|
6.12.2011 |
MT |
Il-Ġurnal Uffiċjali tal-Unjoni Ewropea |
L 322/1 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 1262/2011
tal-5 ta’ Diċembru 2011
li jemenda l-Anness V tar-Regolament tal-Kunsill (KE) Nru 1342/2007 fir-rigward tal-limiti kwantitattivi ta’ ċerti prodotti tal-azzar mill-Federazzjoni Russa
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1342/2007 tat-22 ta’ Ottubru 2007 dwar l-amministrazzjoni ta’ ċerti restrizzjonijiet fuq importazzjonijiet ta’ ċerti prodotti tal-azzar mill-Federazzjoni Russa (1), u b'mod partikolari l-Artikolu 5 tiegħu,
Billi:
|
(1) |
Il-Komunità Ewropea u l-Federazzjoni Russa ffirmaw Ftehim dwar il-kummerċ ta’ ċerti prodotti tal-azzar fis-26 ta’ Ottubru 2007 (2) (“il-Ftehim”). |
|
(2) |
L-Artikolu 3(3) tal-Ftehim jistipula li kwantitajiet mhux użati f'sena speċifika jistgħu jintużaw għas-sena ta’ wara sa massimu ta’ 7 % tal-limitu rilevanti kwantitattiv imsemmi fl-Anness II tal-Ftehim. |
|
(3) |
Skont l-Artikolu 3(4) tal-Ftehim, jistgħu jsiru trasferimenti bejn il-gruppi ta’ prodotti sa 7 % tal-limitu kwantitattiv ta’ grupp speċifiku ta’ prodotti. |
|
(4) |
Ir-Russja għarrfet lill-Unjoni Ewropea bl-intenzjoni tagħha li tuża d-dispożizzjonijiet tal-Artikolu 3(3) u 3(4) fil-limiti ta’ żmien imsemmija fil-Ftehim. B'riżultat tat-talba Russa, huwa xieraq li jsiru l-aġġustamenti meħtieġa għal-limiti kwantitattivi għas-sena 2011. |
|
(5) |
L-Artikolu 10 tal-Ftehim jistipula li ma’ kull tiġdid annwali, il-kwantitajiet f'kull grupp ta’ prodotti għandhom jiżdiedu bi 2,5 %. |
|
(6) |
Ir-Regolament (KE) Nru 1342/2007 għandu jiġi emendat skont dan, |
ADOTTAT DAN IR-REGOLAMENT:
Artikolu 1
L-Anness V tar-Regolament (KE) Nru 1342/2007 huwa sostitwit bit-test ippreżentat fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Gurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Diċembru 2011.
Għall-Kummissjoni
Il-President
José Manuel BARROSO
ANNESS
“ANNESS V
LIMITI KWANTITATTIVI
|
(Tunnellati) |
|||||
|
Prodotti |
Sena 2011 |
Sena 2012 |
|||
|
Prodotti ċatti SA. |
|||||
|
SA1. Kojls |
1 230 897 |
1 142 446 |
|||
|
SA2. Pjanċa Tqila |
297 127 |
303 549 |
|||
|
SA3. Prodotti ċatti oħrajn |
676 140 |
656 769 |
|||
|
SA4. Prodotti lligati |
113 444 |
115 900 |
|||
|
SA5. Pjanċi kwarto lligati |
27 011 |
27 595 |
|||
|
SA6. Pjanċi llegati rrumblati fil-ksieħ u miksijin |
121 096 |
121 419 |
|||
|
SB. Prodotti twal |
|||||
|
SB1. Travi |
63 570 |
60 710 |
|||
|
SB2. Virga tal-wajer |
374 481 |
357 635 |
|||
|
SB3. Prodotti twal oħrajn |
586 180 |
559 633 |
|||
|
|||||