|
Iris Oifigiúil |
GA Sraith L |
|
2023/2870 |
21.12.2023 |
CINNEADH (AE) 2023/2870 ÓN mBANC CEANNAIS EORPACH
an 7 Nollaig 2023
lena leasaítear Cinneadh (AE) 2019/166 maidir leis an mBord um Bonneagar Margaidh (BCE/2019/3)(BCE/2023/37)
TÁ COMHAIRLE RIALAITHE AN BHAINC CEANNAIS EORPAIGH,
Ag féachaint don Chonradh ar Fheidmiú an Aontais Eorpaigh,
Ag féachaint do Reacht Chóras Eorpach na mBanc Ceannais agus an Bainc Ceannais Eorpaigh, agus go háirithe d’Airteagal 12.3 de,
Ag féachaint do Threoirlíne BCE/2012/13 ón mBanc Ceannais Eorpach an 18 Iúil 2012 maidir le TARGET2-Urrúis (1),
De bharr an mhéid seo a leanas:
|
(1) |
I bhfianaise na taithí a fuarthas ó bunaíodh an Bord um Bonneagar Margaidh (BBM), is gá roinnt leasuithe ar a Rialacha Nós Imeachta a thabhairt isteach. Is é is aidhm do na leasuithe sin go háirithe cothromaíocht a bhaint amach idir ionadaíochas phobal foriomlán úsáideoirí seirbhísí TARGET a áirithiú i BBM agus méid áirithe leanúnachais a chaomhnú. |
|
(2) |
Tá gá le leasú freisin chun an moladh a rinne scrúdaitheoir seachtrach T2S a chur chun feidhme chun míreanna seasta ar an gclár oibre a thabhairt isteach do chruinnithe BBM. |
|
(3) |
Tá gá le tuilleadh leasuithe, inter alia, chun léiriú a thabhairt ar chleachtas oibre reatha BBM, lena n-áirítear ról níos leithne a thabhairt don Leas-Chathaoirleach, cumas oibre chomhaltaí BBM maidir le cúrsaí BBM a oiriúnú, agus tagairt a thabhairt isteach don Lámhleabhar Rialachais a choinníonn BBM. |
|
(4) |
Dá bhrí sin, ba cheart Treoirlíne (AE) 2019/166 ón mBanc Ceannais Eorpach (BCE/2019/3) (2) a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Leasuithe
Leasaítear Iarscríbhinní I, II agus IV a ghabhann le Chinneadh (AE) 2019/166 (BCE/2019/3) i gcomhréir leis an Iarscríbhinn a ghabhann leis an gCinneadh seo.
Airteagal 2
Teacht i bhfeidhm
Tiocfaidh an Cinneadh seo i bhfeidhm ar an bhfichiú lá tar éis a fhoilsithe in Iris Oifigiúil an Aontais Eorpaigh.
Arna dhéanamh in Frankfurt am Main, an 7 Nollaig 2023.
Uachtarán BCE
Christine LAGARDE
(1) IO L 215, 11.8.2012, lch. 19.
(2) Cinneadh (AE) 2019/166 ón mBanc Ceannais Eorpach an 25 Eanáir 2019 maidir leis an mBord um Bonneagar Margaidh agus lena n-aisghairtear Cinneadh BCE/2012/6 maidir le Bord TARGET2-Urrúis a bhunú (BCE/2019/3) (IO L 32, 4.2.2019, lch. 14).
