<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-05-202505C120202501350-00-TRA-DOC-GA-ARRET-C-0135-25-202504834-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="ga-IE" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="18/06/2025 09:42:04" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="ga" name="Gendoc_LangCode"/>
    <meta content="ARR" name="TypeDoc"/>
    <meta content="1cJv4dbN0vkCBJTSzxtZ51CuZaG7Q6x/bvyVccbVF/xL9C/huxJWD0BLsnSmQSiM3gZj7zC6gcxI2dWQAFj35MehrR4g8cfjjzNLImgFxNLHidLXBq+UK2J8uz7w7XrxyeZpe7Cie4B1LVRJpkp8lHDNA/eaY5mtRij/4ku8syg=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="svc_wsgendoc" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="47fcb4e3-ca5c-40c5-80bf-defb67d8adae" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0135" name="NumeroOrdre"/>
    <meta content="2025" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="GA" name="Langue"/>
    <meta content="" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 01-06-25 12:05:46" name="Created"/>
    <meta content="" name="Canevas3_Vademecum"/>
    <meta content="2025-06-17T14:19:35Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="2ea8aa9968f549238bc082868048d2f4" name="DocumentIdentifier"/>
    <meta content="0135" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Breithiúnas an 20. 5. 2025 – Cás C‑135/25 PPU</div>
      <div id="rId21" style="default">Kachev</div>
    </div>
    <p class="C19Centre" id="para-1" title="page-1">
      BREITHIÚNAS NA CÚIRTE (an Tríú Dlísheomra)
    </p>
    <p class="C19Centre" id="para-2" title="page-1">
      20 Bealtaine 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      (Tarchur chun réamhrialú – Limistéar saoirse, slándála agus ceartais – Comhar breithiúnach in ábhair choiriúla – Treoir (AE) 2016/343 – Airteagal 8 – An ceart a bheith i láthair ag an triail – Faisnéis maidir leis an triail agus leis na hiarmhairtí a bhaineann le neamhláithriú – Dodhéantacht teacht ar an té atá cúisithe d’ainneoin iarrachtaí réasúnta na n‑údarás inniúil – Féidearthacht trialach agus cinnidh in absentia – Airteagal 9 – Ceart chun trialach nua, nó chun fála ar leigheas dlí comhionann a cheadódh d’imscrúdú nua ar thuillteanais an cháis – Imeachtaí breithiúnacha lena gceadaítear a chinneadh an bhfuil ceart chun trialach nua ann – Oibleagáid maidir le luas)
    </p>
    <p class="C02AlineaAltA" id="para-4" title="page-1">
      I gCás C‑135/25 PPU [Kachev]  (<span class="note footnote notemarker">
<a id="c-2" href="#t-2">i</a>
</span>),
    </p>
    <p class="C02AlineaAltA" id="para-5" title="page-1">
      IARRAIDH ar réamhrialú de bhun Airteagal 267 CFAE, ón Varhoven kasatsionen sad (an Chúirt Uachtarach um Achomharc Deiridh, an Bhulgáir), trí bhreith an 11 Feabhra 2025, a fuarthas ag an gCúirt an 12 Feabhra 2025, sna himeachtaí coiriúla i gcoinne
    </p>
    <p class="C02AlineaAltA" id="para-6" title="page-1">
      M. S. T.,
    </p>
    <p class="C02AlineaAltA" id="para-7" title="page-1">
      idiragraí:
    </p>
    <p class="C02AlineaAltA" id="para-8" title="page-1">
      Varhovna kasatsionna prokuratura na Republika Bulgaria,
    </p>
    <p class="C19Centre" id="para-9" title="page-1">
      tugann AN CHÚIRT (an Tríú Dlísheomra),
    </p>
    <p class="C02AlineaAltA" id="para-10" title="page-1">
      agus í comhdhéanta mar seo a leanas: C. Lycourgos (Rapóirtéir), Uachtarán an Dlísheomra, S. Rodin, N. Piçarra, O. Spineanu–Matei agus N. Fenger, Breithiúna,
    </p>
    <p class="C02AlineaAltA" id="para-11" title="page-1">
      Abhcóide Ginearálta: L. Medina,
    </p>
    <p class="C02AlineaAltA" id="para-12" title="page-1">
      Cláraitheoir: R. Stefanova-Kamisheva, Riarthóir,
    </p>
    <p class="C02AlineaAltA" id="para-13" title="page-1">
      ag féachaint don nós imeachta i scríbhinn agus i ndiaidh éisteacht an 3 Aibreán 2025,
    </p>
    <p class="C02AlineaAltA" id="para-14" title="page-1">
      tar éis breithniú a dhéanamh ar na barúlacha arna dtíolacadh thar ceann na bpáirtithe seo a leanas:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Varhovna kasatsionna prokuratura na Republika Bulgaria, ag N. Georgiev,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">an Coimisiún Eorpach, ag M. Wasmeier agus I. Zaloguin, i gcáil Gníomhairí,</p>
</td>
</tr>
</table>
    <p class="C02AlineaAltA" id="para-17" title="page-1">
      tar éis éisteacht le Tuairim an Abhcóide Ghinearálta ag éisteacht an 30 Aibreán 2025,
    </p>
    <p class="C02AlineaAltA" id="para-18" title="page-1">
      an Breithiúnas seo a leanas:
    </p>
    <p class="C75Debutdesmotifs" id="para-19" title="page-1">
      Breithiúnas
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Baineann an iarraidh ar réamhrialú le léiriú ar Airteagal 8(4) agus Airteagal 9 de Threoir (AE) 2016/343 ó Pharlaimint na hEorpa agus ón gComhairle an 9 Márta 2016 maidir le gnéithe áirithe de thoimhde na neamhchiontachta a neartú mar aon leis an gceart chun bheith i láthair ag an triail in imeachtaí coiriúla (IO 2016 L 65, lch. 1).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Rinneadh an iarraidh seo i gcomhthéacs iarratas ar athoscailt imeachtaí coiriúla, arna chur isteach ag M.S.T. tar éis a chiontaithe le príosúnacht ar feadh bliana toisc go ndearna sé tromghoid.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An dlí lena mbaineann</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí an Aontais</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Treoir 2016/343</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Foráiltear le haithrisí 33, 36 agus 38 de Threoir 2016/343 mar seo a leanas:</p>
</td>
</tr>
</table>
    <p class="C09Marge0avecretrait" id="para-26" title="page-1">
      ‘(33) Is ceann de phrionsabail bhunúsacha de shochaí dhaonlathach é an ceart chun triail chóir a fháil. Tá ceart daoine atá faoi dhrochamhras agus daoine atá cúisithe a bheith i láthair ag an triail bunaithe ar an gceart sin agus ba cheart é a áirithiú ar fud an Aontais.
    </p>
    <p class="C09Marge0avecretrait" id="para-27" title="page-1">
      [...]
    </p>
    <p class="C09Marge0avecretrait" id="para-28" title="page-2">
      (36) In imthosca áirithe, ba cheart go bhféadfaí cinneadh maidir le ciontacht nó neamhchiontacht duine atá faoi dhrochamhras nó atá cúisithe a thabhairt fiú mura bhfuil an duine lena mbaineann i láthair ag an triail. D’fhéadfadh sé sin a bheith amhlaidh i gcás ina gcuirfí an triail agus na hiarmhairtí a bhaineann le neamhláithriú in iúl don duine atá faoi dhrochamhras nó atá cúisithe in am trátha, agus nach dtagann sé in ainneoin sin. Ba cheart a thuiscint gurb ionann an duine atá faoi dhrochamhras nó duine atá cúisithe a chur ar an eolas faoin triail agus é a thoghairm go pearsanta nó, ar bhealaí eile, é a chur ar an eolas go hoifigiúil maidir le dáta agus áit na trialach ionas go gcuirfí ar a chumas teacht ar an eolas faoin triail. Ba cheart a thuiscint gurb ionann an duine atá faoi dhrochamhras nó an duine atá cúisithe a chur ar an eolas faoi na hiarmhairtí a bhaineann le neamhláithriú, go háirithe, agus an duine sin a chur ar an eolas go bhféadfaí cinneadh a dhéanamh mura dtiocfadh sé i láthair ag an triail.
    </p>
    <p class="C09Marge0avecretrait" id="para-29" title="page-2">
      [...]
