(1)

Trí bhíthin Chinneadh Cur Chun Feidhme (AE) 2021/879 ón gComhairle (2), cheap an Chomhairle Petra HIELKEMA ina Cathaoirleach ar an Údarás Eorpach um Árachas agus Pinsin Cheirde (ÚEÁPC) ar feadh tréimhse 5 bliana ón 1 Meán Fómhair 2021.

(2)

Foráiltear le Rialachán (AE) Uimh. 1094/2010 go bhfuil téarma oifige Chathaoirleach ÚEÁPC (‘an Cathaoirleach’) le maireachtáil 5 bliana agus go bhféadfar síneadh a chur leis uair amháin. Foráiltear leis an Rialachán sin freisin, le linn 9 mí roimh dheireadh an téarma 5 bliana go bhfuil Bord Maoirseoirí ÚEÁPC (‘an Bord Maoirseoirí’) le meastóireacht a dhéanamh agus go bhfuil an Chomhairle in ann, ag gníomhú di ar thogra ón mBord Maoirseoirí agus le cúnamh ón gCoimisiún, síneadh a chur le téarma an Chathaoirligh, agus an mheastóireacht sin á cur san áireamh.

(3)

Tá an chéad téarma oifige 5 bliana de Petra HIELKEMA le dul in éag an 31 Lúnasa 2026.

(4)

I gcomhréir le Rialachán (AE) Uimh. 1094/2010, rinne an Bord Maoirseoirí meastóireacht, ina ndearnadh measúnú ar na torthaí a bhain Petra HIELKEMA amach le linn a céad téarma oifige mar Chathaoirleach, ar an gcaoi ar baineadh amach na torthaí sin agus ar dhualgais agus ar cheanglais ÚEÁPC do na blianta amach romhainn.

(5)

Thángthas ar an gconclúid sa mheastóireacht go raibh feidhmíocht Petra HIELKEMA sásúil agus go rannchuideodh a ceannaireacht leanúnach le sainordú ÚEÁPC a chomhlíonadh go héifeachtach.

(6)

Dá réir sin, mhol an Bord Maoirseoirí go ndéanfaí síneadh a chur le téarma oifige Petra HIELKEMA mar Chathaoirleach don dara téarma.

(7)

Ag féachaint don mheastóireacht agus don mholadh ón mBord Maoirseoirí, is iomchuí síneadh a chur le téarma oifige Petra HIELKEMA mar Chathaoirleach don dara téarma 5 bliana,