|
Il-Ġurnal Uffiċjali |
MT Is-serje L |
|
2024/3130 |
20.12.2024 |
LINJA GWIDA (UE) 2024/3130 TAL-BANK ĊENTRALI EWROPEW
tat-13 ta’ Awwissu 2024
li temenda l-Linja Gwida (UE) 2015/510 dwar l-implimentazzjoni tal-qafas tal-politika monetarja tal-Eurosistema (BĊE/2014/60) (BĊE/2024/23)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel inċiż tal-Artikolu 127(2) tiegħu,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’mod partikolari l-ewwel inċiż tal-Artikolu 3.1, l-Artikoli 9.2, 12.1, 14.3, u 18.2 u l-ewwel paragrafu tal-Artikolu 20 tiegħu,
Billi:
|
(1) |
Il-kisba ta’ politika monetarja waħdanija tinvolvi d-definizzjoni tal-għodod, l-istrumenti u l-proċeduri li għandhom jintużaw mill-Eurosistema, li tikkonsisti fil-Bank Ċentrali Ewropew (BĊE) u l-banek ċentrali nazzjonali ta’ dawk l-Istati Membri li l-munita tagħhom hija l-euro (iktar ’il quddiem il-“BĊNi”), sabiex dik il-politika tiġi implimentata b’mod uniformi fl-Istati Membri kollha li l-munita tagħhom hija l-euro. |
|
(2) |
Sabiex jittejbu l-effiċjenza operazzjonali u t-trasparenza tal-proċeduri tal-Eurosistema relatati mal-mobilizzazzjoni u l-ġestjoni tal-kollateral, il-BĊNi għandhom jimmaniġġjaw kollateral mobilizzat minn kontropartijiet f’operazzjonijiet ta’ kreditu tal-Eurosistema b’mod armonizzat, jiġifieri permezz ta’ proċessi standardizzati u operazzjonalment uniformi, irrispettivament minn fejn jinsab il-kollateral jew il-kontroparti. |
|
(3) |
Għal dan l-għan, l-Eurosistema żviluppat is-Sistema għall-Ġestjoni tal-Kollateral fl-Eurosistema (ECMS) bħala pjattaforma unika tal-Eurosistema li tippermetti lill-BĊNi jimmaniġġjaw assi eliġibbli u flus kontanti mobilizzati bħala kollateral mill-kontropartijiet tagħhom. Konsegwentement, il-BĊE adotta l-Linja Gwida (UE) 2024/3129 tal-Bank Ċentrali Ewropew (BĊE/2024/22) (1). Il-Linja Gwida (UE) 2024/3129 (BĊE/2024/22) tikkomplimenta l-qafas ta’ implimentazzjoni tal-politika monetarja stabbilit fil-Linja Gwida (UE) 2015/510 tal-Bank Ċentrali Ewropew (BĊE/2014/60) (2) u tissostitwixxi d-dispożizzjonijiet dwar il-ġestjoni tal-kollateral li jinsabu f’dik il-Linja Gwida. Il-Linja Gwida (UE) 2024/3129 (BĊE/2024/22) b’mod partikolari tistabbilixxi regoli u arranġamenti armonizzati għall-BĊNi biex jimmaniġġjaw kollateral mobilizzat minn kontropartijiet fuq bażi domestika u transkonfinali għall-fini ta’ kollateralizzazzjoni ta’ operazzjonijiet ta’ kreditu tal-Eurosistema u għal ċerti skopijiet oħra. |
|
(4) |
Fid-dawl tal-adozzjoni tal-Linja Gwida (UE) 2024/3129 (BĊE/2024/22) u fl-interessi taċ-ċarezza u ċ-ċertezza legali, ċerti dispożizzjonijiet tal-Linja Gwida (UE) 2015/510 (BĊE/2014/60) dwar il-mobilizzazzjoni u l-ġestjoni tal-kollateral jew saru obsoleti u jeħtieġ li jitħassru, jew jeħtieġ li jiġu emendati. |
|
(5) |
