|
Il-Ġurnal Uffiċjali |
MT Is-serje L |
|
2026/81 |
7.4.2026 |
REGOLAMENT DELEGAT TAL-KUMMISSJONI (UE) 2026/81
tat-13 ta’ Jannar 2026
li jemenda r-Regolament Delegat (UE) 2019/1122 fir-rigward tal-funzjonament tar-Reġistru tal-Unjoni f’konformità mar-Regolament (UE) 2018/841 tal-Parlament Ewropew u tal-Kunsill
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/841 tal-Parlament Ewropew u tal-Kunsill tat-30 ta’ Mejju 2018 dwar l-inklużjoni tal-emissjonijiet u l-assorbimenti ta’ gassijiet serra minn użu tal-art, tibdil fl-użu tal-art u l-forestrija fil-qafas ta’ politika għall-klima u l-enerġija għall-2030, u li jemenda r-Regolament (UE) Nru 525/2013 u d-Deċiżjoni Nru 529/2013/UE (1), u b’mod partikolari l-Artikolu 15(1) tiegħu,
Billi:
|
(1) |
Ir-Regolament Delegat tal-Kummissjoni (UE) 2019/1122 (2) jistabbilixxi r-regoli għall-funzjonament tar-Reġistru tal-Unjoni, stabbilit skont id-Direttiva 2003/87/KE tal-Parlament Ewropew u tal-Kunsill (3). |
|
(2) |
Ir-Regolament (UE) 2018/841 ġie emendat (4) biex jipprevedi l-kontribut tas-settur tal-użu tal-art, tat-tibdil fl-użu tal-art u tal-forestrija (LULUCF) għaż-żieda fl-ambizzjoni tal-Unjoni li jitnaqqsu l-emissjonijiet netti ta’ gassijiet serra b’mill-inqas 55 % sal-2030 u biex jiġi żgurat li s-settur tal-LULUCF jagħti kontribut fit-tul sostenibbli u prevedibbli għall-objettiv tan-newtralità klimatika tal-Unjoni. |
|
(3) |
Skont l-Artikolu 15 tar-Regolament (UE) 2018/841, ir-Reġistru tal-Unjoni għandu jiżgura r-reġistrazzjoni u t-twettiq preċiż tal-operazzjonijiet f’konformità ma’ dak ir-Regolament. |
|
(4) |
Għalhekk, jenħtieġ li r-regoli tar-Reġistru tal-Unjoni stabbiliti bir-Regolament Delegat (UE) 2019/1122 jiġu emendati sabiex jippermettu r-reġistrazzjoni tal-kwantitajiet ta’ emissjonijiet u assorbimenti f’konformità mar-Regolament (UE) 2018/841 u biex tiġi żgurata l-kontabbiltà preċiża tat-tranżazzjonijiet relatati mal-eżerċizzju tal-flessibbiltajiet previsti fl-Artikoli 11, 12, 13, 13a u 13b ta’ dak ir-Regolament, kwalunkwe aġġustament metodoloġiku mwettaq f’konformità mal-Artikolu 14(1a) ta’ dak ir-Regolament, u l-valutazzjoni tal-konformità skont l-Artikolu 13c ta’ dak ir-Regolament. Jenħtieġ li r-Reġistru tal-Unjoni jiżgura li l-ebda trasferiment jew tranżazzjoni ma titwettaq li tkun inkompatibbli mal-obbligi li jirriżultaw mir-Regolament (UE) 2018/841. |
|
(5) |
Ir-Regolament (UE) 2018/841 introduċa żewġ perjodi ta’ konformità, jiġifieri, mill-2021 sal-2025 u mill-2026 sal-2030, li matulhom l-Istati Membri għandu jkollhom aċċess għal ċerti flessibbiltajiet għall-fini tal-konformità mal-obbligi imposti minn dak ir-Regolament. |
|
(6) |
B’konsegwenza ta’ dan, u sabiex ikunu jistgħu jiġu rreġistrati u jitwettqu b’mod preċiż l-operazzjonijiet imsemmija fl-Artikolu 15(1), il-punti (a) sa (d), tar-Regolament (UE) 2018/841, jenħtieġ li jiġu stabbiliti bosta kontijiet ġodda fir-Reġistru tal-Unjoni. |
|
(7) |
Sabiex tiġi riflessa d-differenza fil-karatteristiċi bejn iż-żewġ perjodi ta’ konformità, jenħtieġ li jinfetaħ kont wieħed ta’ konformità tal-Unjoni għall-emissjonijiet u l-assorbimenti ta’ gassijiet serra mill-użu tal-art, it-tibdil fl-użu tal-art u l-forestrija (“Kont ta’ Konformità tal-LULUCF tal-UE”) għal kull wieħed miż-żewġ perjodi ta’ konformità tal-LULUCF. Il-Kont ta’ Konformità tal-LULUCF tal-UE jenħtieġ li jirrifletti s-somma tal-emissjonijiet netti jew tal-assorbimenti netti rreġistrati fil-kontijiet ta’ konformità tal-LULUCF tal-Istati Membri. |
|
(8) |
Bl-istess mod, jenħtieġ li jinfetaħ “Kont ta’ Konformità tal-LULUCF ta’ Stat Membru” għal kull Stat Membru għal kull wieħed miż-żewġ perjodi ta’ konformità tal-LULUCF. Fl-ewwel perjodu ta’ konformità tal-LULUCF, il-mekkaniżmi ta’ flessibbiltà previsti fir-Regolament (UE) 2018/841 huma disponibbli biss għal ċerti kategoriji ta’ kontabbiltà tal-art. Għalhekk, jenħtieġ li l-kwantità ta’ emissjonijiet u assorbimenti kontabbilizzati għal kull kategorija ta’ kontabbiltà tal-art tiġi rreġistrata fil-Kont ta’ Konformità tal-LULUCF ta’ Stat Membru. Fit-tieni perjodu ta’ konformità tal-LULUCF, il-mekkaniżmu tal-użu tal-art huwa disponibbli għall-kategoriji kollha tar-rapportar tal-art. Għalhekk, huwa biżżejjed li jiġu rreġistrati l-emissjonijiet u l-assorbimenti totali rrapportati għall-kategoriji tar-rapportar tal-art. Sabiex tkun tista’ ssir valutazzjoni tal-konformità, kemm il-mira tal-Istat Membru kif stabbilita fil-kolonna C tat-tabella fl-Anness IIa tar-Regolament (UE) 2018/841 kif ukoll il-baġit stabbilit għal dak l-Istat Membru jenħtieġ li jiġu riflessi fil-Kont ta’ Konformità tal-LULUCF ta’ Stat Membru. |
|
(9) |
Sabiex jiġi vvalutat sa liema punt il-flessibbiltajiet imsemmija fl-Artikoli 12, 13, 13a u 13b tar-Regolament (UE) 2018/841 jenħtieġ li jsiru disponibbli, u wara l-introduzzjoni tad-data rilevanti tal-LULUCF fil-Kont ta’ Konformità tal-LULUCF ta’ Stat Membru, jenħtieġ li r-Reġistru tal-Unjoni jikkalkula l-bilanċ ta’ dak il-kont jew mar-regola ta’ “ebda debitu” li tkopri l-ewwel perjodu ta’ konformità tal-LULUCF, jew mal-mira speċifika tal-Istat Membru għat-tieni perjodu ta’ konformità tal-LULUCF filwaqt li jitqies kwalunkwe aġġustament metodoloġiku mwettaq matul it-tieni perjodu ta’ konformità tal-LULUCF. |
|
(10) |