IARSCRÍBHINN
Leasaítear Iarscríbhinní I, II, agus IV a ghabhann le Cinneadh (AE) 2019/166 (BCE/2019/3) mar a leanas:
|
1) |
Cuirtear an méid seo a leanas in ionad Iarscríbhinn I: ‘IARSCRÍBHINN 1 AN BORD UM BONNEAGAIR MHARGAIDH SAINORDÚ RÉAMHRÁ Cuireann an tEurochóras bonneagair mhargaidh, ardáin, feidhmchláir agus seirbhísí gaolmhara ar fáil i réimsí na socraíochta airgid, na socraíochta urrús agus na bainistíochta comhthaobhachta, ina gcuimsítear seirbhísí T2, T2S agus TIPS chomh maith, amach anseo, ECMS (‘seirbhísí bonneagair an Eurochórais’). Is é an Bord um Bonneagar Margaidh (BBM) an comhlacht rialachais a thacaíonn le Comhairle Rialaithe (an ‘Chomhairle Rialaithe’) an Bhainc Cheannais Eorpaigh (BCE) chun a áirithiú go ndéantar seirbhísí bonneagair an Eurochórais a chothabháil agus a fhorbairt tuilleadh agus go ndéantar bainistiú ar thionscadail a bhaineann le seirbhísí bonneagair an Eurochórais (‘tionscadail bhonneagair an Eurochórais’ nó ‘tionscadail’) i gcomhréir le cuspóirí an Chonartha ar an gCóras Eorpach Banc Ceannais (CEBC), riachtanais ghnó, dul chun cinn teicneolaíoch, an creat dlíthiúil is infheidhme maidir le seirbhísí agus tionscadail bhonneagair an Eurochórais, chomh maith le ceanglais rialála agus formhaoirseachta, agus sainorduithe choistí CEBC arna mbunú faoi Airteagal 9 de Rialacha Nós Imeachta an Bhainc Cheannais Eorpaigh á gcur san áireamh go hiomlán (1). Tuairiscíonn BBM do chomhlachtaí cinnteoireachta BCE. Ní bhunaítear leis an gCinneadh seo aon toimhde go bhfuil gach tionscadal bonneagair margaidh nua a thagann faoi raon feidhme shainmhíniú an Chinnidh seo ar thionscadal bonneagair Eorachórais le cur de chúram go huathoibríoch ar BBM. Ní dhéanfaidh BBM ach na tionscadail sin a chuireann an Chomhairle Rialaithe de chúram go sainráite ar BBM a bhainistiú. 1. Ról an Bhoird um Bonneagar Margaidh Cuireann an Chomhairle Rialaithe de chúram ar BBM leis seo na cúraimí atá sainithe sa sainordú seo a chomhlíonadh. Gan dochar dá cumhacht cinnteoireachta deiridh, chuir an Chomhairle Rialaithe de chúram ar BBM cúraimí atá sainithe go soiléir a chomhlíonadh, cúraimí a bhaineann le hoibriú seirbhísí bonneagair an Eurochórais agus le tionscadail bhonneagair an Eurochórais araon. Féadfaidh an Chomhairle Rialaithe, gan dochar d’inniúlacht BCN faoi Reacht an Chórais Eorpaigh Banc Ceannais agus an Bhainc Cheannais Eorpaigh, cúraimí breise a bheidh sainithe go soiléir a shannadh do BBM, de bhreis ar na cúraimí a shonraítear faoi mhír 2, ar cúraimí iad a thagann ar shlí eile faoi shainchúram na Comhairle Rialaithe. I bhfianaise inniúlacht deiridh na Comhairle Rialaithe maidir le saincheisteanna a bhaineann le bonneagar an Eurochórais, is féidir leis an gComhairle Rialaithe ceann ar bith de na cúraimí a chuirtear ar BBM a ghabháil air féin agus a chomhlíonadh. 2. Freagrachtaí agus cúraimí an Bhoird um Bonneagar Margaidh 2.1. Tograí le haghaidh cinnidh ón gComhairle Rialaithe maidir le seirbhísí agus tionscadail bhonneagair an Eurochórais a ullmhú Gan dochar d’fhreagracht an Bhoird Feidhmiúcháin cruinnithe na Comhairle Rialaithe a ullmhú agus do ghnó reatha BCE, ullmhaíonn BBM tograí don Chomhairle Rialaithe chun cinneadh a dhéanamh sna hábhair seo a leanas, a mhéid atá an Chomhairle Rialaithe tar éis tionscadal/bonneagar sonrach a chur de chúram ar BBM, agus sainorduithe choistí CEBC arna mbunú faoi Airteagal 9 de Rialacha Nós Imeachta an Bhainc Cheannais Eorpaigh á gcur san áireamh go hiomlán:
2.2. Gníomhaíochtaí bainistíochta i ndáil le seirbhísí agus tionscadail bhonneagair an Eurochórais 2.2.1 Déanann BBM bainistíocht fhoriomlán ar sheirbhísí bonneagair agus ar thionscadail an Eurochórais, a mhéid a chuir an Chomhairle Rialaithe tionscadal/bonneagar sonrach de chúram ar BBM, agus sainorduithe choistí CEBC arna mbunú faoi Airteagal 9 de Rialacha Nós Imeachta an Bhainc Ceannais Eorpaigh á gcur san áireamh go hiomlán. Sa chomhthéacs sin, déanann BBM an méid seo a leanas:
2.2.2 Déanann BBM na nithe seo a leanas a fhormheas agus/nó a thionscnamh:
2.2.3 Maidir leis an BBM:
2.2.4 Maidir leis an BBM:
|
|
2) |
Cuirtear an méid seo a leanas in ionad Iarscríbhinn II: ‘IARSCRÍBHINN II AN BORD UM BONNEAGAIR MARGAIDH RIALACHA NÓS IMEACHTA CAIBIDIL 1 Ceapachán agus Ballraíocht RÉAMHRÁ Cuireann an tEurochóras bonneagair mhargaidh, ardáin, feidhmchláir agus seirbhísí gaolmhara ar fáil i réimsí na socraíochta airgid, na socraíochta urrús agus na bainistíochta comhthaobhachta, ina gcuimsítear seirbhísí T2, T2S agus TIPS chomh maith, amach anseo, ECMS (‘seirbhísí bonneagair an Eurochórais’). Is é an Bord um Bonneagar Margaidh (BBM) an comhlacht rialachais a thacaíonn le Comhairle Rialaithe (an ‘Chomhairle Rialaithe’) an Bhainc Cheannais Eorpaigh (BCE) chun a áirithiú go ndéantar seirbhísí bonneagair an Eurochórais a chothabháil agus a fhorbairt tuilleadh agus go ndéantar bainistiú ar thionscadail a bhaineann le seirbhísí bonneagair an Eurochórais (‘tionscadail bhonneagair an Eurochórais’ nó ‘tionscadail’) atá ann cheana nó atá nua, i gcomhréir le cuspóirí an Chonartha ar an gCóras Eorpach Banc Ceannais (CEBC), riachtanais ghnó, dul chun cinn teicneolaíoch, an creat dlíthiúil is infheidhme maidir le seirbhísí agus tionscadail bhonneagair an Eurochórais, chomh maith le ceanglais rialála agus formhaoirseachta, agus sainorduithe choistí CEBC arna mbunú faoi Airteagal 9 de Rialacha Nós Imeachta an Bhainc Ceannais Eorpaigh á gcur san áireamh go hiomlán. Tuairiscíonn BBM do chomhlachtaí cinnteoireachta BCE. Ní bhunaítear leis an gCinneadh seo aon toimhde go bhfuil gach tionscadal bonneagair margaidh nua a thagann faoi raon feidhme shainmhíniú an Chinnidh seo ar thionscadal bonneagair Eorachórais le cur de chúram go huathoibríoch ar BBM. Ní dhéanfaidh BBM ach na tionscadail sin a chuireann an Chomhairle Rialaithe de chúram go sainráite ar BBM a bhainistiú. 