|
Iris Oifigiúil |
GA Sraith L |
|
2026/2364 |
27.10.2026 |
CINNEADH (CBES) 2026/2364 ÓN gCOMHAIRLE
an 26 Deireadh Fómhair 2026
lena leasaítear Cinneadh (CBES) 2022/338 maidir le beart cúnaimh faoin tSaoráid Eorpach Síochána chun trealamh míleata, agus ardáin mhíleata, a sholáthar d’Fhórsaí Armtha na hÚcráine, a cheaptar chun fórsa marfach a sheachadadh
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagail 28(1) agus 41(2) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
Le Cinneadh (CBES) 2021/509 (1) ón gComhairle, bunaítear an tSaoráid Eorpach Síochána chun go maoineodh Ballstáit an Aontais gníomhaíochtaí faoin gcomhbheartas eachtrach agus slándála (CBES) chun an tsíocháin a chaomhnú, coinbhleachtaí a chosc agus an tslándáil idirnáisiúnta a neartú de bhun Airteagal 21(2), pointe (c), den Chonradh. Go háirithe, de bhun Airteagal 1(2) de Chinneadh (CBES) 2021/509, tá an tSaoráid Eorpach Síochána le húsáid chun bearta cúnaimh a mhaoiniú, mar shampla, gníomhaíochtaí chun acmhainneachtaí maidir le cúrsaí míleata agus cosanta atá ag tríú Stáit agus eagraíochtaí réigiúnacha agus idirnáisiúnta a neartú. |
|
(2) |
An 28 Feabhra 2022, mar fhreagairt ar chogadh foghach Chónaidhm na Rúise ar an Úcráin, ghlac an Chomhairle Cinneadh (CBES) 2022/338 (2) lenar bunaíodh beart cúnaimh chun an maoiniú a chumhdach lena soláthrófar trealamh míleata, agus ardáin mhíleata, a cheaptar chun fórsa marfach a sheachadadh, d’Fhórsaí Armtha na hÚcráine. |
|
(3) |
Is é EUR 4 120 000 000 an méid tagartha airgeadais faoi Chinneadh (CBES) 2022/338 ón gComhairle (3), arna leasú go deireanach le Cinneadh (CBES) 2023/810. |
|
(4) |
An 26 Deireadh Fómhair 2026, ghlac an Chomhairle Cinneadh (CBES) 2026/2363 (4) „ lena leasaítear an méid tagartha airgeadais a leagtar amach i gCinneadh (CBES) 2023/927 (5), agus thug sí dá haire gur cheart an chuid eile den mhéid tagartha airgeadais tosaigh a leagtar amach i gCinneadh (CBES) 2023/927 a leithdháileadh ar an mbeart cúnaimh faoi Chinneadh (CBES) 2022/338 chun an maoiniú a chumhdach lena soláthrófar trealamh míleata a cheaptar chun fórsa marfach a sheachadadh. |
|
(5) |
I bhfianaise chogadh foghach leanúnach Chónaidhm na Rúise i gcoinne na hÚcráine, ba cheart, dá bhrí sin, EUR 1 798 856 325,22 breise a chur le méid tagartha airgeadais an bhirt cúnaimh faoi Chinneadh (CBES) 2022/338, atá beartaithe chun an maoiniú a chumhdach lena soláthrófar trealamh míleata, a cheaptar chun fórsa marfach a sheachadadh, d’Fhórsaí Armtha na hÚcráine. |
|
(6) |
Tá na bearta cúnaimh le cur chun feidhme agus na prionsabail agus na ceanglais a leagtar amach i gCinneadh (CBES) 2021/509 á gcur san áireamh, go háirithe comhlíonadh Chomhsheasamh 2008/944/CBES ón gComhairle (6), agus i gcomhréir leis na rialacha maidir le hioncam agus caiteachas arna maoiniú faoin tSaoráid Eorpach Síochána a chur chun feidhme. |
|
(7) |
Athdhearbhaíonn an Chomhairle go bhfuil rún daingean aici cearta an duine, saoirsí bunúsacha agus prionsabail dhaonlathacha a chosaint, a chur chun cinn agus a chomhlíonadh agus an smacht reachta agus an dea-rialachas a neartú, i gcomhréir le Cairt na Náisiún Aontaithe, le Dearbhú Uilechoiteann Chearta an Duine agus leis an dlí idirnáisiúnta, go háirithe an dlí idirnáisiúnta um chearta an duine agus an dlí daonnúil idirnáisiúnta. |