    </p>
    <p class="C09Marge0avecretrait" id="para-30" title="page-2">
      (38) Agus breithniú á dhéanamh i dtaobh an leor an bealach ina gcuirtear an fhaisnéis ar fáil chun feasacht an duine ar an triail a áirithiú, ba cheart aird ar leith a thabhairt freisin, más iomchuí, ar thaobh amháin, ar an dícheall a dhéanann na húdaráis phoiblí chun an duine lena mbaineann a chur ar an eolas agus, ar an taobh eile, ar an dícheall a dhéanann an duine lena mbaineann chun faisnéis atá dírithe air a fháil.’<br/>[Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Foráiltear le hAirteagal 1 den Treoir sin, dar teideal ‘Ábhar’:</p>
</td>
</tr>
</table>
    <p class="C02AlineaAltA" id="para-32" title="page-2">
      ‘Bunaítear leis an Treoir seo rialacha íosta comhchoiteanna maidir leis an méid seo a leanas:
    </p>
    <p class="C09Marge0avecretrait" id="para-33" title="page-2">
      (a) gnéithe áirithe de thoimhde na neamhchiontachta in imeachtaí coiriúla;
    </p>
    <p class="C09Marge0avecretrait" id="para-34" title="page-2">
      (b) an ceart chun bheith i láthair le linn na trialach in imeachtaí coiriúla.’<br/>[Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Foráiltear le hAirteagal 8(2) agus (4) den Treoir sin, dar teideal ‘An ceart chun bheith i láthair ag an triail’:</p>
</td>
</tr>
</table>
    <p class="C02AlineaAltA" id="para-36" title="page-2">
      ‘2. Féadfaidh na Ballstáit foráil a dhéanamh ionas go bhféadfar triail a reáchtáil, ar triail a bhféadfadh cinneadh maidir le ciontacht nó neamhchiontacht an duine atá faoi dhrochamhras nó atá cúisithe a bheith mar thoradh léi, in éagmais an duine sin, ar choinníoll:
    </p>
    <p class="C09Marge0avecretrait" id="para-37" title="page-2">
      (a) go gcuirfí an triail agus na hiarmhairtí a bhaineann le neamhláithriú in iúl don duine atá faoi dhrochamhras nó atá cúisithe in am trátha; nó
    </p>
    <p class="C09Marge0avecretrait" id="para-38" title="page-3">
      (b) go ndéanfadh dlíodóir sainordaithe ionadaíocht thar ceann an duine atá faoi dhrochamhras nó atá cúisithe, tar éis dó a bheith curtha ar an eolas faoin triail, ar dlíodóir é a cheap an duine atá faoi dhrochamhras nó an duine atá cúisithe nó a cheap an Stát.
    </p>
    <p class="C09Marge0avecretrait" id="para-39" title="page-3">
      [...]
    </p>
    <p class="C02AlineaAltA" id="para-40" title="page-3">
      4. I gcás ina ndéanfaidh na Ballstáit foráil maidir leis an bhféidearthacht trialacha a reáchtáil in éagmais an duine atá faoi dhrochamhras nó atá cúisithe ach gan na coinníollacha a leagtar síos i mír 2 den Airteagal seo a bheith á gcomhlíonadh toisc nach féidir an duine atá faoi dhrochamhras nó atá cúisithe a aimsiú d’ainneoin iarrachtaí réasúnacha a bheith déanta, féadfaidh na Ballstáit foráil a dhéanamh go bhféadfar cinneadh a dhéanamh agus a fhorfheidhmiú ina dhiaidh sin féin. Sa chás sin, áiritheoidh na Ballstáit, nuair a chuirfear duine atá faoi dhrochamhras nó atá cúisithe ar an eolas faoin gcinneadh, go háirithe nuair a ghabhfar é, go gcuirfear ar an eolas é freisin faoin bhféidearthacht agóid a dhéanamh i gcoinne an chinnidh sin agus faoin gceart chun trialach nua nó chun leighis dlí eile, i gcomhréir le hAirteagal 9.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Foráiltear le hAirteagal 9 den Treoir sin, dar teideal ‘Ceart chun trialach nua’:</p>
</td>
</tr>
</table>
    <p class="C02AlineaAltA" id="para-42" title="page-3">
      ‘Áiritheoidh na Ballstáit go mbeidh an ceart ag daoine atá faoi dhrochamhras nó atá cúisithe, sa chás nach raibh siad i láthair ag a dtriail agus nach gcomhlíontar na coinníollacha a leagtar síos in Airteagal 8(2), chun trialach nua nó chun leighis dlí eile faoinar féidir substaint an cháis a bhreithniú as an nua agus fianaise nua a scrúdú mar chuid de agus ar féidir go ndéanfaí an cinneadh bunaidh a fhreaschur dá bharr. I ndáil leis sin, áiritheoidh na Ballstáit go mbeidh sé de cheart ag na daoine sin atá faoi dhrochamhras nó atá cúisithe chun bheith i láthair, chun bheith rannpháirteach go héifeachtach, i gcomhréir leis na nósanna imeachta faoin dlí náisiúnta, agus cearta na cosanta a fheidhmiú.’<br/>[Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Rialachán (AE) 2018/1862</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Foráiltear le hAirteagal 34(1)(b) agus (c) de Rialachán (AE) 2018/1862 ó Pharlaimint na hEorpa agus ón gComhairle an 28 Samhain 2018 maidir le Córas Faisnéise Schengen (SIS) a bhunú, a oibriú agus a úsáid i réimse an chomhair póilíneachta agus an chomhair bhreithiúnaigh in ábhair choiriúla, lena leasaítear agus lena n‑aisghairtear Cinneadh 2007/533/CGB ón gComhairle agus lena n‑aisghairtear Rialachán (CE) Uimh. 1986/2006 ó Pharlaimint na hEorpa agus ón gComhairle agus Cinneadh 2010/261/AE ón gCoimisiún (IO 2018 L 312, lch. 56):</p>
</td>
</tr>
</table>
    <p class="C02AlineaAltA" id="para-45" title="page-3">
      ‘Chun áit chónaithe nó sainchónaithe daoine a chur in iúl, déanfaidh na Ballstáit, arna iarraidh sin d’údarás inniúil, foláirimh a iontráil i [gCóras Faisnéise Schengen (SIS)] maidir leis an méid seo a leanas:
    </p>
    <p class="C02AlineaAltA" id="para-46" title="page-3">
      [...]
    </p>
    <p class="C09Marge0avecretrait" id="para-47" title="page-4">
      (b) daoine a thoghairtear nó daoine atá á lorg chun láithriú os comhair na n‑údarás breithiúnach i dtaca le himeachtaí coiriúla chun go dtabharfaidís cuntas faoi ghníomhartha a bhfuil siad á n‑ionchúiseamh ina leith;
    </p>
    <p class="C09Marge0avecretrait" id="para-48" title="page-4">
      (c) daoine a bhfuil breithiúnas coiriúil, nó doiciméid eile a bhaineann le himeachtaí coiriúla, le seirbheáil orthu chun go dtabharfaidís cuntas faoi ghníomhartha a bhfuil siad á n‑ionchúiseamh ina leith’.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí na Bulgáire</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Foráiltear le pointe 3 d’Airteagal 219(3) den Nakazatelno-protsesualen kodeks (Cód um Nós Imeachta Coiriúil, DV Uimh. 86 an 28 Deireadh Fómhair 2005), sa leagan is infheidhme maidir leis na príomhimeachtaí (‘NPK’):</p>
</td>
</tr>
</table>
    <p class="C02AlineaAltA" id="para-51" title="page-4">
      ‘Ní mór a shonrú [...] san ordú díotála [...] na fíorais ar a gcúisítear [an duine lena mbaineann] agus aicmiú dlíthiúil na bhfíoras sin.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Foráiltear le hAirteagal 247c(1) de NPK:</p>
</td>
</tr>
</table>
    <p class="C02AlineaAltA" id="para-53" title="page-4">
      ‘Tabharfar cóip den díotáil don duine atá cúisithe ar ordú ón mbreitheamh is rapóirtéir. Cuirfidh seirbheáil na díotála in iúl don duine atá cúisithe an dáta atá socraithe don réamhéisteacht [...] agus go bhféadfar an cás dul ar aghaidh agus cinneadh a dhéanamh in éagmais an duine sin, faoi na coinníollacha atá leagtha síos in Airteagal 269.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">De bhun Airteagal 269 de NPK:</p>
</td>
</tr>
</table>
    <p class="C02AlineaAltA" id="para-55" title="page-4">
      ‘1. Ní mór don duine atá cúisithe a bheith i láthair ag an triail i gcás ina líomhnaítear go ndearna sé cion coiriúil tromchúiseach.
    </p>
    <p class="C02AlineaAltA" id="para-56" title="page-4">
      [...]
