|
7.10.2022 |
GA |
Iris Oifigiúil an Aontais Eorpaigh |
L 262/41 |
RIALACHÁN TARMLIGTHE (AE) 2022/1857 ÓN gCOIMISIÚN
an 10 Meitheamh 2022
lena leasaítear na caighdeáin theicniúla a leagtar síos i Rialachán Tarmligthe (AE) 150/2013 a mhéid a bhaineann le mionsonraí na n-iarratas ar chlárú mar stór trádála agus le haghaidh iarratas ar shíneadh a chur le clárú mar stór trádála
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 648/2012 ó Pharlaimint na hEorpa agus ón gComhairle an 4 Iúil 2012 maidir le díorthaigh thar an gcuntar, contrapháirtithe lárnacha agus stórtha trádála (1), agus go háirithe an tríú fomhír d’Airteagal 56(3) de,
De bharr an mhéid seo a leanas:
|
(1) |
Sonraítear le Rialachán Tarmligthe (AE) Uimh. 150/2013 (2) ón gCoimisiún mionsonraí an iarratais ar chlárú mar stór trádála. |
|
(2) |
I ndiaidh theacht isteach Rialachán (AE) 2019/834 ó Pharlaimint na hEorpa agus ón gComhairle (3), ceanglaítear ar stórtha trádála na nósanna imeachta a bheith i bhfeidhm acu chun sonraí idir stórtha trádála a réiteach mar aon leis na nósanna imeachta le fíorú go bhfuil na ceanglais tuairiscithe á gcomhlíonadh ag an gcontrapháirtí a dhéanfaidh an tuairisciú nó ag an eintiteas a dhéanfaidh an cur isteach agus chun iomláine agus cruinneas na sonraí arna dtuairisciú a fhíorú. D’fhonn a áirithiú go bhfuil an fhaisnéis ábhartha ag an Údarás Eorpach um Urrúis agus Margaí chun go mbeidh sé in ann a fhíorú go gcomhlíonann stór trádála na ceanglais sin agus measúnú á dhéanamh ar an iarratas ar stór trádála a chlárú, ba cheart a chur de cheangal ar stórtha trádála faisnéis a sholáthar ar faisnéis í a bhaineann leis na nósanna imeachta a chuir siad i bhfeidhm chun aitheantas na n-úsáideoirí a fhaigheann rochtain ar na sonraí a fhíordheimhniú, aiseolas a sholáthar d’eintitis ábhartha maidir le húdarú an eintitis ag a bhfuil tuarascáil á cur isteach, iomláine agus cruinneas na sonraí a fhíorú, réiteach agus torthaí an phróisis réitigh, chun aiseolais rabhaidh a sholáthar d’eintitis ag a bhfuil iarratas á chur isteach agus chun aitheantóirí eintitis dhlítheanaigh a athrú, i gcomhréir le Rialachán Tarmligthe 2022/1858 (AE) ón gCoimisiún (4). |
|
(3) |
D’fhonn a áirithiú go gcomhlíonann na stórtha trádála na caighdeáin rialála is airde, is gá rialacha breise a thabhairt isteach maidir leis an bhfaisnéis atá le soláthar i dtaca leis na nósanna imeachta a bhaineann leis an iniomparthacht, na saincheisteanna TF a mbíonn tionchar acu ar cháilíocht na sonraí agus maidir leis an logleabhar tuairiscithe. |
|
(4) |
Ba cheart mionsonraí iarratais shimplithe i dtaca leis an síneadh le clárú a leagan síos chun go gceadófar do na stórtha trádála atá cláraithe cheana féin faoi Rialachán (AE) Uimh 2015/2365 ó Pharlaimint na hEorpa agus ón gComhairle (5) síneadh lena gclárú a fháil faoi Rialachán (AE) Uimh. 648/2012. D’fhonn aon dúbláil ceanglas a sheachaint, níor cheart a chur de cheangal ar na stórtha trádála a dhéanfaidh iarratas ar shíneadh le clárú ach faisnéis ar na leasuithe ar a gcórais, a bpróisis agus a n-acmhainní a sholáthar ar faisnéis í is gá chun a áirithiú go gcomhlíonann siad ceanglais Rialachán (AE) Uimh. 648/2012. |
|
(5) |
Tá íocaíocht na dtáillí is infheidhme ag stórtha trádála, tráth a chuireann siad iarratas isteach ar chlárú nó chun síniú a fháil le clárú mar stór trádála, fíor-riachtanach chun speansais an Údaráis Eorpaigh um Urrúis agus Margaí a bhaineann leis an gclárú nó leis an síneadh sin le clárú a chumhdach. Ba cheart an cruthúnas gur íocadh na táillí a áireamh san iarratas dá bhrí sin. |
|
(6) |
