1.   Measfar iarratais ar leasú ar leibhéal an Aontais ar shonraíocht táirge a fhormheas a bheith inghlactha má tíolacadh iad i gcomhréir le hAirteagal 53 de Rialachán (AE) Uimh. 1151/2012 agus gur seoladh chuig an gCoimisiún iad i gcomhréir le hAirteagal 12(1) de Rialachán Cur Chun Feidhme (AE) 668/2014 ón gCoimisiún (*1) agus go gcomhlíonann siad Airteagal 10 den Rialachán Cur Chun Feidhme sin.

Maidir le formheas a dhéanfaidh an Coimisiún ar iarratas ar leasú ar leibhéal an Aontais ar shonraíocht táirge a fhormheas, ní chumhdófar leis an bhformheas sin ach na leasuithe ar leibhéal an Aontais a leagtar amach san iarratas.

2.   Má mheasann an Coimisiún an t-iarratas a bheith neamh-inghlactha, déanfaidh sé údaráis an Bhallstáit nó an tríú tír lena mbaineann nó an t-iarratasóir atá bunaithe i dtríú tír, de réir mar a bheidh, a chur ar an eolas faoi na cúiseanna a bhfuil sé neamh-inghlactha.

1.   Chun críocha Airteagal 53 de Rialachán (AE) 1151/2012, i dtaca le hiarratais ar leasú caighdeánach ar shonraíocht táirge a fhormheas, cuirfear na hiarratais sin faoi bhráid údaráis an Bhallstáit arb ina chríoch atá limistéar geografach an táirge lena mbaineann. Murab é an grúpa iarrthach a thíolaic iarratas ar chosaint an ainm nó na n-ainmneacha dá dtagraítear sa tsonraíocht táirge agus an t-iarratasóir a thíolaic an t-iarratas ar leasú ar leibhéal an Aontais ar shonraíocht táirge a fhormheas, tabharfaidh an Ballstát deis don ghrúpa iarrthach sin a bharúil a thabhairt ar an iarratas, más ann fós don ghrúpa iarratais sin.

San iarratas ar leasú caighdeánach a fhormheas, tabharfar tuairisc ar na leasuithe caighdeánacha agus léireofar gurb incháilithe, mar leasuithe caighdeánacha i gcomhréir le hAirteagal 53(2) de Rialachán (AE) Uimh. 1151/2012, na leasuithe atáthar a mholadh. De breis air sin tabharfar achoimre ar na cúiseanna a bhfuil gá leis na leasuithe freisin.

2.   I gcás ina measfaidh an Ballstát gur comhlíonadh ceanglais Rialachán (AE) Uimh. 1151/2012 agus ceanglais na bhforálacha a glacadh de bhun an Rialacháin sin, féadfaidh sé an leasú caighdeánach a fhormheas. Cuimseofar sa chinneadh formheasa an tsonraíocht táirge chomhdhlúite arna leasú agus, i gcás inarb ábhartha, an doiciméad aonair comhdhlúite arna leasú nó cuimseofar ann an tagairt leictreonach don leagan foilsithe den tsonraíocht táirge chomhdhlúite agus, i gcás inarb ábhartha, doiciméad aonair.

Poibleofar an cinneadh formheasa. Beidh feidhm ag an leasú caighdeánach formheasta sa Bhallstát lena mbaineann ó dháta poiblithe an chinnidh formheasa. Seolfaidh an Ballstát aon leasuithe caighdeánacha formheasta chuig an gCoimisiún tráth nach déanaí ná 1 mhí amháin ó dháta poiblithe an chinnidh formheasa náisiúnta. Cuirfidh an Ballstát in iúl don Coimisiún, gan aon mhoill mhíchuí, aon bhreithiúnas náisiúnta críochnaitheach neamh-inachomhairc lena neamhnítear cinneadh lena bhformheastar leasú caighdeánach.

