(1)

Tá ról lárnach ag ceanglais tuairiscithe chun faireachán cuí ar an reachtaíocht agus forfheidhmiú ceart na reachtaíochta a áirithiú. Mar sin féin, tá sé tábhachtach ceanglais den sórt sin a chuíchóiriú chun a áirithiú go gcomhlíonfaidh siad an cuspóir dár beartaíodh iad agus chun an t-ualach riaracháin a theorannú.

(2)

I dTreoracha 2009/12/CE (3), 2009/33/CE (4) agus (AE) 2022/1999 (5) ó Pharlaimint na hEorpa agus ón gComhairle, agus i dTreoir 96/67/CE ón gComhairle (6) tá roinnt ceanglas tuairiscithe i réimsí an iompair de bhóthar agus na heitlíochta, ceanglais ba cheart a shimpliú i gcomhréir leis an Teachtaireacht ón gCoimisiún an 16 Márta 2023 dar teideal ‘Long-term competitiveness of the EU: looking beyond 2030’ [Iomaíochas fadtéarmach an Aontais: níos faide ar aghaidh ná 2030].

(3)

Tá feidhm ag Treoir 2009/12/CE maidir leis na haerfoirt uile atá lonnaithe i gcríoch atá faoi réir an Chonartha agus atá oscailte do thrácht tráchtála arb é méid is mó ná cúig mhilliún gluaiseacht paisinéirí an trácht bliantúil atá acu agus maidir leis an aerfort ag a bhfuil an ghluaiseacht is mó paisinéirí i ngach Ballstát. Ceanglaítear léi ar na Ballstáit liosta de na haerfoirt ar a gcríoch a bhfuil feidhm ag an Treoir sin maidir leo a fhoilsiú, ar bhonn bliantúil. Ós rud é go bhfuil an fhaisnéis atá sa liosta sin ar fáil go poiblí agus go bhfuil rochtain éasca ag páirtithe leasmhara ó aerfoirt, ó chomhlachais aerfoirt agus ó Eurostat uirthi, agus chun an t-ualach riaracháin a laghdú, is iomchuí an oibleagáid sin maidir le foilsiú a bhaint.

(4)

Leagtar síos i dTreoir 2009/33/CE spriocanna íosta soláthair d’fheithiclí glana, arna sloinneadh mar chéatadáin íosta d’fheithiclí glana i líon iomlán na bhfeithiclí iompair de bhóthar a chumhdaítear le conarthaí arna ndámhachtain le linn dhá thréimhse thagartha. Mairfidh an chéad cheann de na tréimhsí tagartha sin ón 2 Lúnasa 2021 go dtí an 31 Nollaig 2025, agus an dara ceann ón 1 Eanáir 2026 go dtí an 31 Nollaig 2030.

(5)

Le Treoir 2009/33/CE ceanglaítear ar na Ballstáit tuairisciú a dhéanamh ar chur chun feidhme na Treorach sin faoin 18 Aibreán 2026, agus gach 3 bliana ina dhiaidh sin. Tá figiúirí maidir le líon agus catagóirí na bhfeithiclí arna soláthar faoi raon feidhme Threoir 2009/33/CE le háireamh i dtuarascálacha na mBallstát. Thairis sin, le Treoir 2009/33/CE, ceanglaítear ar an gCoimisiún tuarascáil a chur faoi bhráid Pharlaimint na hEorpa agus na Comhairle maidir le cur chun feidhme na Treorach sin faoin 18 Aibreán 2027 agus gach 3 bliana ina dhiaidh sin, bunaithe ar na tuarascálacha arna gcur isteach ag na Ballstáit de bhun na Treorach sin.

(6)

Chun an t-ualach riaracháin a laghdú agus an sceideal tuairiscithe a chuíchóiriú, is iomchuí minicíocht thuairisciú na mBallstát faoi Threoir 2009/33/CE a laghdú, agus í a ailíniú go hiomlán leis na tréimhsí tagartha 5 bliana dá bhforáiltear sa Treoir sin. I bhfianaise an athraithe sin sa mhinicíocht tuairiscithe, ní iomchuí a thuilleadh a cheangal go mbeadh tuairisciú den sórt sin ag gabháil leis na tuarascálacha dá dtagraítear in Airteagal 83(3), an dara fomhír, de Threoir 2014/24/AE ó Pharlaimint na hEorpa agus ón gComhairle (7), agus Airteagal 99(3), an dara fomhír, de Threoir 2014/25/AE ó Pharlaimint na hEorpa agus ón gComhairle (8), a ndéantar foráil leis an dá Threoir maidir le tuairisciú gach 3 bliana. Ós rud é go gcuireann tuairisciú ón gCoimisiún chuig Parlaimint na hEorpa agus chuig an gComhairle le tuarascálacha náisiúnta ó na Ballstáit, ba cheart minicíocht an tuairiscithe sin a oiriúnú dá réir sin.

