|
Iris Oifigiúil |
GA Sraith L |
|
2026/81 |
7.4.2026 |
RIALACHÁN TARMLIGTHE (AE) 2026/81 ÓN gCOIMISIÚN
an 13 Eanáir 2026
lena leasaítear Rialachán Tarmligthe (AE) 2019/1122 a mhéid a bhaineann le feidhmiú Chlárlann an Aontais i gcomhréir le Rialachán (AE) 2018/841 ó Pharlaimint na hEorpa agus ón gComhairle
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2018/841 ó Pharlaimint na hEorpa agus ón gComhairle an 30 Bealtaine 2018 maidir le hastaíochtaí agus aistrithe gás ceaptha teasa ó úsáid talún, athrú ar úsáid talún agus foraoiseacht a chur san áireamh i gcreat 2030 don aeráid agus don fhuinneamh, agus lena leasaítear Rialachán (AE) Uimh. 525/2013 agus Cinneadh Uimh. 529/2013/AE (1), agus go háirithe Airteagal 15(1) de,
De bharr an mhéid seo a leanas:
|
(1) |
Le Rialachán Tarmligthe (AE) 2019/1122 ón gCoimisiún (2), leagtar síos na rialacha maidir le feidhmiú Chlárlann an Aontais, a bunaíodh faoi Threoir 2003/87/CE ó Pharlaimint na hEorpa agus ón gComhairle (3). |
|
(2) |
Leasaíodh Rialachán (AE) 2018/841 (4) chun foráil a dhéanamh maidir le rannchuidiú earnáil na húsáide talún, an athraithe ar úsáid talún agus na foraoiseachta (LULUCF) le huaillmhian mhéadaithe an Aontais glanastaíochtaí gás ceaptha teasa a laghdú 55 % ar a laghad faoi 2030 agus chun a áirithiú go rannchuideoidh earnáil LULUCF go fadtéarmach inbhuanaithe agus intuartha le cuspóir aeráidneodrachta an Aontais. |
|
(3) |
De réir Airteagal 15 de Rialachán (AE) 2018/841, áiritheoidh Clárlann an Aontais go ndéanfar oibríochtaí a thaifeadadh agus a chur i gcrích go cruinn i gcomhréir leis an Rialachán sin. |
|
(4) |
Ba cheart, dá bhrí sin, rialacha Chlárlann an Aontais a leagtar síos le Rialachán Tarmligthe (AE) 2019/1122 a leasú chun gur féidir cainníochtaí astaíochtaí agus aistrithe a thaifeadadh i gcomhréir le Rialachán (AE) 2018/841 agus chun a áirithiú go ndéanfar cuntasaíocht chruinn ar idirbhearta a bhaineann le feidhmiú na solúbthachtaí dá bhforáiltear in Airteagail 11, 12, 13, 13a agus 13b den Rialachán sin, aon choigeartú modheolaíochta a dhéantar i gcomhréir le hAirteagal 14(1a) den Rialachán sin, agus an measúnú ar chomhlíonadh i gcomhréir le hAirteagal 13c den Rialachán sin. Ba cheart do Chlárlann an Aontais a áirithiú nach ndéanfar aon aistriú ná idirbheart a bheidh ar neamhréir leis na hoibleagáidí a eascraíonn as Rialachán (AE) 2018/841. |
|
(5) |
Le Rialachán (AE) 2018/841 tugadh isteach dhá thréimhse chomhlíontachta, is iad sin 2021 go 2025 agus 2026 go 2030, a mbeidh rochtain ag na Ballstáit ar sholúbthachtaí áirithe lena linn chun na hoibleagáidí a fhorchuirtear leis an Rialachán sin a chomhlíonadh. |
|
(6) |
Mar thoradh air sin, agus chun gur féidir na hoibríochtaí dá dtagraítear in Airteagal 15(1), pointí (a) go (d), de Rialachán (AE) 2018/841 a thaifeadadh agus a chur i gcrích go cruinn, ba cheart roinnt cuntas nua a bhunú i gClárlann an Aontais. |
|
(7) |
Chun an difríocht sna saintréithe idir an dá thréimhse chomhlíontachta a léiriú, ba cheart cuntas comhlíontachta amháin de chuid an Aontais maidir le hastaíochtaí agus aistrithe gás ceaptha teasa ó úsáid talún, athrú ar úsáid talún agus foraoiseacht (‘Cuntas Comhlíontachta LULUCF AE’) a oscailt le haghaidh gach ceann den dá thréimhse chomhlíontachta LULUCF. Ba cheart a léiriú sa Chuntas Comhlíontachta LULUCF AE suim na nglanastaíochtaí nó na nglanaistrithe a thaifeadtar sna cuntais chomhlíontachta LULUCF Bhallstáit. |
|
(8) |
Ar an gcaoi chéanna, ba cheart ‘Cuntas Comhlíontachta LULUCF Ballstáit’ amháin a oscailt do gach Ballstát ar leith le haghaidh gach ceann den dá thréimhse chomhlíontachta LULUCF. Sa chéad tréimhse chomhlíontachta LULUCF, ní bheidh na sásraí solúbthachta dá bhforáiltear i Rialachán (AE) 2018/841 ar fáil ach le haghaidh catagóirí áirithe cuntasaíochta talún. Dá bhrí sin, ba cheart cainníocht na n-astaíochtaí agus na n-aistrithe a thugtar i gcuntas le haghaidh gach catagóire cuntasaíochta talún a thaifeadadh sa Chuntas Comhlíontachta LULUCF Ballstáit. Sa dara tréimhse chomhlíontachta LULUCF, beidh an sásra um úsáid talún ar fáil le haghaidh na gcatagóirí tuairiscithe talún uile. Dá bhrí sin, is leor iomlán na n-astaíochtaí agus na n-aistrithe tuairiscithe a thaifeadadh le haghaidh na gcatagóirí tuairiscithe talún. Chun gur féidir measúnú comhlíontachta a dhéanamh, ba cheart sprioc an Bhallstáit a leagtar síos i gcolún C den tábla in Iarscríbhinn IIa a ghabhann le Rialachán (AE) 2018/841 agus an buiséad a shocraítear don Bhallstát sin araon a léiriú sa Chuntas Comhlíontachta LULUCF Ballstáit. |
|
(9) |
Chun measúnú a dhéanamh ar a mhéid ba cheart na solúbthachtaí dá dtagraítear in Airteagail 12, 13, 13a agus 13b de Rialachán (AE) 2018/841 a chur ar fáil, agus tar éis na sonraí ábhartha LULUCF a thabhairt isteach i gCuntas Comhlíontachta LULUCF an Bhallstáit, ba cheart do Chlárlann an Aontais iarmhéid an chuntais sin a ríomh i gcoinne an ghealltanais faoi thoradh neodrach nó dearfach lena gcumhdaítear an chéad tréimhse chomhlíontachta LULUCF, nó i gcoinne sprioc shonrach an Bhallstáit don dara tréimhse chomhlíontachta LULUCF agus aon choigeartú modheolaíochta a rinneadh le linn an dara tréimhse chomhlíontachta LULUCF a chur san áireamh. |
|
(10) |
