|
23.9.2020 |
MT |
Il-Ġurnal Uffiċjali tal-Unjoni Ewropea |
L 309/1 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1317
tad-9 ta’ Settembru 2020
dwar il-klassifikazzjoni ta’ ċerti oġġetti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (1), u b’mod partikolari l-Artikolu 57(4) u l-Artikolu 58(2) tiegħu,
Billi:
|
(1) |
Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-oġġetti msemmija fl-Anness ta’ dan ir-Regolament. |
|
(2) |
Ir-Regolament (KEE) Nru 2658/87 stipula r-regoli ġenerali għall-interpretazzjoni tan-Nomenklatura Magħquda. Dawn ir-regoli japplikaw ukoll għal kwalunkwe nomenklatura oħra li hija totalment jew parzjalment ibbażata fuqha jew li żżid xi suddiviżjoni addizzjonali magħha u li hija stabbilita minn dispożizzjonijiet speċifiċi tal-Unjoni, bl-għan li jkun hemm l-applikazzjoni ta’ tariffi u miżuri oħra relatati mal-kummerċ tal-oġġetti. |
|
(3) |
Skont dawk ir-regoli ġenerali, l-oġġetti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta’ dik it-tabella. |
|
(4) |
Jixraq li jiġi previst li l-informazzjoni vinkolanti dwar it-tariffi maħruġa għall-oġġetti kkonċernati minn dan ir-Regolament li ma tikkonformax ma’ dan ir-Regolament, tkun tista’ tibqa’ tiġi invokata mid-detentur, għal ċertu perjodu, skont l-Artikolu 34(9) tar-Regolament (UE) Nru 952/2013. Dak il-perjodu jenħtieġ li jkun ta’ tliet xhur. |
|
(5) |
Il-miżuri stipulati f’dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
L-oġġetti deskritti fil-kolonna (1) tat-tabella kif imniżżla fl-Anness għandhom ikunu kklassifikati fin-Nomenklatura Magħquda taħt il-kodiċi NM indikat fil-kolonna (2) ta’ din it-tabella.
Artikolu 2
L-informazzjoni tariffarja vinkolanti li ma tkunx konformi ma’ dan ir-Regolament tista’ tibqa’ tiġi invokata f’konformità mal-Artikolu 34(9) tar-Regolament (UE) Nru 952/2013 għal perjodu ta’ tliet xhur mid-data tad-dħul fis-seħħ ta’ dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Settembru 2020.
Għall-Kummissjoni
F’isem il-President
Gerassimos THOMAS
Direttur Ġenerali
Id-Direttorat Ġenerali għat-Tassazzjoni u l-Unjoni
(1) ĠU L 269, 10.10.2013, p. 1.
(2) Ir-Regolament tal-Kunsill (KEE) Nru 2658/87, tat-23 ta’ Lulju, 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1).
ANNESS
|
Deskrizzjoni tal-oġġetti |
Klassifikazzjoni (Kodiċi NM) |
Raġunijiet |
||||||||||||
|
(1) |
(2) |
(3) |
||||||||||||
|
3602 00 00 |
Il-klassifikazzjoni hija ddeterminata mir-regola ġenerali nru 1 għall-interpretazzjoni tan-Nomenklatura Magħquda u l-kliem tal-kodiċi NM 3602 00 00 . Il-polimeru anjoniku jiżdied biex jagħti lill-prodott densità aktar baxxa u kapaċità akbar għall-assorbiment taż-żejt, li huma karatteristiki importanti li jippermettu lill-prilli porużi jkunu aktar adattati bħala materjal ta’ bażi għall-manifattura ta’ splussivi ANFO (Żejt Kombustibbli tan-Nitrat tal-Ammonju). It-trattament tas-superfiċje tal-prilli porużi permezz tal-kisi jsir biex jiġi stabbilizzat in-nitrat tal-ammonju u b’hekk jiġi evitat l-assorbiment mhux mixtieq tal-ilma li jista’ jimmina/inaqqas il-kapaċità ta’ assorbiment taż-żejt kombustibbli li huwa wieħed mill-karatteristiċi essenzjali ta’ splussiv ANFO effiċjenti. Għalhekk, abbażi tal-karatteristiċi oġġettivi tiegħu, il-prodott huwa identifikabbli bħala splussiv ippreparat taħt l-intestatura 3602 (ara wkoll l-opinjoni 3602.00/2 tal-klassifikazzjoni tas-Sistema Armonizzata). Il-klassifikazzjoni taħt l-intestatura 3102 hija eskluża minħabba li l-prodott ġie ppreparat u fformulat speċifikament biex jintuża bħala materjal ta’ bażi għall-isplussivi. La l-polimeru anjoniku u lanqas il-kisi mhuma teknikament rilevanti għall-użu bħala fertilizzant. Għalhekk, il-kundizzjonijiet tan-Nota 2 tal-Kapitolu 31 mhumiex issodisfati. Konsegwentement, il-prodott irid jiġi kklassifikat taħt il-kodiċi NM 3602 00 00 bħala splussivi ppreparati, għajr trabijiet propellanti. |
||||||||||||
|
3602 00 00 |
Il-klassifikazzjoni hija ddeterminata mir-regola ġenerali nru 1 għall-interpretazzjoni tan-Nomenklatura Magħquda u l-kliem tal-kodiċi NM 3602 00 00 . It-taħlita ta’ fosfat tad-diammonju, sulfat tal-ammonju u aċidu boriku tiżdied biex tagħti lill-prodott densità aktar baxxa u kapaċità akbar għall-assorbiment taż-żejt, li huma karatteristiki importanti li jippermettu lill-prilli porużi jkunu aktar adattati bħala materjal ta’ bażi għall-manifattura ta’ splussivi ANFO. It-trattament tas-superfiċje tal-prilli porużi permezz tal-kisi jsir biex jiġi stabbilizzat in-nitrat tal-ammonju u b’hekk jiġi evitat l-assorbiment mhux mixtieq tal-ilma li jista’ jimmina/inaqqas il-kapaċità ta’ assorbiment taż-żejt kombustibbli li huwa wieħed mill-karatteristiċi essenzjali ta’ splussiv ANFO effiċjenti. Għalhekk, abbażi tal-karatteristiċi oġġettivi tiegħu, il-prodott huwa identifikabbli bħala splussiv ippreparat taħt l-intestatura 3602 (ara wkoll l-opinjoni 3602.00/1 tal-klassifikazzjoni tas-Sistema Armonizzata). Il-klassifikazzjoni taħt l-intestatura 3102 hija eskluża minħabba li l-prodott ġie ppreparat u fformulat speċifikament biex jintuża bħala materjal ta’ bażi għall-isplussivi. La l-addittivi diversi u lanqas il-kisi mhuma teknikament rilevanti għall-użu ta’ dan in-nitrat tal-ammonju ppreparat bħala fertilizzant. Għalhekk, il-kundizzjonijiet tan-Nota 2 tal-Kapitolu 31 mhumiex issodisfati. Konsegwentement, il-prodott irid jiġi kklassifikat taħt il-kodiċi NM 3602 00 00 bħala splussivi ppreparati, għajr trabijiet propellanti. |