1. Ainmniú agus ceapachán Ceapann an Chomhairle Rialaithe comhaltaí BBM ar bhonn togra ó Bhord Feidhmiúcháin BCE (‘an Bord Feidhmiúcháin’). Déanann an Gobharnóir nó an tUachtarán, de réir mar is infheidhme, an banc ceannais náisiúnta (BCN) ábhartha na hiarratais a thíolacadh don Bhord Feidhmiúcháin. Ina thogra chuig an gComhairle Rialaithe, tabharfaidh an Bord Feidhmiúcháin tosaíocht d’iarrthóirí a thuairiscíonn go díreach don chomhlacht rialachais is airde ina mbanc ceannais. Áirithíonn an Bord Feidhmiúcháin ina thogra go gcomhlíontar na prionsabail a leagtar amach i roinn 2 den Iarscríbhinn II seo. Bailíonn an Bord Feidhmiúcháin iarratais ar chomhaltaí neamhbhainc ceannais BBM de bhun an nós imeachta maidir le comhaltaí den sórt sin a roghnú a leagtar amach in Iarscríbhinn IV a ghabhann leis an gCinneadh seo. 2. Ballraíocht agus téarma oifige — Rannpháirtíocht na mbreathnóirí A luaithe a cheapfar iad, gníomhóidh comhaltaí BBM go neamhspleách agus ar mhaithe le leas an Eurochórais. Ní bheidh siad faoi réir treoracha ó aon chomhlacht poiblí nó príobháideach. Tuairisceoidh comhaltaí BBM i dteannta a chéile agus go heisiach do chomhlachtaí cinnteoireachta BCE nuair a ghníomhaíonn siad ina gcáil mar chomhaltaí BBM. Féadfaidh comhaltaí bainc ceannais BBM, i gcás inarb iomchuí, ar a dtionscnamh féin agus ar a lánrogha féin, tuairimí comhaltaí foirne eile óna mbanc ceannais a lorg, ach ní iarrfaidh siad ná ní ghlacfaidh siad treoracha óna mbanc ceannais ná ní thabharfaidh siad gealltanas go nglacfaidh siad seasamh sonrach le linn phléití agus vótáil BBM. Tá Cathaoirleach ag BBM ar bainisteoir sinsearach de chuid BCE é. Tá BBM comhdhéanta den Chathaoirleach agus de 13 chomhalta eile, mar seo a leanas:
Faigheann an Cathaoirleach tacaíocht ó Leas-Chathaoirleach ó chomhaltaí BBM a cheapann an Chomhairle Rialaithe. Tacaíonn an Leas-Chathaoirleach leis an gCathaoirleach agus bíonn sé ina chathaoirleach ar chruinnithe BBM, nuair a bhíonn an Cathaoirleach as láthair go sealadach, i gcomhréir leis an gclár oibre réamhshocraithe do chruinniú BBM i dtrácht. Maireann téarma oifige chomhaltaí BBM agus BBM ar feadh 36 mhí agus féadfar é a athnuachan. Féadfaidh an Chomhairle Rialaithe cinneadh a dhéanamh maidir le téarma oifige níos giorra do chomhaltaí BBM, lena n-áirítear nuair a éiríonn comhaltaí as oifig nó nuair a théann siad ar scor sula rachaidh a téarma oifige in éag agus is gá na comhaltaí nua a cheapadh ar feadh na tréimhse atá fágtha de shainordú leanúnach BBM in ionad an chomhalta atá ag éirí as oifig nó in ionad an chomhalta atá ag dul ar scor. Gan dochar don teorainn arna forchur faoi mhír (a) thuas, agus ag tosú ó dhul in éag shainordú reatha BBM agus téarma oifige a chomhaltaí, is inmhianaithe uainíocht chomhaltaí BBM. Ba cheart go mbeadh sé d’aidhm ag uainíocht na gcomhaltaí cothromaíocht a bhaint amach idir ionadaíochas an phobail úsáideoirí sheirbhísí TARGET ar an iomlán agus méid áirithe leanúnachais a chaomhnú. Tá cumas agus tiomantas na n-iarrthóirí dóthain ama a chaitheamh ar shaincheisteanna BBM ríthábhachtach chun comhaltaí BBM a roghnú. Coinneofar cothromaíocht iomchuí idir comhaltaí a bhfuil taithí bainistíochta tionscadal acu, taithí ar ghnó bonneagair margaidh an Eurochórais agus taithí TF. Tabharfaidh an Cathaoirleach cuireadh do bhreathnóirí nach bhfuil vóta acu ó choistí ábhartha CEBC chun seirbhísí nó tionscadail bhonneagair an Eurochórais a phlé laistigh dá réimse