(1)

Tháinig an Coinbhinsiún um Eitlíocht Shibhialta Idirnáisiúnta (Coinbhinsiún Chicago), lena rialaítear aeriompar idirnáisiúnta, i bhfeidhm an 4 Aibreán 1947. Bunaíodh an Eagraíocht Eitlíochta Sibhialta Idirnáisiúnta (ICAO) leis.

(2)

Is Stáit Chonarthacha i gCoinbhinsiún Chicago iad Ballstáit an Aontais agus is comhaltaí de chuid ICAO iad, agus tá stádas breathnóra ag an Aontas i gcomhlachtaí áirithe ICAO. Tá ionadaithe ó sheacht mBallstát i gComhairle ICAO faoi láthair.

(3)

De bhun Airteagal 54 de Choinbhinsiún Chicago, tá Comhairle ICAO chun caighdeáin agus cleachtais mholta (SARPanna) idirnáisiúnta a ghlacadh, agus iad a ainmniú mar Iarscríbhinní a ghabhann le Coinbhinsiún Chicago.

(4)

Ag an 225ú seisiún a bheidh ag Comhairle ICAO, tá sí chun na leasuithe seo a leanas a ghlacadh: Leasú 178 ar Iarscríbhinn 1, Leasú 47 ar Chuid I d’Iarscríbhinn 6, Leasú 40 ar Chuid II d’Iarscríbhinn 6, Leasú 24 ar Chuid III d’Iarscríbhinn 6, Leasú 7 ar Iarscríbhinn 7, Leasú 109 ar Iarscríbhinn 8, Leasú 29 ar Iarscríbhinn 9, Leasú 91 ar Imleabhar IV d’Iarscríbhinn 10, Leasú 17 ar Imleabhar I d’Iarscríbhinn 14, Leasú 18 ar Iarscríbhinn 17, a ghabhann leis an gCoinbhinsiún Chicago, mar a leagtar amach i litreacha Stáit AN 12/1.1.25-20/112, AN 11/1.1.34-20/75, AN 3/45-20/85, AN 3/1.2-20/76, AN 7/1.3.105-20/42, SP 55/4-20/94, AS 8/2.1-21/48 Rúnda, agus EC 6/3 – 21/67.

(5)

Is é príomhchuspóir Leasaithe 178 ar Iarscríbhinn 1 a ghabhann le Coinbhinsiún Chicago chur chun feidhme córais ceadúnaithe pearsanra leictreonaigh a chumasú d’fhonn an éifeachtúlacht a fheabhsú.

(6)

Is é príomhchuspóir Leasuithe 47, 40 agus 24 ar Chodanna I, II agus III, faoi seach, d’Iarscríbhinn 6 a ghabhann le Coinbhinsiún Chicago, an creat dlíthiúil maidir le fóinteacht leanúnach na dtaifeadán eitilte a neartú, na forálacha maidir le hoibríochtaí ama atreoraithe fhadaithe (EDTO) agus le seaicéid tarrthála naíonán a shoiléiriú, córais réamhrabhaidh neasachta talaimh (GPWS) a shainordú le haghaidh eitleáin áirithe, caighdeán nua a chur isteach faoina ndéanfaí eitleáin a fheistiú, i ndálaí áirithe, le córais feasachta agus foláirimh um fhorthiomáint rúidbhealaigh (ROAAS), creidmheas oibríochtúil a sholáthar i gcomhthéacs íosdálaí oibriúcháin aeradróim bunaithe ar an bhfeidhmíocht (PBAOM), a áirithiú go mbíonn saoráidí agus seirbhísí tarrthála agus comhraic dóiteáin (RFF) leormhaithe ar fáil ag an aeradróm oibríochta is beartaithe a úsáid, na forálacha maidir le malairtí amach ón gcósta le haghaidh oibríochtaí héileacaptair fadraoin a nuashonrú agus forálacha a chur isteach maidir le hiompar na n-earraí contúirteacha ag héileacaptair agus forálacha ábhartha maidir leis an oiliúint a nuashonrú.

(7)

Is é príomhchuspóir Leasaithe 7 ar Iarscríbhinn 7 a ghabhann le Coinbhinsiún Chicago aistriú na n-aerárthach ó Stát go Stát eile a éascú trí theimpléad an deimhnithe clárúcháin a oiriúnú agus teimpléad a thabhairt isteach le haghaidh an deimhnithe díchlárúcháin.

(8)

Is é príomhchuspóir Leasaithe 109 ar Iarscríbhinn 8 a ghabhann le Coinbhinsiún Chicago an tsoiléireacht a fheabhsú agus a áirithiú go mbeidh tuiscint shoiléir ag Stáit a fhormheasann aon mhodhnú nó aon deisiú ar an bhfreagracht atá orthu maidir leis an aeracmhainneacht leanúnach, agus na cumais dheartha sochta dóiteáin in urranna lasta na n-eitleán mór, na héileacaptar agus na n-eitleán beag a shoiléiriú.

(9)

Is é príomhchuspóir Leasú 29 ar Iarscríbhinn 9 a ghabhann le Coinbhinsiún Chicago ullmhacht na Stát do phaindéimí amach anseo a fheabhsú trí cheachtanna a fhoghlaim ó phaindéim COVID-19 agus trí bhearta maolaithe leordhóthanacha ar phaindéimí amach anseo a leagan amach. Ina theannta sin, le Leasú 29 tugtar aghaidh ar an gcomhrac i gcoinne na gáinneála ar dhaoine trí SARPanna. Thairis sin, tá mionleasuithe úsáideacha ann maidir le heitiltí aisdúichithe agus le hiompar na bpaisinéirí faoi mhíchumas d’aer, agus leasú ar an nóta i roinn sonraí an taifid ainmneacha paisinéirí (PNR) a bhaineann leis an téarma push.