    </p>
    <p class="C02AlineaAltA" id="para-57" title="page-4">
      3. Ar choinníoll nach gcuirfidh sé sin cosc ar an bhfírinne a fháil amach go hoibiachtúil, féadfar an cás a thriail in éagmais an duine atá cúisithe, más rud é:
    </p>
    <p class="C09Marge0avecretrait" id="para-58" title="page-4">
      (1) nach bhfuil sé ag an seoladh a cuireadh in iúl ná gur athraigh sé an seoladh sin gan na húdaráis inniúla a chur ar an eolas faoi;
    </p>
    <p class="C09Marge0avecretrait" id="para-59" title="page-4">
      (2) nach bhfuil a áit chónaithe sa Bhulgáir ar eolas ag na húdaráis agus níor thángthas air tar éis cuardach fairsing a dhéanamh;
    </p>
    <p class="C09Marge0avecretrait" id="para-60" title="page-4">
      [...]
    </p>
    <p class="C09Marge0avecretrait" id="para-61" title="page-4">
      (4) go bhfuil sé lasmuigh de chríoch na Bulgáire agus [...] ní fios a áit chónaithe [...].’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">De réir Airteagal 423(1) de NPK:</p>
</td>
</tr>
</table>
    <p class="C02AlineaAltA" id="para-63" title="page-5">
      ‘Laistigh de 6 mhí tar éis dó a bheith curtha ar an eolas faoin gciontú coiriúil deiridh [...], féadfaidh an duine a ciontaíodh in absentia a iarraidh go n‑athosclófar [na himeachtaí] coiriúla ar fhoras a neamhláithreachta ó [na himeachtaí sin]. Ceadófar an t‑iarratas murab ea nár éalaigh an duine ciontaithe, tar éis na cúisimh a bheith curtha in iúl le linn an fhiosrúcháin, agus é mar thoradh air sin nach bhféadfaí an nós imeachta dá bhforáiltear in Airteagal 247c(1) a chur i gcrích nó, tar éis na himeachtaí sin a chur i gcrích, nach raibh sé i láthair ag an éisteacht gan aon chúis bhailí.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Na príomhimeachtaí agus na ceisteanna a tharchuirtear le haghaidh réamhrialú</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">An 5 Feabhra 2024, tugadh fógra do M.S.T. agus dá dhlíodóir arna cheapadh ag an Stát faoi dhíotáil, arna tharraingt suas i gcomhréir le hAirteagal 219 de NPK (‘an réamhdhíotáil’), maidir le tromghadaíocht a líomhnaítear a rinneadh i mí Dheireadh Fómhair 2023. Leis an réamhdhíotáil, ceanglaíodh ar M.S.T. clár arna choinneáil ag na húdaráis phóilíneachta ina áit chónaithe a shíniú go tréimhsiúil. Thairis sin, chuir an díotáil sin in iúl dó nár cheart dó an áit sin a fhágáil agus go gceanglófaí air tuairisciú do na húdaráis dá gcuirfí toghairm air.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Le linn chéim an imscrúdaithe, cuireadh M.S.T. faoi agallamh agus thug sé seoladh a bhféadfadh na húdaráis dul i dteagmháil leis. Dúirt sé freisin gur cuireadh in iúl dó an oibleagáid na costais a bhaineann le ceapadh an dlíodóra arna cheapadh ag an Stát a íoc, i gcás ciontú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">An 28 Feabhra 2024, d’eisigh an t‑ionchúisitheoir poiblí díotáil i gcoinne M.S.T., de bhun Airteagal 246 de NPK, agus thug sé caingean os comhair an Rayonen sad Montana (Cúirt Dúiche Montana, an Bhulgáir). Bhí an cúiseamh dá dtagraítear sa doiciméad sin ag freagairt, de jure agus de facto, don chúiseamh atá sa réamhdhíotáil a tugadh dó le linn chéim an imscrúdaithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Sheol an Rayonen sad Montana (Cúirt Dúiche Montana) fógra maidir le dáta agus áit na trialach chuig an seoladh a thug M.S.T. le linn na céime réamhthrialach. Mar sin féin, cuireadh an fógra sin ar ais chuig an gcúirt sin, mar aon le léiriú ón oifigeach inniúil gur léir ón bhfaisnéis a chuir a gharghaolta ar fáil go raibh M.S.T. ag obair sa Ghearmáin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Ina dhiaidh sin, d’iarr an chúirt sin M.S.T. a thoghairm go pearsanta, go háirithe trína ordú go gcuirfí toghairm air ar an teileafón trí uimhir a thug sé, trí sheiceáil a dhéanamh ar a ghluaiseachtaí trasteorann agus trí ordú a thabhairt do na póilíní é a chuardach. Mar sin féin, níor éirigh leis an taighde sin, toisc gur thug an fhaisnéis a bailíodh le fios gur fhág M.S.T. an Bhulgáir an 16 Feabhra 2024.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Scrúdaigh an Rayonen sad Montana (Cúirt Dúiche Montana) an díotáil a eisíodh i gcoinne M.S.T. nuair a bhí sé as láthair. Ghlac an dlíodóir arna cheapadh ag an Stát a thug cúnamh do M.S.T. ag an gcéim réamhthrialach páirt sna himeachtaí os comhair na cúirte sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">An 8 Bealtaine 2024, ghearr an chúirt sin pianbhreith príosúnachta bliana ar M.S.T. in absentia. Tháinig an breithiúnas sin chun bheith críochnaitheach an 24 Bealtaine 2024 agus thosaigh M.S.T. ar a phianbhreith a chur isteach an 16 Meitheamh 2024.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Rinne M.S.T. iarratas os comhair an Varhoven kasatsionen sad (an Chúirt Uachtarach um Achomharc Deiridh, an Bhulgáir), an chúirt a rinne an tarchur, chun na himeachtaí coiriúla as ar eascair a chiontú in absentia a athoscailt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Sonraíonn an chúirt sin go léiríonn sí go comhsheasmhach Airteagal 423(1) de NPK mar ní a chiallaíonn nach bhfuil duine a ciontaíodh in absentia i dteideal triail nua i gcás ina bhfuil na céimeanna nós imeachta is gá glactha ag an gcúirt a thug an phianbhreith chun dáta agus áit a thrialach a chur in iúl dó in am trátha, ach gur éalaigh an duine sin tar éis dó réamhdhíotáil a fháil ina choinne le linn chéim an imscrúdaithe, nár athraíodh an cúiseamh i gcoinne an duine sin go substaintiúil ó shin, de jure agus de facto, agus go ndearna dlíodóir arna cheapadh ag an Stát ionadaíocht ar an duine céanna ó shin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Ós rud é go measann sí nár cheart go mbeadh duine faoi phianbhreith in ann brath ar mhainneachtain láithriú a eascraíonn as a iompar neamhdhleathach, measann an chúirt a rinne an tarchur nár cheart go mbeadh an ceart chun trialach nua ag duine a d’éalaigh, a sháraigh ordú coinneála nó a d’fhág go neamhdhleathach an seoladh a thug sé do na húdaráis. Baineann an chúirt sin de thátal as an réasúnaíocht sin go bhfuil reachtaíocht na Bulgáire, arna léiriú aici, i gcomhréir le dlí an Aontais agus, go háirithe, le hAirteagal 8(4) agus le hAirteagal 9 de Threoir 2016/343.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Mar sin féin, tá amhras ar an gcúirt a rinne an tarchur maidir le comhoiriúnacht an léirithe sin ar an reachtaíocht náisiúnta le léiriú Airteagail 8 agus 9 den Treoir sin a ghlac an Chúirt i mbreithiúnais an 19 Bealtaine 2022, Spetsializirana prokuratura (Cúisí éalaitheach a thriail) (C‑569/20, EU:C:2022:401), agus an 16 Eanáir 2025, Stangalov (C‑644/23, EU:C:2025:16). Fiafraíonn sí, go háirithe, an féidir a mheas gurb ionann seachadadh réamhdhíotála agus eolas, ar thaobh an duine lena mbaineann an díotáil sin, go seolfar triail ina choinne agus ar na hiarmhairtí dlíthiúla a bhaineann lena éalú sula dtarchuirfear é chuig cúirt trialach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Sna himthosca sin, chinn an Varhoven kasatsionen sad (an Chúirt Uachtarach um Achomharc Deiridh) bac a chur ar na himeachtaí agus na ceisteanna seo a leanas a tharchur chuig an gCúirt Bhreithiúnais le haghaidh réamhrialú:</p>
</td>
</tr>
</table>
    <p class="C09Marge0avecretrait" id="para-77" title="page-7">
      ‘1) An gceadaítear le ceanglais reachtacha dhlí [an Aontais], arna leagan síos le hAirteagal 9 agus le hAirteagal 8(4) de [Threoir 2016/343], reachtaíocht náisiúnta amhail an dara habairt d’Airteagal 423(1) de [NPK], lena gcuirtear as an áireamh athoscailt imeachtaí coiriúla agus lena ndiúltaítear do cheart dhuine arna chiontú in absentia chun triail nua a fháil, i gcás inar éalaigh an duine sin tar éis thionscnamh na réamhdhíotála i bpearsa le linn an imscrúdaithe réamhthrialach agus, mar thoradh ar an éalú sin, nach féidir leis an gcúirt dáta agus áit na trialach a chur in iúl dó, nó na hiarmhairtí a bheadh ann mura dtiocfadh sé os comhair na cúirte, is é sin, gur féidir an cás a éisteacht agus a chinneadh gan an duine sin a bheith i láthair?
