tal-aħħar appellat quddiem l-Upper Tribunal (Tax and Chancery Chamber) [qorti superjuri (qorti tat-tassazzjoni u taċ Chancery), ir-Renju Unit].</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Il-qorti msemmija l-aħħar ikkonstatat li l-partijiet fil-kawża prinċipali ma jaqblux, fil-kuntest tal-kawża prinċipali, fuq żewġ punti marbuta mal-interpretazzjoni tad-Direttiva dwar il-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">L-ewwel punt huwa dak dwar jekk l-uniċi każijiet li fihom bidwi jista’ jiġi eskluż mill-iskema b’rata fissa huma dawk previsti fl-Artikolu 296(2) tad-Direttiva dwar il-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">F’dan ir-rigward, il-qorti tar-rinviju tosserva li r-rikorrenti fil-kawża prinċipali ssostni li dan l-artikolu jistabbilixxi l-lista eżawrjenti tal-kundizzjonijiet li fihom Stat Membru jista’ jeskludi l-bdiewa mill-iskema b’rata fissa, peress li d-Direttiva dwar il-VAT ma tagħti lill-Istati Membri l-ebda setgħa diskrezzjonali sabiex jeskludu persuna speċifika. Skont ir-rikorrenti fil-kawża prinċipali, l-iskema b’rata fissa għandha tiġi ġestita b’mod li tinkiseb newtralità fiskali tal-VAT b’applikazzjoni tad-dispożizzjonijiet rilevanti tad-Direttiva dwar il-VAT. Fost dawn id-dispożizzjonijiet, hija tindika li l-Artikolu 296(2) ta’ din id-direttiva jipprevedi l-possibbiltà li jiġu esklużi mhux bdiewa speċifiċi, iżda kategoriji ta’ bdiewa kif ukoll il-bdiewa li għalihom l-applikazzjoni tal-iskema normali tal-VAT ma tippreżentax diffikultajiet amministrattivi. Fl-aħħar nett, hija tispeċifika li l-Artikolu 299 tad-Direttiva dwar il-VAT jirrigwarda biss l-iffissar tal-perċentwali ta’ kumpens b’rata fissa sabiex jiġi ggarantit li l-iskema b’rata fissa tkun, globalment, fiskalment newtrali u li dan l-artikolu ma jippermettix li jiġi eskluż produttur speċifiku minn din l-iskema.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">L-amministrazzjoni fiskali hija tal-fehma li, sabiex tiġi ggarantita n-newtralità fiskali tal-VAT, l-Istati Membri jistgħu jissuġġettaw is-sħubija fl-iskema b’rata fissa għal kundizzjonijiet oħrajn minbarra dawk imsemmija mir-rikorrenti fil-kawża prinċipali, sakemm ma tiġi miksura l-ebda dispożizzjoni tad-Direttiva dwar il-VAT. Fl-opinjoni tagħha, l-għan tal-iskema b’rata fissa huwa li toqrob kemm jista’ jkun għan-newtralità fiskali tal-VAT fuq il-livell individwali u globali. Hija tqis li jekk produtturi speċifiċi jitħallew ikomplu bis-sħubija tagħhom f’din l-iskema meta l-vantaġġ li huma jiksbu minnha huwa kbir wisq tiġi ppreġudikata, għall-bdiewa meħuda fit-totalità tagħhom, in-newtralità fiskali tal-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">It-tieni punt, identifikat mill-qorti tar-rinviju, li dwaru l-partijiet fil-kawża prinċipali ma jaqblux bejniethom, huwa dak tal-interpretazzjoni tal-kunċett ta’ “kategoriji ta’ bdiewa” fis-sens tal-Artikolu 296(2) tad-Direttiva dwar il-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Skont ir-rikorrenti fil-kawża prinċipali, l-amministrazzjoni fiskali eskludietha mill-iskema b’rata fissa fid-dawl tas-sitwazzjoni