|
Iris Oifigiúil |
GA Sraith L |
|
2024/3130 |
20.12.2024 |
TREOIRLÍNE (AE) 2024/3130 ÓN mBANC CEANNAIS EORPACH
an 13 Lúnasa 2024
lena leasaítear Treoirlíne (AE) 2015/510 maidir le creat beartais airgeadaíochta an Eurochórais a chur chun feidhme (BCE/2014/60) (BCE/2024/23)
Tá Comhairle Rialaithe an Bhainc Ceannais Eorpaigh,
Ag féachaint don Chonradh ar Fheidhmiú an Aontais Eorpaigh, agus go háirithe an chéad fhleasc d’Airteagal 127(2) de,
Ag féachaint do Reacht an Chórais Eorpaigh Banc Ceannais agus an Bhainc Ceannais Eorpaigh, agus go háirithe an chéad fhleasc d’Airteagal 3.1, Airteagail 9.2, 12.1, 14.3 agus 18.2 agus an chéad mhír d’Airteagal 20 de,
De bhrarr an mhéid seo a leanas:
|
(1) |
Chun beartas airgeadaíochta aonair a bhaint amach, ní mór na huirlisí, na hionstraimí agus na nósanna imeachta a shainiú a bheidh le húsáid ag an Eurochóras, arb é an Banc Ceannais Eorpach (BCE) agus bainc cheannais náisiúnta na mBallstát sin a bhfuil an euro mar airgeadra acu (dá ngairtear ‘BCNanna’ anseo feasta), d’fhonn beartas den sórt sin a chur chun feidhme ar bhealach aonfhoirmeach ar fud na mBallstát a bhfuil an euro mar airgeadra acu. |
|
(2) |
D’fhonn éifeachtúlacht oibríochtúil agus trédhearcacht nósanna imeachta an Eurochórais a bhaineann le slógadh agus bainistiú comhthaobhachta a fheabhsú, ba cheart do BCNanna comhthaobhacht arna slógadh ag contrapháirtithe in oibríochtaí creidmheasa an Eurochórais a bhainistiú ar bhealach comhchuibhithe, eadhon trí phróisis chaighdeánaithe atá aonfhoirmeach ó thaobh oibríochta de, gan beann ar an áit a bhfuil an chomhthaobhacht nó an contrapháirtí suite. |
|
(3) |
Chuige sin, tá Córas Bainistíochta Comhthaobhach an Eurochórais (Eurosystem Collateral Management System, ECMS) forbartha ag an Eurochóras mar ardán aonair Eurochórais a ligeann do BCNanna sócmhainní incháilithe a bhainistiú agus airgead a shlógann a gcontrapháirtithe mar chomhthaobhacht. Dá bhrí sin, ghlac BCE Treoirlíne (AE) 2024/3129 ón mBanc Ceannais Eorpach (BCE/2024/22) (1). Le Treoirlíne (AE) 2024/3129 (BCE/2024/22) comhlánaítear an creat cur chun feidhme beartais airgeadaíochta a leagtar síos i dTreoirlíne (AE) 2015/510 ón mBanc Ceannais Eorpach (BCE/2014/60) (2) agus cuirtear in ionad na bhforálacha bainistíochta comhthaobhachta atá sa Treoirlíne sin é. Le Treoirlíne (AE) 2024/3129 (BCE/2024/22) go háirithe, leagtar síos rialacha agus socruithe comhchuibhithe do BCNanna chun comhthaobhacht arna slógadh ag contrapháirtithe ar bhonn intíre agus trasteorann a fháil agus a bhainistiú chun oibríochtaí creidmheasa an Eurochórais a chomhthaobhú agus chun críocha áirithe eile. |
|
(4) |
I bhfianaise ghlacadh Threoirlíne (AE) 2024/3129 (BCE/2024/22) agus ar mhaithe le soiléireacht agus deimhneacht dhlíthiúil, tá forálacha áirithe de Threoirlíne (AE) 2015/510 (BCE/2014/60) maidir le slógadh agus bainistiú comhthaobhachta imithe i léig agus ba cheart iad a scriosadh, nó is gá iad a leasú. |
|
(5) |