    </p>
    <p class="C09Marge0avecretrait" id="para-78" title="page-7">
      2) Más freagra dearfach a thabharfar ar Cheist 1: An gceadaítear don chúirt náisiúnta, i gcomhréir le prionsabal an chomhionannais agus prionsabal na héifeachtachta, a rialú nach bhfuil duine arna chiontú in absentia i dteideal triail nua a fháil i gcás:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ina bhfuil gach iarracht réasúnta déanta ag an gcúirt é a chur ar an eolas faoin triail, agus cé gur cuireadh ar an eolas go hoifigiúil é faoin líomhain go ndearna sé cion coiriúil agus, dá bhrí sin, go raibh a fhios aige go raibh triail le reáchtáil ina choinne, mar sin féin, gur staon sé d’aon ghnó ó fhaisnéis a fháil go hoifigiúil maidir le dáta agus áit na trialach trí éalú ón seoladh inar beartaíodh go gcuirfeadh sé beart réamhchúraim a ordaíodh ina coinne i gcrích le linn an imscrúdaithe réamhthrialach, is e sin, an braighdeanas baile;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ina seoltar an bille díotála arna tharraingt suas i gcomhréir le hAirteagal 246 de NPK agus an doiciméad ina léirítear dáta agus áit na trialach sceidealta chuig an seoladh arna chur in iúl ag an duine ciontaithe do na húdaráis imscrúdúcháin agus ina ndéantar é a sheachadadh iarbhír tar éis na réamhdhíotála dá dtagraítear in Airteagal 219 de NPK a fháil, agus an cúiseamh, de réir na díotála, ag freagairt do na fíorais ab ábhar don chúiseamh san imscrúdú réamhthrialach agus dá n‑aicmiú dlíthiúil [, agus]</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ina ndearna dlíodóir arna cheapadh ag an Stát ionadaíocht ar an duine faoi phianbhreith in absentia le linn na trialach?’</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An iarraidh ar an nós imeachta práinne um réamhrialú a chur i bhfeidhm</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">D’iarr an chúirt a rinne an tarchur go ndéileálfar leis an tarchur chun réamhrialú seo faoin nós imeachta práinne dá bhforáiltear sa chéad fhomhír d’Airteagal 23a de Reacht Chúirt Bhreithiúnais an Aontais Eorpaigh agus in Airteagal 107 de Rialacha Nós Imeachta na Cúirte Breithiúnais.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Mar thaca leis an iarraidh sin, tugann an chúirt sin faoi deara go bhfuil an phianbhreith phríosúnachta a forchuireadh air in absentia á cur isteach ag M.S.T. agus go bhféadfadh sí a ordú go scaoilfí saor é i gcás athoscailt na n‑imeachtaí coiriúla as ar eascair forchur na pianbhreithe sin. Sonraíonn sí freisin go bhféadfadh socrú coiriúil a bheith mar thoradh ar imeachtaí coiriúla nua, ina bhféadfadh M.S.T. a bheith faoi réir pionós níos ísle ná an t‑íosmhéid dlíthiúil a chuirtear i bhfeidhm i gcás tromghoid.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">I ndáil leis sin, ba cheart a thabhairt faoi deara, ar an gcéad dul síos, go mbaineann an tarchur chun réamhrialú seo le léiriú ar Threoir 2016/343, a thagann faoi Theideal V de Chuid a Trí de CFAE, maidir leis an limistéar saoirse, slándála agus ceartais. Dá bhrí sin, is féidir déileáil leis an tarchur faoin nós imeachta práinne um réamhrialú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Ar an dara dul síos, maidir leis an gcritéar a bhaineann le práinn, is léir ó chásdlí socair na Cúirte go gcomhlíontar an critéar sin i gcás, tráth a dhéantar an iarraidh ar réamhrialú, go bhfuil an duine lena mbaineann sa díospóid sna príomhimeachtaí gan saoirse agus go mbraitheann a choimeád ar thoradh na díospóide sin (breithiúnas an 24 Iúil 2023, Lin, C‑107/23 PPU, EU:C:2023:606, mír 52 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Sa chás seo, is léir ón bhfaisnéis a chuir an chúirt a rinne an tarchur ar fáil go mbaintear a shaoirse de M.S.T., go bhféadfadh sé a bheith mar thoradh ar athoscailt na n‑imeachtaí coiriúla as ar eascair a chiontú in absentia go scaoilfí saor é ar feitheamh trialach nua agus go bhféachann na ceisteanna a tharchuirtear lena chinneadh an gá athoscailt den sórt sin a ordú sna príomhimeachtaí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">San himthosca sin, agus Airteagal 108(1) de na Rialacha Nós Imeachta á chur i bhfeidhm, chinn an Tríú Dlísheomra den Chúirt, an 26 Feabhra 2025, ar thogra ón mBreitheamh is Rapóirtéir, tar éis éisteacht leis an Abhcóide Ginearálta, géilleadh don iarratas ón gcúirt a rinne an tarchur chun an tarchur chun réamhrialú seo a chur faoi réir an nós imeachta práinne um réamhrialú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Na ceisteanna le haghaidh réamhrialú</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Lena dhá cheist, ar iomchuí iad a scrúdú le chéile, fiafraíonn an chúirt a rinne an tarchur, go bunúsach, an bhfuil Airteagail 8 agus 9 de Threoir 2016/343 le léiriú sa chaoi go gcuirtear cosc leo, de bhun na reachtaíochta náisiúnta maidir le cosantóirí a d’éalaigh, ar an gceart chun trialach nua a dhiúltú do dhuine a ciontaíodh in absentia a rinne iarratas chun na críche sin i gcás:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ar an gcéad dul síos, go ndearna na húdaráis inniúla iarrachtaí an duine sin a chur ar an eolas maidir le dáta agus áit a thrialach le linn dó éalú, de shárú ar ordú coinneála a forchuireadh air, tar éis réamhdhíotáil a fháil;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ar an dara dul síos, go ndearnadh an díotáil agus doiciméad inar luadh dáta agus áit na trialach sin a chur chuige agus a sheachadadh i ndairíre chuig an seoladh a thug sé do na húdaráis sin tar éis an réamhdhíotáil a fháil, a bhfuil a n‑ábhar, maidir leis na gníomhartha a ndearnadh gearán ina leith agus a n‑aicmiú dlíthiúil, comhfhreagrach le hábhar na díotála, agus</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ar an tríú dul síos, ina ndearna dlíodóir arna cheapadh ag an Stát ionadaíocht ar an duine sin in absentia le linn na trialach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Ba cheart a mheabhrú go bhfuil sé mar chuspóir ag Treoir 2016/343, i gcomhréir le hAirteagal 1 di, rialacha íosta comhchoiteanna a bhunú maidir le gnéithe áirithe d’imeachtaí coiriúla, lena n‑áirítear ‘an ceart a bheith i láthair ag an triail’. Mar a dhearbhaítear go sainráite le haithris 33 den Treoir sin, is dlúthchuid den cheart bunúsach chun triail chóir a fháil é an ceart sin (breithiúnais an 19 Bealtaine 2022, Spetsializirana prokuratura (Cúisí éalaitheach a thriail), C‑569/20, EU:C:2022:401, mír 25, agus an 16 Eanáir 2025, Stangalov, C‑644/23, EU:C:2025:16, mír 34).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Mar sin féin, féadfaidh na Ballstáit, i gcomhréir le hAirteagal 8 de Threoir 2016/343, foráil a dhéanamh, faoi choinníollacha áirithe, chun triail in absentia a reáchtáil, agus é le tuiscint, i gcás ina ndéantar triail den sórt sin cé nach gcomhlíontar na coinníollacha a leagtar síos in Airteagal 8(2) den Treoir sin, go bhfuil an ceart ag an duine lena mbaineann, faoi Airteagal 8(4) agus Airteagal 9 den Treoir sin, a bhfuil éifeacht dhíreach acu, chun ‘triail nua nó leigheas dlí eile a fháil, lena gceadaítear measúnú nua ar thuillteanais an cháis [...] agus lena bhféadfaí an cinneadh bunaidh a fhreaschur’ (‘an ceart chun trialach nua’) (féach, chuige sin, breithiúnais an 19 Bealtaine 2022, Spetsializirana prokuratura (Cúisí éalaitheach a thriail), C‑569/20, EU:C:2022:401, míreanna 26 go 28 agus an 16 Eanáir 2025, Stangalov, C‑644/23, EU:C:2025:16, mír 35).