Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2026/2263 |
8.10.2026 |
RIALACHÁN CUR CHUN FEIDHME (AE) 2026/2263 ÓN gCOMHAIRLE
an 8 Deireadh Fómhair 2026
lena gcuirtear chun feidhme Rialachán (AE) Uimh. 269/2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 269/2014 ón gComhairle an 17 Márta 2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (1), agus go háirithe Airteagal 14(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 17 Márta 2014, ghlac an Chomhairle Rialachán (AE) Uimh. 269/2014. |
|
(2) |
Sna conclúidí uaithi an 18 agus an 19 Meitheamh 2026, d’athdhearbhaigh an Chomhairle Eorpach a tacaíocht dhaingean bhuanseasmhach leanúnach do neamhspleáchas, ceannasacht agus iomláine chríochach na hÚcráine laistigh dá teorainneacha a aithnítear go hidirnáisiúnta. Chuir an Chomhairle Eorpach in iúl go leanfaidh an tAontas, i gcomhar le comhpháirtithe agus comhghuaillithe atá ar aon intinn leis, de thacaíocht chuimsitheach pholaitiúil, airgeadais, eacnamaíoch, dhaonnúil, mhíleata agus taidhleoireachta a sholáthar don Úcráin agus dá muintir. Cháin an Chomhairle Eorpach go láidir an géarú tromchúiseach a rinne an Rúis le déanaí, lena n-áirítear ionsaithe mórscála diúracán agus ladrann ar shibhialtaigh san Úcráin. Chuir an Chomhairle Eorpach in iúl freisin go bhfuil an tAontas réidh chun dlús a chur leis an mbrú atá ar an Rúis, lena n-áirítear trí smachtbhannaí breise a ghlacadh. |
|
(3) |
I bhfianaise a thromchúisí atá an staid, measann an Chomhairle gur cheart duine amháin a chur ar liosta na ndaoine nádúrtha agus dlísteanacha, na n-eintiteas agus na gcomhlachtaí atá faoi réir na mbeart sriantach a leagtar amach in Iarscríbhinn I a ghabhann le Rialachán (AE) 269/2014. |
|
(4) |
Dá bhrí sin, ba cheart Rialachán (AE) Uimh. 269/2014 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (AE) Uimh. 269/2014 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm ar dháta a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 8 Deireadh Fómhair 2026.
Thar ceann na Comhairle
An tUachtarán
T. BYRNE
(1) IO L 78, 17.3.2014, lch. 6, ELI: http://data.europa.eu/eli/reg/2014/269/oj.
IARSCRÍBHINN
Cuirtear an duine seo a leanas le liosta na ndaoine nádúrtha agus dlítheanacha, na n-eintiteas agus na gcomhlachtaí a leagtar amach in Iarscríbhinn I a ghabhann le Rialachán (AE) Uimh. 269/2014:
Daoine
|
|
Ainm |
Faisnéis aitheantais |
Cúiseanna |
Dáta an liostaithe |
|
‘2121. |
Olga Alekseevna BELYAVTSEVA Rúisis: Ольга Алексеевна БЕЛЯВЦЕВА |
Post: bean ghnó, fiontraí, úinéir na gcuideachtaí Agronom-Sad, Biplast, Assol, Everest, Evermount Capital Group Dáta breithe: 25.10.1969 Áit Bhreithe: Lipetsk, PSS na Rúise roimhe seo (Cónaidhm na Rúise anois) Náisiúntacht: Rúiseach Inscne: baineann Pasuimhir: 768613166 (Cónaidhm na Rúise) |
Is bean ghnó Rúiseach, fiontraí agus úinéir Agronom Sad, Biplast, Assol, Everest agus Evermont Capital Group í Olga Alekseevna Belyavtseva. Bíonn a cuideachtaí ag feidhmiú sna hearnálacha talmhaíochta, monaraíochta, airgeadais, comhairliúcháin, tógála agus réadmhaoine. De réir a bhfuil ráite aici féin, tá ról ceannródaíoch ag Agronom Sad san earnáil talmhaíochta sa Rúis agus tá fóirdheontais faighte aige ó rialtas na Rúise. Dá bhrí sin, tá Olga Alekseevna Belyavtseva ina duine gnó mór le rá a bhíonn ag feidhmiú sa Rúis agus atá rannpháirteach in earnálacha eacnamaíocha ar foinse shuntasach ioncaim iad do rialtas Chónaidhm na Rúise, atá freagrach as ionghabháil na Crimé agus as díchobhsú na hÚcráine. |
8.10.2026’ |
ELI: http://data.europa.eu/eli/reg_impl/2026/2263/oj
ISSN 1977-0839 (electronic edition)