3.   Maidir le cinntí lena bhformheastar leasuithe caighdeánacha a bhaineann le táirgí de thionscnamh tríú tíortha, cuirfidh grúpa iarrthach a bhfuil leas dlisteanach aige na cinntí sin in iúl don Choimisiún, trí chumarsáid dhíreach nó trí údaráis an tríú tír lena mbaineann, tráth nach déanaí ná 1 mhí amháin ó dháta poiblithe an chinnidh ábhartha.

4.   Measfar cumarsáid i leith leasú caighdeánach formheasta chuig an gCoimisiún a bheith curtha i gcrích go cuí tráth a chomhlíonfaidh an chumarsáid sin Airteagal 10a de Rialachán Cur Chun Feidhme (AE) Uimh. 668/2014.

5.   I gcás ina mbeidh sé intuigthe as an leasú caighdeánach go leasaítear an doiciméad aonair dá bharr, foilseoidh an Coimisiún an tuairisc ar an leasú caighdeánach agus an doiciméad aonair arna leasú in Iris Oifigiúil an Aontais Eorpaigh, sraith C, laistigh de 3 mhí ón dáta a fhaightear an chumarsáid i leith an leasaithe chaighdeánaigh sin.

I gcás nach mbeidh sé intuigthe as an leasú caighdeánach go leasaítear an doiciméad aonair dá bharr, poibleoidh an Coimisiún an tuairisc ar an leasú caighdeánach, trí bhíthin na gcóras digiteach dá dtagraítear i bpointe in Airteagal 12(1), an chéad fhomhír, pointe (a), de Rialachán Cur Chun Feidhme (AE) 668/2014, laistigh de 3 mhí ón dáta a fhaightear an chumarsáid i leith an leasaithe chaighdeánaigh sin.

An t-údarás náisiúnta dá dtagraítear i míreanna 2 agus 3 nó an grúpa iarrthach dá dtagraítear i mír 3 agus a chuir leasú caighdeánach in iúl don Choimisiún, leanfaidh sé de bheith freagrach as inneachar an leasú chaighdeánaigh sin.

6.   Beidh feidhm ag leasuithe caighdeánacha i gcríoch an Aontais ón dáta a fhoilsítear iad de bhun mhír 5, an chéad fhomhír, nó a poiblíodh de bhun mhír 5, an dara fomhír.

7.   I gcás ina mbeidh níos mó ná aon Bhallstát amháin faoin limistéar geografach, cuirfidh gach Ballstát lena mbaineann an nós imeachta um leasuithe caighdeánacha i bhfeidhm ar leithligh. Ní bheidh feidhm ag an leasú caighdeánach i gcríoch na mBallstát lena mbaineann go dtí go dtiocfaidh an ceann deireanach de na cinntí formheasa náisiúnta i bhfeidhm. An Ballstát sin a bheidh ar an mBallstát deireanach a fhormheasfaidh an leasú caighdeánach, seolfaidh sé an chumarsáid ábhartha chuig an gCoimisiún tráth nach déanaí ná 1 mhí amháin ó dháta poiblithe an chinnidh formheasa.

Mura nglacfaidh ceann amháin nó níos mó de na Ballstáit lena mbaineann an cinneadh formheasa náisiúnta dá dtagraítear sa chéad fhomhír, féadfaidh aon cheann de na Ballstáit lena mbaineann an t-iarratas sin a thíolacadh faoin nós imeachta um leasú ar leibhéal an Aontais.

8.   Beidh feidhm ag mír 7 mutatis mutandis i gcás ina mbeidh cuid den limistéar geografach i gcríoch tríú tír.

1.   Maidir le leasú caighdeánach lenarb intuigthe leasú an doiciméid aonair, i gcás ina bhformheasfar leasú caighdeánach den chineál sin fad a bheidh iarratas ar fhormheas an Choimisiúin ar leasú ar leibhéal an Aontais ar feitheamh, déanfaidh an Ballstát lena mbaineann, dá réir sin, an doiciméad aonair a thabhairt cothrom le dáta, eadhon an doiciméad aonair atá ina chuid den iarratas ar leasú ar leibhéal an Aontais a fhormheas. I gcás inar foilsíodh an leasú ar leibhéal an Aontais atá ar feitheamh in Iris Oifigiúil an Aontais Eorpaigh, chun go bhféadfaí dul i bhfreasúra ina leith, foilseofar an leagan nuashonraithe den doiciméad aonair in Iris Oifigiúil an Aontais Eorpaigh, sraith L, mar iarscríbhinn a ghabhann leis an rialachán cur chun feidhme lena bhformheastar an leasú ar leibhéal an Aontais.