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Dá bhrí sin, ní fhéadfar an ceart chun trialach nua a bhaint de dhuine a chiontaítear in absentia ach amháin má chomhlíontar na coinníollacha a leagtar síos in Airteagal 8(2) de Threoir 2016/343 (breithiúnais an 19 Bealtaine 2022, Spetsializirana prokuratura (Cúisí éalaitheach a thriail), C‑569/20, EU:C:2022:401, mír 31, agus an 16 Eanáir 2025, Stangalov, C‑644/23, EU:C:2025:16, mír 36).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">I ndáil leis sin, ba cheart a thabhairt faoi deara go bhfuil pointí (a) agus (b) d’Airteagal 8(2) infheidhme mar mhalairt air sin agus go leagtar amach iontu araon dhá choinníoll charnacha, agus go gceanglaítear leis an gcéad cheann acu go gcuirfí an duine lena mbaineann ar an eolas faoin triail.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Mar is léir ó aithris 38 den Treoir sin, is gá, chun cinneadh a dhéanamh an gcomhlíontar an coinníoll sin, aird ar leith a thabhairt, ar an gcéad dul síos, ar an dícheall a léirigh na húdaráis phoiblí maidir leis an duine a ciontaíodh in abstentia a chur ar an eolas faoin triail agus, ar an dara dul síos, ar an dícheall a léirigh an duine sin agus an fhaisnéis a bhaineann leis sin á fáil aige. Dá bhrí sin, tá sé ábhartha, agus measúnú á dhéanamh ar an gcoinníoll céanna, má tá fianaise bheacht agus oibiachtúil ann go n‑áirithíonn an duine sin, agus é curtha ar an eolas go hoifigiúil go líomhnaítear bhfuil cion coiriúil déanta aige agus, dá bhrí sin, go bhfuil a fhios aige go n‑eagrófaí triail ina choinne, d’aon ghnó nach bhfaigheann sé faisnéis go hoifigiúil maidir le dáta agus áit na trialach sin. Féadfar a shuíomh gurb ann d’fhianaise bheacht oibiachtúil den sórt sin, mar shampla, i gcás inar chuir an duine céanna seoladh mícheart in iúl d’aon ghnó do na húdaráis inniúla nó nach bhfuil sé ag an seoladh a chuir sé in iúl a thuilleadh (féach, chuige sin, breithiúnais an 19 Bealtaine 2022, Spetsializirana prokuratura (Cúisí éalaitheach a thriail), C‑569/20, EU:C:2022:401, míreanna 48 go 50, agus an 16 Eanáir 2025, Stangalov, C‑644/23, EU:C:2025:16, mír 38).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Go háirithe, féadfar a mheas go raibh faisnéis leordhóthanach ag duine a ciontaíodh in absentia chun a mheas go raibh triail le heagrú ina choinne i gcás ina bhfuair sé réamhdhíotáil a bhí comhfhreagrach, maidir leis na gníomhartha a ndearnadh gearán ina leith agus a n‑aicmiú dlíthiúil, le hábhar na díotála deiridh a tarraingíodh suas go críochnaitheach ina choinne (féach, chuige sin, breithiúnas an 16 Eanáir 2025, Stangalov, C‑644/23, EU:C:2025:16, mír 39).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Leanann sé ón méid sin, i gcás duine a d’éalaigh tar éis dó réamhdhíotáil den chineál sin a fháil, go bhfuil cead ag na Ballstáit a mheas gurb ionann seoladh, in am trátha, ag na húdaráis inniúla, an doiciméid oifigiúil lena léirítear dáta agus áit na trialach chuig an seoladh a chuir an duine sin in iúl do na húdaráis sin le linn imscrúdú an cháis, chomh maith leis an gcruthúnas gur eisíodh an doiciméad sin chuig an seoladh sin, agus an duine sin a chur ar an eolas maidir leis an dáta sin agus leis an áit sin, de réir bhrí Airteagal 8(2) de Threoir 2016/343. Mar sin féin, ní féidir a leithéid sin a dhéanamh ach amháin ar choinníoll go bhfuil iarrachtaí réasúnacha déanta ag na húdaráis sin an duine céanna a aimsiú agus a thoghairm go pearsanta nó é a chur ar an eolas go hoifigiúil, ar bhealaí eile, faoi dháta agus áit na trialach sin, mar a fhoráiltear in aithris 36 den Treoir sin. Sa chás sin, meastar gur cuireadh an duine lena mbaineann ar an eolas faoin triail (féach, chuige sin, breithiúnais an 19 Bealtaine 2022, Spetsializirana prokuratura (Cúisí éalaitheach a thriail), C‑569/20, EU:C:2022:401, mír 48, agus an 16 Eanáir 2025, Stangalov, C‑644/23, EU:C:2025:16, mír 42).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Féadfar an dara coinníoll is gá chun an ceart chun trialach nua a bhaint den duine a ciontaíodh in absentia a chomhlíonadh, i gcomhréir le hAirteagal 8(2)(a) agus (4) de Threoir 2016/343, más rud é gur cuireadh an duine sin ar an eolas, in am trátha, faoi na hiarmhairtí a bhaineann le neamhláithreacht ag an triail nó, de bhun Airteagal 8(2)(b) agus (4) den Treoir sin, má rinne dlíodóir údaraithe, arna cheapadh aige féin nó ag an Stát, ionadaíocht thar ceann an duine sin ag a thriail.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">I ndáil leis sin, ní mór a chur in iúl, cé gur féidir an fhaisnéis maidir leis na hiarmhairtí a bhaineann le mainneachtain teacht i láthair a chur in iúl don duine lena mbaineann nuair a chuirtear toghairm air freastal ar an triail, nach féidir a chur as an áireamh go bhféadfadh sé a bheith curtha in iúl dó cheana féin le linn réamhchéim de na himeachtaí coiriúla. D’fhéadfadh sé sin a bheith amhlaidh, go háirithe, más rud é, le linn chéim an imscrúdaithe, go gcuirtear in iúl go soiléir do dhuine a ndéantar réamhdhíotáil ina choinne go n‑eagrófaí triail ina éagmais dá n‑éalódh sé ó na húdaráis inniúla, mar shampla trí shárú a dhéanamh ar na bearta slándála a forchuireadh air nó toisc nach féidir teagmháil a dhéanamh leis a thuilleadh ag an seoladh a thugtar do na húdaráis sin (féach, chuige sin, breithiúnas an 16 Eanáir 2025, Stangalov, C‑644/23, EU:C:2025:16, mír 51).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Os a choinne sin, in éagmais na faisnéise maidir leis na hiarmhairtí a bhaineann le neamhláithreacht ag an triail a chur in iúl go héifeachtach don duine lena mbaineann, in am trátha, i gcomhréir le nósanna imeachta lenar féidir a áirithiú gur cuireadh an fhaisnéis sin ar fáil agus go bhfuair an duine sin í, ní féidir a mheas gur comhlíonadh an dara coinníoll a leagtar síos in Airteagal 8(2)(a) de Threoir 2016/343. Dá bhrí sin, ní féidir a mheas go díreach, in imthosca ar bith, go bhfuair an duine sin an fhaisnéis sin, fiú i gcás inar éalaigh sé roimh an gcéim den nós imeachta ag ar cheart an fhaisnéis chéanna sin a tharchur chuige de ghnáth i gcomhréir leis na rialacha náisiúnta is infheidhme. Cé go bhféadfadh eolas ar a dhíotáil a chur ar chumas an duine atá faoi dhrochamhras nó atá cúisithe fios a bheith aige gur dócha go n‑eagrófar triail ina choinne, ní chuireann an t‑eolas sin amháin ar a chumas na hiarmhairtí a bhaineann le mainneachtain láithrithe ag an triail sin a ghabháil.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Ina theannta sin, maidir le hionadaíocht dlíodóra údaraithe, ní mór a shonrú go gceanglaítear le ‘[h]údarás chun gníomhú’, de réir bhrí Airteagal 8(2)(b) de Threoir 2016/343, gur iarr an duine lena mbaineann ar dhlíodóir, agus ar dhlíodóir arna cheapadh ag an Stát i gcás inarb iomchuí, ionadaíocht a dhéanamh air ina thriail in absentia (féach, chuige sin, breithiúnas an 19 Bealtaine 2022, Spetsializirana prokuratura (Cúisí éalaitheach a thriail), C‑569/20, EU:C:2022:401, mír 56).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Is léir ón méid sin, i gcás nár cuireadh in iúl don duine lena mbaineann, in am trátha, go raibh a thriail ar siúl nó i gcás, cé gur cuireadh in iúl dó go raibh an triail ar siúl nó cé go meastar gur cuireadh an méid sin in iúl dó, nár cuireadh an duine sin ar an eolas faoi na hiarmhairtí a bhaineann le neamhláithriú nó nach ndearna dlíodóir a ceapadh chun freastal ar an triail sin ionadaíocht air, tá sé de cheart ag an duine sin, i bprionsabal, ón uair a tháinig sé ar an eolas faoin gcinneadh a tugadh in absentia, triail nua a fháil (féach, chuige sin, breithiúnais an 19 Bealtaine 2022, Spetsializirana prokuratura (Cúisí éalaitheach a thriail), C‑569/20, EU:C:2022:401, mír 31, agus an 16 Eanáir 2025, Stangalov, C‑644/23, EU:C:2025:16, mír 37).