B’mod partikolari, wara l-adozzjoni tal-Linja Gwida (UE) 2024/3129 (BĊE/2024/22) u dwar l-operazzjonalizzazzjoni tal-ECMS, (a) is-sistemi domestiċi ta’ aggregazzjoni u s-sistemi ta’ allokazzjoni użati mill-BĊNi għall-ġestjoni tal-kollateral ser jitwaqqfu u r-regoli assoċjati għandhom jitħassru; (b) proċeduri ta’ saldu u regoli li jirregolaw il-mobilizzazzjoni transkonfinali tal-kollateral jeħtieġ li jiġu aġġustati; (c) kriterji ta’ eliġibbiltà għall-użu ta’ (i) sistemi ta’ saldu tat-titoli (SSSs), (ii) rabtiet bejn SSSs u (iii) aġenti tripartitiċi għandhom jiġu emendati; (d) strumenti ta’ dejn għandu jkollhom kwantità espressa f’ammont nominali (FAMT) biex ikunu eliġibbli bħala kollateral u jikkonformaw mal-istandards tas-suq għad-denominazzjoni tat-titoli. |
|
(6) |
Wara l-iskadenza tal-perijodu tranżitorju applikabbli, strumenti ta’ dejn negozjabbli maħruġa jew iggarantiti minn korporazzjonijiet mhux finanzjarji li għalihom ma tkun disponibbli l-ebda valutazzjoni ta’ kreditu xierqa ma għandhomx jibqgħu jiġu aċċettati bħala kollateral tal-Eurosistema. |
|
(7) |
Huwa meħtieġ li tiġi pprovduta aktar ċarezza fil-qafas tal-valutazzjoni tal-kreditu tal-Eurosistema (ECAF) fir-rigward tal-aċċettazzjoni tal-klassifikazzjonijiet tal-munita lokali u tal-munita barranija minn istituzzjonijiet esterni tal-valutazzjoni tal-kreditu (ECAIs). |
|
(8) |
F’konformità mal-impenn tal-Eurosistema li tnaqqas id-dipendenza tagħha fuq klassifikazzjonijiet esterni, klassifikazzjonijiet minn sistemi interni ta’ valutazzjoni tal-kreditu (ICASs) ta’ BĊNi, fejn ikunu disponibbli, għandhom jingħataw prijorità fuq klassifikazzjonijiet minn sistemi oħra ta’ valutazzjoni tal-kreditu għad-determinazzjoni tal-eliġibbiltà tad-debituri u l-garanti tal-pretensjonijiet ta’ kreditu, u tal-haircuts fil-valutazzjoni applikabbli. |
|
(9) |
Sabiex tiġi żgurata ċertezza legali, huma meħtieġ li d-data tal-applikazzjoni ta’ din il-Linja Gwida tiġi allinjata ma’ dik tal-Linja Gwida (UE) 2024/3129 (BĊE/2024/22). Din il-Linja Gwida għandha għaldaqstant tapplika mit-18 ta’ Novembru 2024. |
|
(10) |
Għaldaqstant, il-Linja Gwida (UE) 2015/510 (BĊE/2014/60) għandha tiġi emendata kif xieraq, |
ADOTTA DIN IL-LINJA GWIDA:
Artikolu 1
Emendi
Il-Linja Gwida (UE) 2015/510 (BĊE/2014/60) hija emendata kif ġej:
|
(1) |
fl-Artiklu 1, il-paragrafu 1 huwa ssostitwit b’dan li ġej:
(*1) Linja Gwida (UE) 2024/3129 tal-Bank Ċentrali Ewropew tat-13 ta’ Awwissu 2024 dwar il-ġestjoni ta’ kollateral f’operazzjonijiet ta’ kreditu tal-Eurosistema (BĊE/2024/22) (ĠU L, 2024/3129, 20.12.2024, ELI: http://data.europa.eu/eli/guideline/2024/3129/oj).”;" |
|
(2) |
L-Artikolu 2 huwa emendat kif ġej:
|
|
(3) |
fl-Artikolu 15(1), il-punt (c) huwa ssostitwit b’dan li ġej:
|
|
(4) |
fl-Artiklu 20, il-paragrafu 1 huwa ssostitwit b’dan li ġej: “1. Il-maturità ta’ kreditu estiż taħt il-faċilità ta’ self marġinali għandha tkun mil-lejl għan-nhar. Il-kreditu għandu jitħallas lura fil-jum ta’ wara l-ftuħ tat-TARGET.” |
|
(5) |
fl-Artiklu 49, il-paragrafu 2 huwa ssostitwit b’dan li ġej: “2. Ordnijiet ta’ ħlas li jkunu relatati mal-parteċipazzjoni f’operazzjonijiet ta’ suq miftuħ li jipprovdu likwidità jew li jużaw il-faċilità tas-self marġinali għandhom jiġu saldati biss wara t-trasferiment finali tal-assi eliġibbli bħala kollateral għall-operazzjoni.” |
|
(6) |