inniúlachta. Tabharfaidh an Cathaoirleach cuireadh freisin do chomhalta amháin as gach BCN a sholáthraíonn seirbhísí bonneagair margaidh don Eurochóras, nuair is cuid de chlár oibre chruinniú BBM iad ítimí atá ábhartha do na seirbhísí sin. Táthar ag súil go ndéanfaidh comhaltaí BBM 25 % ar a laghad dá gcumas oibre a thiomnú do shaincheisteanna BBM. Ní bheidh baint dhíreach ag comhaltaí BBM le formhaoirseacht ar sheirbhísí bonneagair an Eurochórais ná ar eintitis atá rannpháirteach sa mhéid thuas (e.g. taisclanna lárnacha urrús lena ndéantar oibríochtaí socraíochta a sheachfhoinsiú chuig T2S), a mhéid a d’fhéadfadh coinbhleachtaí iarbhír nó féideartha a bheith ann idir rannpháirtíocht den sórt sin agus a bhfeidhmeanna mar chomhaltaí BBM. Cuirfear bearta iomchuí i bhfeidhm chun aon choimhlintí den sórt sin a shainaithint agus a sheachaint; Nach mbeidh na comhaltaí ina gcuid den Choiste Iniúchóirí Inmheánacha (CII), ná nach mbeidh baint acu le Gníomhaíochtaí Leibhéal 3 ar bhonn laethúil; CAIBIDIL 2 Nósanna Imeachta Oibre 1. Cinnteoireacht I gcomhréir le prionsabail an dea-rialachais, déanfaidh na comhaltaí a ndícheall chun páirt a ghlacadh i gcruinnithe BBM. Is ar bhonn pearsanta amháin atá an rannpháirtíocht; ní fhéadfar comhaltaí eile a chur ina n-ionad. Ionas go mbeidh BBM in ann plé a dhéanamh go bailí, ní mór córam seachtar comhaltaí a bhfuil cearta vótála acu a bheith ann. Mura gcomhlíontar an córam, féadfaidh an tUachtarán cruinniú urghnách a thionól ag a bhféadfar cinntí a dhéanamh gan aird a thabhairt ar an gcóram. A mhéid is féidir, is trí chomhthoil a ghlacfar cinntí BBM. Ina éagmais sin, agus arna iarraidh sin don Chathaoirleach, féadfaidh BBM cinneadh a dhéanamh trí vóta tromlaigh shimplí. I gcás comhionannais vótaí, beidh an vóta réitigh ag an gCathaoirleach. Téann an BBM ar aghaidh chun vóta a chaitheamh ar iarratas ón gCathaoirleach. Cuirfidh an Cathaoirleach tús freisin le nós imeachta vótála arna iarraidh sin do thriúr comhaltaí BBM ar a laghad a bhfuil cearta vótála acu. Staonfaidh comhalta ó vótáil má bhíonn coinbhleacht leasa acu de réir bhrí an Chóid Iompair. Féadfaidh comhaltaí a bhfuil ceart vótála as láthair acu a gceart vótála i ndáil le nós imeachta sonrach vótála a tharmligean chuig comhalta eile a bhfuil ceart vótála aige ach ní fhéadfaidh aon chomhalta a bhfuil ceart vótála aige níos mó ná dhá vóta a fheidhmiú ar aon saincheist ar leith. Féadfar cinntí a dhéanamh freisin trí nós imeachta i scríbhinn, mura ndéanann triúr comhaltaí nó níos mó a bhfuil cearta vótála acu d’agóid. Maidir le nós imeachta i scríbhinn, beidh fógra dhá lá oibre ar a laghad ag teastáil ina leith, seachas i gcúinsí eisceachtúla, arna sainaithint amhlaidh ag an gCathaoirleach. Is i gcáil phearsanta a cheaptar na comhaltaí nach den bhanc ceannais iad. Níl cearta vótála acu agus ní fhéadfaidh siad a bhfreagrachtaí a tharmligean chuig comhalta eile ná chuig tríú páirtí. 