Go háirithe, tar éis ghlacadh Threoirlíne (AE) 2024/3129 (BCE/2024/22) agus maidir le hoibríochtú ECMS, (a) scoirfear de chórais chomhthiomsaithe intíre agus de chórais curtha in áirithe a úsáideann BCNanna chun comhthaobhacht a bhainistiú agus ba cheart na rialacha gaolmhara a scriosadh; (b) ba cheart nósanna imeachta socraíochta agus rialacha lena rialaítear slógadh trasteorann comhthaobhachta a choigeartú; (c) critéir incháilitheachta maidir le (i) córais socraíochta urrús (SSSanna), (ii) naisc idir SSSanna agus (iii) gníomhairí trípháirteacha a leasú; (d) ba cheart cainníocht a bheith ag ionstraimí fiachais a shloinntear in aghaidhmhéid (face amount, FAMT) chun a bheith incháilithe mar chomhthaobhacht agus chun caighdeáin an mhargaidh maidir le hainmníocht urrús a chomhlíonadh. |
|
(6) |
Tar éis don idirthréimhse is infheidhme dul in éag, níor cheart glacadh a thuilleadh le hionstraimí fiachais indíolta arna n-eisiúint nó arna ráthú ag corparáidí neamhairgeadais nach bhfuil aon mheasúnú creidmheasa iomchuí ar fáil ina leith mar chomhthaobhacht de chuid an Eurochórais. |
|
(7) |
Is gá soiléireacht níos fearr a sholáthar i gcreat measúnaithe creidmheasa an Eurochórais (Eurosystem credit assessment framework, ECAF) maidir le glacadh le rátálacha airgeadra áitiúil agus rátálacha airgeadra eachtraigh ó institiúidí seachtracha um measúnú creidmheasa (external credit assessment institutions, ECAInna). |
|
(8) |
I gcomhréir le gealltanas an Eurochórais a spleáchas ar rátálacha seachtracha a laghdú, tabharfar tosaíocht do rátálacha ó chórais inmheánacha measúnaithe creidmheasa (in-house credit assessment systems, ICASanna) na BCNanna, i gcás ina bhfuil siad ar fáil, ar rátálacha ó chórais measúnaithe creidmheasa eile chun incháilitheacht féichiúnaithe agus ráthóirí éileamh creidmheasa a chinneadh, agus ar na caolchorrlaigh luachála is infheidhme. |
|
(9) |
Chun deimhneacht dhlíthiúil a áirithiú, is gá dáta chur i bhfeidhm na Treoirlíne seo a ailíniú le dáta Threoirlíne (AE) 2024/3129 (BCE/2024/22). Dá bhrí sin, ba cheart feidhm a bheith ag an Treoirlíne seo ón 18 Samhain 2024. |
|
(10) |
Dá bhrí sin, ba cheart Treoirlíne (AE) 2015/510 (BCE/2014/60) a leasú dá réir sin, |
TAR ÉIS AN TREOIRLÍNE SEO A GHLACADH:
Airteagal 1
Leasuithe
Leasaítear Treoirlíne (AE) 2015/510 (BCE/2014/60) mar a leanas:
|
(1) |
in Airteagal 1, cuirtear an méid seo a leanas in ionad mhír 1:
(*1) Treoirlíne (AE) 2024/3129 ón mBanc Ceannais Eorpach an 13 Lúnasa 2024 maidir le bainistiú comhthaobhachta in oibríochtaí creidmheasa an Eurochórais (BCE/2024/22) (OJ L, 2024/3129, 20.12.2024, ELI: http://data.europa.eu/eli/guideline/2024/3129/oj).’;" |
|
(2) |
Leasaítear Airteagal 2 mar a leanas:
|
|
(3) |
in Airteagal 15(1), cuirtear an méid seo a leanas in ionad phointe (c):
|
|
(4) |
in Airteagal 20, cuirtear an méid seo a leanas in ionad mhír 1: ‘1. Is thar oíche a thiocfaidh aibíocht an chreidmheasa arna fadú faoin tsaoráid iasachta imeallach. Aisíocfar an creidmheas an chéad lá eile a mbeidh TARGET ar oscailt.’ |
|
(5) |
in Airteagal 49, cuirtear an méid seo a leanas in ionad mhír 2: ‘2. Ní shocrófar orduithe íocaíochta a bhaineann le rannpháirtíocht in oibríochtaí a sholáthraíonn leachtacht sa mhargadh oscailte nó in úsáid na saoráide iasachta imeallaí ach amháin tar éis aistriú deiridh na sócmhainní incháilithe mar chomhthaobhacht leis an oibríocht.’ |