fl-Artikolu 50, il-paragrafu 1 huwa ssostitwit b’dan li ġej: “1. L-Eurosistema għandha tipprova tissalda tranżazzjonijiet relatati mal-operazzjonijiet tas-suq miftuħ tagħha fl-istess ħin fl-Istati Membri kollha li l-munita tagħhom hija l-euro mal-kontropartijiet kollha li pprovdew biżżejjed assi eliġibbli bħala kollateral skont il-proċeduri ta’ saldu speċifikati fl-Artikolu 9 tal-Linja Gwida (UE) 2024/3129 (BĊE/2024/22). Madankollu, minħabba l-limiti operattivi u l-karatterisitiċi tekniċi (eż. ta’ SSSs), l-għażla tal-ħin fil-jum tas-saldu ta’ operazzjonijiet ta’ suq miftuħ tista’ tvarja bejn l-Istati Membri li l-munita tagħhom hija l-euro.” |
|
(7) |
fl-Artiklu 51, il-paragrafu 1 huwa ssostitwit b’dan li ġej: “1. L-Eurosistema għandha tipprova tissalda operazzjonijiet tas-suq miftuħ eżegwiti permezz ta’ proċeduri standard ta’ sejħiet għall-offerti fl-ewwel jum wara l-jum tal-kummerċ meta TARGET ikun miftuħ.” |
|
(8) |
L-Artikolu 53 huwa emendat kif ġej:
|
|
(9) |
L-Artikolu 58 huwa emendat kif ġej:
|
|
(10) |
fl-Artiklu 61, il-paragrafu 1 huwa ssostitwit b’dan li ġej: “1. Il-BĊE għandu jippubblika lista aġġornata ta’ assi negozjabbli eliġibbli fuq is-sit web tiegħu, skont il-metodoloġiji indikati fis-sit web tiegħu, u għandu jaġġornah kull jum li fih it-TARGET huwa operattiv. Assi negozjabbli inklużi fil-lista ta’ assi negozjabbli eliġibbli jsiru eliġibbli għall-użu fl-operazzjonijiet ta’ kreditu tal-Eurosistema meta jiġu ppubblikati fil-lista. Bħala eċċezzjoni għal din ir-regola, fil-każ speċifiku ta’ strumenti ta’ dejn b’saldu tal-valur fl-istess jum, l-Eurosistema tista’ tagħti eliġibbiltà mid-data tal-ħruġ.” |
|
(11) |
fl-Artikolu 62, il-paragrafu 4 li ġej huwa miżjud: “4. Sabiex ikunu eliġibbli, strumenti ta’ dejn għandu jkollhom kwantità espressa f’ammont nominali (FAMT).” |
|
(12) |
L-Artikolu 66 huwa emendat kif ġej:
|
|
(13) |
L-Artikolu 67 huwa emendat kif ġej:
|
|
(14) |
L-Artikolu 70 huwa emendat kif ġej:
|
|
(15) |
L-Artikolu 86 huwa ssostitwit b’dan li ġej: “Artikolu 86 Klassifikazzjonijiet ta’ muniti lokali u barranin Għall-fini tal-klassifikazzjonijiet tal-emittent u tal-garanti ECAI, il-klassifikazzjonijiet ta’ muniti barranin għandhom ikunu aċċettabbli. Jekk l-assi huwa denominat fil-munita domestika tal-emittent, il-klassifikazzjoni tal-emittent tal-munita lokali għandha tkun aċċettabbli wkoll. Jekk l-assi jkun denominat fil-munita domestika tal-garanti, il-klassifikazzjoni tal-garanti tal-munita lokali għandha tkun aċċettabbli wkoll.”; |
|
(16) |
L-Artikolu 87 huwa emendat kif ġej:
|
|
(17) |
L-Artikolu 98 huwa ssostitwit b’dan li ġej: “Artikolu 98 Proċeduri tal-ipproċessar Il-pretensjonijiet ta’ kreditu għandhom jiġu ttrattati skont il-proċeduri tal-Eurosistema stabbiliti fid-dokumentazzjoni nazzjonali rilevanti tal-BĊNi, fejn applikabbli, skont il-Linja Gwida (UE) 2024/3129 (BĊE/2024/22).”; |
|
(18) |
L-Artikolu 109 huwa emendat kif ġej:
|
|
(19) |
L-Artikolu 110 huwa emendat kif ġej:
|
|
(20) |
L-Artikolu 111 huwa emendat kif ġej:
|
|
(21) |
