|
23.6.2023 |
GA |
Iris Oifigiúil an Aontais Eorpaigh |
LI 159/330 |
RIALACHÁN (AE) 2023/1215 ÓN gCOMHAIRLE
an 23 Meitheamh 2023
lena leasaítear Rialachán (AE) Uimh. 269/2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 215 de,
Ag féachaint do Chinneadh 2014/145/CBES ón gComhairle an 17 Márta 2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (1),
Ag féachaint don togra comhpháirteach ó Ardionadaí an Aontais do Ghnóthaí Eachtracha agus don Bheartas Slándála agus ón gCoimisiún Eorpach,
De bharr an mhéid seo a leanas:
|
(1) |
Le Rialachán (AE) Uimh. 269/2014 ón gComhairle (2), tugtar éifeacht do bhearta sriantacha dá bhforáiltear i gCinneadh 2014/145/CBES. |
|
(2) |
An 23 Meitheamh 2023, ghlac an Chomhairle Cinneadh (CBES) 2023/1218 (3), lena leasaítear Cinneadh 2014/145/CBES, lenar tugadh isteach critéir bhreise maidir le daoine nádúrtha nó dlítheanacha, eintitis nó comhlachtaí atá faoi réir reo sócmhainní agus faoi réir an toirmisc chun cistí agus acmhainní eacnamaíocha a chur ar fáil do dhaoine ainmnithe agus d’eintitis ainmnithe mar fhreagairt don chogaíocht faisnéise atá á déanamh ag an Rúis chun a cogadh foghach in aghaidh na hÚcráine a chur i bhfeidhm. Le Cinneadh (CBES) 2023/1218, leasaítear ceann amháin de na critéir liostaithe atá ann cheana freisin. Leis an gCinneadh sin leasaíodh freisin ceann amháin de na critéir atá ann faoi láthair maidir le liostú, i bhfianaise mheasúnú na Comhairle i ndáil leis na bearta sriantacha a ghlac an tAontas mar fhreagairt ar chogadh foghach na Rúise ar an Úcráin, go bhféadfadh oibreoirí a chuireann le cumas na Rúise cogadh a chothú, lena n-áirítear oibreoirí tríú tíortha nach bhfuil faoi cheangal ag na bearta sin, trí dhul timpeall orthu nó bac suntasach a chur orthu ar shlí eile, an bonn a bhaint dá gcuspóir agus dá n-éifeachtacht. Ar na rudaí a thabharfadh le fios gur cásanna ina gcuirfí bac ar bhearta sriantacha an Aontais iad, d’fhéadfaí an méid a leanas, inter alia, a áireamh: oibreoir tríú tír arbh é a phríomhghníomhacht earraí srianta a cheannach san Aontas a rachadh go dtí an Rúis, daoine nó eintitis Rúiseacha a bheith rannpháirteach ag céim ar bith, cuideachta a cruthaíodh le déanaí chun críoch a bhaineann le hearraí srianta a rachadh go dtí an Rúis, nó méadú ollmhór ar láimhdeachas oibreora tríú tír ag a bhfuil baint leis na gníomhaíochtaí sin. |
|
(3) |
Le Cinneadh (CBES) 2023/1218, tugadh isteach freisin maoluithe breise ón reo sócmhainní agus ón toirmeasc maidir le cistí agus acmhainní eacnamaíocha a chur ar fáil d’eintitis liostaithe áirithe lena gceadaítear dífheistiú a dhéanamh ó chuideachtaí Rúiseacha agus cineálacha áirithe urrús i seilbh eintitis liostaithe a dhiúscairt. Tugadh isteach leis freisin maolú lena gceadaítear balla dóiteáin a chur ar bun, a dheimhniú nó a mheas, balla dóiteáin lena mbaintear an rialú atá á fheidhmiú ag duine liostaithe ar shócmhainní eintitis neamhliostaithe de chuid an Aontais ar leis an duine liostaithe iad nó atá á rialú ag an duine liostaithe, agus lena n-áirithítear nach bhfabhraítear aon tairbhe don duine sin, rud a fhágfadh go mbeadh an t-eintiteas sin in ann leanúint dá oibríochtaí gnó. D’fhonn an tsábháilteacht mhuirí a chosaint, tugadh isteach freisin, le Cinneadh (CBES) 2023/1218 díolúine ón reo sócmhainní agus ón toirmeasc ar chistí agus acmhainní eacnamaíocha a chur ar fáil, ionas gur féidir seirbhísí píolótacha a sholáthar in imthosca sonracha. |