Meta l-bilanċ tal-Kont ta’ Konformità tal-LULUCF ta’ Stat Membru jkun pożittiv, ir-Reġistru tal-Unjoni jenħtieġ li joħroġ unitajiet ta’ assirbiment tal-art (“LRUs”) fil-Kont ta’ Konformità tal-LULUCF ta’ Stat Membru kkonċernat. Jenħtieġ li l-LRUs jinżammu biss fil-Kont ta’ Konformità tal-LULUCF ta’ Stat Membru fir-Reġistru tal-Unjoni, u t-trasferiment tagħhom jenħtieġ li jkun permess biss taħt ċerti kundizzjonijiet u fuq talba tal-Istat Membru. F’konformità mal-Artikolu 12 tar-Regolament (UE) 2018/841, l-Istati Membri għandhom il-possibbiltà li jittrasferixxu kwalunkwe surplus tal-LRUs tagħhom għall-kontijiet ta’ konformità tagħhom skont ir-Regolament (UE) 2018/842 tal-Parlament Ewropew u tal-Kunsill (5) (Kont ta’ Konformità tal-ESR) jew il-Kont ta’ Konformità tal-LULUCF ta’ Stat Membru ieħor. |
|
(11) |
Sabiex isir użu mill-flessibbiltà tal-art forestali ġestita li hija disponibbli għall-Istati Membri fl-ewwel perjodu ta’ konformità tal-LULUCF, jenħtieġ li jinfetaħ kont ċentrali tal-flessibbiltà tal-art forestali ġestita tal-Unjoni (“Kont Ċentrali tal-MFLFA tal-UE”) fir-Reġistru tal-Unjoni, u jenħtieġ li jinħolqu unitajiet tal-allokazzjoni għall-flessibbiltà tal-art forestali ġestita (“MFLFA”, Managed Forest Land Flexibility Allocations) u jkunu riflessi fil-Kont Ċentrali tal-MFLFA tal-UE fil-kwantitajiet disponibbli għall-Istati Membri kif stipulati fir-Regolament (UE) 2018/841. Jenħtieġ li t-trasferimenti ta’ tali unitajiet tal-allokazzjoni minn dan il-kont ikunu permessi meta jiġu ssodisfati l-kundizzjonijiet stabbiliti fl-Artikolu 13 tar-Regolament (UE) 2018/841. |
|
(12) |
Sabiex isir użu mill-kumpens addizzjonali disponibbli għall-Finlandja skont ir-Regolament (UE) 2018/841, jenħtieġ li jinfetaħ Kont ta’ Kumpens Addizzjonali Ċentrali għall-Finlandja fir-Reġistru tal-Unjoni u jenħtieġ li jinħolqu unitajiet tal-allokazzjoni ta’ flessibbiltà addizzjonali għall-Finlandja (“AFAF”, Additional Flexibility Allocations for Finland) u jkunu riflessi f’dak il-kont fil-kwantitajiet disponibbli għall-Finlandja għall-ewwel perjodu ta’ konformità tal-LULUCF kif stipulati fir-Regolament (UE) 2018/841. Jenħtieġ li t-trasferimenti ta’ tali allokazzjonijiet għall-Kont ta’ Konformità tal-LULUCF tal-Finlandja ikunu permessi meta jiġu ssodisfati l-kundizzjonijiet stabbiliti fl-Artikolu 13a tar-Regolament (UE) 2018/841. |
|
(13) |
Fi tmiem l-ewwel perjodu ta’ konformità tal-LULUCF, l-LRUs żejda mill-kontijiet ta’ konformità tal-LULUCF tal-Istati Membri jenħtieġ li jiġu ttrasferiti għall-Kont ta’ Konformità tal-LULUCF tal-UE sabiex fit-tieni perjodu ta’ konformità tal-LULUCF ikun jista’ jiġi vvalutat jekk l-Unjoni laħqitx il-mira tagħha sabiex tikseb aċċess għall-mekkaniżmu ta’ flessibbiltà fl-użu tal-art fit-tieni perjodu ta’ konformità u jenħtieġ li jinżammu f’dak il-kont fil-kwantitajiet imsemmija fl-Artikolu 13b(3), il-punt (c), it-tieni subparagrafu, tar-Regolament (UE) 2018/841 sakemm isseħħ il-valutazzjoni. Jenħtieġ li kwalunkwe kwantità ogħla minn dan il-limitu tiġi ttrasferita għall-Kont ta’ Tħassir tal-LULUCF tal-UE. |
|
(14) |
Sabiex isir użu mill-flessibbiltà fl-użu tal-art li hija disponibbli għall-Istati Membri fit-tieni perjodu ta’ konformità tal-LULUCF, jenħtieġ li jinfetaħ Kont Ċentrali għall-Flessibbiltà fl-Użu tal-Art tal-Unjoni (“Kont Ċentrali tal-LUFA tal-UE”) fir-Reġistru tal-Unjoni, u jenħtieġ li jinħolqu unitajiet tal-allokazzjoni għall-flessibbiltà fl-użu tal-art (“LUFA”, land use flexibility allocations) u jkunu riflessi f’dak il-kont fil-kwantitajiet disponibbli għall-Istati Membri f’konformità mal-mekkaniżmu tal-użu tal-art kif stipulat fl-Artikolu 13b(4) tar-Regolament (UE) 2018/841. Jenħtieġ li t-trasferimenti ta’ tali unitajiet tal-allokazzjoni jkunu jistgħu jsiru meta jiġu ssodisfati l-kundizzjonijiet stabbiliti fl-Artikolu 13b tar-Regolament (UE) 2018/841. |
|
(15) |
Sabiex jiġi vvalutat jekk intlaħqux l-objettivi tar-Regolament (UE) 2018/841, jenħtieġ li r-Reġistru tal-Unjoni jippermetti wkoll il-kontrolli tal-konformità stabbiliti fir-Regolament (UE) 2018/841 billi jipprovdi proċedura għall-introduzzjoni tad-data rieżaminata dwar l-emissjonijiet tal-gassijiet serra fil-Kontijiet ta’ Konformità tal-LULUCF tal-Istati Membri, għall-kalkolu tal-bilanċ ta’ dawk il-kontijiet, għad-determinazzjoni tal-figura tal-istatus ta’ konformità tagħhom, u biex jiġu riflessi r-riżultati ta’ kwalunkwe kalkolu mill-ġdid meħtieġ li jirriżulta minn aġġustamenti metodoloġiċi mwettqa f’konformità mal-Artikolu 14(1a) tar-Regolament (UE) 2018/841. |
|
(16) |
Għal dan l-għan, għat-tieni perjodu ta’ konformità tal-LULUCF, fejn kien hemm bidla fil-metodoloġija użata mill-Istati Membri skont ir-Regolament (UE) 2018/1999 tal-Parlament Ewropew u tal-Kunsill (6) li tirriżulta f’differenza bejn id-data medja tal-inventarju tal-gassijiet serra kif ippreżentata fl-2020 għas-snin 2016, 2017 u 2018, id-data medja tal-inventarju tal-gassijiet serra kif ippreżentata fl-2025 għas-snin 2021, 2022 u 2023, u d-data medja tal-inventarju tal-gassijiet serra kif ippreżentata għas-snin 2021, 2022 u 2023 fl-2032, jenħtieġ li r-Reġistru tal-Unjoni jikkalkula d-differenza bejn id-data medja tal-inventarju tal-gassijiet serra u d-data medja tal-inventarju tal-gassijiet serra rieżaminata għal dawk is-snin u jiżgura li r-riżultat tal-kalkolu jkun rifless b’mod preċiż fil-baġit stabbilit għall-Istat Membru fil-Kont ta’ Konformità tal-LULUCF tal-Istat Membru. |
|
(17) |
Bl-istess mod, biex tiġi riflessa l-bidla fil-metodoloġija użata mill-Istati Membri skont ir-Regolament (UE) 2018/1999 fit-tieni perjodu ta’ konformità tal-LULUCF, li tirriżulta f’differenza bejn id-data medja tal-inventarju tal-gassijiet serra kif ippreżentata fl-2020 għas-snin 2016, 2017 u 2018, u d-data medja tal-inventarju tal-gassijiet serra kif ippreżentata fl-2032 għas-snin 2016, 2017 u 2018, jenħtieġ li r-Reġistru tal-Unjoni jikkalkula d-differenza bejn is-somma tad-data medja tal-inventarju tal-gassijiet serra u s-somma tad-data medja riveduta tal-inventarju tal-gassijiet serra għal dawk is-snin u jiżgura li r-riżultat tal-kalkolu jkun rifless b’mod preċiż fil-Kont ta’ Konformità tal-LULUCF tal-UE. |