Ba cheart, dá bhrí sin, Rialachán Tarmligthe (AE) Uimh. 150/2013 a leasú dá réir sin. |
|
(7) |
Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Eorpach um Urrúis agus Margaí (ESMA) faoi bhráid an Choimisiúin. |
|
(8) |
Reáchtáil ESMA comhairliúcháin phoiblí oscailte maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí gaolmhara féideartha agus d’iarr sé comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (6). |
|
(9) |
D’fhonn stórtha trádála a chumasú chun na gníomhaíochtaí uile a dhéanamh ar gníomhaíochtaí is gá iad chun oiriúnú do na hathruithe ar na ceanglais a thugtar isteach leis an Rialachán seo agus a bhaineann leis an bhfaisnéis ar fhíorú iomláine agus cruinnis sonraí, ba cheart dáta chur i bhfeidhm na bhforálacha sin a chur siar, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán Tarmligthe (AE) Uimh. 150/2013 mar a leanas:
|
(1) |
Cuirtear an méid seo a leanas in ionad Airteagal 19:
“Beidh an fhaisnéis a leanas in iarratas ar chlárú mar stór trádála:
(*1) Rialachán Tarmligthe (AE) 2022/1858 ón gCoimisiún an 10 Meitheamh 2022 lena bhforlíontar Rialachán (AE) Uimh. 648/2012 ó Pharlaimint na hEorpa agus ón gComhairle maidir le caighdeáin theicniúla rialála lena sonraítear na nósanna imeachta chun sonraí idir stórtha trádála a réiteach agus na nósanna imeachta atá le cur i bhfeidhm ag an stór trádála le fíorú go bhfuil na ceanglais tuairiscithe á gcomhlíonadh ag an gcontrapháirtí a dhéanfaidh an tuairisciú nó ag an eintiteas a dhéanfaidh an cur isteach agus chun iomláine agus cruinneas na sonraí arna dtuairisciú a fhíorú (IO L 262, 7.10.2022, lch. 46). ” " |
|
(2) |
Cuirtear an méid seo a leanas in ionad Airteagal 21, mír 2: “2. In iarratas ar chlárú mar stór trádála, beidh na nósanna imeachta chun ionadú ordúil an stóir trádála bhunaidh a áirithiú i gcás ina n-iarrfaidh contrapháirtí tuairiscithe amhlaidh, eintiteas atá freagrach as tuairisciú, nó tríú páirtí a thuairiscíonn thar cheann contrapháirtithe nach dtuairiscíonn, nó i gcás ina mbeidh ionadú den sórt sin mar thoradh ar chlárú a aistarraingt, agus áireofar leo na nósanna imeachta chun na sonraí a aistriú agus sreabhaí tuairiscithe a atreorú chuig stór trádála eile.”; |
|
(3) |
cuirtear an méid a leanas in ionad Airteagal 22(1), pointe (b):
(*2) Rialachán Cur Chun Feidhme (AE) 2022/1860 ón gCoimisiún an 10 Meitheamh 2022 lena leagtar síos caighdeáin theicniúla cur chun feidhme i dtaca le cur i bhfeidhm Rialachán (AE) Uimh. 648/2012 ó Pharlaimint na hEorpa agus ón gComhairle maidir le caighdeáin, formáidí, minicíocht agus modhanna agus socruithe maidir le tuairisciú (IO L 262, 7.10.2022, lch. 68).”;" |
|
(4) |
in Airteagal 23, cuirtear an méid seo a leanas in ionad phointe (b):
|
|
(5) |
cuirtear an teideal a leanas ar Chaibidil 2 isteach i ndiaidh Airteagal 23a: “CAIBIDIL 2 SÍNEADH LE CLÁRU ”; |
|
(6) |
cuirtear an tAirteagal 23b seo a leanas isteach: “Airteagal 23b Síneadh le clárú In iarratas a dhéanfar ar shíneadh le clárú atá ann cheana faoi Rialachán (AE) 2015/2365 ó Pharlaimint na hEorpa agus ón gComhairle (*3) beidh an fhaisnéis a shonraítear in Airteagal 1, seachas mír 2, pointe (k), Airteagail 2 agus 5, Airteagal 7, seachas mír 2, pointe (d), Airteagal 8(b), Airteagal 9(1), pointí (b) agus (e), Airteagal 11, Airteagal 12(2), Airteagal 13, Airteagal 14(2), Airteagal 15, Airteagal 16, seachas pointe (c), Airteagail 17 go 23a agus Airteagal 23c. (*3) Rialachán (AE) 2015/2365 ó Pharlaimint na hEorpa agus ón gComhairle an 25 Samhain 2015 maidir le trédhearcacht idirbheart maoinithe urrús agus athúsáide agus lena leasaítear Rialachán (AE) Uimh. 648/2012 (IO L 337, 23.12.2015, lch. 1).”;" |