2. Cruinnithe BBM a reáchtáil Déanann BBM cinneadh ar dhátaí a chruinnithe ar thogra ón gCathaoirleach. Ba cheart don BBM teacht le chéile go rialta bunaithe ar sceideal a ullmhaíonn sé in am trátha roimh thús gach bliana. Bíonn míreanna ar an gclár oibre seasta ag cruinnithe rialta BBM, i.e. an clár oibre a fhormheas, athbhreithniú ar na liosta gníomhaíochta, bainistiú priacail oibríochta ar sheirbhísí TARGET, nuashonrú stádais ar thionscadail, agus rioscaí agus saincheisteanna do thionscadail agus do sheirbhísí. Is féidir leis an gCathaoirleach míreanna breise ar an gclár oibre a chur leis. Féadfaidh an Cathaoirleach cruinnithe urghnácha de chuid BBM a thionól aon uair a mheasfaidh sé gur gá sin. Tionólfaidh an Cathaoirleach cruinniú urghnách má chuireann triúr comhaltaí ar a laghad iarratas ar chruinniú den sórt sin isteach. Tionólfaidh BBM a chruinnithe ar áitreabh BCE nó trí theileachomhdháil. Glacann BBM clár oibre do gach cruinniú. Tá freastal ar chruinnithe BBM teoranta do chomhaltaí BBM agus do dhaoine eile a dtugann an Cathaoirleach cuireadh dóibh. 3. Tuairisciú do chomhlachtaí cinnteoireachta BCE Tuairiscíonn BBM do chomhlachtaí cinnteoireachta BCE ar bhonn rialta. I ndáil leis sin, ullmhaíonn sé tuarascálacha chuig comhlachtaí cinnteoireachta BCE de réir mar is gá. 4. Sreabhadh inmheánach faisnéise agus trédhearcacht Gheobhaidh comhaltaí de BBM nach bainc cheannais iad, faoi choinníollacha dochta rúndachta, an doiciméadacht uile ar sheirbhísí bonneagair an Eurochórais agus ar thionscadail a chuirfear faoi bhráid na Comhairle Rialaithe. Beidh rochtain uathoibríoch ag BCNanna an Eurochórais nach bhfuil ionadaíocht acu in BBM ar dhoiciméid uile BBM, lena n-áirítear cláir oibre agus miontuairiscí BBM, ag an am céanna le comhaltaí BBM agus féadfaidh siad barúlacha i scríbhinn a chur ar fáil roimh chruinnithe BBM ionas gur féidir le BBM a dtuairimí a chur san áireamh go cuí. Féadfaidh siad iarraidh ar an gCathaoirleach freisin páirt a ghlacadh i BBM má tá leas ar leith acu in ábhar. Beidh an Cathaoirleach freagrach as BCN an Eurochórais a chur ar an eolas má mheastar go bhféadfadh leas ar leith a bheith acu agus féadfaidh sé nó sí aon phointe a ardaíodh ag BCN an Eurochórais a thabhairt os comhair an BCN. Chun a áirithiú go gcoinneofar Coiste um Bonneagar Margaidh agus Íocaíochtaí (CBMÍ) an Eurochórais ar an eolas faoi obair BBM, beidh mír tuairiscithe rialta ar thopaicí BBM ar gach clár oibre CBMÍ. Má mheastar é a bheith iomchuí, féadfar cruinnithe comhpháirteacha de chuid CBMÍagus BBM a thionól. Déanfar an idirghníomhaíocht idir an BBM agus coistí CEBC eile trí bhíthin comhairliúcháin i scríbhinn. Tá gníomhaíochtaí BBM faoi réir athbhreithniú a dhéanamh ar CII. 5. Sreabhadh seachtrach faisnéise, trédhearcachta agus ionadaíochta Cuireann an Cathaoirleach aon gheallsealbhóir ábhartha ar an eolas go rialta faoi na saincheisteanna ábhartha go léir a bhaineann le seirbhísí bonneagair an Eurochórais agus le tionscadail atá faoi chúram BBM. Áirithíonn an Cathaoirleach trédhearcacht trí dhoiciméadacht theicniúil ábhartha a bheith ar fáil go tráthúil agus go comhsheasmhach i ndáil le seirbhísí bonneagair an Eurochórais agus tionscadail ar an roinn atá tiomnaithe do BBM ar shuíomh gréasáin BCE. Ní mór do na comhaltaí an Cathaoirleach