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Sa chás seo, is léir ón iarraidh ar réamhrialú go measann an chúirt a rinne an tarchur go dtugann an fíoras gur éalaigh an duine a ciontaíodh in absentia tar éis réamhdhíotáil a fháil údar, ann féin, leis an gceart chun trialach nua dá bhforáiltear leis an Treoir sin a dhiúltú don duine sin, ós rud é go bhfuil a neamhláithreacht ón triail mar thoradh ar iompar neamhdhleathach dá chuid féin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Mar sin féin, ní mór a thabhairt faoi deara, ar an gcéad dul síos, mar a cuireadh in iúl i mír 37 den bhreithiúnas seo, go gceadaítear leis an bhfíoras gur éalaigh duine faoi phianbhreith tar éis réamhdhíotáil a fháil an tátal nach meastar gur cuireadh ar an eolas é faoina thriail ach amháin sa mhéid, thairis sin, go bhfuil iarrachtaí réasúnta déanta ag na húdaráis inniúla an duine sin a aimsiú agus é a thoghairm go pearsanta nó é a chur ar an eolas go hoifigiúil, ar bhealaí eile, faoi dháta agus áit na trialach sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Ar an dara dul síos, mar is léir ó mhíreanna 33, 34 agus 38 den bhreithiúnas seo, fiú i gcás ina meastar gur cuireadh duine ar an eolas faoina thriail, ní mór fós, chun an ceart chun trialach nua faoi Airteagal 8(4) de Threoir 2016/343 a bhaint go bailí den duine sin, go gcomhlíontar an dara coinníoll a leagtar síos in Airteagal 8(2)(a) nó in Airteagal 8(2)(b) den Treoir sin (féach, chuige sin, breithiúnas an 16 Eanáir 2025, Stangalov, C‑644/23, EU:C:2025:16, mír 43).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">I bhfianaise na gceanglas a eascraíonn as an dara coinníoll sin, a leagtar amach i míreanna 38 go 41 den bhreithiúnas seo, ní féidir a mheas go gcomhlíontar an coinníoll sin ar an aon chúis amháin gur éalaigh an duine sin sular reáchtáladh an triail. Ar an gcaoi chéanna, ós rud é gur chuir éalú an duine sin cosc ar, i ndairíre, é a chur ar an eolas faoin triail sin agus faoi na hiarmhairtí a bhaineann le neamhláithreacht, ní rud é sin a fhágann gur féidir na ceanglais sin a chomhlíonadh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Leanann sé ón méid sin roimhe seo nach mbeadh léiriú ar reachtaíocht na Bulgáire atá i gceist sna príomhimeachtaí, amhail an léiriú dá dtagraítear i mír 43 den bhreithiúnas seo, ag luí le Treoir 2016/343.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Mar sin féin, ní féidir a chur as an áireamh go bhféadfaí léiriú a thabhairt ar an reachtaíocht sin seachas an léiriú a ghlac an chúirt a rinne an tarchur go dtí seo. Mar sin, is faoin gcúirt sin atá sé a chinneadh an féidir an reachtaíocht sin a léiriú ar bhealach ina bhféadfaí an t‑eisiamh ón gceart chun trialach nua a theorannú do chásanna ina gcomhlíontar na coinníollacha go léir a leagtar síos in Airteagal 8(2) de Threoir 2016/343, agus do na cásanna sin amháin. I gcás ina bhfuil sé dodhéanta an reachtaíocht sin a léiriú i gcomhréir le ceanglais dhlí an Aontais, agus ós rud é, mar a mheabhraítear i mír 32 den bhreithiúnas seo, go bhfuil éifeacht dhíreach ag Airteagal 8(4) agus ag Airteagal 9 den Treoir sin, bheadh sé de cheangal ar an gcúirt sin aon fhoráil den dlí náisiúnta atá contrártha do na forálacha sin de dhlí an Aontais a fhágáil gan feidhm, gan bheith uirthi a iarraidh go gcuirfí an fhoráil reachtach náisiúnta atá ar neamhréir leis na forálacha sin ar ceal roimh ré nó fanacht leis sin (féach, chuige sin, breithiúnas an 16 Eanáir 2025, Stangalov, C‑644/23, EU:C:2025:16, mír 45 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Sa chás sin, ní mór don chúirt a rinne an tarchur a scrúdú féin a dhéanamh an gcomhlíontar nó nach gcomhlíontar na coinníollacha a leagtar síos in Airteagal 8(2) de Threoir 2016/343 sa chás atá i gceist sna príomhimeachtaí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">I ndáil leis sin, ar an gcéad dul síos, maidir leis an gceist an féidir a mheas gur cuireadh M.S.T. ar an eolas faoina thriail, is faoin gcúirt a rinne an tarchur a bheidh sé brath ar an bhfaisnéis a eascraíonn as míreanna 34 go 37 den bhreithiúnas seo.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Ón taobh sin de, is cosúil, prima facie, gur léiriú beacht agus oibiachtúil é an fíoras go bhfuair an duine sin réamhdhíotáil agus gur sháraigh sé ordú coinneála arna fhorchur leis an ngníomh sin, tríd an seoladh a tugadh do na húdaráis imscrúdúcháin a fhágáil gan iad a chur ar an eolas, gur sheachain an duine sin an fhaisnéis a bhaineann le dáta agus áit na trialach sin a fháil go hoifigiúil d’aon ghnó, agus é ar eolas aige go raibh sé ina ábhar trialach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">In imthosca den sórt sin, i ndáil leis an bhfógra maidir leis an díotáil agus maidir le doiciméad ina léirítear dáta agus áit na trialach sceidealta ag an seoladh a chuir M.S.T. ar fáil do na húdaráis imscrúdúcháin tar éis an réamhdhíotáil a fháil, a gcomhfhreagraíonn a hábhar, maidir leis na gníomhartha a ndearnadh gearán ina leith agus a n‑aicmiú dlíthiúil, le hábhar na díotála, tá an fógra sin de chineál a fhágann gur féidir a mheas gur cuireadh an duine sin ar an eolas faoi sheoladh na trialach sin, ar choinníoll, mar sin féin, go bhfuil iarrachtaí réasúnacha déanta ag na húdaráis inniúla an duine sin a aimsiú agus an duine sin a thoghairm go pearsanta nó é a chur ar an eolas go hoifigiúil, ar mhodhanna eile, maidir le dáta agus áit na trialach sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Go sonrach, maidir leis an oibleagáid dheireanach sin, dealraíonn sé go bhfuil céimeanna amhail na cinn dá dtagraítear i mír 16 den bhreithiúnas seo in ann cur le haimsiú an duine lena mbaineann.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Mar sin féin, chun a chinneadh ar comhlíonadh an oibleagáid sin sna príomhimeachtaí, is faoin gcúirt a rinne an tarchur atá sé a fháil amach an raibh modhanna éifeachtacha eile ag na húdaráis inniúla a d’fhágfadh go bhféadfaí M.S.T. a aimsiú agus nár bhain siad úsáid astu cé go raibh siad in ann a leithéid a dhéanamh go réasúnta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">I ndáil leis sin, ba cheart a thabhairt faoi deara, go háirithe, go gceadaítear le hAirteagal 34(1)(b) agus (c) de Rialachán 2018/1862 do na Ballstáit, chun críocha áit fanachta nó áit chónaithe daoine a chur in iúl, foláirimh a iontráil in SIS maidir le, ar thaobh amháin, daoine a thoghtar chun láithriú os comhair na n‑údarás breithiúnach nó a bhfuiltear ag iarraidh iad a thoghairm chun teacht os comhair na n‑údarás breithiúnach i gcomhthéacs imeachtaí coiriúla chun freagra a thabhairt ar ghníomhartha a bhfuil siad á n‑ionchúiseamh ina leith agus, ar an taobh eile, maidir le daoine nach mór dóibh a bheith faoi réir fógra a thabhairt faoi dhoiciméid a bhaineann le himeachtaí coiriúla chun freagairt do ghníomhartha den sórt sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">I bhfianaise an leas foláireamh den sórt sin a iontráil chun faisnéis a fháil faoi dhuine atá i láthair i mBallstát eile, ní mór a mheas, i gcás ina bhfuil faisnéis ag na húdaráis inniúla, mar is cosúil sa chás atá i gceist sna príomhimeachtaí, lena léirítear go ndeachaigh duine, ar mian leo díotáil agus doiciméad ina sonraítear dáta agus áit a trialach a chur in iúl dó, chuig Ballstát eile, nach mór do na húdaráis sin, ionas go measfar go ndearna siad ‘iarrachtaí réasúnacha’, de réir na brí dá dtagraítear i mír 52 den bhreithiúnas seo, foláireamh a iontráil in SIS faoi Airteagal 34 de Rialachán 2018/1862.