L_202402553GA.000101.fmx.xml

CINNEADH (CBES) 2024/2553 ÓN gCOMHAIRLE

an 4 Aibreán 2024

maidir le síniú agus tabhairt i gcrích an Chomhaontaithe idir an tAontas Eorpach agus Poblacht Mhósaimbíc maidir le stádas Mhisean an Aontais Eorpaigh le haghaidh Oiliúint Mhíleata i Mósaimbíc (EUTM Mozambique)

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 37 de, i gcomhar le hAirteagal 218(5) agus (6) den Chonradh ar Fheidhmiú an Aontais Eorpaigh,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)	An 12 Iúil 2021, ghlac an Chomhairle Cinneadh (CBES) 2021/1143 (1) lena mbunaítear Misean an Aontais Eorpaigh le haghaidh Oiliúint Mhíleata i Mósaimbíc (EUTM Mozambique).

(2)	An 15 Deireadh Fómhair 2021, ghlac an Chomhairle Cinneadh (CBES) 2021/1818 (2), lena seoltar EUTM Mozambique.

(3)	An 4 Samhain 2021, d’údaraigh an Chomhairle Ardionadaí an Aontais do Ghnóthaí Eachtracha agus don Bheartas Slándála tús a chur leis an gcaibidlíocht le Poblacht Mhósaimbíc le haghaidh Comhaontú d’fhonn comhaontú a thabhairt i gcrích maidir le stádas EUTM Mozambique.

(4)	Rinneadh comhaontú a chaibidil idir an tAontas agus Poblacht Mhósaimbíc ar bhonn an údaraithe a dheonaigh an Chomhairle an 4 Samhain 2021.

(5)	Ba cheart an Comhaontú idir an tAontas Eorpach agus Poblacht Mhósaimbíc maidir le stádas Mhisean an Aontais Eorpaigh le haghaidh Oiliúint Mhíleata i Mósaimbíc (EUTM Mozambique) a fhormheas thar ceann an Aontais,

TAR ÉIS AN CINNEADH SEO A GHLACADH:

Airteagal 1

Formheastar leis seo an Comhaontú idir an tAontas Eorpach agus Poblacht Mhósaimbíc maidir le stádas Mhisean an Aontais Eorpaigh le haghaidh Oiliúint Mhíleata i Mósaimbíc (EUTM Mozambique) thar ceann an Aontais (3).

Airteagal 2

Leis seo, údaraítear Uachtarán na Comhairle an duine/na daoine a ainmniú a mbeidh sé de chumhacht aige/acu an Comhaontú a shíniú, chun an tAontas a cheangal.

Airteagal 3

Tiocfaidh an Cinneadh seo i bhfeidhm ar dháta a ghlactha.

Arna dhéanamh sa Bhruiséil, an 4 Aibreán 2024.

Thar ceann na Comhairle

An tUachtarán

H. LAHBIB

(1) Cinneadh (CBES) 2021/1143 ón gComhairle an 12 Iúil 2021 maidir le Misean an Aontais Eorpaigh le haghaidh Oiliúint Mhíleata i Mósaimbíc (EUTM Mhósaimbíc) (IO L 247, 13.7.2021, lch. 93).

(2) Cinneadh (CBES) 2021/1818 ón gComhairle an 15 Deireadh Fómhair 2021 lena seoltar Misean an Aontais Eorpaigh le haghaidh Oiliúint Mhíleata i Mósaimbíc (EUTM Mhósaimbíc) (IO L 368, 18.10.2021, lch. 5).