12006E223

Chonartha ag bunú an Chomhphobail Eorpaigh (Leagan comhdhlúite) - Cuid a Cúig - Institiúidí an Chomhphobail - TEIDEAL I - Forálacha ag rialú na n‐institiúidí - Caibidil 1 - Na hinstitiúidí - Roinn 4 - An Chúirt Bhreithiúnais - Airteagal 223

Official Journal C 321 E , 29/12/2006 P. 0142 - 0142
Official Journal C 325 , 24/12/2002 P. 0123 - Consolidated version
Official Journal C 340 , 10/11/1997 P. 0270 - Consolidated version
Official Journal C 224 , 31/08/1992 P. 0060 - Consolidated version
(EEC Treaty - no official publication available)


Airteagal 223

Roghnófar Breithiúna agus Abhcóidí Ginearálta na Cúirte Breithiúnais ó dhaoine nach bhfuil a neamhspleáchas inchurtha in amhras agus a bhfuil acu na cáilíochtaí is gá chun a gceaptha do na hoifigí breithiúnacha is airde ina dtíortha faoi seach nó is dlí-eolaithe a n-aithnítear a n-inniúlacht; ceapfaidh Rialtais na mBallstát iad de thoil a chéile ar feadh téarma sé bliana.

Athrófar cuid de na Breithiúna agus de na hAbhcóidí Ginearálta i gceann gach trí bliana faoi na coinníollacha atá leagtha amach i Reacht na Cúirte Breithiúnais.

Toghfaidh na Breithiúna Uachtarán na Cúirte Breithiúnais as a líon féin ar feadh téarma trí bliana. Féadfar é a atoghadh.

Féadfar na Breithiúna agus na hAbhcóidí Ginearálta a bheidh ag scor a athcheapadh.

Ceapfaidh an Chúirt Bhreithiúnais a Cláraitheoir agus leagfaidh sí síos na rialacha a bhainfidh lena sheirbhís.

Glacfaidh an Chúirt Bhreithiúnais a rialacha nós imeachta. Is gá formheas ón gComhairle, ag gníomhú di trí thromlach cáilithe, a bheith leis na rialacha sin.

--------------------------------------------------