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Ar an dara dul síos, maidir leis an dara coinníoll nach mór a chomhlíonadh chun an ceart chun triail nua a fháil a bhaint de dhuine a ciontaíodh in absentia, ar dtús, ní léir ón bhfaisnéis dá dtagraítear sa dara ceist agus, ar bhonn níos leithne, ó chur i láthair na díospóide sna príomhimeachtaí san ordú tarchuir go mbaineann na ceisteanna a tharchuirtear le cás inar cuireadh an duine faoi phianbhreith, ar bhealach amháin nó ar bhealach eile, ar an eolas, in am trátha, faoi na hiarmhairtí a bhaineann le mainneachtain láithrithe, mar a cheanglaítear le hAirteagal 8(2)(a) de Threoir 2016/343.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Go háirithe, ní thugann an chúirt a rinne an tarchur faoi deara go raibh faisnéis sa réamhdhíotáil a tugadh do M.S.T. maidir leis na hiarmhairtí a bhaineann le mainneachtain láithrithe, ós rud é go léirítear, os a choinne sin, le foclaíocht na chéad cheiste, go bhfuil sé ar intinn ag an gcúirt sin ceist a chur ar an gCúirt faoi chás inar chuir éalú an duine a ciontaíodh in absentia cosc ar fhaisnéis den sórt sin a chur in iúl dó.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Ar an dara dul síos, maidir leis an gcoinníoll a bhaineann le hionadaíocht a dhéanamh ar an duine a ciontaíodh in absentia ag dlíodóir atá údaraithe chun é sin a dhéanamh, leanann sé ó chásdlí na Cúirte dá dtagraítear i mír 41 den bhreithiúnas seo nach leor an fíoras gur chosain dlíodóir arna cheapadh ag an Stát duine a ciontaíodh in absentia le linn na n‑imeachtaí breithiúnacha ar fad gan é a bheith i láthair chun an dara coinníoll a leagtar síos in Airteagal 8(2)(b) de Threoir 2016/343 a chomhlíonadh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Sa chomhthéacs sin, ba cheart a thabhairt faoi deara go bhfuil an staid atá i gceist sna príomhimeachtaí éagsúil leis an staid as ar eascair breithiúnais an 19 Bealtaine 2022, Spetsializirana prokuratura (Cúisí éalaitheach a thriail) (C‑569/20, EU:C:2022:401), agus an 16 Eanáir 2025, Stangalov (C‑644/23, EU:C:2025:16). Sa chás as ar eascair na breithiúnais sin, suíodh nach raibh aon teagmháil ag an duine cúisithe lena dhlíodóir arna cheapadh ag an Stát, cé gur léir ón bhfaisnéis a chuir an chúirt a rinne an tarchur ar fáil gur ceapadh an dlíodóir a rinne ionadaíocht ar M.S.T. os comhair chúirt na trialach ag an Stát cheana féin, sular éalaigh an duine sin, chun cúnamh a thabhairt dó le linn chéim an imscrúdaithe. Dá bhrí sin, ní féidir a chur as an áireamh go raibh an dlíodóir sin i dteagmháil le M.S.T. ar an ócáid sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">Mar sin féin, léiríonn ionadaíocht dlíodóra nár tharscaoil an duine a bhí á thriail agus é as láthair go deonach agus go haonchiallach a cheart a bheith i láthair ag an triail ach amháin más rud é gur fhág an duine sin d’aon ghnó faoin dlíodóir sin é féin a chosaint os comhair chúirt na trialach, rud a thugann le tuiscint gur cheap sé go sonrach é chun ionadaíocht a dhéanamh air, nuair a bhí sé as láthair, ag an triail.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Dá bhrí sin, ní féidir a mheas gur leor teagmhálacha idir an duine a ciontaíodh in absentia agus dlíodóir arna cheapadh ag an Stát nár tharla ach amháin le linn na céime réamhthrialach chun a léiriú go ndearna ‘dlíodóir údaraithe’ ionadaíocht ar an duine sin, le linn a thrialach in absentia, de réir bhrí Airteagal 8(2)(b) de Threoir 2016/343.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Dá bhrí sin, is faoin gcúirt a rinne an tarchur atá sé a fháil amach an bhfuil sé soiléir ón bhfianaise atá os a comhair gur thug M.S.T. údarás gan débhríocht don dlíodóir arna cheapadh ag an Stát chun ionadaíocht a dhéanamh air, gan é féin a bheith i láthair, os comhair chúirt na trialach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Ina theannta sin, beag beann ar an méid roimhe seo, ba cheart a mheabhrú nach gcuirtear cosc ar Bhallstát le Treoir 2016/343 córas nós imeachta a bhunú lena gceanglaítear ar dhaoine a ciontaíodh in absentia agus a bhfuil suim acu in athoscailt imeachtaí coiriúla iarratas a dhéanamh chuige sin os comhair cúirt eile, ar leithligh ón gcúirt a d’eisigh an breithiúnas in absentia, chun go bhféadfaidh an chúirt eile sin a fhíorú go gcomhlíontar an coinníoll lena ndéantar an ceart chun trialach nua, eadhon mainneachtain na coinníollacha a leagtar síos in Airteagal 8(2) den Treoir sin a chomhlíonadh. Tá córas den sórt sin i gcomhréir leis an Treoir sin, a mhéid, ar an gcéad dul síos, a cheadaítear leis an nós imeachta chun a iarraidh go n‑athosclófaí triail nua i ngach cás ina suitear, tar éis a fhíorú, nár comhlíonadh na coinníollacha a leagtar síos in Airteagal 8(2) den Treoir sin agus, ar an dara dul síos, go gcuirtear in iúl freisin don duine a ciontaíodh in absentia, nuair a chuirtear in iúl dó nó di go bhfuil sé nó sí ciontaithe, gurb ann don nós imeachta sin (féach, chuige sin, breithiúnas an 16 Eanáir 2025, VB II (Eolas faoina cheart chun trialach nua), C‑400/23, EU:C:2025:14, mír 46).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">Dá bhrí sin, is léir nach dtagann bunú imeachtaí chun imeachtaí coiriúla a athoscailt, amhail iad siúd sna príomhimeachtaí, nach bhfuil triail nua i gceist leis, ann féin, ach a bhféadfadh imeachtaí den sórt sin a bheith mar thoradh air, salach ar Threoir 2016/343, ar choinníoll go gcomhlíontar na ceanglais go léir a eascraíonn as prionsabal na héifeachtachta agus, thairis sin, go gcomhlíontar prionsabal na coibhéise (féach, chuige sin, breithiúnas an 16 Eanáir 2025, VB II (Eolas faoina cheart chun trialach nua), C‑400/23, EU:C:2025:14, mír 57).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">I ndáil leis sin, ní mór a mheabhrú go gceanglaítear le prionsabal na héifeachtachta, inter alia, go bhfaighidh an duine a ciontaíodh in absentia, tráth a chuirtear in iúl dó gurb ann don chiontú sin nó go pras ina dhiaidh sin, cóip den chinneadh a tugadh in absentia ina iomláine agus a chearta nós imeachta a chur in iúl, lena n‑áirítear maidir leis an bhféidearthacht iarratas a chur isteach ar athoscailt na n‑imeachtaí coiriúla, an chúirt ar os a comhair is gá an t‑iarratas sin a dhéanamh agus an teorainn ama atá ag an duine sin chuige sin (féach, chuige sin, breithiúnas an 16 Eanáir 2025, VB II (Eolas faoina cheart chun trialach nua), C‑400/23, EU:C:2025:14, mír 61).