individwali tagħha u mhux minħabba li hija tagħmel parti minn kategorija ta’ bdiewa ddefinita skont l-Artikolu 296(2) tad-Direttiva dwar il-VAT. It-terminu “kategorija” jindika grupp li jista’ jiġi identifikat abbażi ta’ karatteristiċi oġġettivi, u dan jippermetti lil kull bidwi li jiddetermina b’livell ta’ ċertezza raġonevoli jekk huwa jaqax jew le taħt dan il-grupp. F’dan il-każ, l-amministrazzjoni fiskali ma identifikat l-ebda grupp ta’ bdiewa b’mod suffiċjentement ċert. Jekk tiġi aċċettata bħala kategorija ta’ bdiewa, fis-sens ta’ dan l-Artikolu 296(2), dik prevista mill-amministrazzjoni fiskali, dan jagħti lil din tal-aħħar setgħa diskrezzjonali ladarba tali kategorija tirriżulta minn termini impreċiżi jew li jħallu libertà kompleta lill-imsemmija amministrazzjoni sabiex tieħu d-deċiżjoni tagħha abbażi ta’ fatturi suġġettivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">L-amministrazzjoni fiskali tqis li l-kategorija prevista hija suffiċjentement preċiża sabiex tikkostitwixxi kategorija ta’ bdiewa fis-sens tal-Artikolu 296(2) tad-Direttiva dwar il-VAT u li hija ddefinita fil-punt 7.2 tal-komunikazzjoni tal-VAT 700/46/12, li jgħid li jistgħu jiġu esklużi mill-benefiċċju tal-iskema b’rata fissa l-bdiewa li fir-rigward tagħhom ġie kkonstatat li l-ammont li huma jirkupraw inkwantu bdiewa suġġetti għall-iskema b’rata fissa huwa sostanzjalment ogħla mill-ammont li jirkupraw kieku jkunu suġġetti għall-iskema normali tal-VAT. L-Artikolu 206(1)(i) tar-regolamenti tal-1995 dwar it-taxxa fuq il-valur miżjud huwa fl-istess sens.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">F’dawn iċ-ċirkustanzi, l-Upper Tribunal (Tax and Chancery Chamber) [qorti superjuri (qorti tat-tassazzjoni u taċ Chancery)] iddeċidiet li tissospendi l-proċeduri u li tagħmel lill Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-91" title="page-3">
      “1) Fir-rigward tal-iskema komuni b’rata fissa għall-bdiewa li hija stabbilita mill-Kapitolu 2 tat-Titolu XII tad-Direttiva [2006/11], l‑Artikolu 296(2) [ta’ din id-direttiva] għandu jiġi interpretat bħala li jipprovdi sistema eżawrjenti għal meta Stat Membru jkun jista’ jeskludi bidwi mill-iskema komuni b’rata fissa għall-bdiewa. B’mod partikolari:
    </p>
    <p class="C11Marge1avecretrait" id="para-92" title="page-3">
      a) Stat Membru jkun jista’ jeskludi bdiewa mill-iskema komuni b’rata fissa għall-bdiewa unikament abbażi tal-[imsemmi] Artikolu 296(2)?
    </p>
    <p class="C11Marge1avecretrait" id="para-93" title="page-3">
      b) Stat Membru jkun jista’ wkoll jeskludi bidwi mill-iskema komuni b’rata fissa għall-bdiewa billi juża l-Artikolu 299 [tad-Direttiva dwar il-VAT]?
    </p>
    <p class="C11Marge1avecretrait" id="para-94" title="page-3">
      c) Il-prinċipju ta’ newtralità fiskali jagħti lil Stat Membru d-dritt li jeskludi bidwi mill-iskema komuni b’rata fissa għall‑bdiewa?
    </p>
    <p class="C11Marge1avecretrait" id="para-95" title="page-3">
      d) Stati Membri għandhom dritt li jeskludu bdiewa mill-iskema komuni b’rata fissa għall-bdiewa abbażi ta’ motivi oħrajn?
