|
25.7.2008 |
MT |
Il-Ġurnal Uffiċjali ta’ l-Unjoni Ewropea |
L 197/1 |
REGOLAMENT TAL-KUNSILL (KE) Nru 705/2008
ta’ l-24 ta’ Lulju 2008
li jħassar ir-Regolament (KE) Nru 243/2008 li jimponi ċerti miżuri restrittivi fuq l-awtoritajiet illegali tal-gżira ta' Anjouan fl-Unjoni tal-Komoros
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikoli 60 u 301 tiegħu,
Wara li kkunsidra l-Pożizzjoni Komuni 2008/611/PESK tal-Kunsill ta’ l-24 ta’ Lulju 2008 li tħassar il-Pożizzjoni Komuni 2008/187/PESK dwar miżuri restrittivi kontra l-gvern illegali tal-gżira t'Anjouan fl-Unjoni tal-Komoros (1),
Wara li kkunsidra l-proposta mill-Kummissjoni,
Billi:
|
(1) |
Wara li kkunsidra talba għall-appoġġ mill-President tal-Kummissjoni ta’ l-Unjoni Afrikana, il-Kunsill adotta l-Pożizzjoni Komuni 2008/187/PESK (2) li timponi ċerti miżuri restrittivi fuq il-gvern illegali t’Anjouan u ċerti persuni assoċjati. Il-miżuri restrittivi previsti minn dik il-Pożizzjoni Komuni jinkludu l-iffriżar ta' fondi u riżorsi ekonomiċi tal-persuni kkonċernati, li ġew implimentati fil-Komunità bir-Regolament tal-Kunsill (KE) Nru 243/2008 (3). |
|
(2) |
B'segwitu għall-azzjoni militari tal-25 ta’ Marzu 2008 u l-istabbiliment mill-ġdid ta’ l-awtorità tal-gvern ta’ l-Unjoni tal-Komoros fil-gżira ta’ Anjouan, il-Pożizzjoni Komuni 2008/611/PESK tipprevedi t-tħassir tal-miżuri restrittivi imposti mill-Pożizzjoni Komuni 2008/187/PESK. |
|
(3) |
Ir-Regolament (KE) Nru 243/2008 għandu għalhekk jiġi mħassar, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 243/2008 huwa b'dan mħassar.
Artikolu 2
Dan ir-Regolament għandu jidħol fis-seħħ fil-jum ta’ wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, 24 ta’ Lulju 2008.
Għall-Kunsill
Il-President
B. HORTEFEUX
(1) Ara paġna 59 ta’ dan il-ĠU.