(1)

It-Trattat li jistabbilixxi l-Komunità tat-Trasport (1) (“TKT”) ġie approvat f’isem l-Unjoni permezz tad-Deċiżjoni tal-Kunsill (UE) 2019/392 (2) u daħal fis-seħħ fl-1 ta’ Mejju 2019.

(2)

Skont l-Artikolu 35 tat-TKT, il-Kumitat tat-Tmexxija Reġjonali tal-Komunità tat-Trasport (il-“Kumitat tat-Tmexxija”) għandu jadotta l-baġit tal-Komunità tat-Trasport kull sena. L-Artikolu 35 tat-TKT jagħti wkoll is-setgħa lill-Kumitat tat-Tmexxija li jadotta deċiżjonijiet li jispeċifikaw il-proċedura għall-implimentazzjoni tal-baġit.

(3)

Il-Kumitat tat-Tmexxija għandu jadotta deċiżjoni dwar il-baġit tal-Komunità tat-Trasport għall-2026 waqt l-aħħar laqgħa tiegħu fl-2025.

(4)

Il-baġit propost tal-Komunità tat-Trasport għall-2026 huwa meħtieġ għall-funzjonament tajjeb tas-Segretarjat Permanenti u tal-korpi tal-Komunità tat-Trasport. Dan ikopri l-kostijiet tar-riżorsi umani, l-ivvjaġġar, it-tagħmir u s-software tal-IT, kif ukoll in-nefqa operazzjonali bħall-istudji, il-bini tal-kapaċitajiet, l-assistenza teknika u l-organizzazzjoni ta’ konferenzi u laqgħat.

(5)

Huwa xieraq li tiġi stabbilita l-pożizzjoni li għandha tittieħed f’isem l-Unjoni fi ħdan il-Kumitat tat-Tmexxija rigward id-deċiżjoni dwar l-adozzjoni tal-baġit tal-Komunità tat-Trasport għall-2026, peress li dik id-deċiżjoni ser tkun vinkolanti għall-Unjoni bis-saħħa tal-Artikolu 25(1) tat-TKT.

(6)

Għalhekk, jenħtieġ li l-pożizzjoni tal-Unjoni fil-Kumitat ta’ Tmexxija tkun ibbażata fuq l-abbozz ta’ deċiżjoni mehmuż,