|
(18) |
Sabiex tiġi żgurata valutazzjoni preċiża tal-konformità mal-obbligi tar-Regolament (UE) 2018/841 u sabiex jiġi ffaċilitat il-proċess, jenħtieġ li r-Reġistru tal-Unjoni jippermetti li jsiru kontrolli awtomatizzati fuq kull tranżazzjoni mwettqa f’konformità mar-Regolament (UE) 2018/841 u, fejn meħtieġ, jenħtieġ li jimblokka kwalunkwe tranżazzjoni li ma tikkonformax mar-rekwiżiti stipulati f’dak ir-Regolament. |
|
(19) |
Għalhekk, jenħtieġ li r-Regolament Delegat (UE) 2019/1122 jiġi emendat kif xieraq, |
ADOTTAT DAN IR-REGOLAMENT:
Artikolu 1
Ir-Regolament Delegat (UE) 2019/1122 huwa emendat kif ġej:
|
(1) |
fl-Artikolu 2, jiżdied is-subparagrafu li ġej: “Dan ir-Regolament japplika wkoll għall-emissjonijiet u l-assorbimenti rreġistrati, u għall-unitajiet maħluqa għall-finijiet tar-Regolament (UE) 2018/841 tal-Parlament Ewropew u tal-Kunsill (*1). (*1) Ir-Regolament (UE) 2018/841 tal-Parlament Ewropew u tal-Kunsill tat-30 ta’ Mejju 2018 dwar l-inklużjoni ta’ emissjonijiet ta’ gassijiet serra u tneħħija mill-użu tal-art, tibdil fl-użu tal-art u forestrija fil-qafas tal-klima u l-enerġija tal-2030, u li jemenda r-Regolament (UE) Nru 525/2013 u d-Deċiżjoni Nru 529/2013/UE (ĠU L 156, 19.6.2018, p. 1, ELI: http://data.europa.eu/eli/reg/2018/841/oj).”;" |
|
(2) |
l-Artikolu 3 huwa emendat kif ġej:
|
|
(3) |
fl-Artikolu 4, il-paragrafu 2 huwa sostitwit b’dan li ġej: “2. L-Istati Membri għandhom jużaw ir-Reġistru tal-Unjoni sabiex jissodisfaw l-obbligi tagħhom skont l-Artikolu 19 tad-Direttiva 2003/87/KE, l-Artikolu 12 tar-Regolament (UE) 2018/842 tal-Parlament Ewropew u tal-Kunsill (*2), u l-Artikolu 15 tar-Regolament (UE) 2018/841. Ir-Reġistru tal-Unjoni għandu jipprovdi lill-amministraturi nazzjonali u lid-detenturi tal-kontijiet bil-proċessi stabbiliti f’dan ir-Regolament. (*2) Ir-Regolament (UE) 2018/842 tal-Parlament Ewropew u tal-Kunsill tat-30 ta’ Mejju 2018 dwar it-tnaqqis annwali vinkolanti tal-emissjonijiet ta’ gassijiet serra mill-Istati Membri mill-2021 sal-2030 li jikkontribwixxi għall-azzjoni klimatika biex jiġu onorati l-impenji li saru fil-Ftehim ta’ Pariġi, u li jemenda r-Regolament (UE) Nru 525/2013 (ĠU L 156, 19.6.2018, p. 26, ELI: http://data.europa.eu/eli/reg/2018/842/oj).”;" |
|
(4) |
fl-Artikolu 7, il-paragrafu 5 huwa sostitwit b’dan li ġej: “5. L-amministratur ċentrali, l-awtoritajiet kompetenti u l-amministraturi nazzjonali għandhom iwettqu biss il-proċessi meħtieġa sabiex iwettqu l-funzjonijiet rispettivi tagħhom f’konformità mad-Direttiva 2003/87/KE, u mar-Regolamenti (UE) 2018/841 u (UE) 2018/842.” |
|
(5) |
l-Artikolu 12 huwa emendat kif ġej:
|
|
(6) |
jiddaħħal l-Artikolu 27b li ġej: “Artikolu 27b Għeluq tal-Kontijiet tal-LULUCF 1. L-amministratur ċentrali għandu jagħlaq Kont ta’ Konformità ta’ LULUCF ta’ Stat Membru mhux aktar kmieni minn xahar wara d-determinazzjoni tal-figura tal-istatus ta’ konformità għal dak il-kont skont l-Artikolu 59ad u wara li jagħti notifika minn qabel lid-detentur tal-kont. 2. Għall-ewwel perjodu ta’ konformità tal-LULUCF, l-amministratur ċentrali għandu jiżgura li r-Reġistru tal-Unjoni jwettaq trasferiment tal-LRUs kollha li jifdal mill-Kontijiet ta’ Konformità ta’ LULUCF tal-Istati Membri li huma pożittivi fl-għeluq, għall-Kont tal-Konformità tal-LULUCF tal-UE. 3. Għall-ewwel perjodu ta’ konformità tal-LULUCF, l-amministratur ċentrali għandu jiżgura li r-Reġistru tal-Unjoni jwettaq trasferiment tal-AFAFs kollha li jifdal mill-Kont ta’ Kumpens Addizzjonali Ċentrali għall-Finlandja għall-Kont ta’ Tħassir tal-LULUCF tal-UE. 4. Fil-kont ta’ Konformità tal-LULUCF tal-UE għall-ewwel perjodu ta’ konformità tal-LULUCF, l-amministratur ċentrali għandu jiżgura li r-Reġistru tal-Unjoni jikkalkula sa 30 %, iżda mhux aktar minn 20 miljun tunnellata ekwivalenti ta’ diossidu tal-karbonju, ta’ LRUs mhux użati biex jibqgħu fil-Kont ta’ Konformità tal-LULUCF tal-UE u jittrasferixxi kwalunkwe LRUs żejda għall-Kont ta’ Tħassir tal-LULUCF tal-UE. 5. Għat-tieni perjodu ta’ konformità tal-LULUCF, l-amministratur ċentrali għandu jiżgura li r-Reġistru tal-Unjoni jwettaq trasferiment tal-LRUs kollha li jifdal mill-Kontijiet ta’ Konformità tal-LULUCF tal-Istati Membri li huma pożittivi fl-għeluq, il-LUFAs kollha li jifdal mill-Kont Ċentrali tal-LUFA tal-UE, u l-MFLFAs kollha li jifdal mill-Kont Ċentrali tal-MFLFA tal-UE, għall-Kont ta’ Tħassir tal-LULUCF tal-UE.” |
|
(7) |
fit-Titolu IIA, jiżdied il-Kapitolu li ġej: “ KAPITOLU 2 Tranżazzjonijiet skont ir-Regolament (UE) 2018/841 Artikolu 59t Introduzzjoni tad-data rilevanti tal-LULUCF 1. Għall-ewwel perjodu ta’ konformità tal-LULUCF, b’mod f’waqtu u malli tkun disponibbli d-data riveduta rilevanti dwar l-emissjonijiet u l-assorbimenti ta’ gassijiet serra fl-2027, l-amministratur ċentrali għandu jdaħħal fil-Kont ta’ Konformità tal-LULUCF tal-Istat Membru s-somma tal-kwantitajiet tal-emissjonijiet kontabbilizzati jew tal-assorbimenti kontabbilizzati f’kull kategorija ta’ kontabbiltà tal-art imsemmija fl-Artikolu 2(1), il-punti (a) sa (f), tar-Regolament (UE) 2018/841. 