I gcás iarmhéid deimhneach sa Chuntas Comhlíontachta LULUCF Ballstáit, ba cheart do Chlárlann an Aontais aonaid aistrithe talún (‘AATanna’) a eisiúint i gCuntas Comhlíontachta LULUCF an Bhallstáit lena mbaineann. Is sa Chuntas Comhlíontachta LULUCF Ballstáit i gClárlann an Aontais amháin ba cheart AATanna a choinneáil, agus níor cheart a n-aistriú a cheadú ach amháin faoi choinníollacha áirithe agus arna iarraidh sin ag an mBallstát. I gcomhréir le hAirteagal 12 de Rialachán (AE) 2018/841, tá an deis ag na Ballstáit aon bharrachas dá gcuid AATanna a aistriú chuig a gcuntais chomhlíontachta faoi Rialachán (AE) 2018/842 ó Pharlaimint na hEorpa agus ón gComhairle (5) (Cuntas Comhlíontachta maidir le comhroinnt díchill) nó chuig Cuntas Comhlíontachta LULUCF Ballstáit eile. |
|
(11) |
Chun úsáid a bhaint as an tsolúbthacht maidir le talamh foraoise bainistithe atá ar fáil do na Ballstáit sa chéad tréimhse chomhlíontachta LULUCF, ba cheart cuntas an Aontais i ndáil le solúbthacht maidir le talamh foraoise bainistithe (‘Cuntas Lárnach LSTFB AE’) a oscailt i gClárlann an Aontais agus ba cheart leithdháiltí solúbthachta maidir le talamh foraoise bainistithe (‘LSTFB’) a chruthú agus a léiriú sa Chuntas LSTFB AE sna cainníochtaí a bheidh ar fáil do na Ballstáit mar a leagtar síos i Rialachán (AE) 2018/841. Ba cheart aistrithe leithdháiltí den sórt sin ón gcuntas sin a chumasú i gcás ina gcomhlíontar na coinníollacha a leagtar amach in Airteagal 13 de Rialachán (AE) 2018/841. |
|
(12) |
Chun úsáid a bhaint as cúiteamh breise atá ar fáil don Fhionlainn faoi Rialachán (AE) 2018/841, ba cheart Cuntas Cúitimh Breise Lárnach le haghaidh na Fionlainne a oscailt i gClárlann an Aontais agus ba cheart leithdháiltí solúbthachta breise le haghaidh na Fionlainne (‘LSB-F’) a chruthú agus a léiriú sa chuntas sin sna cainníochtaí atá ar fáil don Fhionlainn don chéad tréimhse chomhlíontachta LULUCF a leagtar síos i Rialachán (AE) 2018/841. Ba cheart aistrithe leithdháiltí den sórt sin chuig Cuntas Comhlíontachta LULUCF na Fionlainne a chumasú i gcás ina gcomhlíontar na coinníollacha a leagtar amach in Airteagal 13a de Rialachán (AE) 2018/841. |
|
(13) |
Ag deireadh na chéad tréimhse comhlíontachta LULUCF, ba cheart AATanna iomarcacha ó chuntais chomhlíontachta LULUCF Bhallstáit a aistriú chuig an gCuntas Comhlíontachta LULUCF AE chun go mbeifear in ann, sa dara tréimhse chomhlíontachta LULUCF, measúnú a dhéanamh ar cé acu a bhain nó nár bhain an tAontas a sprioc amach chun rochtain a fháil ar an sásra solúbthachta um úsáid talún sa dara tréimhse chomhlíontachta agus ba cheart iad a choinneáil sa chuntas sin sna cainníochtaí dá dtagraítear in Airteagal 13b (3), pointe (c), an dara fomhír, de Rialachán (AE) 2018/841 go dtí go ndéanfar an measúnú. Ba cheart aon chainníocht os cionn na tairsí sin a aistriú chuig an Scrioschuntas LULUCF AE. |
|
(14) |
Chun úsáid a bhaint as an tsolúbthacht maidir le húsáid talún atá ar fáil do na Ballstáit don dara tréimhse chomhlíontachta LULUCF, ba cheart cuntas amháin de chuid an Aontais i ndáil le leithdháileadh solúbthachta maidir le húsáid talún (‘Cuntas Lárnach LSÚT AE’) a oscailt i gClárlann an Aontais agus ba cheart leithdháiltí solúbthachta maidir le húsáid talún (‘LSÚT’) a chruthú agus a léiriú sa chuntas sin sna cainníochtaí a bheidh ar fáil do na Ballstáit i gcomhréir leis an sásra um úsáid talún a leagtar síos in Airteagal 13b(4) de Rialachán (AE) 2018/841. Ba cheart aistrithe leithdháiltí den sórt sin a chumasú i gcás ina gcomhlíontar na coinníollacha a leagtar amach in Airteagal 13b de Rialachán (AE) 2018/841. |
|
(15) |
Chun a mheas cé acu a baineadh amach nó nár baineadh amach cuspóirí Rialachán (AE) 2018/841, ba cheart do Chlárlann an Aontais na seiceálacha comhlíontachta a leagtar amach i Rialachán (AE) 2018/841 a chumasú freisin trí nós imeachta a sholáthar chun na sonraí athbhreithnithe maidir le hastaíochtaí gás ceaptha teasa a thabhairt isteach sna Cuntais Chomhlíontachta LULUCF Bhallstáit, chun iarmhéid na gcuntas sin a ríomh, chun a bhfigiúr maidir le stádas comhlíontachta a chinneadh, agus chun torthaí aon athríomh is gá mar thoradh ar choigeartuithe modheolaíochta arna ndéanamh i gcomhréir le hAirteagal 14(1a) de Rialachán (AE) 2018/841 a léiriú. |
|
(16) |
Chuige sin, maidir leis an dara tréimhse chomhlíontachta LULUCF, i gcás inar tháinig athrú ar an modheolaíocht a d’úsáid na Ballstáit faoi Rialachán (AE) 2018/1999 ó Pharlaimint na hEorpa agus ón gComhairle (6) as a n-eascraíonn difríocht idir na meánsonraí fardail gás ceaptha teasa a tíolacadh in 2020 do na blianta 2016, 2017 agus 2018, na meánsonraí fardail gás ceaptha teasa a tíolacadh in 2025 do na blianta 2021, 2022 agus 2023, agus na meánsonraí fardail gás ceaptha teasa a tíolacadh do na blianta 2021, 2022 agus 2023 in 2032, ba cheart do Chlárlann an Aontais an difríocht idir na meánsonraí fardail gás ceaptha teasa agus na meánsonraí fardail gás ceaptha teasa athbhreithnithe do na blianta sin a ríomh agus a áirithiú go léireofar toradh an ríomha go cruinn sa bhuiséad a shocraítear don Bhallstát sa Chuntas Comhlíontachta LULUCF Ballstáit. |
|
(17) |
Ar an gcaoi chéanna, chun an t-athrú modheolaíochta a d’úsáid na Ballstáit faoi Rialachán (AE) 2018/1999 sa dara tréimhse chomhlíontachta LULUCF a léiriú, rud a fhágann go bhfuil difríocht idir na meánsonraí fardail gás ceaptha teasa a tíolacadh in 2020 do na blianta 2016, 2017 agus 2018, agus na meánsonraí fardail gás ceaptha teasa a tíolacadh in 2032 do na blianta 2016, 2017 agus 2018, ba cheart do Chlárlann an Aontais an difríocht idir suim na meánsonraí fardail gás ceaptha teasa agus suim na meánsonraí fardail gás ceaptha teasa athbhreithnithe do na blianta sin a ríomh agus a áirithiú go léireofar toradh an ríomha go cruinn sa Chuntas Comhlíontachta LULUCF AE. |
|
(18) |