|
(4) |
Le Cinneadh (CBES) 2023/1218, leathnaíodh maoluithe ón reo sócmhainní agus ón toirmeasc freisin chun cistí agus acmhainní eacnamaíocha a chur ar fáil chun bainc nualiostaithe a chumhdach, ar maoluithe iad a bhí infheidhme maidir le bainc a bhí liostaithe cheana. |
|
(5) |
Is iomchuí a shoiléiriú freisin go bhfuil feidhm ag oibleagáidí tuairiscithe áirithe agus go bhfuil siad comhsheasmhach leis an urraim do rúndacht na cumarsáide idir dlíodóirí agus a gcliaint mar a ráthaítear faoi Chairt um Chearta Bunúsacha an Aontais agus tuilleadh soiléirithe a sholáthar maidir le próiseáil agus malartú faisnéise a dhéanann údaráis inniúla na mBallstát. |
|
(6) |
Tagann na leasuithe ar Chinneadh 2014/145/CBES le Cinneadh (CBES) 2023/1218, faoi raon feidhme an Chonartha ar Fheidhmiú an Aontais Eorpaigh agus, dá bhrí sin, tá gá le gníomhaíocht rialála ar leibhéal an Aontais chun iad a chur chun feidhme, go háirithe d’fhonn a áirithiú go gcuirfear i bhfeidhm iad go haonfhoirmeach i ngach Ballstát. |
|
(7) |
Ba cheart, dá bhrí sin, Rialachán (AE) Uimh. 269/2014 a leasú dá réir, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán (AE) Uimh. 269/2014 mar a leanas:
|
(1) |
leasaítear Airteagal 3(1) mar a leanas:
|
|
(2) |
leasaítear Airteagal 6b mar a leanas:
|
|
(3) |
in Airteagal 6e, cuirtear an méid seo a leanas in ionad mhír 1: ‘1. De mhaolú ar mhír 2, féadfaidh údaráis inniúla Ballstáit a údarú cistí reoite áirithe nó acmhainní eacnamaíocha áirithe a scaoileadh ar leis an eintiteas a liostaítear faoi uimhreacha iontrála 53, 54, 55, 79, 80, 81, 82, 108, 126, 127, 198, 199, 200, 214 agus 215 faoin gceannteideal ‘Eintitis’ in Iarscríbhinn I, nó cistí áirithe nó acmhainní eacnamaíocha áirithe a chur ar fáil do na heintitis sin, faoi cibé coinníollacha a mheaseann na húdaráis inniúla a bheith iomchuí agus tar éis dóibh a chinneadh go bhfuil cistí nó acmhainní eacnamaíocha den sórt sin riachtanach chun táirgí talmhaíochta agus bia, lena n-áirítear cruithneacht agus leasacháin, a cheannach, a allmhairiú nó a iompar.’ |
|
(4) |
cuirtear an tAirteagal seo a leanas isteach: ‘Airteagal 6f Ní bheidh feidhm ag Airteagal 2 maidir le cistí ná acmhainní eacnamaíocha a bhfuil gá leo chun seirbhísí píolótacha a sholáthar do shoithí atá faoi ghluaiseacht neamhurchóideach mar a shainítear sa dlí idirnáisiúnta é agus ar seirbhísí iad atá riachtanach ar chúiseanna sábháilteachta muirí.’ |
|
(5) |
leasaítear Airteagal 8 mar a leanas:
|
Airteagal 2
Tiocfaidh an Rialachán seo i bhfeidhm an lá tar éis a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 23 Meitheamh 2023.
Thar ceann na Comhairle
An tUachtarán
J. ROSWALL
(1) IO L 78, 17.3.2014, lch. 16.
(2) Rialachán (AE) Uimh. 269/2014 ón gComhairle an 17 Márta 2014 a bhaineann le bearta sriantacha i ndáil le gníomhaíochtaí lena mbaintear an bonn d'iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO L 78, 17.3.2014, lch. 6).
(3) Cinneadh (CBES) 2023/1218 ón gComhairle an 23 Meitheamh 2023 lena leasaítear Cinneadh 2014/145/CBES maidir le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (féach leathanach 526 den Iris Oifigiúil).