2.   I gcás, maidir leis an leagan leasaithe den doiciméad aonair atá ina chuid d’iarratas ar leasú caighdeánach arna fhormheas ar an leibhéal náisiúnta, nach gcuirtear san áireamh sa leagan leasaithe sin na leasuithe ar leibhéal an Aontais is déanaí a formheasadh, ní fhoilseofar an leasú caighdeánach sin in Iris Oifigiúil an Aontais Eorpaigh. An Ballstát a d’fhormheas an leasú caighdeánach sin, seolfaidh an Ballstát sin chuig an gCoimisiún an leagan comhdhlúite den doiciméad aonair arna leasú ag an Aontas agus ag na leasuithe caighdeánacha, chun go bhfoilseofar é in Iris Oifigiúil an Aontais Eorpaigh.

1.   Maidir le leasuithe sealadacha ar shonraíocht táirge, déanfaidh an Ballstát ar ina chríoch atá limistéar geografach an táirge lena mbaineann, déanfaidh sé na leasuithe sealadacha sin a fhormheas agus a phoibliú. Cuirfidh an Ballstát na leasuithe caighdeánacha, maille leis na cúiseanna atá i dtacaíocht leo, in iúl don Choimisiún tráth nach déanaí ná 1 mhí ó dháta poiblithe an chinnidh formheasa náisiúnta. Beidh feidhm ag leasú sealadach sa Bhallstát lena mbaineann ó dháta poiblithe an chinnidh lena bhformheastar an leasú.

2.   I gcás ina mbeidh níos mó ná aon Bhallstát amháin faoin limistéar geografach, cuirfidh gach ceann de na Ballstáit lena mbaineann an nós imeachta um leasuithe sealadacha dá dtagraítear i mír 1 i bhfeidhm ar leithligh.

3.   Maidir le leasuithe sealadacha a bhaineann le táirgí de thionscnamh tríú tíortha, déanfaidh grúpa iarrthach a bhfuil leas dlisteanach aige na leasuithe sealadacha sin a chur in iúl don Choimisiún, maille leis na cúiseanna atá i dtacaíocht leo, trí chumarsáid dhíreach leis an gCoimisiún nó trí údaráis an tríú tír sin, tráth nach déanaí ná 1 mhí amháin tar éis a bhformheasta.

4.   Measfar cumarsáid i leith leasú sealadach formheasta chuig an gCoimisiún a bheith curtha i gcrích go cuí tráth a chomhlíonfaidh an chumarsáid sin Airteagal 10b de Rialachán Cur Chun Feidhme (AE) Uimh. 668/2014.

5.   Poibleoidh an Coimisiún an chumarsáid i leith leasuithe sealadacha trí bhíthin na gcóras digiteach dá dtagraítear in Airteagal 12(1), an chéad fhomhír, pointe (a), de Rialachán Cur Chun Feidhme (AE) Uimh. 668/2014, laistigh de 3 mhí ón dáta a gheobhaidh sé an chumarsáid i leith leasú sealadach. Beidh feidhm ag leasú sealadach i gcríoch an Aontais ón dáta a phoibleoidh an Coimisiún é.

An t-údarás náisiúnta dá dtagraítear i mír 1 agus mír 3 nó an grúpa iarrthach dá dtagraítear i mír 3 agus a chuir leasú sealadach in iúl don Choimisiún, leanfaidh sé de bheith freagrach as inneachar an leasaithe shealadaigh.