(7)

Le Treoir (AE) 2022/1999, ceanglaítear ar na Ballstáit tuarascáil a chur chuig an gCoimisiún maidir le cur i bhfeidhm na Treorach sin le haghaidh gach bliana féilire. I bhfianaise na dtairbhí teoranta a bhaineann le tuairisciú bliantúil, agus chun an t-ualach riaracháin a laghdú agus an sceideal tuairiscithe a chuíchóiriú, is iomchuí minicíocht tuarascálacha den sórt sin a laghdú go dtí gach dara bliain féilire.

(8)

A mhéid a bhaineann le hábhar tuarascálacha maidir lena cur i bhfeidhm, ceanglaítear le Treoir (AE) 2022/1999 ar na Ballstáit a chur san áireamh, más féidir, an méid earraí contúirteacha a iompraítear de bhóthar, i dtonaí arna n-iompar nó i dtonaí/ciliméadar a taifeadadh nó a measadh. Mar gheall ar chineál roghnach an cheanglais sin, ní bhailítear sonraí ábhartha nó ní dhéanann na Ballstáit iad a thuairisciú go comhsheasmhach. Idir an dá linn, cuireann Eurostat sonraí soiléire agus comhsheasmhacha ar fáil maidir le hiompar earraí contúirteacha, ar sonraí iad a mbíonn an Coimisiún ag brath orthu chun an tuarascáil thríbhliantúil chuig Parlaimint na hEorpa agus chuig an gComhairle a tharraingt suas. Ós rud é go bhfuil rochtain ag an gCoimisiún ar na sonraí sin cheana féin, is iomchuí an oibleagáid maidir le tuairisciú ar mhéid iomlán na n-earraí contúirteacha a iompraítear de bhóthar sa Bhallstát a scriosadh chun an t-ualach riaracháin a laghdú.

(9)

Le Treoir (AE) 2022/1999, ceanglaítear ar an gCoimisiún freisin tuarascáil a chur chuig Parlaimint na hEorpa agus chuig an gComhairle, den chéad uair in 1999 agus gach 3 bliana ar a laghad ina dhiaidh sin, maidir le cur i bhfeidhm na Treorach sin ag na Ballstáit. Chun an t-ualach riaracháin a laghdú agus chun an sceideal tuairiscithe a chuíchóiriú, is iomchuí a cheangal go seolfaí an tuarascáil sin gach 4 bliana.

(10)

Le hAirteagal 1(4) de Threoir 96/67/CE, ceanglaítear ar an gCoimisiún liosta a fhoilsiú go bliantúil de na haerfoirt a thagann faoina raon feidhme agus ceanglaítear ar na Ballstáit na sonraí is gá chun an liosta sin a chur le chéile a chur ar aghaidh chuig an gCoimisiún. Ós rud é go bhfuil an fhaisnéis sin ar fáil go poiblí agus go bhfuil rochtain éasca ag páirtithe leasmhara ó aerfoirt, ó chomhlachais aerfoirt nó ó Eurostat uirthi, agus chun an t-ualach riaracháin a laghdú, is iomchuí deireadh a chur leis an oibleagáid sin maidir le tuairisciú agus foilsiú.

(11)

Ba cheart, dá bhrí sin, Treoracha 2009/12/CE, 2009/33/CE, (AE) 2022/1999 agus 96/67/CE a leasú dá réir sin,

(1)

cuirtear an méid seo a leanas in ionad mhír 2:

(*1)  Rialachán (CE) Uimh 2195/2002 ó Pharlaimint na hEorpa agus ón gComhairle an 5 Samhain 2002 maidir leis an Stór Focal Comhchoiteann um Sholáthar (CPV) (IO L 340, 16.12.2002, lch. 1)."

(2)

cuirtear an méid seo a leanas in ionad mhír 4:

(1)

leasaítear Airteagal 9 mar a leanas:

(2)

Cuirtear an téacs a leagtar amach san Iarscríbhinn a ghabhann leis an gCinneadh seo in ionad Iarscríbhinn III.