ANNESS II
IR-REGOLAMENT TAL-KUNSILL (KEE) NRU 2081/92
“AZEITES DO NORTE ALENTEJANO”
(KE NRU: PO/0266/24.1.1994)
DPO (X) IĠP ( )
Din il-lista hija sinteżi stabbilita bl-iskop ta' informazzjoni. Għall-infomazzjoni kompluta, partikolarment għall-produtturi tal-prodotti koperti bid-DOP (Denominazzjoni tal-Oriġini Protetta) jew bl-IĠP (Indikazzjoni Ġeografika Protetta) ikkonċernata, ikun aħjar li wieħed jikkonsulta l-verżjoni kompluta tal-ispeċifikazzjonijiet kemm fil-livell nazzjonali, kif ukoll mas-servizzi tal-Kummissjoni Ewropea (1).
1. Dipartiment responsabbli fl-Istat Membru:
|
Isem:
|
Instituto de Desenvolvimento Rural e Hidráulica
|
|
Indirizz:
|
Av. Afonso Costa, 3 — 1949-002 Lisboa. il-portugall
|
|
Tel:
|
+ 351 21 844 22 00
|
|
Numru tal-faks:
|
+ 351 21 844 22 02
|
|
Posta elettronika:
|
idrha@idrha.min-agricultura.pt
|
2. Konsorzju:
|
Isem:
|
APAFNA — AGRUPAMENTOS DE PRODUTORES AGRÍCOLAS E FLORESTAIS DO NORTE ALENTEJANO
|
|
Indirizz:
|
Parque de Leilões de Gado de Portalegre, Estrada Nacional 246, Apartado n.o 269 — 7300-901 Portalegre Portugal
|
|
Tel:
|
+ 351 245 33 10 64
|
|
Numru tal-faks:
|
+ 351 245 20 75 21
|
|
Posta elettronika:
|
aadp1@iol.pt
|
|
Magħmula minn
|
:
|
produtturi/proċessuri (X) oħrajn ( )
|
3. Tip ta' prodott
Klassi 1.5 — Żjut u xaħmijiet — żejt taż-żebbuġa
4. Speċifikazzjoni
(sinteżi tar-rekwiżiti skont l-Artikolu 4(2))
4.1.
Isem: “Azeites do Norte Alentejano”
4.2.
Deskrizzjoni: It-titolu “Azeites do Norte Alentejano” jingħata lil-likwidu żejtni magħsur b'mod mekkaniku mill-frotta ladarba l-ilma tal-ħaxix ikun mifrud mill-karfa tal-frott, partikoli tal-qoxra, polpa u żerriegħa taż-żebbuġ tal-varjetajiet tal-Galega, il-Carrasquenha, ir-Redondil, l-Azeiteira jew l-Azeitoneira, il-Blanqueta jew il-Branquita kif ukoll il-Cobrançosa, tal-ispeċi Olea europea sativa li ġejjin minn imsaġar taż-żebbuġ li jinsabu fiż-żona ġeografika deskritta hawn fuq u li fiha stess jitwettqu l-ipproċessar u t-tħejjija għas-suq.
Iż-żebbuġ ta' Alentejo ta' Fuq huma żebbuġ kemmxejn ħoxnin, b'togħma tal-frotta u ta' lewn isfar jagħti fl-aħdar, li jissodisfa l-grad minimu ta' 6,5 għaż-żejt taż-żebbuġa ekstra verġni u 6,0 taż-żejt taż-żebbuġa verġni.
4.3.
Żona ġeografika: Limitata għall-muniċipalitajiet ta' Alandroal, Borba, Estremoz, għall-freguesias ta' Na Sr.a de Machede, S. Mansos, S. Vicente do Pigeiro, S. Miguel de Machede u S. Bento do Mato tal-muniċipalità ta' Évora, għall-freguesias ta' Luz u Mourão tal-muniċipalità ta' Mourão, għall-muniċipalitajiet ta' Redondo, Reguengos de Monsaraz u Vila Viçosa tad-distrett ta' Évora, għall-muniċipalitajiet ta' Alter do Chão, Arronches, Avis, Campo Maior, Castelo de Vide, Crato, Elvas, Fronteira, Marvão, Monforte, Nisa, Portalegre u Sousel tad-distrett ta' Portalegre.
4.4.
Prova tal-oriġini: L-oriġini awtorizzat mid-drawwa b'mod partikolari fid-dawl tat-tradizzjoni kulinari reġjonali u s-sengħa li ġejja miż-żmien imbiegħed.
Biex jipproduċu dan iż-żejt taż-żebbuġa, il-proċessuri jistgħu jużaw biss żebbuġ minn produtturi rreġistrati u minn varjetajiet awtorizzati.
Għal kull operatur approvat mill-konsorzju ta' ġestjoni tad-DOP, jinżamm u jiġi aġġornat reġistru deskrittiv, li fih informazzjoni dwar l-oriġini taż-żebbuġ użat, tal-kondizzjonijiet reali tal-produzzjoni/tat-twassil u tal-kondizzjonijiet teknoloġiċi fis-seħħ.
Dan ir-reġistru ta' kuljum irid juri l-ismijiet tal-fornituri taż-żebbuġ, il-kwantitajiet li waslu mingħand kull produttur u l-kwantità ta' żejt taż-żebbuġa prodott.
