|
2.9.2021 |
GA |
Iris Oifigiúil an Aontais Eorpaigh |
L 309/3 |
RIALACHÁN TARMLIGTHE (AE) 2021/1430 ÓN gCOIMISIÚN
an 31 Bealtaine 2021
lena bhforlíontar Rialachán (AE) 2018/956 ó Pharlaimint na hEorpa agus ón gComhairle chun na sonraí a shonrú a bheidh le tuairisciú ag na Ballstáit chun críocha na hastaíochtaí CO2 agus ídiú breosla feithiclí nua tromshaothair a fhíorú
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2018/956 ó Pharlaimint na hEorpa agus ón gComhairle an 28 Meitheamh 2018 maidir le faireachán agus tuairisciú a dhéanamh ar astaíochtaí CO2 ó fheithiclí nua tromshaothair agus ar ídiú breosla na bhfeithiclí sin (1), agus go háirithe Airteagal 7(2) de,
De bharr an mhéid seo a leanas:
|
(1) |
Le Rialachán (CE) Uimh. 595/2009 ó Pharlaimint na hEorpa agus ón gComhairle (2), leagtar síos rialacha maidir le comhréireacht feithiclí agus inneall agus iad in úsáid, marthanacht feistí rialaithe truaillithe, córais dhiagnóiseacha ar bord feithicle agus úsáid breosla agus astaíochtaí CO2 a thomhas. |
|
(2) |
I gcomhréir le hAirteagal 7(1) de Rialachán (AE) 2018/956 tá an Coimisiún le faireachán a dhéanamh ar thorthaí tástálacha fíoraithe ar bhóthar, i gcás ina mbeidh fáil ar na torthaí sin, faoi chuimsiú Rialachán (CE) Uimh. 595/2009 chun fíorú a dhéanamh ar astaíochtaí CO2 agus ídiú breosla feithiclí nua tromshaothair. |
|
(3) |
Comhlánaíonn Rialachán (AE) 2017/2400 ón gCoimisiún (3) an creat dlíthiúil maidir le mótarfheithiclí agus innill a chineál-cheadú i leith astaíochtaí agus faisnéis faoi fheithiclí a dheisiú agus a chothabháil arna bhunú ag Rialachán (AE) Uimh. 582/2011 ón gCoimisiún (4). Le Rialachán (AE) 2017/2400 leagtar síos, go háirithe, na rialacha maidir le heisiúint ceadúnas chun uirlis ionsamhlúcháin a oibriú d’fhonn astaíochtaí CO2 agus ídiú breosla a chinneadh i dtaca le feithiclí nua tromshaothair a bheidh le díol, le clárú nó le cur i seirbhís san Aontas agus rialacha maidir leis an uirlis ionsamhlúcháin sin a oibriú agus na luachanna astaíochtaí CO2 agus ídiú breosla a chinntear ar an mbonn sin a dhearbhú. |
|
(4) |
Chun tuiscint chuimsitheach a fháil ar thástálacha bóthair d’fhonn fíorú a dhéanamh ar astaíochtaí CO2 agus ídiú breosla feithiclí nua tromshaothair, is gá anailís a dhéanamh ar na tuarascálacha tástála. |
|
(5) |
I gcás cliseadh nós imeachta tástála fíoraithe ar bhóthar, beidh gá le tuilleadh faisnéise faoi chúiseanna an chliste sin, obair leantach an chliste sin agus faoi thorthaí na n-imscrúduithe lena gcinntear cúis an chliste sin. |
|
(6) |
Beidh gá freisin le faisnéis faoin gcaoi a bhfuil tuarascálacha tástála éagsúla nasctha leis an ngrúpa feithiclí gaolmhara céanna faoi imscrúdú. |
|
(7) |
Maidir leis na sonraí is gá chun faireachán a dhéanamh ar thorthaí tástálacha ar bhóthar i gcomhréir le hAirteagal 7(1) de Rialachán (AE) 2018/956 agus chun an tuarascáil bhliantúil a ullmhú i gcomhréir le hAirteagal 10 den Rialachán sin, is iomchuí dáta a shonrú faoinar cheart d’údaráis inniúla na mBallstát na sonraí sin a thuairisciú ionas go bhfaighidh an Coimisiún iad go tráthúil, |
TAR ÉIS AN RIALACHÁN SEO A GHLACADH:
Airteagal 1
Sonraí a bheidh le tuairisciú
Chun críocha Airteagal 7(1) de Rialachán (AE) 2018/956, déanfaidh údaráis inniúla na mBallstát na sonraí seo a leanas a thuairisciú:
|
(a) |
tuarascálacha tástála dá dtagraítear in Airteagal 20(1), an dara fomhír de Rialachán (AE) 2017/2400 ón gCoimisiún, mí amháin ar a dhéanaí tar éis do mhonaróir na feithicle na tuarascálacha sin a chur ar fáil don údarás cineálcheadaithe; |
|
(b) |
faisnéis faoi imscrúdú lena gcinntear an chúis maidir le cliseadh nós imeachta tástála fíoraithe dá dtagraítear in Airteagal 20(2), an dara fomhír de Rialachán (AE) 2017/2400, mí amháin ar a dhéanaí tar éis thosach an imscrúdaithe; |
|
(c) |
torthaí imscrúdaithe dá dtagraítear in Airteagal 20(2), an dara fomhír de Rialachán (AE) 2017/2400, lena n-áirítear faisnéis faoi chúiseanna clistí a chinntear de réir an dara fomhír den Airteagal sin a bhaineann le comhpháirteanna agus le haonaid nó córais theicniúla ar leithligh a dheimhniú nó a bhaineann leis an uirlis ionsamhlúcháin a oibriú, mí amháin ar a dhéanaí tar éis don údarás cineálcheadaithe cúis an chliste a chinneadh; |
|
(d) |
tuarascálacha tástála dá dtagraítear in Airteagal 22(2) de Rialachán (AE) 2017/2400 ar a bhfuil uimhir an deimhnithe maidir le hastaíochtaí CO2 agus airíonna a bhaineann le hídiú breosla grúpa cúltarraingthe aeir, ar tuarascálacha iad arna mbunú le haghaidh an ghrúpa sin, mí amháin ar a dhéanaí tar éis don mhonaróir na tuarascálacha sin a chur ar fáil don údarás cineálcheadaithe; |
|
(e) |
na doiciméid a thugtar tuairisc orthu in Iarscríbhinn VIII agus in Aguisíní 1 agus 2 a ghabhann le Rialachán (AE) 2017/2400 le haghaidh gach deimhnithe maidir le hastaíochtaí CO2 agus airíonna a bhaineann le hídiú breosla de ghrúpa cúltarraingthe aeir arna dheonú, arna shíneadh, arna dhiúltú nó arna aistarraingt, lena n-áirítear na ceangaltáin, mí amháin ar a dhéanaí tar éis bhunú na ndoiciméad sin nó tar éis don údarás cineálcheadaithe iad a fháil. |
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 31 Bealtaine 2021.
Thar ceann an Choimisiúin
An tUachtarán
Ursula VON DER LEYEN
(1) IO L 173, 9.7.2018, lch. 1.
(2) Rialachán (CE) Uimh. 595/2009 ó Pharlaimint na hEorpa agus ón gComhairle an 18 Meitheamh 2009 maidir le mótarfheithiclí agus innill a chineál-cheadú i leith astaíochtaí ó fheithiclí saothair throm (Euro VI) agus lena leasaítear Rialachán (CE) Uimh. 715/2007 agus Treoir 2007/46/CE agus lena n-aisghairtear Treoir 80/1269/CEE, Treoir 2005/55/CE agus Treoir 2005/78/CE (IO L 188, 18.7.2009, lch. 1).
(3) Rialachán (AE) 2017/2400 ón gCoimisiún an 12 Nollaig 2017 lena gcuirtear chun feidhme Rialachán (CE) Uimh. 595/2009 ó Pharlaimint na hEorpa agus ón gComhairle maidir le cinneadh a dhéanamh ar astaíochtaí CO2 agus ar ídiú breosla feithiclí tromshaothair agus lena leasaítear Treoir 2007/46/CE ó Pharlaimint na hEorpa agus ón gComhairle agus Rialachán (AE) Uimh. 582/2011 ón gCoimisiún (IO L 349, 29.12.2017, lch. 1).
(4) Rialachán (AE) Uimh. 582/2011 ón gCoimisiún an 25 Bealtaine 2011 lena gcuirtear i bhfeidhm agus lena leasaítear Rialachán (CE) Uimh. 595/2009 ó Pharlaimint na hEorpa agus ón gComhairle i dtaca le hastaíochtaí ó fheithiclí tromshaothair (Euro VI) agus lena leasaítear Iarscríbhinní I agus III a ghabhann le Treoir 2007/46/CE ó Pharlaimint na hEorpa agus ón gComhairle (IO L 167, 25.6.2011, lch. 1).