|
(7) |
cuirtear an teideal a leanas ar Chaibidil 3 isteach i ndiaidh Airteagal 23b: “CAIBIDIL 3 TÁILLÍ AGUS FÍORÚ ”; |
|
(8) |
cuirtear an tAirteagal 23c seo a leanas isteach: “Airteagal 23c Táillí a íoc In iarratas ar chlárú nó ar shíneadh le clárú mar stór trádála, beidh cruthúnas gur íocadh na táillí ábhartha i dtaca le clárú nó le síneadh a chur le clárú mar a leagtar síos i Rialachán Tarmligthe (AE) 1003/2013* ón gCoimisiún. (*4) (*4) Rialachán Tarmligthe (AE) Uimh. 1003/2013 ón gCoimisiún an 12 Iúil 2013 lena bhforlíontar Rialachán (AE) Uimh. 648/2012 ó Pharlaimint na hEorpa agus ón gComhairle maidir le táillí a ghearrann an tÚdarás Eorpach um Urrúis agus Margaí ar stórtha trádála (IO L 279, 19.10.2013, lch. 4).”." |
|
(9) |
in Airteagal 24, cuirtear an méid seo a leanas in ionad mhír 1: “1. Maidir le haon fhaisnéis a chuirtear faoi bhráid ESMA le linn an phróisis chláraithe nó le síneadh a chur le clárú, beidh litir in éineacht léi a bheidh sínithe ag comhalta de bhord an stóir trádála agus ag an mbainistíocht shinsearach, lena bhfianaítear go bhfuil an fhaisnéis a cuireadh isteach cruinn agus iomlán de réir mar is fearr is eol dóibh, amhail an dáta ar cuireadh an fhaisnéis sin isteach.”. |
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm ag Airteagal 1(1) ón 29 Aibreán 2024.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 10 Meitheamh 2022.
Thar ceann an Choimisiúin
An tUachtarán
Ursula VON DER LEYEN
(1) IO L 201, 27.7.2012, lch. 1.
(2) Rialachán Tarmligthe (AE) Uimh. 150/2013 ón gCoimisiún an 19 Nollaig 2012 lena bhforlíontar Rialachán (AE) Uimh. 648/2012 ó Pharlaimint na hEorpa agus ón gComhairle maidir le díorthaigh thar an gcuntar, contrapháirtithe lárnacha agus stórtha trádála i dtaca le caighdeáin theicniúla rialála lena sonraítear mionsonraí an iarratais ar chlárú mar stór trádála (IO L 52, 23.2.2013, lch. 25).
(3) Rialachán (AE) 2019/834 ó Pharlaimint na hEorpa agus ón gComhairle an 20 Bealtaine 2019 lena leasaítear Rialachán (AE) Uimh. 648/2012, a mhéid a bhaineann leis an oibleagáid imréitigh, le fionraí na hoibleagáide imréitigh, leis na ceanglais tuairiscithe, le teicnící maolaithe riosca do chonarthaí díorthach thar an gcuntar nach n-imréitíonn contrapháirtí lárnach, le clárú agus le maoirseacht stórtha trádála agus leis na ceanglais ar stórtha trádála (IO L 141, 28.5.2019, lch. 42).
(4) Rialachán Tarmligthe 2022/1858 (AE) ón gCoimisiún an 10 Meitheamh 2022 lena bhforlíontar Rialachán (AE) Uimh. 648/2012 ó Pharlaimint na hEorpa agus ón gComhairle maidir le caighdeáin theicniúla rialála lena sonraítear na nósanna imeachta chun sonraí idir stórtha trádála a réiteach agus na nósanna imeachta atá le cur i bhfeidhm ag an stór trádála le fíorú go bhfuil na ceanglais tuairiscithe á gcomhlíonadh ag an gcontrapháirtí a dhéanfaidh an tuairisciú nó ag an eintiteas a dhéanfaidh an cur isteach agus chun iomláine agus cruinneas na sonraí arna dtuairisciú a fhíorú (Féach leathanach 46 den Iris Oifigiúil seo).
(5) Rialachán (AE) 2015/2365 ó Pharlaimint na hEorpa agus ón gComhairle an 25 Samhain 2015 maidir le trédhearcacht idirbheart maoinithe urrús agus athúsáide agus lena leasaítear Rialachán (AE) Uimh. 648/2012 (IO L 337, 23.12.2015, lch. 1).
(6) Rialachán (AE) Uimh. 1095/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (an tÚdarás Eorpach um Urrúis agus Margaí), lena leasaítear Cinneadh Uimh. 716/2009/CE agus lena n-aisghairtear Cinneadh 2009/77/CE ón gCoimisiún (IO L 331, 15.12.2010, lch. 84).