Chun measúnú cruinn ar chomhlíonadh oibleagáidí Rialachán (AE) 2018/841 a áirithiú agus chun an próiseas a éascú, ba cheart do Chlárlann an Aontais foráil a dhéanamh maidir le seiceálacha uathoibrithe ar gach idirbheart a dhéantar i gcomhréir le Rialachán (AE) 2018/841, agus i gcás inar gá, ba cheart di bac a cur ar aon idirbheart nach gcomhlíonann na ceanglais a leagtar síos sa Rialachán sin. |
|
(19) |
Ba cheart, dá bhrí sin, Rialachán Tarmligthe (AE) Uimh. 2019/1122 a leasú dá réir, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán Tarmligthe (AE) 2019/1122 mar a leanas:
|
(1) |
in Airteagal 2, cuirtear isteach an fhomhír seo a leanas: ‘Tá feidhm ag an Rialachán seo freisin maidir le hastaíochtaí agus aistrithe a taifeadadh, agus maidir le haonaid a cruthaíodh chun críoch Rialachán (AE) 2018/841 ó Pharlaimint na hEorpa agus ón gComhairle (*1). (*1) Rialachán (AE) 2018/841 ó Pharlaimint na hEorpa agus ón gComhairle an 30 Bealtaine 2018 maidir le hastaíochtaí agus aistrithe gás ceaptha teasa ó úsáid talún, athrú ar úsáid talún agus foraoiseacht a chur san áireamh i gcreat 2030 don aeráid agus don fhuinneamh, agus lena leasaítear Rialachán (AE) Uimh. 525/2013 agus Cinneadh Uimh. 529/2013/AE, (IO L 156, 19.6.2018, lch. 1, ELI: http://data.europa.eu/eli/reg/2018/841/oj).’;" |
|
(2) |
Leasaítear Airteagal 3 mar a leanas:
|
|
(3) |
in Airteagal 4, cuirtear an méid seo a leanas in ionad mhír 2: ‘2. Úsáidfidh na Ballstáit Clárlann an Aontais chun a n-oibleagáidí a chomhlíonadh faoi Airteagal 19 de Threoir 2003/87/CE, Airteagal 12 de Rialachán (AE) 2018/842 ó Pharlaimint na hEorpa agus ón gComhairle (*2) agus Airteagal 15 de Rialachán (AE) 2018/841. Cuirfidh Clárlann an Aontais na próisis a leagtar amach sa Rialachán seo ar fáil do riarthóirí náisiúnta agus do shealbhóirí cuntais.’ (*2) Rialachán (AE) 2018/842 ó Pharlaimint na hEorpa agus ón gComhairle an 30 Bealtaine 2018 maidir le laghduithe bliantúla ceangailteacha ar astaíochtaí gás ceaptha teasa ag na Ballstáit ó 2021 go 2030 lena rannchuidítear leis an ngníomhú ar son na haeráide agus chun gealltanais a tugadh faoi Chomhaontú Pháras a chomhlíonadh, agus lena leasaítear Rialachán (AE) Uimh. 525/2013 (IO L 156, 19.6.2018, lch. 26, ELI: http://data.europa.eu/eli/reg/2018/842/oj).’;" |
|
(4) |
in Airteagal 7, cuirtear an méid seo a leanas in ionad mhír 5: ‘5. Ní dhéanfaidh an riarthóir lárnach, na húdaráis inniúla agus na riarthóirí náisiúnta ach na próisis is gá chun feidhmeanna dá gcuid a chomhlíonadh i gcomhréir le Treoir 2003/87/CE, agus Rialacháin (AE) 2018/842 agus (AE) 2018/841.’ |
|
(5) |
Leasaítear Airteagal 12 mar a leanas:
|
|
(6) |
cuirtear isteach an tAirteagal 27b seo a leanas: ‘Airteagal 27b Cuntais LULUCF a dhúnadh 1. Dúnfaidh an riarthóir lárnach Cuntas Comhlíontachta LULUCF Ballstáit tráth nach luaithe ná 1 mhí tar éis an figiúr maidir le stádas comhlíontachta a chinneadh don chuntas sin de bhun Airteagal 59ad, agus tar éis réamhfhógra a thabhairt do shealbhóir an chuntais. 2. Don chéad tréimhse chomhlíontachta LULUCF, áiritheoidh an riarthóir lárnach go ndéanfaidh Clárlann an Aontais na AATanna uile atá fágtha a aistriú ó na cuntais chomhlíontachta LULUCF Bhallstáit, atá deimhneach tráth a ndúnta, chuig an gCuntas Comhlíontachta LULUCF AE. 3. Maidir leis an gcéad tréimhse chomhlíontachta LULUCF, áiritheoidh an riarthóir lárnach go ndéanfaidh Clárlann an Aontais na LSB-Fanna uile atá fágtha a aistriú ón gCuntas Cúitimh Breise Lárnach le haghaidh na Fionlainne chuig Scrioschuntas LULUCF AE. 4. Sa Chuntas Comhlíontachta LULUCF AE don chéad tréimhse chomhlíontachta LULUCF, áiritheoidh an riarthóir lárnach go ríomhfaidh Clárlann an Aontais suas le 30 %, ach méid nach mó ná coibhéis 20 milliún tona dé-ocsaíde carbóin, de AATanna neamhúsáidte chun fanacht sa Chuntas Comhlíontachta LULUCF AE agus go n-aistreoidh sí aon AATanna iomarcach chuig an Scrioschuntas LULUCF AE. 5. Maidir leis an dara tréimhse chomhlíontachta LULUCF, áiritheoidh an riarthóir lárnach go ndéanfaidh Clárlann an Aontais na AATanna uile atá fágtha a aistriú ó na Cuntais Chomhlíontachta LULUCF Bhallstáit atá deimhneach tráth a ndúnta, gach LSÚT atá fágtha a aistriú ón gCuntas Lárnach LSÚT AE , agus gach LSTFB atá fágtha a aistriú ón gCuntas Lárnach LSTFB AE, chuig an Scrioschuntas LULUCF AE.’ |
|
(7) |
i dTeideal IIA, cuirtear an Chaibidil seo a leanas isteach: ‘ CAIBIDIL 2 Idirbhearta faoi Rialachán (AE) Uimh. 2018/841 Airteagal 59t Sonraí ábhartha LULUCF a thabhairt isteach 1. Maidir leis an gcéad tréimhse chomhlíontachta LULUCF, go tráthúil agus nuair a bheidh na sonraí athbhreithnithe ábhartha maidir le hastaíochtaí agus aistrithe gás ceaptha teasa ar fáil in 2027, cuirfidh an riarthóir lárnach isteach sa Chuntas Comhlíontachta LULUCF Ballstáit suim na gcainníochtaí astaíochtaí nó aistrithe a thugtar i gcuntas i ngach catagóir cuntasaíochta talún dá dtagraítear in Airteagal 2(1), pointí (a) go (f), de Rialachán (AE) 2018/841. 2. Áiritheoidh an riarthóir lárnach go gcuirfear isteach suim na n-astaíochtaí agus na n-aistrithe a thugtar i gcuntas le haghaidh gach Ballstáit, dá dtagraítear i mír 1, sa Chuntas Comhlíontachta LULUCF AE. 3. Maidir leis an dara tréimhse chomhlíontachta LULUCF, go tráthúil agus nuair a bheidh na sonraí athbhreithnithe ábhartha maidir le hastaíochtaí agus aistrithe gás ceaptha teasa ar fáil in 2032, cuirfidh an riarthóir lárnach isteach sa Chuntas Comhlíontachta LULUCF Ballstáit suim chainníochtaí na n-astaíochtaí tuairiscithe agus na n-aistrithe tuairiscithe sna catagóirí nó earnálacha tuairiscithe talún dá dtagraítear in Airteagal 2(2), pointí (a) go (j), de Rialachán (AE) 2018/841. 