    </p>
    <p class="C09Marge0avecretrait" id="para-96" title="page-3">
      2) Kif għandu jiġi interpretat it-terminu ‘kategoriji ta’ bdiewa’ fl‑Artikolu 296(2) tad-[Direttiva dwar il-VAT]? B’mod partikolari:
    </p>
    <p class="C11Marge1avecretrait" id="para-97" title="page-3">
      a) Kategorija rilevanti ta’ bdiewa għandha tkun tista’ tiġi identifikata b’riferiment għal karatteristiċi oġġettivi?
    </p>
    <p class="C11Marge1avecretrait" id="para-98" title="page-3">
      b) Kategorija rilevanti ta’ bdiewa tista’ tiġi identifikata b’riferiment għal kunsiderazzjonijiet ekonomiċi?
    </p>
    <p class="C11Marge1avecretrait" id="para-99" title="page-3">
      c) Liema livell ta’ preċiżjoni huwa meħtieġ meta tiġi identifikata kategorija ta’ bdiewa li Stat Membru kellu l-intenzjoni li jeskludi?
    </p>
    <p class="C11Marge1avecretrait" id="para-100" title="page-3">
      d) Dan jagħti dritt lil Stat Membru li jitratta bħala kategorija rilevanti ‘bdiewa li jiġi stabbilit li jkunu qed jirkupraw sostanzjalment iktar bħala membri tal-iskema b’rata fissa milli kieku kienu rreġistrati għall-VAT’?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ewwel domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Bl-ewwel domanda tagħha, il-qorti tar-rinviju tistaqsi, essenzjalment, jekk l-Artikolu 296(2) tad-Direttiva dwar il-VAT għandux jiġi interpretat fis-sens li huwa jiddefinixxi b’mod eżawrjenti l-każijiet kollha li fihom Stat Membru jista’ jeskludi bidwi mill-iskema b’rata fissa jew jekk l-Artikolu 299 ta’ din id-direttiva, il-prinċipju ta’ newtralità fiskali jew motivi oħrajn jistgħux ikunu l-bażi għal tali esklużjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">B’mod preliminari, għandu jiġi osservat li, fil-kawża prinċipali, l-amministrazzjoni fiskali pproċediet bl-annullament, fuq bażi individwali, taċ-ċertifikat ta’ sħubija tar-rikorrenti fil-kawża prinċipali fl-iskema b’rata fissa minħabba li l-qligħ magħmul mill-applikazzjoni tar-rata ta’ kumpens b’rata fissa kien jeċċedi b’mod sinjifikattiv it-taxxa tal-input li hija setgħet tnaqqas kieku hija kienet suġġetta għall-iskema normali tal-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Għandu jitfakkar li l-iskema b’rata fissa hija skema derogatorja li tikkostitwixxi eċċezzjoni mill-iskema ġenerali tad-Direttiva dwar il-VAT u li, għaldaqstant, għandha tiġi applikata biss sa fejn huwa meħtieġ sabiex jintlaħaq l-għan tagħha (sentenzi tal-15 ta’ Lulju 2004, Harbs, C‑321/02, EU:C:2004:447, punt 27; tat-8 ta’ Marzu 2012, Il-Kummissjoni vs Il-Portugall, C‑524/10, EU:C:2012:129, punt 49, kif ukoll tat-12 ta’ Ottubru 2016, Nigl et, C‑340/15, EU:C:2016:764, punt 37).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Fost iż-żewġ għanijiet assenjati lil din l-iskema, jinsab dak li jirrigwarda imperattiv ta’ semplifikazzjoni amministrattiva għall-bdiewa kkonċernati, li għandu jiġi kkonċiljat ma’ dak tal-kumpens tal-VAT tal-input sostnuta minn dawn il-bdiewa waqt l-akkwist ta’ oġġetti użati għall-bżonnijiet tal-attivitajiet tagħhom (ara, f’dan is-sens, is-sentenzi tat-8 ta’ Marzu 2012, Il-Kummissjoni vs Il-Portugall, C‑524/10, EU:C:2012:129, punt 50, kif ukoll tat-12 ta’ Ottubru 2016, Nigl et, C‑340/15, EU:C:2016:764, punt 38).