fl-Artikolu 112a, il-paragrafi 1 u 2 huma ssostitwiti b’dan li ġej: “1. Ma għandux ikun meħtieġ li d-DECCs jiġu vvalutati minn wieħed mis-sorsi ta’ valutazzjoni tal-kreditu aċċettati mill-Eurosistema skont il-kriterji ta’ aċċettazzjoni ġenerali fit-Titolu V tal-Parti Erbgħa. 2. Kull pretensjoni ta’ kreditu sottostanti fl-aggregazzjoni ta’ kopertura tad-DECCs għandha jkollha valutazzjoni ta’ kreditu pprovduta minn wieħed mis-sorsi ta’ valutazzjoni tal-kreditu aċċettat mill-Eurosistema skont il-kriterji ta’ aċċettazzjoni ġenerali fit-Titolu V tal-Parti Erbgħa. Barra minn hekk, is-sistema jew is-sors tal-valutazzjoni tal-kreditu użat għandu jkun l-istess sistema jew sors kif magħżula mill-oriġinatur skont l-Artikolu 110. Ir-regoli dwar ir-rekwiżiti tal-kwalità tal-kreditu tal-Eurosistema għall-pretensonijiet ta’ kreditu sottostanti stabbiliti fit-Taqsima 1 għandhom ikunu applikabbli.” |
|
(22) |
fl-Artikolu 118(5), il-punt (b) huwa mħassar; |
|
(23) |
fl-Artikolu 128(1), il-punt (b) huwa ssostitwit b’dan li ġej:
|
|
(24) |
fl-Artikolu 134, jitħassar il-punt (d); |
|
(25) |
L-Artikolu 136 huwa emendat kif ġej:
|
|
(26) |
L-Artikolu 144a huwa emendat kif ġej:
|
|
(27) |
L-Artikolu 148 huwa ssostitwit b’dan li ġej: “Artikolu 148 Mobilizzazzjoni transkonfinali ta’ assi eliġibbli Il-kontropartijiet jistgħu jużaw assi eliġibbli fuq bażi transkonfinali fiż-żona tal-euro kollha għat-tipi kollha ta’ operazzjonijiet ta’ kreditu tal-Eurosistema skont il-proċeduri applikabbli għall-mobilizzazzjoni ta’ assi eliġibbli bħala kollateral speċifikat fil-Linja Gwida (UE) 2024/3129 (BĊE/2024/22).”; |
|
(28) |
L-Artikolu 149 huwa mħassar; |
|
(29) |
L-Artikolu 150 huwa mħassar; |
|
(30) |
L-Artikolu 151 huwa mħassar; |
|
(31) |
L-Artikolu 152 huwa mħassar; |
|
(32) |
L-Anness VI huwa mħassar; |
|
(33) |
L-Anness VIa huwa mħassar; |
|
(34) |
L-Anness XII huwa emendat kif gej:
|
Artikolu 2
Dħul fis-seħħ u implimentazzjoni
1. Din il-Linja Gwida għandha tidħol fis-seħħ fil-jum tan-notifika tagħha lill-BĊNi.
2. Il-BĊNi għandhom jieħdu l-miżuri meħtieġa biex jikkonformaw ma’ din il-Linja Gwida u japplikawhom mit-18 ta’ Novembru 2024. Huma għandhom jinnotifikaw lill-BĊE bit-testi u l-mezzi relatati ma’ dawk il-miżuri sa mhux aktar tard mill-11 ta’ Ottubru 2024.
Artikolu 3
Destinatarji
Din il-Linja Gwida hija indirizzata lill-banek ċentrali kollha tal-Eurosistema.
Magħmul fi Frankfurt am Main, it-13 ta’ Awwissu 2024.
Għall-Kunsill Governattiv tal-BĊE
Il-President tal-BĊE
Christine LAGARDE
(1) Linja Gwida (UE) 2024/3129 tal-Bank Ċentrali Ewropew tat-13 ta’ Awwissu 2024 dwar il-ġestjoni ta’ kollateral f’operazzjonijiet ta’ kreditu tal-Eurosistema (BĊE/2024/22) (ĠU L, 2024/3129, 20.12.2024, ELI: http://data.europa.eu/eli/guideline/2024/3129/oj).
(2) Linja Gwida (UE) 2015/510 tal-Bank Ċentrali Ewropew tad-19 ta’ Diċembru 2014 dwar l-implimentazzjoni tal-qafas tal-politika monetarja tal-Eurosistema (Linja Gwida dwar id-Dokumentazzjoni Ġenerali) (BĊE/2014/60) (ĠU L 91, 2.4.2015, p. 3).
ELI: http://data.europa.eu/eli/guideline/2024/3130/oj
ISSN 1977-074X (electronic edition)