|
(8) |
Dá bhrí sin, ba cheart, Cinneadh (CBES) 2022/338 a leasú dá réir, |
TAR ÉIS AN CINNEADH SEO A GHLACADH:
Airteagal 1
I gCinneadh (CBES) 2022/338, leasaítear Airteagal 2 mar a leanas:
|
(1) |
cuirtear an méid seo a leanas in ionad mhír 1: ‘1. EUR 5 918 856 325,22a bheidh sa mhéid tagartha airgeadais atá beartaithe chun an caiteachas a bhaineann leis an mBeart Cúnaimh a chumhdach.’ |
|
(2) |
cuirtear an méid seo a leanas in ionad mhíreanna 3 agus 4: ‘3. I gcomhréir le hAirteagal 29(5) de Chinneadh (CBES) 2021/509, féadfaidh an riarthóir um bearta cúnaimh glao ar ranníocaíochtaí suas go EUR 5 918 856 325,22 a dhéanamh tar éis ghlacadh an Chinnidh seo. Ní úsáidfear na cistí a ghlaofaidh an riarthóir um bearta cúnaimh ach chun caiteachas a íoc laistigh de na teorainneacha arna bhformheas ag an gCoiste um an tSaoráid arna bhunú le Cinneadh (CBES) 2021/509 sna buiséid ghaolmhara leasaitheacha agus bhliantúla a chomhfhreagraíonn don Bheart Cúnaimh. 4. Beidh caiteachas a bhaineann leis an mBeart Cúnaimh a chur chun feidhme incháilithe ón 1 Eanáir 2022 agus go dtí dáta a chinnfidh an Chomhairle:
|
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh i Lucsamburg, an 26 Deireadh Fómhair 2026.
Thar ceann na Comhairle
An tUachtarán
M. HEYDON
(1) Cinneadh (CBES) 2021/509 ón gComhairle an 22 Márta 2021 lena mbunaítear Saoráid Eorpach Síochána, agus lena n-aisghairtear Cinneadh (CBES) 2015/528 (IO L 102, 24.3.2021, lch. 14, ELI: http://data.europa.eu/eli/dec/2021/509/oj).
(2) Cinneadh (CBES) 2022/338 ón gComhairle an 28 Feabhra 2022 maidir le beart cúnaimh faoin tSaoráid Eorpach Síochána chun trealamh míleata agus ardáin mhíleata a sholáthar d’Fhórsaí Armtha na hÚcráine, a cheaptar chun fórsa marfach a sheachadadh (IO L 60, 28.2.2022, lch. 1, ELI: http://data.europa.eu/eli/dec/2022/338/oj).
(3) Cinneadh (CBES) 2023/810 ón gComhairle an 13 Aibreán 2023 lena leasaítear Cinneadh (CBES) 2022/338 maidir le beart cúnaimh faoin tSaoráid Eorpach Síochána chun trealamh míleata agus ardáin mhíleata a sholáthar d’Fhórsaí Armtha na hÚcráine, a cheaptar chun fórsa marfach a sheachadadh (IO L 101, 14.4.2023, lch. 64, ELI: http://data.europa.eu/eli/dec/2023/810/oj).
(4) Cinneadh (CBES) 2026/2363 ón gComhairle an 26 Deireadh Fómhair 2026 lena leasaítear Cinneadh (CBES) 2023/927 maidir le beart cúnaimh faoin tSaoráid Eorpach Síochána chun tacú le Fórsaí Armtha na hÚcráine trí armlón a sholáthar (IO L, 2026/2363, 27.10.2026, ELI: http://data.europa.eu/eli/dec/2026/2363/oj).
(5) Cinneadh (CBES) 2023/927 ón gComhairle an 5 Bealtaine 2023 maidir le beart cúnaimh faoin tSaoráid Eorpach Síochána chun tacú le Fórsaí Armtha na hÚcráine trí armlón a sholáthar (IO L 123, 8.5.2023, lch. 27, ELI: http://data.europa.eu/eli/dec/2023/927/oj).
(6) Comhsheasamh 2008/944/CBES ón gComhairle an 8 Nollaig 2008 lena sainmhínítear comhrialacha lena rialaítear rialú onnmhairithe teicneolaíochta míleata agus trealaimh mhíleata (IO L 335, 13.12.2008, lch. 99, ELI: http://data.europa.eu/eli/compos/2008/944/oj).
ELI: http://data.europa.eu/eli/dec/2026/2364/oj
ISSN 1977-0839 (electronic edition)