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Huwa fid-dawl ta’ dawn l-elementi li għandha tingħata risposta għall-ewwel domanda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">F’dan ir-rigward, għandu jiġi osservat li l-Artikolu 296(2) tad-Direttiva dwar il-VAT isemmi biss il-possibbiltà li jiġu esklużi mill-benefiċċju tal-iskema b’rata fissa ċerti kategoriji ta’ bdiewa kif ukoll il-bdiewa li għalihom l-applikazzjoni tal-iskema normali tal-VAT jew tal-modalitajiet issemplifikati previsti fl-Artikolu 281 ta’ din id-direttiva ma tippreżentax diffikultajiet amministrattivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Madankollu, la l-għanijiet tal-imsemmija skema b’rata fissa u lanqas il-kuntest li fih jinsab l-Artikolu 296(2) tad-Direttiva dwar il-VAT ma jimplikaw il-kunsiderazzjoni li l-leġiżlatur kellu l-intenzjoni li jammetti motivi oħrajn għal esklużjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Huwa minnu li wieħed mill-għanijiet segwiti permezz tal-iskema b’rata fissa huwa dak li l-bdiewa li huma suġġetti għaliha jingħataw il-possibbiltà li jikkumpensaw l-ispejjeż tal-VAT li dawn tal-aħħar sostnew minħabba l-attività tagħhom. Madankollu, ir-riskju ta’ kumpens żejjed tal-VAT jittieħed inkunsiderazzjoni mill-Artikolu 299 ta’ din id-direttiva fir-rigward tat-totalità tal-bdiewa b’rata fissa. Għal dan il-għan, dan l-artikolu jipprojbixxi lill-Istati Membri milli jistabbilixxu l-perċentwali ta’ kumpens b’rata fissa għal livelli li jkollhom l-effett li jiksbu għat-“totalità tal-bdiewa b’rata fissa” rimborsi ogħla mill-VAT tal-input imposta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Barra minn hekk, l-Artikoli 297 sa 299 tal-imsemmija direttiva jipprevedu li l-iffissar ta’ dawn il-perċentwali jsir globalment minn kull Stat Membru abbażi tad-data makroekonomika li tirrigwarda biss il-bdiewa b’rata fissa tat-tliet snin preċedenti. Għaldaqstant, l-Artikolu 299 tal-istess direttiva ma jistax jiġġustifika l-adozzjoni ta’ deċiżjoni li jiġi eskluż, fuq bażi individwali, bidwi mill-iskema b’rata fissa fid-dawl tar-rimborsi miksuba permezz tal-applikazzjoni tal-imsemmija perċentwali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Fl-aħħar nett, minkejja li l-qorti tar-rinviju ssemmi l-possibbiltà li jiġi annullat iċ-ċertifikat ta’ sħubija fl-iskema b’rata fissa minħabba li, f’sitwazzjoni bħal dik inkwistjoni fil-kawża prinċipali, il-benefiċċju ta’ din l-iskema jippreġudika l-prinċipju ta’ newtralità tal-VAT, għandu jiġi osservat, kif għamel l-Avukat Ġenerali fil-punt 26 tal-konklużjonijiet tiegħu, li l-leġiżlatur tal-Unjoni deliberament ibbaża din l-iskema fuq ċerta ġeneralizzazzjoni, u dderoga minn dan il-prinċipju kif seta’ jagħmel validament, sa fejn in-newtralità fiskali, fis-sens li dan il-kunċett għandu fil-kawża prinċipali, tikkostitwixxi mhux prinċipju ġuridiku awtonomu, iżda wieħed mill-għanijiet segwiti permezz tad-Direttiva dwar il-VAT, li huwa kkonkretizzat permezz tal-Artikoli 167 et seq ta’ din