2. L-amministratur ċentrali għandu jiżgura li s-somma tal-emissjonijiet kontabbilizzati u tal-assorbimenti kontabbilizzati għal kull Stat Membru, imsemmija fil-paragrafu 1, tiddaħħal fil-Kont ta’ Konformità tal-LULUCF tal-UE. 3. Għat-tieni perjodu ta’ konformità tal-LULUCF, b’mod f’waqtu u malli tkun disponibbli d-data riveduta rilevanti dwar l-emissjonijiet u l-assorbimenti ta’ gassijiet serra fl-2032, l-amministratur ċentrali għandu jdaħħal fil-Kont ta’ Konformità tal-LULUCF tal-Istat Membru s-somma tal-kwantitajiet tal-emissjonijiet irrapportati u tal-assorbimenti rrapportati fil-kategoriji jew is-setturi tar-rapportar tal-art imsemmija fl-Artikolu 2(2), il-punti (a) sa (j) tar-Regolament (UE) 2018/841. 4. Għat-tieni perjodu ta’ konformità tal-LULUCF, l-amministratur ċentrali għandu jiżgura li l-Kont ta’ Konformità tal-LULUCF tal-UE jirrifletti l-mira tal-Unjoni kif stabbilita fl-Artikolu 4(2) tar-Regolament (UE) 2018/841, u l-Kont ta’ Konformità tal-LULUCF tal-Istat Membru jirrifletti l-valur stabbilit għal dak l-Istat Membru fil-Kolonna C tal-Anness IIa tar-Regolament (UE) 2018/841. L-amministratur ċentrali għandu jiżgura wkoll li l-Kont ta’ Konformità tal-LULUCF tal-Istat Membru jirrifletti l-baġit u t-trajettorja stabbiliti għal dak l-Istat Membru f’konformità mal-ewwel subparagrafu tal-Artikolu 4(4), u mal-Artikolu 4(5) tar-Regolament (UE) 2018/841 għas-snin 2026, 2027, 2028 u 2029. 5. L-amministratur ċentrali għandu jiżgura li s-somma tal-emissjonijiet irrapportati u tal-assorbimenti rrapportati għal kull Stat Membru, imsemmija fil-paragrafu 3, tiddaħħal fil-Kont ta’ Konformità tal-LULUCF tal-UE. Artikolu 59u Kalkolu tal-bilanċ tal-Kont ta’ Konformità tal-LULUCF tal-Istat Membru u tal-Kont ta’ Konformità tal-LULUCF tal-UE 1. Mal-introduzzjoni tad-data rilevanti tal-LULUCF skont l-Artikolu 59t ta’ dan ir-Regolament relatata mal-ewwel perjodu ta’ konformità tal-LULUCF, l-amministratur ċentrali għandu jiżgura li r-Reġistru tal-Unjoni jikkalkula l-bilanċ tal-Kont ta’ Konformità tal-LULUCF tal-Istat Membru billi jnaqqas il-kwantitajiet totali ta’ emissjonijiet mill-kwantitajiet totali ta’ assorbimenti f’kull kategorija ta’ kontabbiltà tal-art kif imsemmija fl-Artikolu 2(1), il-punti (a) sa (f), tar-Regolament (UE) 2018/841. L-amministratur ċentrali għandu jiżgura li r-Reġistru tal-Unjoni jinkludi s-somma tar-riżultati tal-kalkolu fil-Kont ta’ Konformità tal-LULUCF tal-UE. 2. Mal-introduzzjoni tad-data rilevanti tal-LULUCF skont l-Artikolu 59t ta’ dan ir-Regolament relatata mat-tieni perjodu ta’ konformità tal-LULUCF, l-amministratur ċentrali għandu jiżgura li r-Reġistru tal-Unjoni jikkalkula l-bilanċ tal-Kont ta’ Konformità tal-LULUCF tal-Istat Membru billi jnaqqas il-kwantità totali ta’ emissjonijiet mill-kwantità totali ta’ assorbimenti f’kull kategorija jew settur tar-rapportar tal-art imsemmija fl-Artikolu 2(2), il-punti (a) sa (j), tar-Regolament (UE) 2018/841. L-amministratur ċentrali għandu jiżgura li r-Reġistru tal-Unjoni jkun jirrifletti r-riżultat tal-kalkolu fil-Kont ta’ Konformità tal-LULUCF tal-UE. 3. Fit-tieni perjodu ta’ konformità tal-LULUCF, fejn ikun hemm bidla fil-metodoloġija użata mill-Istati Membri skont ir-Regolament (UE) 2018/1999, li tirriżulta f’differenza bejn id-data medja tal-inventarju tal-gassijiet serra kif sottomessa fl-2020 għas-snin 2016, 2017 u 2018 u d-data medja tal-inventarju tal-gassijiet serra kif sottomessa għall-istess snin fl-2032, l-amministratur ċentrali għandu jiżgura li r-Reġistru tal-Unjoni jikkalkula d-differenza bejn id-data medja tal-inventarju tal-gassijiet serra kif sottomessa fl-2020 u d-data medja riveduta tal-inventarju tal-gassijiet serra għall-istess snin kif sottomessa fl-2032. Abbażi tar-riżultati tal-kalkolu, ir-Reġistru tal-Unjoni għandu jikkalkula mill-ġdid is-somma tad-data tal-inventarju tal-gassijiet serra għall-Unjoni kollha kemm hi, kif stabbilit fil-Kolonna B tal-Anness IIa tar-Regolament (UE) 2018/841, sabiex jallinja mal-mira tal-Unjoni stabbilita fl-Artikolu 4(2) ta’ dak ir-Regolament. 4. Fit-tieni perjodu ta’ konformità tal-LULUCF, fejn ikun hemm bidla fil-metodoloġija użata mill-Istati Membri skont ir-Regolament (UE) 2018/1999, li tirriżulta f’differenza bejn id-data medja tal-inventarju tal-gassijiet serra kif sottomessa fl-2025 għas-snin 2021, 2022 u 2023 u d-data medja tal-inventarju tal-gassijiet serra kif sottomessa għall-istess snin fl-2032, l-amministratur ċentrali għandu jiżgura li r-Reġistru tal-Unjoni jikkalkula d-differenza bejn id-data medja tal-inventarju tal-gassijiet serra riveduta kif sottomessa fl-2025 u d-data medja tal-inventarju tal-gassijiet serra riveduta għall-istess snin kif sottomessa fl-2032. Abbażi tar-riżultati tal-kalkoli mwettqa f’konformità ma’ dan il-paragrafu u mal-paragrafu 3 ta’ dan l-Artikolu, ir-Reġistru tal-Unjoni għandu jiżgura li l-baġit għall-Istati Membri jiġi kkalkolat mill-ġdid kif xieraq. Artikolu 59v Ħolqien tal-LRUs 1. Meta l-bilanċ tal-Kont ta’ Konformità tal-LULUCF tal-Istat Membru kkalkolat skont l-Artikolu 59u jkun pożittiv, l-amministratur ċentrali għandu joħroġ fil-Kont ta’ Konformità tal-LULUCF ta’ dak l-Istat Membru għadd ta’ LRUs li jikkorrespondu għall-kwantità ta’ assorbimenti żejda għaż-żewġ perjodi ta’ konformità tal-LULUCF. 2. Matul iż-żewġ perjodi ta’ konformità tal-LULUCF, l-LRUs għandhom ikunu eliġibbli biss biex jittrasferixxu għal Kontijiet ta’ Konformità tal-LULUCF ta’ Stati Membri oħrajn f’konformità mal-kundizzjonijiet stipulati fl-Artikoli 11 u 12 tar-Regolament (UE) 2018/841 u għall-Kontijiet ta’ Konformità tal-ESR tal-Istat Membru kkonċernat f’konformità mal-kundizzjonijiet stipulati fl-Artikolu 59k ta’ dan ir-Regolament. 3. L-amministratur ċentrali għandu jiżgura li r-Reġistru tal-Unjoni jassenja lil kull LRU kodiċi uniku ta’ identifikazzjoni tal-unità mal-ħolqien tagħha. Artikolu 59w Trasferimenti ta’ LRUs bejn il-Kontijiet ta’ Konformità tal-LULUCF tal-Istati Membri 1. L-amministratur ċentrali għandu jiżgura li, fuq talba ta’ Stat Membru li jkollu l-LRUs, u wara li jqis kwalunkwe LRUs ittrasferiti skont l-Artikolu 59x, ir-Reġistru tal-Unjoni jittrasferixxi kwantità mitluba ta’ LRUs mill-Kont ta’ Konformità tal-LULUCF tal-Istat Membru rikjedenti għall-Kont ta’ Konformità tal-LULUCF ta’ Stat Membru ieħor. 2. It-trasferimenti msemmija fil-paragrafu 1 ma għandhom jitwettqu fl-ebda wieħed mill-każijiet li ġejjin:
3. L-amministratur ċentrali għandu jiżgura li l-LRUs ittrasferiti f’konformità mal-paragrafu 1 ta’ dan l-Artikolu jintużaw biss għall-fini tal-issodisfar tal-obbligi tal-Istat Membru riċeventi skont l-Artikolu 4(1), (3) u (4) tar-Regolament (UE) 2018/841. Ir-Reġistru tal-Unjoni għandu jimblokka kwalunkwe trasferiment sussegwenti tal-LRUs mill-Kont ta’ Konformità tal-LULUCF tal-Istat Membru riċeventi fil-Kont ta’ Konformità tal-ESR tiegħu. Artikolu 59x Trasferimenti ta’ LRUs u allokazzjonijiet annwali tal-emissjonijiet (AEAs, Annual Emission Allocations) bejn il-Kontijiet ta’ Konformità tal-LULUCF tal-Istati Membri u l-Kontijiet ta’ Konformità tal-ESR 1. L-amministratur ċentrali għandu jiżgura li r-Reġistru tal-Unjoni jidentifika u juri, fil-Kont ta’ Konformità tal-LULUCF tal-Istat Membru li għandu LRUs, il-kwantità ta’ LRUs eliġibbli għat-trasferiment għall-Kont ta’ Konformità tal-ESR ta’ dak l-Istat Membru billi jnaqqas l-LRUs li mhumiex eliġibbli għat-trasferiment skont l-Artikolu 59w(3) mill-kwantità totali ta’ LRUs fl-istess Kont ta’ Konformità. 2. L-amministratur ċentrali għandu jiżgura li, fuq talba ta’ Stat Membru li għandu LRUs, ir-Reġistru tal-Unjoni jittrasferixxi ammont rikjest ta’ LRUs eliġibbli mill-Kont ta’ Konformità tal-LULUCF tal-Istat Membru rikjedenti għall-Kont ta’ Konformità tal-ESR tiegħu. Trasferimenti bħal dawn għandhom jitwettqu biss f’konformità mal-kondizzjonijiet stabbiliti fl-Artikolu 59k. 3. Meta, fl-ewwel perjodu ta’ konformità tal-LULUCF, il-bilanċ tal-Kont ta’ Konformità tal-LULUCF ta’ Stat Membru kkalkolat skont l-Artikolu 59u jkun negattiv, l-amministratur ċentrali għandu jiżgura li, fuq talba ta’ dak l-Istat Membru, ir-Reġistru tal-Unjoni jittrasferixxi kwantità rikjesta ta’ AEAs mill-Kont ta’ Konformità tal-ESR tas-sena rilevanti tal-Istat Membru rikjedenti għall-Kont ta’ Konformità tal-LULUCF. Tali trasferimenti ma għandhom jitwettqu fl-ebda wieħed mill-każijiet li ġejjin:
4. Meta, fit-tieni perjodu ta’ konformità tal-LULUCF, is-somma tal-Kont ta’ Konformità tal-LULUCF tal-Istat Membru kkalkolata skont l-Artikolu 59u tkun taħt il-mira stabbilita fil-Kolonna C tal-Anness IIA tar-Regolament (UE) 2018/841 għal dak l-Istat Membru, jew tkun taħt il-baġit stabbilit għal dak l-Istat Membru l-amministratur ċentrali għandu jiżgura li, fuq talba ta’ dak l-Istat Membru, ir-Reġistru tal-Unjoni jittrasferixxi kwantità mitluba ta’ AEAs mill-Kont ta’ Konformità tal-ESR għal sena partikolari tal-Istat Membru rikjedenti għall-Kont ta’ Konformità tal-LULUCF tiegħu. Tali trasferimenti ma għandhom jitwettqu fl-ebda wieħed mill-każijiet li ġejjin:
5. L-amministratur ċentrali għandu jiżgura li l-AEAs ittrasferiti f’konformità mal-paragrafi 3 u 4 ta’ dan l-Artikolu jintużaw biss għall-fini tal-issodisfar tal-obbligi tal-Istat Membru skont l-Artikolu 4(1), (3) u (4) tar-Regolament (UE) 2018/841 u li dawk it-trasferimenti jiġu riflessi fil-Kont ta’ Konformità tal-LULUCF tal-UE. Ir-Reġistru tal-Unjoni għandu jimblokka kwalunkwe trasferiment sussegwenti tal-AEAs mill-Kont ta’ Konformità tal-LULUCF tal-Istat Membru riċeventi għall-Kontijiet ta’ Konformità tal-LULUCF ta’ Stati Membri oħrajn. 6. Meta Stat Membru jkun biħsiebu jagħmel użu mill-flessibbiltà msemmija fl-Artikolu 12(1) tar-Regolament (UE) 2018/841, tali talba għandha tiġi sottomessa fi żmien 3 xhur wara l-pubblikazzjoni tal-att ta’ implimentazzjoni msemmi fl-Artikolu 38(4) tar-Regolament (UE) 2018/1999. Artikolu 59y Ħolqien tal-MFLFAs 1. Għall-ewwel perjodu ta’ konformità tal-LULUCF, l-amministratur ċentrali għandu joħloq fil-Kont Ċentrali tal-MFLFA tal-UE għadd ta’ MFLFAs ugwali għal 50 % tal-ammont totali ta’ kumpens disponibbli għall-perjodu mill-2021 sal-2030 kif stabbilit fit-tieni kolonna tal-Anness VII tar-Regolament (UE) 2018/841. L-ammont ta’ MFLFAs eliġibbli għat-trasferiment mill-Kont Ċentrali tal-MFLFA tal-UE għal Kont ta’ Konformità tal-LULUCF ta’ Stat Membru għall-ewwel perjodu ta’ konformità ma għandux jaqbeż il-50 % tal-ammont massimu ta’ kumpens disponibbli għall-Istat Membru kkonċernat kif stabbilit fit-tieni kolonna tal-Anness VII tar-Regolament (UE) 2018/841. 2. L-MFLFAs għandhom ikunu validi biss għall-ibbilanċjar tal-assorbimenti kontabbilizzati bħala emissjonijiet fil-kategorija ta’ kontabbiltà tal-art forestali ġestita tal-Istat Membru kkonċernat bil-għan li jissodisfa l-obbligi tiegħu f’konformità mal-Artikolu 4(1) tar-Regolament (UE) 2018/841. L-MFLFAs għandhom ikunu eliġibbli biss għal trasferiment mill-Kont Ċentrali tal-MFLFA tal-UE għall-Kont ta’ Konformità tal-LULUCF tal-Istat Membru kkonċernat. 3. L-amministratur ċentrali għandu jiżgura li r-Reġistru tal-Unjoni jassenja lil kull MFLFA kodiċi uniku ta’ identifikazzjoni tal-unità mal-ħolqien tagħha. Artikolu 59z Trasferiment tal-MFLFAs għall-Kont ta’ Konformità tal-LULUCF tal-Istat Membru 1. L-amministratur ċentrali għandu jiżgura li, fuq talba ta’ Stat Membru, ir-Reġistru tal-Unjoni jittrasferixxi l-kwantità mitluba ta’ MFLFAs mill-Kont Ċentrali tal-MFLFA tal-UE għall-Kont ta’ Konformità tal-LULUCF tal-Istat Membru rikjedenti. Tali trasferimenti ma għandhom jitwettqu fl-ebda wieħed mill-każijiet li ġejjin:
2. Meta l-emissjonijiet totali ta’ Stat Membru jaqbżu l-assorbimenti totali fil-kategorija ta’ kontabbiltà tal-art forestali ġestita, u wara li jiġi eżawrit il-kumpens previst f’konformità mal-ewwel sentenza tal-paragrafu 1, l-amministratur ċentrali għandu jiżgura li r-Reġistru tal-Unjoni jittrasferixxi ammont mitlub ta’ MFLFAs sa ammont mhux użat minn Stati Membri oħrajn tal-ammont sħiħ ta’ kumpens għall-perjodu mill-2021 sal-2025, kif imsemmi fl-Artikolu 59y(1), li jinsab fil-Kont Ċentrali tal-MFLFA tal-UE għal Kont ta’ Konformità tal-LULUCF ta’ Stat Membru, diment li l-Istat Membru rikjedenti jkun issottometta evidenza lill-Kummissjoni dwar l-impatt tad-disturbi naturali skont l-Artikolu 13(4) tar-Regolament (UE) 2018/841. 3. Meta t-talbiet mill-Istati Membri f’konformità mal-paragrafu 2 jaqbżu l-ammont ta’ MFLFAs disponibbli fil-Kont Ċentrali tal-MFLFA tal-UE, l-amministratur ċentrali għandu jqassam l-MFLFAs li jifdal fuq bażi pro rata. 4. Sabiex jiġi evitat għadd doppju, l-amministratur ċentrali għandu jiżgura li meta jwettaq it-trasferimenti f’konformità mal-paragrafi 1, 2 u 3, ir-Reġistru tal-Unjoni jnaqqas il-kwantitajiet korrispondenti ta’ MFLFAs mill-Kont Ċentrali tal-MFLFA tal-UE. Artikolu 59aa Ħolqien ta’ LUFAs 1. Għat-tieni perjodu ta’ konformità tal-LULUCF, l-amministratur ċentrali għandu joħloq fil-Kont Ċentrali tal-LUFA tal-UE għadd ta’ LUFAs ugwali għall-ammont massimu ta’ 178 miljun tunnellata ta’ ekwivalenti ta’ diossidu tal-karbonju disponibbli għall-Istati Membri kollha għall-perjodu mill-2026 sal-2030. L-ammont ta’ LUFAs eliġibbli għat-trasferiment mill-Kont Ċentrali tal-LUFA tal-UE għal Kont ta’ Konformità tal-LULUCF ta’ Stat Membru għat-tieni perjodu ta’ konformità ma għandux jaqbeż 50 % tal-ammont massimu ta’ kumpens disponibbli għall-Istat Membru kkonċernat kif stabbilit fit-tieni kolonna tal-Anness VII tar-Regolament (UE) 2018/841. 2. Il-LUFAs għandhom ikunu validi biss biex jiġu bbilanċjati l-emissjonijiet netti jew l-assorbimenti netti, jew it-tnejn, kontabbilizzati bħala emissjonijiet meta mqabbla mal-mira jew mal-baġit stabbilit għal dak l-Istat Membru f’konformità mal-Artikolu 4(3) u (4) tar-Regolament (UE) 2018/841. Il-LUFAs għandhom ikunu eliġibbli biss għal trasferiment mill-Kont Ċentrali tal-LUFA tal-UE għall-Kont ta’ Konformità tal-LULUCF tal-Istat Membru kkonċernat bil-ħsieb li jissodisfa l-obbligi tiegħu skont l-Artikolu 4(3) u (4) tar-Regolament (UE) 2018/841. 3. L-amministratur ċentrali għandu jiżgura li r-Reġistru tal-Unjoni jassenja lil kull LUFA kodiċi uniku ta’ identifikazzjoni tal-unità mal-ħolqien tagħha. Artikolu 59ab Trasferiment tal-LUFAs u tal-MFLFAs għall-Kont ta’ Konformità tal-LULUCF tal-Istat Membru 1. L-amministratur ċentrali għandu jiżgura li, fuq talba ta’ Stat Membru, ir-Reġistru tal-Unjoni jittrasferixxi l-kwantità rikjesta ta’ LUFAs mill-Kont Ċentrali tal-LUFA tal-UE għall-Kont ta’ Konformità tal-LULUCF tal-Istat Membru rikjedenti. Tali trasferimenti ma għandhom jitwettqu fl-ebda wieħed mill-każijiet li ġejjin:
2. Għall-fini tal-valutazzjoni dwar jekk il-mira tal-Unjoni għall-2030 kif imsemmi fil-punt (c) tal-paragrafu 1 ġietx issodisfata, u wara li jitqies kwalunkwe aġġustament metodoloġiku mwettaq skont l-Artikolu 59u(3), l-amministratur ċentrali għandu jqis kwalunkwe LRUs mhux użati li jifdal fil-Kont ta’ Konformità tal-LULUCF tal-UE għall-ewwel perjodu ta’ konformità wara li jkun twettaq it-trasferiment ta’ LRUs eċċessivi skont l-Artikolu 27b(4), dment li Stat Membru wieħed jew aktar ikunu ppreżentaw evidenza lill-Kummissjoni dwar l-impatt tad-disturbi naturali f’konformità mal-Artikolu 13b(5) tar-Regolament (UE) 2018/841. 3. Meta d-differenza bejn is-somma tal-emissjonijiet u tal-assorbimenti fi Stat Membru, u l-mira ta’ dak l-Istat Membru jew il-baġit tal-Istat Membru kif stabbilit f’konformità mal-Artikolu 4(3) u (4) tar-Regolament (UE) 2018/841, tkun negattiva, u wara li jiġi eżawrit il-kumpens imsemmi fl-ewwel sentenza tal-paragrafu 1 ta’ dan l-Artikolu, l-amministratur ċentrali għandu jiżgura li r-Reġistru tal-Unjoni jittrasferixxi ammont mitlub ta’ LUFAs sa ammont mhux użat minn Stati Membri oħrajn tal-ammont sħiħ ta’ kumpens għall-perjodu mill-2026 sal-2030, kif imsemmi fl-Artikolu 59aa(1) ta’ dan ir-Regolament, li jinsab fil-Kont Ċentrali tal-LUFA tal-UE, għal Kont ta’ Konformità tal-LULUCF ta’ Stat Membru, sakemm l-Istat Membru rikjedenti jkun issottometta evidenza lill-Kummissjoni dwar l-impatt tad-disturbi naturali f’konformità mal-Artikolu 13b(5) tar-Regolament (UE) 2018/841. 4. Meta t-talbiet mill-Istati Membri f’konformità mal-paragrafu 3 jaqbżu l-ammont ta’ LUFAs mhux użati disponibbli fil-Kont Ċentrali tal-LUFA tal-UE, l-amministratur ċentrali għandu jqassam il-LUFAs li jifdal fuq bażi pro rata. 5. Meta d-differenza bejn is-somma tal-emissjonijiet u tal-assorbimenti fi Stat Membru, u l-mira ta’ dak l-Istat Membru jew il-baġit tal-Istat Membru kif stabbilit f’konformità mal-Artikolu 4(3) u (4) tar-Regolament (UE) 2018/841, tkun negattiva, l-amministratur ċentrali għandu jiżgura li r-Reġistru tal-Unjoni jittrasferixxi ammont mitlub ta’ LUFAs mit-tieni perjodu ta’ konformità u MFLFAs mhux użati mill-ewwel perjodu ta’ konformità tal-LULUCF sal-ammont sħiħ ta’ kumpens mhux użat fil-perjodu mill-2021 sal-2030, kif stipulat fit-tieni kolonna tal-Anness VII tar-Regolament (UE) 2018/841, iżda li ma jaqbiżx il-50 miljun tunnellata ta’ ekwivalenti ta’ diossidu tal-karbonju b’kollox, mill-Kont Ċentrali tal-LUFA tal-UE u l-Kont Ċentrali tal-MFLFA tal-UE għall-Kont ta’ Konformità tal-LULUCF tal-Istat Membru rikjedenti. Tali trasferimenti ma għandhom jitwettqu fl-ebda wieħed mill-każijiet li ġejjin:
6. Sabiex jiġi evitat għadd doppju, l-amministratur ċentrali għandu jiżgura li meta jwettaq it-trasferimenti f’konformità ma’ dan l-Artikolu, ir-Reġistru tal-Unjoni jnaqqas il-kwantitajiet korrispondenti ta’ LUFAs jew MFLFAs ittrasferiti għall-Kont ta’ Konformità tal-LULUCF tal-Istat Membru rikjedenti mill-Kont Ċentrali tal-LUFA tal-UE u l-Kont Ċentrali tal-MFLFA tal-UE. 7. Għall-fini tal-paragrafi 1 u 5, ikun hemm surplus fil-Kontijiet ta’ Konformità tal-ESR jekk, fiż-żmien tat-talba għat-trasferiment tal-LUFAs, is-somma tal-AEAs fil-Kontijiet ta’ Konformità tal-ESR tal-Istat Membru kkonċernat għas-snin mill-2026 sal-2030 tkun ogħla mis-somma tal-emissjonijiet fl-istess kontijiet ta’ konformità. Artikolu 59ac Ħolqien u trasferiment tal-AFAFs 1. L-amministratur ċentrali għandu joħloq fil-Kont ta’ Kumpens Addizzjonali Ċentrali għall-Finlandja għadd ta’ AFAFs ugwali għall-ammont massimu ta’ 5 miljun tunnellata ta’ ekwivalenti ta’ diossidu tal-karbonju. L-amministratur ċentrali għandu jiżgura li r-Reġistru tal-Unjoni jassenja lil kull AFAF kodiċi uniku ta’ identifikazzjoni tal-unità mal-ħolqien tagħha. 2. L-amministratur ċentrali għandu jiżgura li, fuq talba tal-Finlandja, ir-Reġistru tal-Unjoni jittrasferixxi ammont rikjest ta’ AFAFs mill-Kont ta’ Kumpens Addizzjonali Ċentrali għall-Finlandja għall-Kont ta’ Konformità tal-LULUCF tal-Finlandja. Tali trasferimenti ma għandhom jitwettqu fl-ebda wieħed mill-każijiet li ġejjin:
3. L-amministratur ċentrali għandu jimblokka kwalunkwe trasferiment sussegwenti tal-AFAFs mill-Kont ta’ Konformità tal-LULUCF tal-Istat Membru għall-Finlandja. Artikolu 59ad Determinazzjoni tal-figuri tal-istatus ta’ konformità u tal-konformità 1. L-amministratur ċentrali għandu jiżgura li wara perjodu ta’ żmien stabbilit fl-Artikolu 38(5) tar-Regolament (UE) 2018/1999 għall-eżerċizzju ta’ flessibbiltajiet skont l-Artikoli 12, 13, 13a u 13b tar-Regolament (UE) 2018/841, ir-Reġistru tal-Unjoni jiddetermina l-figura tal-istatus ta’ konformità għall-Kontijiet ta’ Konformità tal-LULUCF tal-Istati Membri billi jnaqqas il-kwantità totali ta’ emissjonijiet kontabilizzati jew irrapportati mill-kwantità totali ta’ assorbimenti kontabilizzati jew irrapportati filwaqt li jqis kwalunkwe flessibbiltà użata skont ir-Regolamenti (UE) 2018/841 u (UE) 2018/842 fil-Kont ta’ Konformità tal-LULUCF tal-Istat Membru. 2. Fl-ewwel perjodu ta’ konformità tal-LULUCF, meta l-figura tal-istatus ta’ konformità tal-Kont ta’ Konformità tal-LULUCF ta’ Stat Membru ddeterminata skont il-paragrafu 1 tkun negattiva, l-amministratur ċentrali għandu jiżgura li r-Reġistru tal-Unjoni jittrasferixxi għall-Kont ta’ Konformità tal-LULUCF ta’ dak l-Istat Membru l-kwantità ta’ AEAs meħtieġa sabiex il-figura tal-istatus ta’ konformità tinġieb għal żero, f’partijiet indaqs mill-Kontijiet ta’ Konformità tal-ESR tal-Istat Membru kkonċernat għas-snin 2021, 2022, 2023, 2024 u 2025. Jekk il-kwantità ta’ AEAs meħtieġa sabiex il-figura tal-istatus ta’ konformità tinġieb għal żero ma tkunx multiplu ta’ ħamsa, il-kwantità ta’ AEAs li taqbeż l-ogħla multiplu ta’ ħamsa għandha tiġi ttrasferita f’partijiet indaqs mill-kontijiet ta’ konformità tas-snin 2022, 2023, 2024 u 2025, jew, jekk dan ma jkunx possibbli, f’partijiet indaqs mill-kontijiet ta’ konformità tas-snin 2023, 2024 u 2025, jew, jekk dan ma jkunx possibbli, f’partijiet indaqs mill-kontijiet ta’ konformità tas-snin 2024 u 2025, jew, jekk dan ma jkunx possibbli, mill-kont ta’ konformità tal-2025. 3. Bħala konsegwenza tal-paragrafu 2, l-amministratur ċentrali għandu jiżgura li r-Reġistru tal-Unjoni jerġa’ jikkalkula l-figura tal-istatus ta’ konformità għall-Kont ta’ Konformità tal-LULUCF tal-Istat Membru kkonċernat, filwaqt li jqis l-ammonti ta’ AEAs ittrasferiti. 4. Meta l-figura tal-istatus ta’ konformità ta’ Kont ta’ Konformità tal-LULUCF ta’ Stat Membru ddeterminata skont il-paragrafu 1 tkun pożittiva, l-amministratur ċentrali għandu jiżgura li r-Reġistru tal-Unjoni jittrasferixxi l-LRUs kollha li jifdal għall-Kont ta’ Konformità tal-LULUCF tal-UE. 5. Fit-tieni perjodu ta’ konformità tal-LULUCF, jekk Stat Membru jonqos milli jikkonforma mal-baġit stabbilit għal dak l-Istat Membru, ikkalkolat mill-ġdid, jekk meħtieġ, f’konformità mal-Artikolu 59u(4), l-amministratur ċentrali għandu jiżgura li r-Reġistru tal-Unjoni jittrasferixxi ammont ugwali għall-ammont f’tunnellati ta’ ekwivalenti ta’ diossidu tal-karbonju tal-emissjonijiet netti jew l-assorbimenti netti ta’ gassijiet serra żejda kontabbilizzati bħala emissjonijiet, immultiplikati b’fattur ta’ 1,08, għall-figura tal-emissjonijiet netti ta’ gassijiet serra rrapportata minn dak l-Istat Membru fl-2032 għas-sena 2030 kif stipulat fil-Kolonna C tal-Anness IIa tar-Regolament (UE) 2018/841.”; |
|
(8) |
fl-Artikolu 70, il-paragrafu 2 huwa sostitwit b’dan li ġej: “2. L-amministratur ċentrali għandu jiżgura li r-Reġistru tal-Unjoni jwettaq kontrolli awtomatizzati, filwaqt li jqis l-ispeċifikazzjonijiet tekniċi u ta’ skambju tad-data previsti fl-Artikolu 75 ta’ dan ir-Regolament għall-proċessi kollha sabiex jiġu identifikati irregolaritajiet u diskrepanzi, meta l-proċess propost ma jkunx konformi mar-rekwiżiti tad-Direttiva 2003/87/KE, tar-Regolamenti (UE) 2018/841 u (UE) 2018/842, u ta’ dan ir-Regolament.” |
|
(9) |
l-Annessi I u XIII tar-Regolament Delegat (UE) 2019/1122 huma emendati f’konformità mal-Annessi I u II ta’ dan ir-Regolament. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-13 ta’ Jannar 2026.