|
(6) |
in Airteagal 50, cuirtear an méid seo a leanas in ionad mhír 1: ‘1. Féachfaidh an tEurochóras le hidirbhearta a bhaineann lena oibríochtaí margaidh oscailte a shocrú ag an am céanna i ngach Ballstát a bhfuil an euro mar airgeadra acu leis na contrapháirtithe uile a sholáthair sócmhainní incháilithe leordhóthanacha mar chomhthaobhacht i gcomhréir leis na nósanna imeachta socraíochta a shonraítear in Airteagal 9 de Threoirlíne (AE) 2024/3129 (BCE/2024/22). Mar gheall ar shrianta oibríochta agus gnéithe teicniúla (e.g. SSSanna), áfach, d’fhéadfadh go mbeadh difríocht idir an t-am laistigh de lá socraíochta oibríochtaí margaidh oscailte ar fud na mBallstát a bhfuil an euro mar airgeadra acu.’ |
|
(7) |
in Airteagal 51, cuirtear an méid seo a leanas in ionad mhír 1: ‘1. Déanfaidh an Eurochóras iarracht oibríochtaí margaidh oscailte a fhorghníomhú trí bhíthin nósanna imeachta caighdeánacha tairisceana a shocrú, an chéad lá tar éis an lae trádála a mbeidh TARGET oscailte.’ |
|
(8) |
Leasaítear Airteagal 53 mar a leanas:
|
|
(9) |
Leasaítear Airteagal 58 mar a leanas:
|
|
(10) |
in Airteagal 61, cuirtear an méid seo a leanas in ionad mhír 1: ‘1. Foilseoidh an BCE liosta nuashonraithe de shócmhainní indíolta incháilithe ar a shuíomh gréasáin, de réir na modheolaíochtaí a léirítear ar a shuíomh gréasáin agus nuashonróidh sé é gach lá a mbeidh TARGET ag feidhmiú. Beidh sócmhainní indíolta atá ar liosta na sócmhainní indíolta incháilithe, incháilithe le húsáid in oibríochtaí creidmheasa an Eurochórais nuair a fhoilseofar iad ar an liosta. Mar eisceacht don riail seo, i gcás sonrach ionstraimí fiachais a bhfuil socrú luacha an lae chéanna acu, féadfaidh an Eurochóras incháilitheacht a dheonú ón dáta eisiúna.’ |
|
(11) |
cuirtear an mhír 4 seo a leanas le hAirteagal 62: ‘4. Chun a bheith incháilithe, beidh cainníocht arna sloinneadh in aghaidhmhéid (face amount, FAMT) ag ionstraimí fiachais.’ |
|
(12) |
Leasaítear Airteagal 66 mar a leanas:
|
|
(13) |
Leasaítear Airteagal 67 mar a leanas:
|
|
(14) |
Leasaítear Airteagal 70 mar a leanas:
|
|
(15) |
Cuirtear an méid seo a leanas in ionad Airteagal 86: ‘ Airteagal 86 Rátálacha in airgeadra áitiúil agus eachtrach Chun críche rátálacha eisitheora agus ráthóirí IMCS, beidh rátálacha airgeadra eachtraigh inghlactha. Má tá an tsócmhainn ainmnithe in airgeadra intíre an eisitheora, beidh an rátáil eisitheora airgeadra áitiúil inghlactha freisin. Má tá an tsócmhainn ainmnithe in airgeadra intíre an ráthóra, beidh rátáil an ráthóra airgeadra áitiúil inghlactha freisin.’; |
|
(16) |
Leasaítear Airteagal 87 mar a leanas:
|
|
(17) |
Cuirtear an méid seo a leanas in ionad Airteagal 98: ‘ Airteagal 98 Nósanna imeachta láimhseála Láimhseálfar éilimh chreidmheasa i gcomhréir le nósanna imeachta an Eurochórais a leagtar síos i ndoiciméadacht náisiúnta ábhartha na BCNanna, i gcás inarb infheidhme, i gcomhréir le Treoirlíne (AE) 2024/3129 (BCE/2024/22).’; |
|
(18) |
Leasaítear Airteagal 109 mar a leanas:
|
|
(19) |
Leasaítear Airteagal 110 mar a leanas:
|
|
(20) |
Leasaítear Airteagal 111 mar a leanas:
|
|