4. Maidir leis an dara tréimhse chomhlíontachta LULUCF, áiritheoidh an riarthóir lárnach go léireoidh an Cuntas Comhlíontachta LULUCF AE sprioc an Aontais mar a leagtar síos é in Airteagal 4(2) de Rialachán (AE) 2018/841, agus go léiríonn an Cuntas Comhlíontachta LULUCF Ballstáit an luach a socraíodh don Bhallstát sin i gColún C d’Iarscríbhinn IIa a ghabhann le Rialachán (AE) 2018/841. Áiritheoidh an riarthóir lárnach freisin go léireoidh an Cuntas Comhlíontachta LULUCF Ballstáit an buiséad agus an chonair a socraíodh le haghaidh an Bhallstáit sin i gcomhréir le hAirteagal 4(4), an chéad fhomhír, agus Airteagal 4(5) de Rialachán (AE) 2018/841 le haghaidh 2026, 2027, 2028 agus 2029. 5. Áiritheoidh an riarthóir lárnach go gcuirfear suim na n-astaíochtaí tuairiscithe agus na n-aistrithe tuairiscithe le haghaidh gach Ballstáit, dá dtagraítear i mír 3, isteach sa Chuntas Comhlíontachta LULUCF AE. Airteagal 59u Iarmhéid an Chuntais Comhlíontachta LULUCF Ballstáit agus an Chuntais Comhlíontachta LULUCF AE a ríomh 1. Ar thabhairt isteach na sonraí ábhartha LULUCF de bhun Airteagal 59t den Rialachán seo a bhaineann leis an gcéad tréimhse chomhlíontachta LULUCF, áiritheoidh an riarthóir lárnach go ríomhfaidh Clárlann an Aontais iarmhéid an Chuntais Comhlíontachta LULUCF Ballstáit trí chainníochtaí iomlána na n-astaíochtaí a dhealú ó chainníochtaí iomlána na n-aistrithe i ngach catagóir cuntasaíochta talún dá dtagraítear in Airteagal 2(1), pointí (a) go (f), de Rialachán (AE) 2018/841. Áiritheoidh an riarthóir lárnach go n-áireofar i gClárlann an Aontais suim thorthaí an ríomha sa Chuntas Comhlíontachta LULUCF AE. 2. Ar thabhairt isteach na sonraí ábhartha LULUCF de bhun Airteagal 59t den Rialachán seo a bhaineann leis an dara tréimhse chomhlíontachta LULUCF, áiritheoidh an riarthóir lárnach go ríomhfaidh Clárlann an Aontais iarmhéid an Chuntais Comhlíontachta LULUCF Ballstáit trí chainníocht iomlán na n-astaíochtaí a dhealú ó chainníocht iomlán na n-aistrithe sna catagóirí nó sna hearnálacha tuairiscithe talún uile dá dtagraítear in Airteagal 2(2), pointí (a) go (j), de Rialachán (AE) 2018/841. Áiritheoidh an riarthóir lárnach go léireoidh Clárlann an Aontais toradh an ríomha sa Chuntas Comhlíontachta LULUCF AE. 3. Sa dara tréimhse chomhlíontachta LULUCF, i gcás inar tháinig athrú ar an modheolaíocht a d’úsáid na Ballstáit faoi Rialachán (AE) 2018/1999, rud a fhágann go bhfuil difríocht idir na meánsonraí fardail gás ceaptha teasa a tíolacadh in 2020 do na blianta 2016, 2017 agus 2018 agus na meánsonraí fardail gás ceaptha teasa a tíolacadh do na blianta céanna in 2032, áiritheoidh an riarthóir lárnach go ríomhfaidh Clárlann an Aontais an difríocht idir na meánsonraí fardail gás ceaptha teasa a tíolacadh in 2020 agus na meánsonraí athbhreithnithe maidir le fardail gás ceaptha teasa do na blianta céanna a tíolacadh in 2032. Bunaithe ar thorthaí an ríomha, déanfaidh Clárlann an Aontais suim na sonraí fardail gás ceaptha teasa don Aontas ina iomláine a athríomh, mar a leagtar síos i gColún B d’Iarscríbhinn IIa a ghabhann le Rialachán (AE) 2018/841, chun ailíniú le sprioc an Aontais a leagtar síos in Airteagal 4(2) den Rialachán sin. 4. Sa dara tréimhse chomhlíontachta LULUCF, i gcás inar tháinig athrú ar an modheolaíocht a d’úsáid na Ballstáit faoi Rialachán (AE) 2018/1999, rud a fhágann go bhfuil difríocht idir na meánsonraí fardail gás ceaptha teasa a tíolacadh in 2025 do na blianta 2021, 2022 agus 2023 agus na meánsonraí fardail gás ceaptha teasa a tíolacadh do na blianta céanna in 2032, áiritheoidh an riarthóir lárnach go ríomhfaidh Clárlann an Aontais an difríocht idir na meánsonraí fardail gás ceaptha teasa athbhreithnithe a tíolacadh in 2025 agus na meánsonraí fardail gás ceaptha teasa athbhreithnithe do na blianta céanna a tíolacadh in 2032. Bunaithe ar thorthaí na ríomhanna arna ndéanamh i gcomhréir leis an mír seo agus le mír 3 den Airteagal seo, áiritheoidh Clárlann an Aontais go ndéanfar an buiséad le haghaidh na mBallstát a athríomh dá réir. Airteagal 59v AATanna a chruthú 1. I gcás ina mbeidh iarmhéid Chuntas Comhlíontachta LULUCF Ballstáit arna ríomh de bhun Airteagal 59u deimhneach, eiseoidh an riarthóir lárnach i gCuntas Comhlíontachta LULUCF an Bhallstáit sin roinnt AATanna a chomhfhreagraíonn do chainníocht na n-aistrithe iomarcacha le haghaidh an dá thréimhse chomhlíontachta LULUCF. 2. Le linn an dá thréimhse chomhlíontachta LULUCF, ní bheidh AATanna incháilithe lena n-aistriú chuig Cuntais Chomhlíontachta LULUCF Bhallstáit eile ach amháin i gcomhréir leis na coinníollacha a leagtar síos in Airteagail 11 agus 12 de Rialachán (AE) 2018/841 agus chuig Cuntais Chomhlíontachta maidir le comhroinnt díchill an Bhallstáit lena mbaineann i gcomhréir leis na coinníollacha a leagtar síos in Airteagal 59k den Rialachán seo. 3. Áiritheoidh an riarthóir lárnach go sannfaidh Clárlann an Aontais cód céannachta aonaid uathúil do gach AAT nuair a chruthófar é. Airteagal 59w Aistrithe AATanna idir na Cuntais Chomhlíontachta LULUCF Bhallstáit 1. Áiritheoidh an riarthóir lárnach, arna iarraidh sin ag Ballstát a bhfuil AATanna ina sheilbh aige, agus tar éis aon AAT arna aistriú de bhun Airteagal 59x a chur san áireamh, go ndéanfaidh Clárlann an Aontais cainníocht AATanna a iarrtar a aistriú ó Chuntas Comhlíontachta LULUCF an Bhallstáit is iarrthóir chuig Cuntas Comhlíontachta LULUCF Ballstáit eile. 2. Ní dhéanfar na haistrithe dá dtagraítear i mír 1 in aon cheann de na cásanna seo a leanas:
3. Áiritheoidh an riarthóir lárnach nach n-úsáidfear AATanna arna n-aistriú i gcomhréir le mír 1 den Airteagal seo ach amháin chun oibleagáidí an Bhallstáit is faighteoir faoi Airteagal 4(1), (3) agus (4) de Rialachán (AE) 2018/841 a chomhlíonadh. Cuirfidh Clárlann an Aontais bac ar aon aistriú AATanna ina dhiaidh sin ó Chuntas Comhlíontachta LULUCF an Bhallstáit is faighteoir chuig a Chuntas Comhlíontachta maidir le comhroinnt díchill. Airteagal 59x Aistrithe AATanna agus AEAnna idir na Cuntais Chomhlíontachta LULUCF Bhallstáit agus na Cuntais Chomhlíontachta maidir le comhroinnt díchill 1. Áiritheoidh an riarthóir lárnach go sainaithneoidh agus go dtaispeánfaidh Clárlann an Aontais, i gCuntas Comhlíontachta LULUCF an Bhallstáit a shealbhaíonn AATanna, an chainníocht AATanna a bheidh incháilithe lena n-aistriú chuig Cuntas Comhlíontachta maidir le comhroinnt díchill an Bhallstáit sin trí AATanna nach bhfuil incháilithe lena n-aistriú faoi Airteagal 59w(3) a dhealú ó chainníocht iomlán na AATanna sa Chuntas Comhlíontachta céanna. 2. Áiritheoidh an riarthóir lárnach, arna iarraidh sin ag Ballstát a bhfuil AATanna ina sheilbh aige, go ndéanfaidh Clárlann an Aontais méid AATanna incháilithe a iarrtar a aistriú ó Chuntas Comhlíontachta LULUCF an Bhallstáit is iarrthóir chuig a Chuntas Comhlíontachta maidir le comhroinnt díchill. Ní dhéanfar aistrithe den sórt sin ach amháin i gcomhréir leis na coinníollacha a leagtar síos in Airteagal 59k. 3. I gcás, sa chéad tréimhse chomhlíontachta LULUCF, inar iarmhéid diúltach atá sa Chuntas Comhlíontachta LULUCF Ballstáit arna ríomh de bhun Airteagal 59u, áiritheoidh an riarthóir lárnach, arna iarraidh sin ag an mBallstát sin, go ndéanfaidh Clárlann an Aontais cainníocht AEAnna a iarrtar a aistriú le haghaidh bliain ar leith ó Chuntas Comhlíontachta maidir le comhroinnt díchill an Bhallstáit is iarrthóir chuig a Chuntas Comhlíontachta LULUCF. Ní dhéanfar an t-aistriú sin in aon cheann de na cásanna seo a leanas:
4. I gcás, sa dara tréimhse chomhlíontachta LULUCF, ina bhfuil suim an Chuntais Comhlíontachta LULUCF Ballstáit arna ríomh de bhun Airteagal 59u faoi bhun na sprice a socraíodh i gColún C d’Iarscríbhinn IIA a ghabhann le Rialachán (AE) 2018/841 le haghaidh an Bhallstáit sin, nó i gcás ina bhfuil sí faoi bhun an bhuiséid a socraíodh don Bhallstát sin, áiritheoidh an riarthóir lárnach go ndéanfaidh Clárlann an Aontais, arna iarraidh sin ag an mBallstát sin, cainníocht AEAnna a iarrtar a aistriú le haghaidh bliain ar leith ó Chuntas Comhlíontachta maidir le comhroinnt díchill an Bhallstáit is iarrthóir chuig a Chuntas Comhlíontachta LULUCF. Ní dhéanfar an t-aistriú sin in aon cheann de na cásanna seo a leanas:
5. Áiritheoidh an riarthóir lárnach nach n-úsáidfear AEAnna arna n-aistriú i gcomhréir le míreanna 3 agus 4 den Airteagal seo ach amháin chun oibleagáidí an Bhallstáit faoi Airteagal 4(1), (3) agus (4) de Rialachán (AE) 2018/841 a chomhlíonadh agus go léireofar na haistrithe sin sa Chuntas Comhlíontachta LULUCF AE. Cuirfidh Clárlann an Aontais bac ar aon aistriú AEAnna ina dhiaidh sin ó Chuntas Comhlíontachta LULUCF an Bhallstáit is faighteoir go dtí Cuntais Chomhlíontachta LULUCF Ballstát eile. 6. I gcás ina bhfuil sé ar intinn ag Ballstát úsáid a bhaint as an tsolúbthacht dá dtagraítear in Airteagal 12(1) de Rialachán (AE) 2018/841, cuirfear an iarraidh sin isteach laistigh de 3 mhí tar éis an gníomh cur chun feidhme dá dtagraítear in Airteagal 38(4) de Rialachán (AE) 2018/1999 a fhoilsiú. Airteagal 59y LSTFBanna a chruthú 1. Don chéad tréimhse chomhlíontachta LULUCF, cruthóidh an riarthóir lárnach sa Chuntas Lárnach LSTFB AE líon LSTFBanna atá cothrom le 50 % de mhéid iomlán an chúitimh a bheidh ar fáil don tréimhse 2021 go 2030 a leagtar amach sa dara colún d’Iarscríbhinn VII a ghabhann le Rialachán (AE) 2018/841. Ní rachaidh méid na LSTFBanna atá incháilithe lena n-aistriú ón gCuntas Lárnach LSTFB AE chuig Cuntas Comhlíontachta LULUCF Ballstáit maidir leis an gcéad tréimhse chomhlíontachta thar 50 % d’uasmhéid an chúitimh a bheidh ar fáil don Bhallstát lena mbaineann mar a leagtar amach sa dara colún d’Iarscríbhinn VII a ghabhann le Rialachán (AE) 2018/841. 2. Ní bheidh LSTFBanna bailí ach amháin le haghaidh comhardú aistrithe ar tugadh cuntas orthu mar astaíochtaí i gcatagóir chuntasaíochta maidir le talamh foraoise bainistithe an Bhallstáit lena mbaineann d’fhonn a ghealltanais a chomhlíonadh i gcomhréir le hAirteagal 4(1) de Rialachán (AE) 2018/841. Ní bheidh LSTFBanna incháilithe lena n-aistriú ach amháin ón gCuntas Lárnach LSTFB AE chuig Cuntas Comhlíontachta LULUCF an Bhallstáit lena mbaineann. 3. Áiritheoidh an riarthóir lárnach go sannfaidh Clárlann an Aontais cód céannachta aonaid uathúil do gach LSTFB nuair a chruthófar é. Airteagal 59z LSTFBanna a aistriú chuig an gCuntas Comhlíontachta LULUCF Ballstáit 1. Áiritheoidh an riarthóir lárnach, arna iarraidh sin ag Ballstát, go ndéanfaidh Clárlann an Aontais an chainníocht LSTFBanna a iarrtar a aistriú ón gCuntas Lárnach LSTFB AE chuig Cuntas Comhlíontachta LULUCF an Bhallstáit is iarrthóir. Ní dhéanfar an t-aistriú sin in aon cheann de na cásanna seo a leanas:
2. I gcás inar mó astaíochtaí iomlána Ballstáit ná na haistrithe iomlána sa chatagóir chuntasaíochta maidir le talamh foraoise bainistithe, agus tar éis an cúiteamh dá bhforáiltear i gcomhréir leis an gcéad abairt de mhír 1 a ídiú, áiritheoidh an riarthóir lárnach go ndéanfaidh Clárlann an Aontais méid LSTFBanna a iarrtar suas le méid nár úsáid Ballstáit eile as méid iomlán an chúitimh le haghaidh na tréimhse 2021 go 2025, dá dtagraítear in Airteagal 59y(1), atá sa Chuntas Lárnach LSTFB AE a aistriú chuig Cuntas Comhlíontachta LULUCF Ballstáit], ar choinníoll gur chuir an Ballstát is iarrthóir fianaise faoi bhráid an Choimisiúin maidir le tionchar suaití nádúrtha de bhun Airteagal 13(4) de Rialachán (AE) 2018/841. 3. I gcás inar mó na hiarrataí ó na Ballstáit i gcomhréir le mír 2 ná méid na LSTFBanna atá le fáil sa Chuntas Lárnach LSTFB AE, dáilfidh an riarthóir lárnach na LSTFBanna eile ar bhonn pro rata. 4. Chun comhaireamh dúbailte a sheachaint, áiritheoidh an riarthóir lárnach, agus na haistrithe á ndéanamh aige i gcomhréir le míreanna 1, 2 agus 3, go ndéanfaidh Clárlann an Aontais na cainníochtaí comhfhreagracha LSTFBanna a dhealú ón gCuntas Lárnach LSTFB AE. Airteagal 59aa LSÚTanna a Chruthú 1. Maidir leis an dara tréimhse chomhlíontachta LULUCF, cruthóidh an riarthóir lárnach sa Chuntas Lárnach LSÚT AE líon LSÚTanna atá cothrom le huasmhéid choibhéise 178 milliún tona dé-ocsaíde carbóin a bheidh ar fáil do na Ballstáit uile don tréimhse 2026 go 2030. Ní rachaidh an méid LSÚTanna a bheidh incháilithe lena n-aistriú ón gCuntas Lárnach LSÚT AE chuig Cuntas Comhlíontachta LULUCF Ballstáit don dara tréimhse chomhlíontachta thar 50 % den uasmhéid cúitimh a bheidh ar fáil don Bhallstát lena mbaineann a leagtar amach sa dara colún d’Iarscríbhinn VII a ghabhann le Rialachán (AE) 2018/841. 2. Ní bheidh LSÚTanna bailí ach amháin chun glanastaíochtaí nó glanaistrithe, nó an dá rud, a bhfuil cuntas déanta orthu mar astaíochtaí a chomhardú i gcoinne na sprice nó an bhuiséid a socraíodh don Bhallstát sin i gcomhréir le hAirteagal 4(3) agus (4) de Rialachán (AE) 2018/841. Ní bheidh LSÚTanna incháilithe lena n-aistriú ón gCuntas Lárnach LSÚT AE chuig Cuntas Comhlíontachta LULUCF an Bhallstáit lena mbaineann ach amháin d’fhonn a oibleagáidí faoi Airteagal 4(3) agus (4) de Rialachán (AE) 2018/841 a chomhlíonadh. 3. Áiritheoidh an riarthóir lárnach go sannfaidh Clárlann an Aontais cód céannachta aonaid uathúil do gach LSÚT nuair a chruthófar é. Airteagal 59ab LSÚTanna agus LSTFBanna a aistriú chuig an gCuntas Comhlíontachta LULUCF Ballstáit 1. Áiritheoidh an riarthóir lárnach, arna iarraidh sin ag Ballstát, go ndéanfaidh Clárlann an Aontais cainníocht LSÚTanna a iarrtar a aistriú ón gCuntas Lárnach LSÚT AE chuig Cuntas Comhlíontachta LULUCF an Bhallstáit is iarrthóir. Ní dhéanfar an t-aistriú sin in aon cheann de na cásanna seo a leanas:
2. Chun measúnú a dhéanamh ar cibé acu a comhlíonadh nó nár comhlíonadh sprioc 2030 an Aontais dá dtagraítear i bpointe (c) de mhír 1, agus tar éis aon choigeartuithe modheolaíochta a rinneadh de bhun Airteagal 59u(3) a chur san áireamh, cuirfidh an riarthóir lárnach san áireamh aon AAT neamhúsáidte a bheidh fágtha sa Chuntas Comhlíontachta LULUCF AE le haghaidh na chéad tréimhse comhlíontachta tar éis AATanna iomarcacha a aistriú de bhun Airteagal 27b(4), ar choinníoll go bhfuil fianaise curtha faoi bhráid an Choimisiúin ag Ballstát amháin nó níos mó maidir le tionchar suaití nádúrtha i gcomhréir le hAirteagal 13b(5) de Rialachán (AE) 2018/841. 3. I gcás inar difríocht dhiúltach í an difríocht idir suim na n-astaíochtaí agus na n-aistrithe i mBallstát, agus sprioc an Bhallstáit sin nó buiséad an Bhallstáit arna shocrú i gcomhréir le hAirteagal 4(3) agus (4) de Rialachán (AE) 2018/841, agus tar éis an cúiteamh dá dtagraítear sa chéad abairt de mhír 1 den Airteagal seo a ídiú, áiritheoidh an riarthóir lárnach go ndéanfaidh Clárlann an Aontais méid LSÚTanna a iarrtar suas le méid nár úsáid Ballstáit eile as méid iomlán an chúitimh don tréimhse 2026 go 2030, dá dtagraítear in Airteagal 59aa(1) den Rialachán seo, a bheidh sa Chuntas Lárnach LSÚT AE, a aistriú chuig Cuntas Comhlíontachta LULUCF Ballstáit, ar choinníoll gur chuir an Ballstát is iarrthóir fianaise faoi bhráid an Choimisiúin maidir le tionchar suaití nádúrtha i gcomhréir le hAirteagal 13b(5) de Rialachán (AE) 2018/841. 4. I gcás inar mó na hiarrataí ó Bhallstáit i gcomhréir le mír 3 ná méid na LSÚTanna neamhúsáidte atá le fáil sa Chuntas Lárnach LSÚT AE, dáilfidh an riarthóir lárnach na LSÚTanna a bheidh fágtha ar bhonn pro rata. 5. I gcás inar difríocht dhiúltach í an difríocht idir suim na n-astaíochtaí agus na n-aistrithe i mBallstát, agus sprioc an Bhallstáit sin nó buiséad an Bhallstáit arna shocrú i gcomhréir le hAirteagal 4(3) agus (4) de Rialachán (AE) 2018/841, áiritheoidh an riarthóir lárnach go ndéanfaidh Clárlann an Aontais méid LSÚTanna a iarrtar ón dara tréimhse chomhlíontachta agus LSTFBanna neamhúsáidte ón gcéad tréimhse chomhlíontachta LULUCF suas le méid iomlán an chúitimh nár úsáideadh sa tréimhse 2021 go 2030, a leagtar síos sa dara colún d’Iarscríbhinn VII a ghabhann le Rialachán (AE) 2018/841, ach nach mó é ná coibhéis 50 milliún tona dé-ocsaíde carbóin san iomlán, a aistriú ón gCuntas Lárnach LSÚT AE agus ón gCuntas Lárnach LSTFB AE chuig cuntas Comhlíontachta LULUCF an Bhallstáit is iarrthóir. Ní dhéanfar an t-aistriú sin in aon cheann de na cásanna seo a leanas:
6. Chun comhaireamh dúbailte a sheachaint, áiritheoidh an riarthóir lárnach, agus na haistrithe á ndéanamh i gcomhréir leis an Airteagal seo, go ndéanfaidh Clárlann an Aontais na cainníochtaí comhfhreagracha LSÚTanna nó LSTFBanna arna n-aistriú chuig Cuntas Comhlíontachta LULUCF an Bhallstáit is iarrthóir a dhealú ón gCuntas Lárnach LSÚT AE agus ón gCuntas Lárnach LSTFB AE. 7. Chun críoch mhíreanna 1 agus 5, beidh barrachas sna Cuntais Chomhlíontachta maidir le comhroinnt díchill más rud é, tráth a iarradh LSÚTanna a aistriú, gur mó suim na AEAnna sna Cuntais Chomhlíontachta maidir le comhroinnt díchill de chuid an Bhallstáit lena mbaineann, do na blianta 2026 go 2030, ná suim na n-astaíochtaí sna cuntais chomhlíontachta chéanna. Airteagal 59ac LSB-Fanna a chruthú agus a aistriú 1. Cruthóidh an riarthóir lárnach roinnt LSB-Fanna sa Chuntas Cúitimh Breise Lárnach le haghaidh na Fionlainne atá cothrom le huasmhéid choibhéis 5 mhilliún tona dé-ocsaíde carbóin. Áiritheoidh an riarthóir lárnach go sannfaidh Clárlann an Aontais cód céannachta aonaid uathúil do gach LSB-F nuair a chruthófar é. 2. Áiritheoidh an riarthóir lárnach, arna iarraidh sin don Fhionlainn, go n-aistreoidh Clárlann an Aontais méid LSB-Fanna a iarrtar ón gCuntas Cúitimh Breise Lárnach le haghaidh na Fionlainne chuig an gCuntas Comhlíontachta LULUCF le haghaidh na Fionlainne. Ní dhéanfar an t-aistriú sin in aon cheann de na cásanna seo a leanas:
3. Cuirfidh an riarthóir lárnach bac ar aon aistriú a dhéanfar ina dhiaidh sin ar LSB-Fanna ón gCuntas Comhlíontachta LULUCF le haghaidh na Fionlainne. Airteagal 59ad Comhlíontacht agus na figiúirí maidir le stádas comhlíontachta a chinneadh 1. Áiritheoidh an riarthóir lárnach, tar éis tréimhse a leagtar amach in Airteagal 38(5) de Rialachán (AE) 2018/1999 le haghaidh fheidhmiú na solúbthachtaí de bhun Airteagail 12, 13, 13a agus 13b de Rialachán (AE) 2018/841, go gcinnfidh Clárlann an Aontais an figiúr maidir le stádas comhlíontachta le haghaidh na gCuntas Comhlíontachta LULUCF Ballstáit trí chainníocht iomlán na n-astaíochtaí a tugadh i gcuntas nó a tuairiscíodh a dhealú ó chainníocht iomlán na n-aistrithe a tugadh i gcuntas nó a tuairiscíodh agus aon solúbthacht a úsáideadh de bhun Rialacháin (AE) 2018/841 agus (AE) 2018/842 sa Chuntas Comhlíontachta LULUCF Ballstáit a chur san áireamh. 2. Sa chéad tréimhse chomhlíontachta LULUCF, i gcás inar figiúr diúltach an figiúr maidir le stádas comhlíontachta Chuntas Comhlíontachta LULUCF Ballstáit, arna chinneadh de bhun mhír 1, áiritheoidh an riarthóir lárnach go n-aistreoidh Clárlann an Aontais chuig Cuntas Comhlíontachta LULUCF an Bhallstáit sin an chainníocht AEAnna is gá chun an figiúr maidir le stádas comhlíontachta a thabhairt go nialas, i gcodanna comhionanna ó Chuntais Chomhlíontachta maidir le comhroinnt díchill an Bhallstáit lena mbaineann do na blianta 2021, 2022, 2023, 2024 agus 2025. Mura bhfuil an chainníocht AEAnna is gá chun an figiúr maidir le stádas comhlíontachta a thabhairt go nialas ina hiolraí de chúig, aistreofar an chainníocht AEAnna ar mó é ná an t-iolraí is airde de chúig i gcodanna comhionanna ó chuntais chomhlíontachta na mblianta 2022, 2023, 2024, agus 2025, nó, mura féidir é sin a dhéanamh, i gcodanna comhionanna ó chuntais chomhlíontachta na mblianta 2023, 2024, agus 2025, nó, mura féidir é sin a dhéanamh, i gcodanna comhionanna ó chuntais chomhlíontachta na mblianta 2024 agus 2025, nó, mura féidir é sin a dhéanamh, ó chuntas comhlíontachta 2025. 3. Mar thoradh ar mhír 2, áiritheoidh an riarthóir lárnach go ndéanfaidh Clárlann an Aontais an figiúr maidir le stádas comhlíontachta le haghaidh an Chuntais Comhlíontachta LULUCF Ballstáit lena mbaineann a athríomh agus cainníochtaí AEAnna aistrithe a chur san áireamh. 4. I gcás inar figiúr deimhneach é an figiúr maidir le stádas comhlíontachta le haghaidh Cuntas Comhlíontachta LULUCF Ballstáit arna chinneadh de bhun mhír 1, áiritheoidh an riarthóir lárnach go n-aistreoidh Clárlann an Aontais na AATanna uile atá fágtha chuig an gCuntas Comhlíontachta LULUCF AE. 5. Sa dara tréimhse chomhlíontachta LULUCF, má mhainníonn Ballstát an buiséad a shocraítear don Bhallstát sin a chomhlíonadh, arna athríomh más gá i gcomhréir le hAirteagal 59u(4), áiritheoidh an riarthóir lárnach go ndéanfaidh Clárlann an Aontais coibhéis tonaí dé-ocsaíde carbóin atá cothrom le farasbarr na nglanastaíochtaí gás ceaptha teasa nó glanaistrithe a bhfuil cuntas déanta orthu mar astaíochtaí, arna hiolrú faoi fhachtóir 1,08, a aistriú chuig an bhfigiúr glanastaíochtaí gás ceaptha teasa arna thuairisciú ag an mBallstát sin in 2032 don bhliain 2030, a leagtar síos i gColún C d’Iarscríbhinn IIa a ghabhann le Rialachán (AE) 2018/841.’; |
|
(8) |
in Airteagal 70, cuirtear an méid seo a leanas in ionad mhír 2: ‘2. Áiritheoidh an riarthóir lárnach go ndéanfaidh Clárlann an Aontais seiceálacha uathoibrithe maidir leis an malartú sonraí agus na sonraíochtaí teicniúla dá bhforáiltear in Airteagal 75 den Rialachán seo i ndáil le gach próiseas chun neamhrialtachtaí agus neamhréitigh a shainaithint, i gcás nach bhfuil an próiseas atá beartaithe i gcomhréir le ceanglais Threoir 2003/87/CE, Rialachán (AE) 2018/841 agus Rialachán (AE) 2018/842 agus an Rialacháin seo.’ |
|
(9) |
Leasaítear Iarscríbhinní I agus XIII a ghabhann le Rialachán Tarmligthe (AE) 2019/1122 i gcomhréir le hIarscríbhinní I agus II a ghabhann leis an Rialachán seo. |
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 13 Eanáir 2026.
Thar ceann an Choimisiúin
An tUachtarán
Ursula VON DER LEYEN
(1) IO L 156, 19.6.2018, lch. 1, ELI: http://data.europa.eu/eli/reg/2018/841/oj.
(2) Rialachán Tarmligthe (AE) 2019/1122 ón gCoimisiún an 12 Márta 2019 lena bhforlíontar Treoir 2003/87/CE ó Pharlaimint na hEorpa agus ón gComhairle a mhéid a bhaineann le feidhmiú Chlárlann an Aontais (IO L 177, 2.7.2019, lch. 3, ELI: http://data.europa.eu/eli/reg_del/2019/1122/oj).