id-direttiva, li jistabbilixxu l-prinċipju ta’ dritt għal tnaqqis tal-VAT tal-input sostnuta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Barra minn hekk, il-Qorti tal-Ġustizzja diġà ddeċidiet li, bħala prinċipju, l-iskema b’rata fissa ma tistax tiżgura newtralità perfetta tal-VAT, u dan sa fejn din l-iskema hija intiża ġustament sabiex tikkonċilja dan l-għan ma’ dak ta’ semplifikazzjoni tar-regoli li għalihom huma suġġetti l-bdiewa b’rata fissa (ara, f’dan is-sens, is-sentenza tat-8 ta’ Marzu 2012, Il-Kummissjoni vs Il-Portugall, C‑524/10, EU:C:2012:129, punt 53).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">F’dawn iċ-ċirkustanzi, ma jistax jitqies kuntrarju għad-dritt tal-Unjoni jekk bidwi li jibbenefika minn din l-iskema jikseb, bħal f’dan il-każ, kumpensi tal-VAT li huma ogħla mill-ammont tal-VAT tal-input li huwa seta’ jnaqqas kieku kien suġġett għal din it-taxxa skont l-iskema normali jew l-iskema ssemplifikata ta’ tassazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Għaldaqstant, il-prinċipju ta’ newtralità fiskali ma jistax jiġġustifika miżura ta’ esklużjoni mill-iskema b’rata fissa, bħalma huwa l-annullament ta’ ċertifikat ta’ sħubija f’din l-iskema.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Minn dak kollu li ntqal hawn fuq jirriżulta li r-risposta għall-ewwel domanda għandha tkun li l-Artikolu 296(2) tad-Direttiva dwar il-VAT għandu jiġi interpretat fis-sens li huwa jipprevedi b’mod eżawrjenti l-każijiet kollha li fihom Stat Membru jista’ jeskludi bidwi mill-iskema b’rata fissa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tieni domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Bit-tieni domanda tagħha, il-qorti tar-rinviju tistaqsi, essenzjalment, jekk l-Artikolu 296(2) tad-Direttiva dwar il-VAT għandux jiġi interpretat fis-sens li l-bdiewa li fir-rigward tagħhom ġie kkonstatat li l-ammont li huma jirkupraw inkwantu msieħba fl-iskema b’rata fissa huwa sostanzjalment ogħla mill-ammont li jirkupraw kieku jkunu suġġetti għall-iskema normali tal-VAT jew għall-iskema ssemplifikata tal-VAT jistgħu jikkostitwixxu kategorija ta’ bdiewa fis-sens ta’ din id-dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">F’dan ir-rigward, l-Artikolu 296(2) tad-Direttiva dwar il-VAT isemmi l-possibbiltajiet ta’ esklużjoni tal-bdiewa mill-iskema b’rata fissa, filwaqt li jispeċifika li tali esklużjoni tista’, b’mod partikolari, tikkonċerna kategoriji ta’ bdiewa, mingħajr madankollu ma jiddefinixxi l-kunċett ta’ “kategoriji ta’ bdiewa”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Huwa minnu li tali kunċett jirreferi għall-attività eżerċitata mill-bdiewa kkonċernati, li, sabiex jifformaw kategorija, għandu jkollhom karatteristika jew diversi karatteristiċi komuni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Jibqa’ l-fatt li, fid-dawl tal-prinċipju ta’ ċertezza legali, il-kategoriji ta’ bdiewa, li hemm riferiment għalihom f’dan l-Artikolu 296(2) għandhom jissemmew abbażi ta’ kriterji oġġettivi, ċari u preċiżi, mil-leġiżlazzjoni nazzjonali jew, jekk ikun il-każ, mill-awtorità eżekuttiva, awtorizzata f’dan ir-rigward mil-leġiżlatur