(21) |
in Airteagal 112a, cuirtear an méid seo a leanas in ionad mhíreanna 1 agus 2: ‘1. Ní cheanglófar ar DECCanna a bheith measúnaithe ag ceann de na foinse measúnaithe creidmheasa a nglacann an Eurochóras leo de réir na gcritéar ginearálta inghlacachta i dTeideal V de Chuid a Ceathair. 2. Beidh ag gach éileamh creidmheasa bunúsach sa chomhthiomsú cumhdaigh DECCanna measúnú creidmheasa arna sholáthar ag ceann de na foinse measúnaithe creidmheasa a nglacann an tEurochóras leo de réir na gcritéar ginearálta glactha i dTeideal V de Chuid a Ceathair. Ina theannta sin, is é an córas nó an foinse measúnaithe creidmheasa a úsáidfear ná an córas nó an fhoinse chéanna de réir mar a roghnaigh an tionscnóir i gcomhréir le hAirteagal 110. Beidh feidhm ag na rialacha maidir le ceanglais cháilíochta creidmheasa an Eurochórais maidir leis na héilimh creidmheasa bhunúsacha atá leagtha síos in Roinn 1.’ |
|
(22) |
in Airteagal 118(1), scriostar pointe (b); |
|
(23) |
in Airteagal 128(1), cuirtear an méid seo a leanas in ionad phointe (b):
|
|
(24) |
i bpointe (134), scriostar pointe (d); |
|
(25) |
Leasaítear Airteagal 136 mar a leanas:
|
|
(26) |
Leasaítear Airteagal 144a mar a leanas:
|
|
(27) |
cuirtear an méid seo a leanas in ionad Airteagal 148: ‘Airteagal 148 Slógadh trasteorann sócmhainní incháilithe Féadfaidh contrapháirtithe sócmhainní incháilithe a úsáid ar bhonn trasteorann ar fud an limistéir euro le haghaidh gach cineál oibríochta creidmheasa de chuid an Eurochórais i gcomhréir leis na nósanna imeachta is infheidhme maidir le sócmhainní incháilithe a shlógadh mar chomhthaobhacht a shonraítear i dTreoirlíne (AE) 2024/3129 (BCE/2024/22).’; |
|
(28) |
scriosadh Airteagal 149; |
|
(29) |
scriosadh Airteagal 150; |
|
(30) |
scriosadh Airteagal 151; |
|
(31) |
scriosadh Airteagal 152; |
|
(32) |
Scriostar Iarscríbhinn VI; |
|
(33) |
Scriostar Iarscríbhinn VIa; |
|
(34) |
Leasaítear Iarscríbhinn XII mar a leanas:
|
Airteagal 2
Teacht i bhfeidhm agus cur chun feidhme
1. Tiocfaidh an Treoirlíne seo i bhfeidhm an lá a thabharfar fógra do na BCNanna.
2. Glacfaidh BCNanna na bearta is gá chun an Treoirlíne seo a chomhlíonadh agus cuirfidh siad i bhfeidhm iad ón 18 Samhain 2024. Tabharfaidh siad fógra don BCE faoi na téacsanna agus na modhanna a bhaineann leis na bearta sin faoin 11 Deireadh Fómhair 2024 ar a dhéanaí.
Airteagal 3
Seolaithe
Dírítear an Treoirlíne seo ar gach banc ceannais an Eurochórais.
Arna dhéanamh in Frankfurt am Main, an 13 Lúnasa 2024.
Thar ceann Chomhairle Rialaithe BCE
Uachtarán BCE
Christine LAGARDE
(1) Treoirlíne (AE) 2024/3129 ón mBanc Ceannais Eorpach an 13 Lúnasa 2024 maidir le bainistiú comhthaobhachta in oibríochtaí creidmheasa an Eurochórais (BCE/2024/22) (OJ L, 2024/3129, 20.12.2024, ELI: http://data.europa.eu/eli/guideline/2024/3129/oj)
(2) Treoirlíne (AE) 2015/510 ón mBanc Ceannais Eorpach an 19 Nollaig 2014 maidir le cur chun feidhme chreat beartais airgeadaíochta an Eurochórais (Treoirlíne maidir leis an Doiciméadacht Ghinearálta) (BCE/2014/60) (IO L 91, 2.4.2015, lch. 3).
ELI: http://data.europa.eu/eli/guideline/2024/3130/oj
ISSN 1977-0839 (electronic edition)