9.5.2007   

MT

Il-Ġurnal Uffiċjali ta’ l-Unjoni Ewropea

L 119/48


DEĊIŻJONI TAL-KUMMISSJONI

tat-2 ta’ Mejju 2007

li teħles lir-Renju Unit minn ċerti obbligi għall-bejgħ ta’ żrieragħ tal-ħxejjex skond id-Direttiva 2002/55/KE

(notifikata taħt id-dokument numru C(2007) 1836)

(It-test bl-Ingliż biss huwa awtentiku)

(2007/321/KE)

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 2002/55/KE tat-13 ta’ Ġunju 2002 dwar il-marketing ta’ żrieragħ tal-ħxejjex (1), u b’mod partikolari l-Artikolu 49 tagħha,

Wara li kkunsidrat it-talba magħmula mir-Renju Unit,

Billi:

(1)

Skond id-Direttiva 2002/55/KE il-Kummissjoni tista’, suġġett għal ċerti kundizzjonijiet, teħles Stat Membru mill-obbligi għall-bejgħ ta’ żrieragħ tal-ħxejjex stabbiliti f’dik id-Direttiva.

(2)

Ir-Renju Unit applika biex jinħeles mill-obbligi tiegħu rigward ċerti speċijiet u sottospeċi partikolari.

(3)

Billi ż-żrieragħ ta’ dawk l-ispeċijiet u ta’ dik is-sottospeċi normalment mhumiex riprodotti fir-Renju Unit u r-riproduzzjoni normali tikkonċerna b’mod esklussiv materjal ta’ propagazzjoni u tħawwil barra ż-żrieragħ, ir-Renju Unit għandu jinħeles minn ċerti obbligi skond id-Direttiva 2002/55/KE rigward l-ispeċijiet u s-sottospeċi msemmija.

(4)

Il-miżuri provduti f’din id-Deċiżjoni huma skond l-opinjoni tal-Kumitat Permanenti dwar iż-Żrieragħ u l-Materjal ta’ Propagazzjoni għall-Agrikoltura, l-Ortikoltura u l-Forestrija,

ADOTTAT DIN ID-DEĊIŻJONI

Artikolu 1

Ir-Renju Unit huwa meħlus mill-obbligu li japplika d-Direttiva 2002/55/KE, bl-eċċezzjoni ta’ l-Artikoli 2 sa 20, 34(1) u 39, għall-ispeċijiet jew sottospeċijiet li ġejjin.

Allium cepa L.

—

Il-Grupp Aggregatum

Allium ascalonicum (shallot)

Allium fistulosum L.

Il-basal ta’ l-għenieqed Ġappuniż jew il-basla ta’ Wales

Allium sativum L.

It-tewm

Allium schoenoprasum L.

Il-kurrat salvaġġ

Rheum rhabarbarum L.

Ir-rabarbru

Artikolu 2

Din id-Deċiżjoni hija indirizzata lir-Renju Unit tal-Gran Brittanja u l-Irlanda ta’ Fuq.

Magħmul fi Brussell, 2 ta’ Mejju 2007.

Għall-Kummissjoni

Markos KYPRIANOU

Membru tal-Kummissjoni


(1)   ĠU L 193, 20.7.2002, p. 33. Id-Direttiva kif emendata l-aħħar bid-Direttiva tal-Kummissjoni 2006/124/KE (ĠU L 339, 6.12.2006, p. 12).