Il-varjetajiet iridu jkunu rreġistrati minn min ikabbar iż-żebbuġ jew mir-rappreżentanti tagħhom (il-kooperattivi).
Il-produtturi jrid ikollhom u jrid iżommu aġġornat reġistru li fih il-kwantitajiet ta' żebbuġ iddestinati għall-produzzjoni taż-żejt taż-żebbuġa li se jkollu d-DOP ta' Alentejano ta' Fuq.
4.5.
Metodu ta' produzzjoni: Il-prodott isir billi jitħalltu kwantitajiet magħsura mill-varjetajiet imsemmija hawn fuq, fil-proporzjonijiet li ġejjin:
|
Varjetà obbligatorja
|
Galega
|
Minimu ta' 65 %
|
|
Varjetajiet tollerati
|
Azeiteira; Blanqueta; Carrasquenha; Redondil
|
Massimu ta' 5 %
|
|
Cobrançosa
|
Massimu ta' 10 %
|
Fid-dawl tal-kondizzjonijiet speċjali li jikkaratterizzaw il-muniċipalitajiet ta' Campo Maior u Elvas (li huma xierqa b'mod partikolari għall-produzzjoni taż-żebbuġ ippreservat), bħala eċċezzjoni l-varjetajiet li ġejjin jistgħu jintużaw iżda biss fil-perċentwali li ġejjin fiż-żona żgħira tal-masġar taż-żebbuġ maħsuba għaż-żejt taż-żebbuġ li jifdal:
|
Varjetà obbligatorja
|
Galega
|
Minimu ta' 50 %
|
|
Varjetajiet tollerati
|
Azeiteira; Carrasquenha; Redondil; Cobrançosa
|
Massimu ta' 10 %
|
|
Blanqueta
|
Massimu ta' 5 %
|
Il-varjetà Picual hija pprojbita fi kwalunkwe ċirkustanza; minkejja dan, jistgħu jintużaw varjetajiet tradizzjonali oħra, fi proporzjoni massima ta' 5 %, bil-kondizzjoni li jkunu awtorizzati mill-konsorzju ta' ġestjoni tad-DOP.
Il-frott irird jinġabar meta jkun misjur fl-aqwa stat, u ż-żebbuġ li jinġabar minn mal-art ma jistax jintuża għall-produzzjoni taż-żejt li għandu din id-denominazzjoni tal-oriġini, filwaqt li t-trasport isir f'kaxxi li jistgħu jitgħabbew fuq xulxin, filwaqt li jittieħed ħsieb li jkun hemm ventilazzjoni.
Il-varjetajiet iridu jkunu rreġistrati minn min ikabbar iż-żebbuġ jew mir-rappreżentanti tagħhom u l-pressi jistgħu jirċievu esklussivament, fl-ambitu ta' din il-produzzjoni, iż-żebbuġ ta' produtturi rreġistrati u l-varjetajiet awtorizzati, dejjem f'kondizzjonijiet iġjeniċi u sanitarji impekkabbli.
It-temperatura tal-pasta fil-pressa jew fir-reċipjent tan-naqal kif ukoll tal-mikser tal-ilma/żejt fil-magna ċentrifuga ma tista' qatt taqbeż il - 35°Ċ.
Minħabba li ż-żejt taż-żebbuġa kapaċi jifforma taħlita omoġena u sabiex jiġi evitat kwalunkwe ostaklu għall-kapaċità ta' rintraċċar meta jsir kontroll, it-tħejjija għas-suq tista' ssir unikament minn operaturi approvati kif xieraq, fiż-żona tal-oriġini, sabiex tiġi ggarantita l-kwalità u l-awtentiċità tal-prodott u sabiex il-konsumatur ma jitqarraqx. It-tħejjija għas-suq se ssir f'reċipjenti magħmula minn materjali impermeabbli, inerti u innokwi li jissodisfaw kull standard iġjeniku u sanitarju.
4.6.
Rabta: Il-kondizzjonijiet ta' klima u ħamrija ta' dan ir-reġjun huma l-oriġini tal-karatteristiċi speċifiċi ta' dan iż-żejt taż-żebbuġa.
4.7. Korp ta' kontroll:
|
Isem
|
:
|
AADP — Associação de Agricultores do Distrito de Portalegre
|
|
Indirizz
|
:
|
Parque de Leilões de Gado de Portalegre, Estrada Nacional 246, Apartado n.o 269 7300-901 Portalegre
|
|
Tel
|
:
|
+ 351 245 20 12 96/245 33 10 64
|
|
Numru tal-faks
|
:
|
+ 351 245 20 75 21
|
|
Posta elettronika
|
:
|
aadp1@iol.pt
|
4.8.
Tikkettar: It-titolu “AZEITES DO NORTE ALENTEJANO — Denominação de Origem Protegida” irid bilfors jidher, flimkien mal-logotip approvat mill-konsorzju ta' ġestjoni tad-DOP, għaż-żjut taż-żebbuġa tal-Alentejo ta' Fuq u l-logotip Komunitarju approvat għad-DOP.
(1)
Il-Kummissjoni Ewropea — Direttorat Ġenerali tal-Agrikultura — It-taqsima tal-Politika dwar il-kwalità tal-prodotti agrikoli — B-1049 Brussell.