(10)

Is é príomhchuspóir Leasú 91 ar Imleabhar IV d’Iarscríbhinn 10 a ghabhann le Coinbhinsiún Chicago, Córas Seachanta Imbhuailtí ar Eite (ACAS) X a thabhairt isteach agus líon na bhfoláireamh ACAS bréige a laghdú.

(11)

Is é príomhchuspóir Leasú 17 ar Iarscríbhinn 14 a ghabhann le Coinbhinsiún Chicago, Imleabhar I, an eitlíocht ghinearálta a eisiamh ó na forálacha a bhaineann leis an tarrtháil agus an gcomhrac dóiteáin (RFF).

(12)

Is é príomhchuspóir Leasú 18 ar Iarscríbhinn 17 a ghabhann le Coinbhinsiún Chicago, SARPanna nua a thabhairt isteach agus na SARPanna atá ann faoi láthair a bhaineann leis an gcultúr slándála, le cláir slándála na n-oibreoirí aerárthaí, le modhanna chun pléascáin a bhrath i mbagáiste boilg, agus le cláir náisiúnta le haghaidh rialú cáilíochta ar shlándáil na heitlíochta sibhialta, a leasú.

(13)

Is iomchuí an seasamh atá le glacadh thar ceann an Aontais i gComhairle ICAO a bhunú toisc go bhféadfadh Leasú 178 ar Iarscríbhinn 1, Leasú 47 ar Chuid I d’Iarscríbhinn 6, Leasú 40 ar Chuid II d’Iarscríbhinn 6, Leasú 24 ar Chuid III d’Iarscríbhinn 6, Leasú 7 ar Iarscríbhinn 7, Leasú 109 ar Iarscríbhinn 8, Leasú 29 go Leasú 9, Leasú 91 ar Imleabhar IV d’Iarscríbhinn 10, Leasú 17 ar Imleabhar I d’Iarscríbhinn 14 agus Leasú 18 ar Iarscríbhinn 17 de Choinbhinsiún Chicago tionchar cinntitheach a imirt ar inneachar dhlí an Aontais, eadhon Rialacháin (AE) Uimh. 1178/2011 (1), (AE) Uimh. 1332/2011 (2), (AE) Uimh. 965/2012 (3), (AE) Uimh. 139/2014 (4) agus (AE) 2015/640 ón gCoimisiún (5), Rialachán Cur Chun Feidhme (AE) 2015/1998 ón gCoimisiún (6) agus Rialachán (AE) 2018/1139 ó Pharlaimint na hEorpa agus ón gComhairle (7).

(14)

Sa 225ú seisiún de Chomhairle ICAO nó le linn aon seisiúin eile ina dhiaidh sin, maidir le glacadh Leasú 178 ar Iarscríbhinn 1, Leasú 47 ar Chuid I d’Iarscríbhinn 6, Leasú 40 ar Chuid II d’Iarscríbhinn 6, Leasú 24 ar Chuid III d’Iarscríbhinn 6, Leasú 7 ar Iarscríbhinn 7, Leasú 109 ar Iarscríbhinn 8, Leasú 29 ar Iarscríbhinn 9, Leasú 91 ar Imleabhar IV d’Iarscríbhinn 10, Leasú 17 ar Imleabhar I d’Iarscríbhinn 14, Leasú 18 ar Iarscríbhinn 17 de Choinbhinsiún Chicago, ba cheart gurb é seasamh an Aontais tacú leis na leasuithe sin ina n-iomláine. Ba cheart do Bhallstáit an Aontais atá ina gcomhaltaí de Chomhairle ICAO, ag gníomhú dóibh go comhpháirteach thar ceann an Aontais, an seasamh sin a chur in iúl.

(15)

Tar éis do Chomhairle ICAO Leasú 178 ar Iarscríbhinn 1, Leasú 47 ar Chuid I d’Iarscríbhinn 6, Leasú 40 ar Chuid II ar Iarscríbhinn 6, Leasú 24 ar Chuid III d’Iarscríbhinn 6, Leasú 7 ar Iarscríbhinn 7, Leasú 109 ar Iarscríbhinn 8, Leasú 29 ar Iarscríbhinn 9, Leasú 91 ar Imleabhar IV d’Iarscríbhinn 10, Leasú 17 ar Imleabhar I d’Iarscríbhinn 14 agus Leasú 18 ar Iarscríbhinn 17 de Choinbhinsiún Chicago a ghlacadh, rud a bheidh le fógairt ag Ardrúnaí ICAO trí bhíthin nós imeachta Litreach Stáit ICAO, ba cheart gurb é seasamh an Aontais gan míshástacht a chlárú agus fógra a thabhairt faoi chomhlíonadh, ar choinníoll go nglactar na Leasuithe sin gan athruithe suntasacha. Is iomchuí freisin go leagfar síos an nós imeachta is inleanta maidir le fógra a thabhairt faoi dhifríochtaí do ICAO i gcás ina n-imíonn reachtaíocht an Aontais ó SARPanna nuaghlactha tar éis an dáta cur i bhfeidhm atá beartaithe na SARPanna sin a chur i bhfeidhm. I leith difríochtaí maidir leis na caighdeáin atá in Iarscríbhinní 1, 6, 8 agus 14 a ghabhann le Coinbhinsiún Chicago agus a thagann faoi inniúlacht eisiach an Aontais, tá feidhm ag Cinneadh (AE) 2021/1092 ón gComhairle (8). Ba cheart do Bhallstáit uile an Aontais an seasamh sin a chur in iúl,