Għall-Kummissjoni
Il-President
Ursula VON DER LEYEN
(1) ĠU L 156, 19.6.2018, p. 1, ELI: http://data.europa.eu/eli/reg/2018/841/oj.
(2) Ir-Regolament Delegat tal-Kummissjoni (UE) 2019/1122 tat-12 ta’ Marzu 2019 li jissupplimenta d-Direttiva 2003/87/KE tal-Parlament Ewropew u tal-Kunsill fir-rigward tal-funzjonament tar-Reġistru tal-Unjoni (ĠU L 177, 2.7.2019, p. 3, ELI: http://data.europa.eu/eli/reg_del/2019/1122/oj).
(3) Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità u li temenda d-Direttiva 96/61/KE (ĠU L 275, 25.10.2003, p. 32, ELI: http://data.europa.eu/eli/dir/2003/87/oj).
(4) Ir-Regolament (UE) 2023/839 tal-Parlament Ewropew u tal-Kunsill tad-19 ta’ April 2023 li jemenda r-Regolament (UE) 2018/841 fir-rigward tal-kamp ta’ applikazzjoni, is-simplifikazzjoni tar-regoli dwar ir-rapportar u l-konformità, u l-istabbiliment tal-miri tal-Istati Membri għall-2030, u r-Regolament (UE) 2018/1999 fir-rigward tat-titjib fil-monitoraġġ, fir-rapportar, fit-traċċar tal-progress u fir-rieżami (ĠU L 107, 21.4.2023, p. 1, ELI: http://data.europa.eu/eli/reg/2023/839/oj).
(5) Ir-Regolament (UE) 2018/842 tal-Parlament Ewropew u tal-Kunsill tat-30 ta’ Mejju 2018 dwar it-tnaqqis annwali vinkolanti tal-emissjonijiet ta’ gassijiet serra mill-Istati Membri mill-2021 sal-2030 li jikkontribwixxi għall-azzjoni klimatika biex jiġu onorati l-impenji li saru fil-Ftehim ta’ Pariġi, u li jemenda r-Regolament (UE) Nru 525/2013 (ĠU L 156, 19.6.2018, p. 26, ELI: http://data.europa.eu/eli/reg/2018/842/oj).
(6) Ir-Regolament (UE) 2018/1999 tal-Parlament Ewropew u tal-Kunsill tal-11 ta’ Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, li jemenda r-Regolamenti (KE) Nru 663/2009 u (KE) Nru 715/2009 tal-Parlament Ewropew u tal-Kunsill, id-Direttivi 94/22/KE, 98/70/KE, 2009/31/KE, 2009/73/KE, 2010/31/UE, 2012/27/UE u 2013/30/UE tal-Parlament Ewropew u tal-Kunsill, id-Direttivi tal-Kunsill 2009/119/KE u (UE) 2015/652 u li jħassar ir-Regolament (UE) Nru 525/2013 tal-Parlament Ewropew u tal-Kunsill (ĠU L 328, 21.12.2018, p. 1, ELI: http://data.europa.eu/eli/reg/2018/1999/oj).
ANNESS I
Fl-Anness I tar-Regolament Delegat (UE) 2019/1122, it-Tabella I-II hija sostitwita b’dan li ġej:
“Tabella I-II
Kontijiet għall-finijiet ta’ tranżazzjonijiet ta’ kontabilità skont it-Titolu IIA
|
Isem it-tip ta’ kont |
Detentur tal-kont |
Amministratur tal-kont |
Għadd ta’ kontijiet ta’ dan it-tip |
AEA |
Emissjonijiet kontabilizzati / assorbimenti kontabilizzati (1) |
LRU |
MFLFA (2) |
LUFA (3) |
AFAF |
|
Kont ta’ Kwantità Totali tal-AEAs tal-ESR tal-UE |
UE |
amministratur ċentrali |
1 |
Iva |
Le |
Le |
Le |
Le |
Le |
|
Kont ta’ Tħassir tal-ESR |
UE |
amministratur ċentrali |
1 |
Iva |
Le |
Iva |
Le |
Le |
Le |
|
Kont ta’ Kwantità Totali tal-AEAs tal-Anness II tal-UE |
UE |
amministratur ċentrali |
1 |
Iva |
Le |
Le |
Le |
Le |
Le |
|
Kont ta’ Riżerva tas-Sikurezza tal-ESR tal-UE |
UE |
amministratur ċentrali |
1 |
Iva |
Le |
Le |
Le |
Le |
Le |
|
Kont tal-Konformità tal-ESR |
Stat Membru |
amministratur ċentrali |
1 għal kull 10 snin ta’ konformità għal kull Stat Membru |
Iva |
Le |
Iva |
Le |
Le |
Le |
|
Kont tal-Konformità tal-LULUCF tal-UE |
UE |
amministratur ċentrali |
1 għaż-żewġ perjodi ta’ konformità |
Le |
Iva |
Iva |
Le |
Le |
Le |
|
Kont ta’ Tħassir tal-LULUCF tal-UE |
UE |
amministratur ċentrali |
1 li jkopri ż-żewġ perjodi ta’ konformità |
Le |
Iva |
Iva |
Iva |
Iva |
Iva |
|
Kont tal-Konformità tal-LULUCF ta’ Stat Membru |
Stat Membru |
amministratur ċentrali/ |
1 għaż-żewġ perjodi ta’ konformità għal kull Stat Membru |
Iva |
Iva |
Iva |
Iva |
Iva |
Iva |
|
Kont Ċentrali tal-MFLFA tal-UE |
UE |
amministratur ċentrali |
1 għall-ewwel perjodu ta’ konformità |
Le |
Le |
Le |
Iva |
Le |
Le |
|
Kont Ċentrali tal-LUFA tal-UE |
UE |
amministratur ċentrali |
1 għat-tieni perjodu ta’ konformità |
Le |
Le |
Le |
Le |
Iva |
Le |
|
Kont ta’ Kumpens Addizzjonali Ċentrali għall-Finlandja (4) |
FI |
amministratur ċentrali |
1 għall-ewwel perjodu ta’ konformità |
Le |
Le |
Le |
Le |
Le |
Iva |
(1) L-emissjonijiet kontabilizzati u l-assorbimenti kontabilizzati japplikaw biss fl-ewwel perjodu ta’ konformità tal-LULUCF. Fit-tieni perjodu ta’ konformità tal-LULUCF, japplikaw l-emissjonijiet irrapportati u l-assorbimenti rrapportati.
(2) L-MFLFA jinħarġu għall-ewwel perjodu ta’ konformità.
(3) L-LUFA jinħarġu għat-tieni perjodu ta’ konformità.
(4) L-amministratur ċentrali jiftaħ Kont ta’ Kumpens Addizzjonali Ċentrali għall-Finlandja b’allokazzjoni addizzjonali ta’ 5 miljun tunnellata ta’ ekwivalenti ta’ CO2 għall-ewwel perjodu ta’ konformità tal-LULUCF.”
ANNESS II
Fl-Anness XIII għar-Regolament Delegat (UE) 2019/1122, il-Parti II hija emendata kif ġej:
|
(1) |
jiddaħħal il-punt 7a li ġej:
|
|
(2) |
jiżdied il-punt 9 li ġej:
|
ELI: http://data.europa.eu/eli/reg_del/2026/81/oj
ISSN 1977-074X (electronic edition)