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">Tugtar le tuiscint le prionsabal na héifeachtachta freisin nach mór aon nós imeachta chun triail nua a iarraidh a shocrú ar bhealach lena ndéileálfar leis an iarraidh sin go gasta, ionas gur féidir a chinneadh a luaithe is féidir a tharla an triail in absentia gan na coinníollacha a leagtar síos in Airteagal 8(2) de Threoir 2016/343 a bheith comhlíonta. I gcás ina mbunaíonn Ballstát córas nós imeachta nár cinneadh fós ina leith, tráth a chuirtear in iúl don duine lena mbaineann gur ann do chiontú in absentia arna fhorchur air nó uirthi, más rud é gur tugadh an ciontú sin gan na coinníollacha sin a bheith comhlíonta, is faoin mBallstát sin atá sé, dá uireasa sin, an bonn a bhaint de phrionsabal na héifeachtachta, a áirithiú go ndéanfar an scrúdú sin go tapa tar éis an t‑iarratas ar thriail nua a thaisceadh (féach, chuige sin, breithiúnas an 16 Eanáir 2025, VB II (Eolas faoina cheart chun trialach nua), C‑400/23, EU:C:2025:14, mír 63).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">Go háirithe, i gcásanna, amhail an cás atá i gceist sna príomhimeachtaí, ina ndéantar scrúdú ar an iarraidh ar imeachtaí coiriúla a athoscailt fad is atá an duine lena mbaineann ag caitheamh seal i bpríosún a forchuireadh air, tá sé fíor-riachtanach an cinneadh maidir leis an iarraidh sin a ghlacadh go tapa chun a áirithiú go gcomhlíonfar prionsabal na héifeachtachta (féach, chuige sin, breithiúnas an 16 Eanáir 2025, VB II (Eolas faoina cheart chun trialach nua), C‑400/23, EU:C:2025:14, míreanna 64 agus 65).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">Tá sé mar aidhm ag an gceanglas sin cinneadh a ghlacadh chomh tapa agus is féidir a áirithiú go n‑urramófar cearta bunúsacha an duine a chiontaítear in absentia, trí chosc a chur ar an duine sin a bheith faoi choimeád ar bhonn fadtéarmach i ndáil le pianbhreith a forchuireadh gan é a bheith i láthair, i gcás nár cinneadh go fóill ar cinneadh ciontacht an duine sin agus an phianbhreith a forchuireadh air i gcomhréir leis an gceart chun triail chóir a fháil, mar a leag reachtas an Aontais amach go sonrach i dTreoir 2016/343.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Thairis sin, ós rud é go mbíonn an fhaisnéis is gá ar fáil d’údaráis bhreithiúnacha an Bhallstáit lena mbaineann de ghnáth, ar dháta an bhreithiúnais in absentia, chun a mheas an gcomhlíontar na coinníollacha a leagtar síos in Airteagal 8(2) de Threoir 2016/343, ní mór a mheas go bhfuil an chúirt a éisteann iarratas ar imeachtaí coiriúla a athoscailt in ann rialú a thabhairt ar an iarratas sin laistigh de thréimhse ghearr ama.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">I bhfianaise na gcúiseanna go léir roimhe seo, is é an freagra ar na ceisteanna a tharchuirtear ná go bhfuil Airteagail 8 agus 9 de Threoir 2016/343 le léiriú sa chaoi nach gcuirtear cosc leo, de bhun na reachtaíochta náisiúnta maidir le cosantóirí a d’éalaigh, ar an gceart chun trialach nua a dhiúltú do dhuine a ciontaíodh in absentia a rinne iarratas chun na críche sin i gcás:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ar an gcéad dul síos, go ndearna na húdaráis inniúla iarrachtaí an duine sin a chur ar an eolas maidir le dáta agus áit a thrialach le linn dó éalú, de shárú ar ordú coinneála a forchuireadh air, tar éis réamhdhíotáil a fháil,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ar an dara dul síos, go ndearnadh an díotáil agus doiciméad inar luadh dáta agus áit na trialach sin a chur chuige agus a sheachadadh i ndairíre chuig an seoladh a thug sé do na húdaráis sin tar éis an réamhdhíotáil a fháil, a bhfuil a n‑ábhar, maidir leis na gníomhartha a ndearnadh gearán ina leith agus a n‑aicmiú dlíthiúil, comhfhreagrach le hábhar na díotála, agus</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ar an tríú dul síos, ina ndearna dlíodóir arna cheapadh ag an Stát ionadaíocht ar an duine sin in absentia le linn na trialach,</p>
</td>
</tr>
</table>
    <p class="C02AlineaAltA" id="para-138" title="page-16">
      ar choinníoll, ar an gcéad dul síos, gur úsáid na húdaráis sin na modhanna go léir a bhféadfadh siad dul ina muinín go réasúnach chun an duine a ciontaíodh in absentia a aimsiú roimh a thriail agus, ar an dara dul síos, gur cuireadh an duine sin ar an eolas, in am trátha, faoi na hiarmhairtí a bhaineann le neamhláithreacht nó, gan débhríocht, gur tugadh údarás don dlíodóir arna cheapadh ag an Stát ionadaíocht a dhéanamh dó, gan é a bheith i láthair, os comhair chúirt na trialach.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Costais</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Ós rud é, a mhéid a bhaineann sé leis na páirtithe sna príomhimeachtaí, go bhfuil na himeachtaí mar chéim sa chás os comhair na cúirte a rinne an tarchur, baineann ceist na gcostas leis an gcúirt sin. Níl na costais a tabhaíodh trí bharúlacha a cuireadh faoi bhráid na Cúirte Breithiúnais, seachas costais na bpáirtithe sin, inghnóthaithe.</p>
</td>
</tr>
</table>
    <p class="C41DispositifIntroduction" id="para-141" title="page-17">
      Ar na forais sin, rialaíonn an Chúirt (an Tríú Dlísheomra) mar seo a leanas:
    </p>
    <p class="C30Dispositifalinea" id="para-142" title="page-17">
      Maidir le hAirteagail 8 agus 9 de Threoir (AE) 2016/343 ó Pharlaimint na hEorpa agus ón gComhairle an 9 Márta 2016 maidir le gnéithe áirithe de thoimhde na neamhchiontachta a neartú mar aon leis an gceart chun bheith i láthair ag an triail in imeachtaí coiriúla,
    </p>
    <p class="C30Dispositifalinea" id="para-143" title="page-17">
      ní mór léiriú a dhéanamh mar seo a leanas:
    </p>
    <p class="C30Dispositifalinea" id="para-144" title="page-17">
      ní cuirtear cosc leo, de bhun na reachtaíochta náisiúnta maidir le cosantóirí a d’éalaigh, ar an gceart chun trialach nua a dhiúltú do dhuine a ciontaíodh in absentia a rinne iarratas chun na críche sin i gcás:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ar an gcéad dul síos, go ndearna na húdaráis inniúla iarrachtaí an duine sin a chur ar an eolas maidir le dáta agus áit a thrialach le linn dó éalú, de shárú ar ordú coinneála a forchuireadh air, tar éis réamhdhíotáil a fháil,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ar an dara dul síos, go ndearnadh an díotáil agus doiciméad inar luadh dáta agus áit na trialach sin a chur chuige agus a sheachadadh i ndairíre chuig an seoladh a thug sé do na húdaráis sin tar éis an réamhdhíotáil a fháil, a bhfuil a n‑ábhar, maidir leis na gníomhartha a ndearnadh gearán ina leith agus a n‑aicmiú dlíthiúil, comhfhreagrach le hábhar na díotála, agus</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ar an tríú dul síos, ina ndearna dlíodóir arna cheapadh ag an Stát ionadaíocht ar an duine sin in absentia le linn na trialach,</p>
</td>
</tr>
</table>
    <p class="C30Dispositifalinea" id="para-148" title="page-17">
      ar choinníoll, ar an gcéad dul síos, gur úsáid na húdaráis sin na modhanna go léir a bhféadfadh siad dul ina muinín go réasúnach chun an duine a ciontaíodh in absentia a aimsiú roimh a thriail agus, ar an dara dul síos, gur cuireadh an duine sin ar an eolas, in am trátha, faoi na hiarmhairtí a bhaineann le neamhláithreacht nó, gan débhríocht, gur tugadh údarás don dlíodóir arna cheapadh ag an Stát ionadaíocht a dhéanamh dó, gan é a bheith i láthair, os comhair chúirt na trialach.
    </p>
    <div class="signatures">
<p class="C77Signatures" id="para-149" title="page-17">
<span class="signatory">Sínithe</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Teanga an cháis: an Bhulgáiris.</p>
<p class="note footnote">(<span class="note footnote notemarker">
<a id="t-2" href="#c-2">i</a>
</span>) Is ainm bréige é ainm an cháis seo. Ní fhreagraíonn sé d’fhíorainm aon pháirtí sna himeachtaí.</p>
</body>
</html>