a chur ar an eolas roimh dhul i mbun aon ghníomhaíochtaí/cumarsáide ábhartha agus substaintiúla seachtracha a bhaineann le freagrachtaí agus cúraimí BBM, amhail labhairt ar sheirbhísí bonneagair an Eurochórais agus ar thionscadail atá faoi chúram BBM ag comhdhálacha nó cruinnithe leis na geallsealbhóirí ábhartha, agus ní mór dóibh achoimre scríofa a chur ar fáil do BBM laistigh de chúig lá oibre tar éis an imeachta. Ní mór d’aon ghníomhaíocht sheachtrach/cumarsáid shubstaintiúil a bheith chun leasa an Eurochórais agus caithfidh sí a bheith comhsheasmhach le haon chinntí beartais de chuid na Comhairle Rialaithe. 6. Tacaíocht Gheobhaidh BBM tacaíocht eagraíochtúil ó BCE, inter alia, chun cruinnithe BBM a ullmhú, lena n-áirítear doiciméadacht na gcruinnithe. De ghnáth, seolann BCE doiciméid lena bplé chuig na comhaltaí cúig lá oibre roimh chruinniú. Mar sin féin, féadfar doiciméid ghearra a sheoladh lá oibre amháin roimh ré. Doiciméid a sheoltar níos lú ná dhá lá oibre roimh ré, meastar gur ‘doiciméid tábla’ iad nach féidir leis an BBM cinneadh a dhéanamh dá bharr, mura gcomhaontaíonn na comhaltaí go léir a mhalairt. Tar éis gach cruinnithe BBM, ullmhaíonn BCE dréacht-toradh ina dtaifeadtar na hábhair a bhí á mbreithniú agus torthaí an phlé, chomh maith leis an obair leantach a comhaontaíodh. Áirítear sa dréacht-toradh seasaimh a chuir comhaltaí aonair in iúl le linn an chruinnithe nuair a iarrtar sin. Scaiptear an dréacht-toradh ar na comhaltaí laistigh de chúig lá oibre ón gcruinniú. Chomh maith leis sin, i ndiaidh gach cruinnithe BBM, ullmhaíonn BCE liosta gníomhaíochta ina bhfuil na cúraimí agus na spriocdhátaí a leithdháileadh agus a comhaontaíodh le linn an chruinnithe sin. Cuirtear an dréacht-toradh agus an liosta gníomhaíochta faoi bhráid BBM lena bhformheas ag an gcruinniú ina dhiaidh sin (nó, más gá, níos luaithe trí nós imeachta i scríbhinn) agus síníonn an Cathaoirleach iad. Ceapfaidh BBM Rialaitheoir, a fhéadfaidh a bheith ar dhuine dá chomhaltaí, agus gheobhaidh sé ionchur uaidh. Féadfaidh BBM fostruchtúir a chruthú agus cúraimí sonracha a tharmligean chucu, i gcomhaontú le BCE. D’fhéadfaí fostruchtúr a bhunú ar bhealach atá éagsúil le comhdhéanamh BBM, agus bheadh sé oscailte do gach BCN de chuid an Eurochórais agus, i gcás inarb ábhartha, do BCNanna nach bhfuil sa limistéar euro páirt a ghlacadh ann. 7. Lámhleabhar Rialachais Coinníonn BBM lámhleabhar rialachais ina n-áirítear, inter alia, rialacha agus nósanna imeachta breise, ionchais i dtéarmaí trédhearcachta agus rialaithe, a shainordú eagraíochtúil, línte tuairiscithe, agus ceanglais maidir le hionadaíocht grúpaí. 8. Athbhreithniú ar shainordú Féadfar sainordú BBM a athbhreithniú gach cúig bliana i bhfianaise na taithí a fuarthas.’; |
|
3) |
Leasaítear Iarscríbhinn IV mar a leanas: cuirtear an méid seo a leanas in ionad mhír 3:
|
(1) Cinneadh BCE/2004/2 ón mBanc Ceannais Eorpach an 19 Feabhra 2004 lena nglactar Rialacha Nós Imeachta an Bhainc Ceannais Eorpaigh (IO L 80, 18.3.2004, lch. 33).
ELI: http://data.europa.eu/eli/dec/2023/2870/oj
ISSN 1977-0839 (electronic edition)