(3) Treoir 2003/87/CE ó Pharlaimint na hEorpa agus ón gComhairle an 13 Deireadh Fómhair 2003 lena mbunaítear scéim i ndáil le trádáil lamháltas i gcomhair astaíochtaí gás ceaptha teasa laistigh den Chomhphobal agus lena leasaítear Treoir 96/61/CE ón gComhairle (IO L 275, 25.10.2003, lch. 32 ELI: http://data.europa.eu/eli/dir/2003/87/oj).
(4) Rialachán (AE) 2023/839 ó Pharlaimint na hEorpa agus ón gComhairle an 19 Aibreán 2023 lena leasaítear Rialachán (AE) 2018/841 a mhéid a bhaineann leis an raon feidhme, leis na rialacha tuairiscithe agus comhlíontachta a shimpliú, agus lena leagtar amach spriocanna na mBallstát le haghaidh 2030, agus Rialachán (AE) 2018/1999 a mhéid a bhaineann le feabhas a chur ar an bhfaireachán, an tuairisciú, an rianú ar dhul chun cinn agus ar an athbhreithniú (IO L 107, 21.4.2023, lch. 1, ELI: http://data.europa.eu/eli/reg/2023/839/oj).
(5) Rialachán (AE) 2018/842 ó Pharlaimint na hEorpa agus ón gComhairle an 30 Bealtaine 2018 maidir le laghduithe bliantúla ceangailteacha ar astaíochtaí gás ceaptha teasa ag na Ballstáit ó 2021 go 2030 lena rannchuidítear leis an ngníomhú ar son na haeráide agus chun gealltanais a tugadh faoi Chomhaontú Pháras a chomhlíonadh, agus lena leasaítear Rialachán (AE) Uimh. 525/2013 (IO L 156, 19.6.2018, lch. 26, ELI: http://data.europa.eu/eli/reg/2018/842/oj).
(6) Rialachán (AE) 2018/1999 ó Pharlaimint na hEorpa agus ón gComhairle an 11 Nollaig 2018 maidir le Rialachas an Aontais Fuinnimh agus na Gníomhaíochta Aeráide, lena leasaítear Rialachán (CE) Uimh. 663/2009 agus Rialachán (CE) Uimh. 715/2009 ó Pharlaimint na hEorpa agus ón gComhairle, Treoir 94/22/CE, Treoir 98/70/CE, Treoir 2009/31/CE, Treoir 2009/73/CE, Treoir 2010/31/AE, Treoir 2012/27/AE, agus Treoir 2013/30/AE ó Pharlaimint na hEorpa agus ón gComhairle, Treoir 2009/119/CE agus Treoir (AE) 2015/652 ón gComhairle agus lena n-aisghairtear Rialachán (AE) Uimh. 525/2013 ó Pharlaimint na hEorpa agus ón gComhairle, (IO L 328, 21.12.2018, lch. 1, ELI: http://data.europa.eu/eli/reg/2018/1999/oj).
IARSCRÍBHINN I
In Iarscríbhinn I a ghabhann le Rialachán Tarmligthe (AE) 2019/1122, cuirtear an méid seo a leanas in ionad Thábla I-II:
‘Tábla I-II
Cuntais chun críche idirbheart cuntasaíochta de bhun Theideal IIA
|
Ainm an chineáil cuntais |
Sealbhóir cuntais |
Riarthóir Cuntais |
Líon na gcuntas den chineál seo |
AEA |
Astaíochtaí a thugtar i gcuntas / aistrithe a thugtar i gcuntas (1) |
AAT |
LSTFB (2) |
LSÚT (3) |
LSB-F |
|
Cuntas Cainníochta Iomláine AEA ESR AE |
AE |
riarthóir lárnach |
1 |
Tá |
Níl |
Níl |
Níl |
Níl |
Níl |
|
Scrioschuntas faoin Rialachán maidir le Comhroinnt Díchill |
AE |
riarthóir lárnach |
1 |
Tá |
Níl |
Tá |
Níl |
Níl |
Níl |
|
Cuntas de Chainníocht Iomlán AEA Iarscríbhinn II AE |
AE |
riarthóir lárnach |
1 |
Tá |
Níl |
Níl |
Níl |
Níl |
Níl |
|
Cuntas Cúlchiste Sábháilteachta faoi Rialachán an Aontais Eorpaigh maidir le Comhroinnt Díchill |
AE |
riarthóir lárnach |
1 |
Tá |
Níl |
Níl |
Níl |
Níl |
Níl |
|
Cuntas Comhlíontachta maidir le comhroinnt díchill |
Ballstát |
riarthóir lárnach |
1 chuntas le haghaidh gach 10 mbliana comhlíontachta in aghaidh gach Ballstáit |
Tá |
Níl |
Tá |
Níl |
Níl |
Níl |
|
Cuntas Comhlíontachta LULUCF AE |
AE |
riarthóir lárnach |
1 chuntas le haghaidh gach ceann den 2 thréimhse chomhlíontachta |
Níl |
Tá |
Tá |
Níl |
Níl |
Níl |
|
Scrioschuntas LULUCF AE |
AE |
riarthóir lárnach |
1 chuntas lena gcumhdaítear an 2 thréimhse chomhlíontachta |
Níl |
Tá |
Tá |
Tá |
Tá |
Tá |
|
Cuntas Comhlíontachta LULUCF Ballstáit |
Ballstát |
riarthóir lárnach/ |
1 chuntas le haghaidh gach ceann den 2 thréimhse chomhlíontachta le haghaidh gach Ballstáit |
Tá |
Tá |
Tá |
Tá |
Tá |
Tá |
|
Cuntas Lárnach LSTFB AE |
AE |
riarthóir lárnach |
1 chuntas maidir leis an gcéad tréimhse chomhlíontachta |
Níl |
Níl |
Níl |
Tá |
Níl |
Níl |
|
Cuntas Lárnach LSÚT AE |
AE |
riarthóir lárnach |
1 chuntas maidir leis an dara tréimhse chomhlíontachta |
Níl |
Níl |
Níl |
Níl |
Tá |
Níl |
|
Cuntas Cúitimh Breise Lárnach le haghaidh na Fionlainne (4) |
FI |
riarthóir lárnach |
1 chuntas maidir leis an gcéad tréimhse chomhlíontachta |
Níl |
Níl |
Níl |
Níl |
Níl |
Tá |
(1) Is sa chéad tréimhse chomhlíontachta LULUCF amháin atá feidhm ag astaíochtaí a thugtar i gcuntas agus aistrithe a thugtar i gcuntas. Sa dara tréimhse chomhlíontachta LULUCF, tá feidhm ag astaíochtaí agus aistrithe tuairiscithe.
(2) Eisítear LSTFBanna maidir leis an gcéad tréimhse chomhlíontachta.
(3) Eisítear LSÚTanna maidir leis an dara tréimhse chomhlíontachta.
(4) Osclaíonn an riarthóir lárnach Cuntas Cúitimh Breise Lárnach le haghaidh na Fionlainne ina mbeidh leithdháileadh breise 5 mhilliún tona de choibhéis CO2 don chéad tréimhse chomhlíontachta LULUCF.’
IARSCRÍBHINN II
In Iarscríbhinn XIII a ghabhann le Rialachán Tarmligthe (AE) 2019/1122, leasaítear Cuid II mar a leanas:
|
(1) |
cuirtear isteach an pointe 7a seo a leanas:
|
|
(2) |
cuirtear isteach an pointe 9 seo a leanas:
|
ELI: http://data.europa.eu/eli/reg_del/2026/81/oj
ISSN 1977-0839 (electronic edition)