nazzjonali. Minbarra dan, kif osserva l-Avukat Ġenerali fil-punt 36 tal-konklużjonijiet tiegħu, dawn il-kriterji għandhom jiġu ffissati bil-quddiem, fis-sens li l-kategorija li taqa’ taħt l-esklużjoni għandha tiġi ddefinita a priori u in abstracto, sabiex kull bidwi, waqt l-eventwali deċiżjoni li jissieħeb fl-iskema, ikun f’pożizzjoni li jevalwa jekk huwiex parti mill-kategorija li taqa’ taħt l-esklużjoni u jekk huwiex ser ikompli, sussegwentement, jagħmel parti minn din il-kategorija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">B’dan il-mod, bidwi għandu jkun jista’ jwettaq ex ante analiżi individwali tas-sitwazzjoni tiegħu sabiex jiddetermina jekk jagħmilx parti, fid-dawl tal-kriterji oġġettivi stabbiliti minn din il-leġiżlazzjoni, minn kategorija ta’ bdiewa eskluża mill-iskema b’rata fissa. Min-naħa l-oħra, kategorija ta’ bdiewa, fis-sens tal-Artikolu 296(2) tad-Direttiva dwar il-VAT, ma tistax tiġi ddefinita b’riferiment għal kriterju li ma jippermettix lill-persuni kkonċernati jipproċedu b’tali analiżi individwali, mingħajr ma jiġu miksura r-rekwiżiti ta’ ċarezza u ta’ ċertezza tas-sitwazzjonijiet legali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">F’dan il-każ, dan huwa preċiżament il-każ ta’ kriterju ta’ esklużjoni mill-iskema b’rata fissa bbażat fuq il-kunċett ta’ ammont “sostanzjalment ogħla”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Minn dak kollu li ntqal hawn fuq jirriżulta li l-Artikolu 296(2) tad-Direttiva dwar il-VAT għandu jiġi interpretat fis-sens li l-bdiewa li fir-rigward tagħhom ġie kkonstatat li l-ammont li huma jirkupraw inkwantu msieħba fl-iskema b’rata fissa huwa sostanzjalment ogħla mill-ammont li jirkupraw kieku jkunu suġġetti għall-iskema normali jew għall-iskema ssemplifikata tal-VAT ma jistgħux jikkostitwixxu kategorija ta’ bdiewa fis-sens ta’ din id-dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija din il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-127" title="page-3">
      Għal dawn il-motivi, Il-Qorti tal-Ġustizzja (It-Tielet Awla) taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">L-Artikolu 296(2) tad-Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud, għandu jiġi interpretat fis-sens li huwa jipprevedi b’mod eżawrjenti l-każijiet kollha li fihom Stat Membru jista’ jeskludi bidwi mill-iskema komuni b’rata fissa tal-bdiewa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">L-Artikolu 296(2) tad-Direttiva 2006/112 għandu jiġi interpretat fis-sens li l-bdiewa li fir-rigward tagħhom ġie kkonstatat li l-ammont li huma jirkupraw inkwantu msieħba fl-iskema komuni b’rata fissa tal-bdiewa huwa sostanzjalment ogħla mill-ammont li jirkupraw kieku jkunu suġġetti għall-iskema normali jew għall-iskema ssemplifikata tat-taxxa fuq il-valur miżjud ma jistgħux jikkostitwixxu kategorija ta’ bdiewa fis-sens ta’ din id-dispożizzjoni.</p>
</td>
</tr>
</table>
    <p class="C77Signatures" id="para-130" title="page-3">
      Firem
    </p>
    <div/>
  <hr class="note"/>
<p class="note">(<span class="note">
<a id="t-1" href="#c-1">1</a>
</span>)* Lingwa tal-kawża: l-Ingliż.</p>
</body>
</html>
